دعوتِ اسلامی کے تحت 25 ستمبر 2022ء بروز اتوار پاکستان کے شہر فیصل آباد میں قائم مدنی مرکز فیضانِ مدینہ میں سیکھنے سکھانے کا حلقہ لگایا گیا جس میں مدنی کورسز کرنے والے اسلامی بھائیوں نے شرکت کی۔

دورانِ حلقہ شعبے کے میٹروپولیٹن ذمہ دار محمد شیراز عطاری مدنی نے شرکائے کورس کو نمازِ جنازہ اور تدفین کے چند ضروری مسائل سکھائےنیز نمازِجنازہ کا مکمل طریقہ بتایا۔

اس کے علاوہ ذمہ دار نے حلقے میں شریک اسلامی بھائیوں کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ: شعبہ کفن دفن ، کانٹینٹ: غیاث الدین عطاری )

26 ستمبر 2022ء بروز پیر بعد نمازِ عشاء جامع مسجد سیدہ طاہرہ گئوشالہ میں دعوتِ اسلامی کے تحت استقبالِ ماہ میلاد اجتماع منعقد ہواجس میں ٹی وی کیبل آپریٹر، موبائل مارکیٹنگ سے تعلق رکھنے والے اسلامی بھائیوں اور علاقے کے عاشقانِ رسول سمیت شعبہ مدنی چینل عام کریں کے اسلامی بھائیوں نے شرکت کی۔

اس اجتماعِ پاک میں مبلغِ دعوتِ اسلامی نے سنتوں بھرا بیان کیا اور وہاں موجود عاشقانِ رسول کو دعوتِ اسلامی کے دینی ماحول سے ہردم وابستہ رہنے کی ترغیب دلائی نیز روزانہ 1 گھنٹہ 12 منٹ مدنی چینل دیکھنے کا ذہن دیا۔

اس موقع پر شعبہ مدنی چینل عام کریں کے ذمہ دار ان حسین عطاری، ندیم عطاری اور شان عطاری بھی موجود تھے۔(رپورٹ: محمد شان عطاری ڈویژن مشاورت حیدرآباد ، کانٹینٹ: غیاث الدین عطاری )

امت کی خیر خواہی کا جذبہ رکھتے ہوئے 26 ستمبر 2022ء بروز پیر گوٹھ حضور بخش خاصخیلی میں دعوتِ اسلامی کے تحت فری طبی کیمپ کا انعقاد کیا گیا۔

تفصیلات کے مطابق اس طبی کیمپ میں نواب شاہ سندھ کے ہومیوپیتھک ڈاکٹروں اور حیدرآباد سندھ کے حکیموں نے حالیہ سیلاب سے متأثر عاشقانِ رسول کا چیک اپ کرتے ہوئے انہیں فری ادویات بھی دیں۔

اس کےعلاوہ ذمہ دار اسلامی بھائیوں نے ڈاکٹروں کو دعوتِ اسلامی کے مختلف شعبہ جات کا وزٹ کروایا جس پر انہوں نے دعوتِ اسلامی کی دینی و فلاحی خدمات کو سراہا۔

بعدازاں ڈاکٹروں نے ماہانہ فری میڈیکل کیمپ لگانے، ہفتہ وار سنتوں بھرے اجتماع و ہفتہ وار مدنی مذاکرے میں شرکت کرنے اور مدنی قافلوں میں سفرکرنے کی نیتیں کیں۔

بعدازاں صوبائی ذمہ دار مولانا محسن عطاری مدنی نے ڈاکٹروں کے درمیان سیکھنے سکھانے کا حلقہ لگایا۔(رپورٹ:رابطہ برائےہومیوپیتھک ڈیپارٹمنٹ، کانٹینٹ: غیاث الدین عطاری )

25ستمبر 2022ء کو شعبہ تعلیم لاہور ڈویژن کے ذمہ دارسید عاصم شاہ نے قصور سٹی کے ذمہ داران کے ساتھ مدنی مشورہ کیا جس میں جامعۃ المدینہ کے شعبہ تعلیم سے وابستہ طلبۂ کرام کو ایجوکیشن فیلڈ کو ساتھ لے کر چلنے کی ترغیب  دی، گھریلو صدقہ باکس او ر شعبہ تعلیم کو خود کفیل کرنے کے لئے ماہ میلاد میں 313 باکس رکھوانے کی نیت کروائی اور دیگر اداروں میں میلاد مصطفی ﷺ کے اجتماع کے انعقاد کے حوالے سے ذہن دیا ۔(رپورٹ: نعمان عطاری شعبہ تعلیم ضلع قصور ، کانٹینٹ: محمد مصطفی انیس) 

