عاشقان رسول کی دینی تحریک دعوت اسلامی  نے ملک و بیرون ملک میں لوگوں کے دینی و فلاحی مسائل کے حل کے لئے مختلف شعبہ جات قائم کئے ہیں جن میں سے ایک شعبہ کفن دفن للبنات بھی ہے۔

جولائی 2023ء میں اس شعبے کے تحت بیرونِ ملک میں 66 مقامات پر کفن دفن تربیتی اجتماعات ہوئے جن میں کفن دفن کی تربیت حاصل کرنے والی اسلامی بہنوں کی تعداد تقریباً 1 ہزار تھی۔اس کے علاوہ بیرونِ ملک ہی میں 32 غسلِ میت ہوئے جن میں 33 لواحقات سے تعزیت کا سلسلہ رہا۔

مختلف شعبہ جات میں لوگوں کی دینی و اخلاقی تربیت کرنے والی عاشقانِ رسول کی دینی تحریک دعوت اسلامی  کے تحت ملک و بیرون ملک میں مختلف شعبہ جات کے ذریعے دینی کاموں کا سلسلہ جاری و ساری ہے۔ ان ہی میں سے ایک شعبہ کفن دفن للبنات بھی ہے۔

جون 2023ء میں اس شعبے کے تحت پاکستان میں 1 ہزار 323 مقامات پر کفن دفن تربیتی اجتماعات ہوئے جن میں کفن دفن کی تربیت حاصل کرنے والی اسلامی بہنوں کی تعداد 17 ہزار 526 رہی نیز 1 ہزار 584 غسل میت ہوئے جن میں اسلامی بہنوں نے 717 لواحقات سے تعزیت کی اور 3 ہزار 216 رسائل تقسیم کئے ۔

اسی طرح بیرونِ ملک میں 66 مقامات پر کفن دفن تربیتی اجتماعات ہوئے جن میں کفن دفن کی تربیت حاصل کرنے والی اسلامی بہنوں کی تعداد 821 تھی جبکہ 49 غسل میت ہوئے جن میں اسلامی بہنوں نے 43 لواحقات سے تعزیت کی۔

بیرونِ ممالک میں عاشقانِ رسول کی دینی تحریک دعوتِ اسلامی کے تحت دینی کام کرنے والی اسلامی بہنوں کی کوشش سے ویسٹ افریقہ کی خواتین کے درمیان جولائی 2023ء میں ہونے والے دینی کاموں کی کارکردگی درج ذیل رہی:

٭روزانہ گھر درس دینے والی اسلامی بہنوں کی تعداد:08

٭بڑی عمر کی اسلامی بہنوں کے لئے لگنے والے مدرسۃ المدینہ بالغات کی تعداد:02

٭ان مدارس المدینہ بالغات میں پڑھنے والی اسلامی بہنوں کی تعداد:10

٭اسلامی بہنوں کے ہفتہ وار سنتوں بھرے اجتماع کی تعداد:03

٭ان اجتماعات میں شرکت کرنے والی اسلامی بہنوں کی تعداد:25

٭ہفتہ وار مدنی مذاکرہ سننے والی اسلامی بہنوں کی تعداد:03

٭ہفتہ وار رسالہ پڑھنے / سننے والی اسلامی بہنوں کی تعداد:11

٭اسلامی بہنوں سے وصول ہونے والے نیک اعمال رسائل کی تعداد:101

رنگ و نسل کا امتیاز کئے بغیر لوگوں کو علمِ دین  سکھانے والی عاشقانِ رسول کی دینی تحریک دعوتِ اسلامی کے تحت جولائی 2023ء میں سینٹرل افریقہ کی اسلامی بہنوں کے درمیان ہونے والے دینی کاموں کی کارکردگی درج ذیل رہی:

٭ماہِ جولائی میں انفرادی کوشش کے ذریعے دینی ماحول سے منسلک ہونے والی اسلامی بہنوں کی تعداد:02

٭روزانہ گھر درس دینے والی اسلامی بہنوں کی تعداد:54

٭بڑی عمر کی اسلامی بہنوں کے لئے لگنے والے مدرسۃ المدینہ بالغات کی تعداد:17

٭ان مدارس المدینہ بالغات میں پڑھنے والی اسلامی بہنوں کی تعداد:100

٭اسلامی بہنوں کے ہفتہ وار سنتوں بھرے اجتماع کی تعداد:31

٭ان اجتماعات میں شرکت کرنے والی اسلامی بہنوں کی تعداد:810

٭ہفتہ وار مدنی مذاکرہ سننے والی اسلامی بہنوں کی تعداد:124

٭ہفتہ وار علاقائی دورہ میں شرکت کرنے والی اسلامی بہنوں کی تعداد:35

٭ہفتہ وار رسالہ پڑھنے / سننے والی اسلامی بہنوں کی تعداد:261

٭اسلامی بہنوں سے وصول ہونے والے نیک اعمال رسائل کی تعداد:101

25 محرم الحرام 1445ھ بمطابق 12 اگست 2023ء بروز ہفتہ عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں مدنی مذاکرہ منعقد ہوا جس میں شہرِ کراچی کے مختلف علاقوں سے عاشقانِ رسول نےفیضانِ مدینہ کراچی آکر جبکہ دیگر شہروں اور ملکوں سے کثیر اسلامی بھائی بذریعہ مدنی چینل شریک ہوئے۔

اس مدنی مذاکرے میں عاشقانِ رسول کی جانب سے مختلف موضوعات پر سوالات کئے گئے جس کے امیرِ اہلِ سنت حضرت علامہ مولانا محمد الیاس عطار قادری رضوی دامت بَرَکَاتُہمُ العالیہ نے علم و حکمت سے بھرپور جوابات ارشاد فرمائے جن میں سے بعض درج ذیل ہیں:

سوال: یوم آزادی منانے کا طریقہ کیساہونا چاہئے؟

جواب: شریعت کے مطابق ہوناچاہئے ،کوئی بھی ایساانداز اختیارنہ کیا جائے جس سے کسی کو تکلیف ہو۔

سوال:والدین بچوں کو جشن آزادی شریعت کے مطابق منانے کی ترغیب کس طرح دلائیں؟

جواب:جو ماں باپ خود شریعت کے مطابق جشن آزادی نہیں مناتے وہ کس طرح سمجھائیں گے، انہیں پہلےخود ایسے کاموں سے باز آنا ہوگا اورجو دین کا درد رکھنے والے والدین ہیں انہیں چاہئے کہ 14اگست آنے سے پہلے بچوں کو سمجھائیں کیونکہ 14،اگست کو سمجھانا اتنا مفید نہیں ہوگا۔14اگست آنے سے پہلے مسجدکے خطیبوں کو چاہئے کہ خطبہ جمعہ میں شریعت کے مطابق جشن آزادی منانے کا ذہن بنائیں، اگرہرمسجدمیں ایساہوتو پھر بہترنتائج آئیں گے۔

سوال : انسانوں سے پہلے زمین پر کون سی مخلوق تھی؟

جواب : انسانوں سے پہلے جنات زمین پر آبادتھے۔

سوال: کسی روایت یا حدیث کو سن کر یہ کہہ کر انکارکر دیناکہ پہلے توکبھی نہیں سنی ،ایساکرنا کیسا؟