پچھلے دنوں  جامشورو ، سندھ میں شعبہ تعلیم کے صوبائی ذمہ دار راؤ جنید عطاری اور دیگر اسلامی بھائیوں نے سندھ یو نیورسٹی جامشورو کے فکلٹی کراپ پروڈکشن کے چیئرمین قمرالدین جوگی ، ڈاکٹر ظہیر انجینئر ، ڈاکٹر مبین لودھی اور دیگر افسران سے ملاقات کی ۔

دوران ملاقات ذمہ داران نے ما ہ ِربیع الاول میں یونیورسٹی میں میلاد مصطفی ﷺ و اجتماعات کے انعقاد کے حوالے سے مشورہ کیا نیز یونیورسٹی کے اسٹوڈنٹس سے ذمہ داران نے ملاقات کی اور ان میں نیکی کی دعوت ، درس وبیان کا سلسلہ بھی ہوا ۔(کانٹینٹ: محمد مصطفی انیس) 

پچھلے دنوں ڈسٹرکٹ لودھراں ، تحصیل کہروڑپکا میں دعوت اسلامی کے شعبہ تعلیم کے صوبائی ذمہ دارارشد مدنی عطاری اور دیگر اسلامی بھائیوں نے تعلیمی اداروں  بالخصوص کالجز کا دورہ کیا ، جہاں کالج کے ڈائریکٹرز، پرنسپلز ، ٹیچرز اور اسٹوڈنٹس سے ملاقات کی ۔

دوران ملاقات انہیں دعوت اسلامی کی دینی و سماجی خدمات بیان کیں ، ساتھ ہی شعبہ تعلیم میں کی جانے والی خدمات کو بھی بیان کیا جس پر ڈائریکٹرز و پرنسپلز نے دعوت اسلامی کی خدمات کو خوب سراہا نیز دعوت اسلامی کے ہفتہ وار سنتوں بھرے اجتماعات میں شرکت کی دعوت دی ۔(رپورٹ: شعبہ تعلیم ڈسٹرکٹ لودھراں ڈویژن ملتان ، کانٹینٹ: محمد مصطفی انیس) 

پاکستان بھر میں سیلابی صورتحال کے بعد مختلف بیماریاں جنم لے رہی ہیں جن میں ڈینگی وائرس سرفہرست ہے۔ روزانہ سینکڑوں افراد  اس بیماری کا شکار ہورہے ہیں جبکہ کئی افراد اس وائرس کا شکار ہوکر انتقال بھی کرگئےہیں۔ ڈینگی وائرس پر قابو پانے اور اس سے چھٹکارہ حاصل کرنے کے لئے حکومتی سطح پربھی مختلف اقدامات کئے جارہے ہیں۔

اس کے علاوہ دعوت اسلامی کا شعبہ فیضان گلوبل ریلیف فاؤنڈیشن FGRFبھی لوگوں کو اس وائرس سے بچانے کے لئے اپنی خدمات پیش کررہا ہے۔ شعبہ FGRF نے اس حوالے سے اپنی خدمات کو بڑھانے کے لئے کمشنر کراچی کے ساتھ باقاعدہ ایک معاہدہ بھی طےکرلیا ہے۔ معاہدے میں لوگوں کو ڈینگی وائرس اور دیگر بیماریوں کے بارے میں آگاہی Awarenessدینا شامل ہے جبکہ اس وائرس سے عوام الناس کی حفاظت کو بھی یقینی بنایا جائے گا۔

عاشقانِ رسول کو قراٰن و سنت کی تعلیم دینے والے دعوتِ اسلامی کے شعبے فیضان آن لائن اکیڈمی بوائز کے تحت 24 ستمبر 2022ء بروز ہفتہ پنجاب پاکستان کے شہر گجرات میں گوجرانولہ ڈویژن کے ناظمین و برانچ ناظمین کا مدنی مشورہ ہوا۔

اس مدنی مشورے میں نگرانِ شعبہ مولانا یاسر عطاری مدنی اور نگرانِ ڈویژن مولانا شہباز عطاری مدنی نے ناظمین سے شعبے کی سابقہ کارکردگی کا جائزہ لیا اور دینی کاموں سمیت شعبے کی کارکردگی کو مزید بہتر بنانے کا ذہن دیا۔

بعدازاں نگرانِ شعبہ نے دعوتِ اسلامی کے شعبہ جات کے لئے عطیات کرنے کےحوالے سے اہم امور پر مشاورت کی جس پر ناظمین نے اپنی اپنی رائے پیش کی۔(رپورٹ: محمد وقار یعقوب مدنی برانچ ناظم فیضان آن لائن اکیڈمی ، کانٹینٹ: غیاث الدین عطاری )

دنیا بھر کے عاشقانِ رسول کو اسلامی تعلیمات سے آگاہ کرنے اور انہیں نمازو روزہ کے مسائل سمیت دیگر فرض علوم سکھانے کے لئے دعوتِ اسلامی نے شعبہ فیضان آن لائن اکیڈمی بوائز کو قائم کیا ہے جس کی ملک و بیرونِ ملک میں مختلف برانچز ہیں۔