جواب: ایسانہیں کہنا چاہئے،یہ بڑی جرأت ہے ،بلکہ علماء سے رجوع کیا جائے؟

سوال: جشن آزادی کے موقع پر مساجدمیں محافلِ نعت منعقدکرنا کیسا؟

جواب: جی ہاں ! اس موقع پر مساجدمیں تلاوتِ قرآن ،دُرودخوانی اورمحافلِ نعت کا انعقادکیاجائے ۔محلے محلے ،گلی گلی اورہرہرمسجدمیں نیکی کی دعوت کا سلسلہ ہو،نماز اور دیگرموضوعات پر بیانات کئے جائیں۔نمازظہرکے بعد دورکعت شکرانے کے نوافل اداکریں ۔اس مرتبہ 14اگست پیرشریف کوہے ،پیرکو تو روزہ رکھنا سنت ہے ،پیرکوروزہ رکھیں اوراس میں جشن آزادی کے شکرکی نیت بھی کرلیں ۔

سوال:آجکل مہنگائی کی وجہ سے جاب اورکاروبارکی مصروفیت ہے پھر گھربارکے کام الگ ہوتے ہیں ایسے حالات میں دین کا کام کیسے کریں؟

جواب:دین کا کام کرنے کے لیے بے روزگاراورفارغ ہونا ضروری نہیں ہے ،ہربندے کی گھربارکی کوئی نہ کوئی مصروفیت ہوتی ہی ہے۔ اصل میں جذبہ چاہئے ،جذبہ ہوگا تو دین کے کام کے لیے وقت نکال ہی لیں گے۔بندہ شادیوں اورولیموں میں چلاہی جاتاہے ۔جس کودین کا کام کرنا ہے اس کے لیے راستے ہزار،جان ہتھیلی پر لے کروہ دین کا کام کررہے ہوتے ہیں ۔کیسے کیسے خطرناک علاقوں میں جاکر اسلامی بھائی نیکی کی دعوت دیتے ہیں ۔جن کو دین کا کام نہیں کرنا وہ پھولوں کی سیج پر بیٹھ کر بھی نہیں کرتے اورجنہیں کرنا ہوتا ہے وہ کانٹوں کی باڑ سے الجھتے ہوئے نکل جاتے ہیں اوردین کا کام کرتے ہیں۔ انبیائے کرام نے کیسی کیسی قربانیاں دیں۔ وہ جان ہتھیلی پر لے کرراہ خدا میں سفرکرتے تھے ۔کیا نوکری،کیا تجارت ،کیامصروفیت ،ہرصورت میں ہمیں دین کا کام کرنا چاہئے ۔وقت نکالنا چاہئےوقت نکل جائے گا۔ ڈبل بارہ گھنٹے کوئی بھی کام نہیں کرتا۔فکس اوقات میں ہی کام ہوتاہے ۔بس ہمیں دین کام کرناچاہئے۔دنیاوی کام کے دوران بھی نیکی کی دعوت دی جاسکتی ہے ۔

سوال : وکیل کس طرح دوسروں کوسمجھاسکتاہے؟

جواب : پریکٹس کے دوران اگرکوئی ان سے ناجائز کام کروانا چاہے تو یہ اسے سمجھائیں کہ یہ کام مَیں نہیں کروں گا اورکسی دوسرے سے بھی نہ کرواؤ۔دنیا کے تھوڑے سے فائدے کے لیے اپنی عاقبت داؤ پر نہ لگاؤ۔یہ نیکی کی دعوت ہے ۔ وکلاء دینی مطالعہ بھی کریں تاکہ شرعی معلومات میں اضافہ ہوجس سے نیکی کی دعوت دینے میں آسانی ہوگی ۔

سوال: اِس ہفتے کارِسالہ ”گناہوں کے 5دنیاوی نقصانات“ پڑھنے یاسُننے والوں کوامیراہل سنت دامت برکاتہم العالیہ نے کیا دُعا دی ؟

جواب: یاربَّ المصطفیٰ!جوکوئی 17صفحات کا رسالہ ’’گناہوں کے5دنیاوی نقصانات ‘‘پڑھ یا سُن لے اُسے ہمیشہ اچھے کام کرنے اوربُرے کاموں سے بچنے کی توفیق عطافرمااورقیامت کے روز سب سے آخری نبی صلَّی اللہ علیہ واٰلہٖ وسلَّم کی شفاعت نصیب فرما ۔اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