26 ستمبر 2022ء بروز پیر شعبہ فیضان آن لائن اکیڈمی بوائز کے تحت پنجاب پاکستان کے شہر گجرات میں قائم برانچ میں ایک میٹنگ منعقد کی گئی جس میں ہوم شفٹ کے مدرسین اور ناظمین کی شرکت رہی۔

نگرانِ شعبہ مولانا یاسر عطاری مدنی نے اسلامی بھائیوں سے مختلف موضوعات پر گفتگو کرتے ہوئے دینی کاموں اور شعبے کی کارکردگی کو مزید بہتر کرنے پر گفتگو کی۔(رپورٹ: محمد وقار یعقوب مدنی برانچ ناظم فیضان آن لائن اکیڈمی ، کانٹینٹ: غیاث الدین عطاری )

25 ستمبر 2022ء کو دعوت اسلامی کے شعبہ فیضان گلوبل ریلیف فاؤنڈیشن FGRFکے زیر اہتمام راشن تقسیم کرنے کے سلسلے میں جھڈو شہر سندھ میں ایک تقریب کا انعقاد کیا گیا جس میں جھڈو نواکوٹ، ٹنڈو جان محمد اور ملکانی کے دیہاتوں سے ایک ہزار سیلاب متاثرین نے شرکت کی جن کو عزت و احترام کے ساتھ کرسیوں پر بیٹھایا گیا۔

اس پروگرام کی نگرانی ماہر امور تجارت مفتی علی اصغر عطاری مُدَّ ظِلُّہُ العالی کررہے تھے۔ تقریب میں مبلغ دعوت قاری میر حسن عطاری نے سنتوں بھرا بیان کیا اور انہیں ہر حال میں اسلامی تعلیمات پر عمل کرنے کی ترغیب دلائی۔

مفتی علی اصغر عطاری مُدَّ ظِلُّہُ العالی نے اس موقع پر بیان کرتے ہوئے کہا کہ اس تقریب کی کامیابی کا سہرہ دعوت اسلامی کے مقامی ذمہ داران کے سر پر ہے جنہوں نے کئی ہفتے محنت کی اور مختلف علاقوں میں مستحقین تلاش کرکے انہیں ٹوکن دیا تاکہ ان تک بآسانی امدادی سامان پہنچ سکے۔

اس تقریب میں متاثرین کی عزت نفس کا خیال رکھتے ہوئے نہایت منظم انداز میں ایک ہزار افراد کو راشن، مچھر دانی اور نقد رقم پیش کی گئی۔اس کے علاوہ جھڈو شہر میں سیلاب متاثرین کی عارضی پناہ کے لئے FGRF کی طرف سے خیمہ بستی بھی قائم ہے جبکہ اس مقام پر ایک سے زائد بار میڈیکل کیمپ بھی لگائے جاچکے ہیں۔

اس پروگرام میں بڑی تعداد میں مقامی صحافی حضرات اور عمائدین شہر بھی شریک تھے جنہوں نے اس کاوش کو خوب سراہا اور نیک تمناؤں کا اظہار کیا۔

شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس مدنی کی مولانا محمد شہزاد چشتی مدرس جامعہ گلستان محمد سرائے عالمگیر سے ملاقات ہوئی ۔

دوران ملاقات گفتگو کرتے ہوئے ظہیر عباس مدنی نے مفتی صاحب کو دعوت اسلامی کی دینی و فلاحی اور سماجی خدمات کے حوالے سے بتایا ، عاشقان رسول کے جامعات میں ہونے والے کورسز کے متعلق آگاہ کیا اور انہیں ماہنامہ فیضان مدینہ تحفتاً پیش کیا۔( رپورٹ: شعبہ رابطہ بالعلماء،کانٹینٹ:رمضان رضا عطاری)

پچھلے دنوں شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس مدنی نے گجرات کے شہر سرائے عالمگیر میں قائم دارالعلوم حنفیہ رضویہ کے مہتمم مفتی نعیم اللہ نعیمی صاحب سے ملاقات کی۔

اس موقع پر مبلغ دعوت اسلامی نے نعیم اللہ صاحب کو دعوت اسلامی کے بیرون ممالک میں ہونے والے دینی کاموں کے حوالے سے معلومات فراہم کیں، عاشقان رسول کے جامعات میں ہونے والے کورسز کے متعلق آگاہ کیا اور ماہنامہ فیضان مدینہ پیش کیا جس پر حضرت نے اظہار مسرت کرتے ہوئے خدمات دعوت اسلامی کو سراہا۔( رپورٹ: شعبہ رابطہ بالعلماء،کانٹینٹ:رمضان رضا عطاری)