5 اگست 2023ء  بمطابق 18 محرم الحرام 1445ھ بروز ہفتہ عاشقانِ رسول کی دینی تحریک دعوتِ اسلامی کے تحت عالمی مدنی مرکز فیضانِ مدینہ کراچی میں مدنی مذاکرے کا انعقاد کیا گیا جس میں براہِ راست اور بذریعہ مدنی چینل اسلامی بھائیوں کی کثیر تعداد نے شرکت کی۔

مدنی مذاکرے کا آغاز تلاوتِ کلامِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد عاشقانِ رسول کی جانب سے مختلف شعبہ ہائے زندگی سے متعلق سوالات کا سلسلہ ہوا جن کے امیرِ اہلِ سنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے علم و حکمت بھرے جوابات دیئے۔

مدنی مذاکرے کے چند سوالات مع جوابات ملاحظہ کیجئے:

سوال: موسمیاتی مسائل ایک حقیقت ہے، امیراہل سنت آپ ارشادفرمائیں کہ اس کا کیا حل ہے ؟

جواب: پہلاتو یہ ہے کہ ہم دعاکریں کہ اےاللہ پاک!ہمیں دنیاوآخرت میں عافیت عطافرما،دوسرایہ کہ شجرکاری کریں جس طرح FGRF کررہی ہے اگرلاکھوں کروڑوں پودے لگائے جائیں اورپودے لگا کر اس کی دیکھ بھال کرکے درخت بنایا جائے تو موسمیاتی مسائل کا حل ہوسکتاہے۔ اسی طرح پانی اورکھانے پینے کی اشیا کو ضائع ہونے سے بچائیں،مگران دونوں کو بے دردی سے ضا ئع کیا جاتاہے ۔ شاید اسی وجہ سے ملک وبیرون ملک مہنگائی کاریشو بڑھ گیاہے۔

سوال:علم حاصل کرنے کے کیا فوائد ہیں؟

جواب:علم کے بہت فوائد ہیں،علم دین حاصل کرنے سے کئی مسائل حل ہوجاتے ہیں۔

سوال : کیا جنوں اورفرشتوں کو ایصال ثواب کیا جاسکتاہے؟

جواب : جی ہاں ! مسلمان جنوں اورفرشتوں کو ایصال ثواب کیا جاسکتاہے اسی طرح انبیاء اوررسولوں کوبھی ایصال ثواب ہوسکتاہے ۔سید المعصومین ،تمام نبیوں کے سردارحضرت محمد مصطفی صلی اللہ علیہ والہ وسلم کوبھی ایصال ثواب کیا جاسکتاہے۔

سوال: بنگلادیش میں ڈینگی کا مرض بڑھ گیا ،اس کا روحانی علاج بتادیجئے ۔

جواب: روزانہ گیارہ(11)مرتبہ ’’یاسلام ‘‘پڑھ کر پانی پر دم کرکےمریض کو پلائیں اوراٹھتے بیٹھتے ”یَاسَلَامُ “کا وردکرتے رہیں، دوسراروحانی علاج یَا شافیَ الأمراض سو(100)مرتبہ پڑھ کر مریض کو دم کریں۔

سوال: بولنے اورلکھنے میں کیا احتیاط کی جائے؟

جواب: وہی بولاجائے اورلکھا جائے جس سے آخرت میں شرمندہ نہ ہونا پڑے۔قیامت میں ہر حرف کا حساب ہے اس لیے بولنے میں بھی احتیاط کی جائے ۔

سوال:کوئی کام بھی کیا جائے تو اس میں احتیاط لازمی ہے؟

جواب:جی ہاں !جوکام بھی کیا جائے شریعت کے مطابق ہو اورسلیقے سے کیا جائے ۔شادی ہویا نیاز،سبھی میں حکم شریعت پیش نظررکھیں ۔

سوال : بعض لوگ وطن عزیز کی کمزوریاں بیان کردیتے ہیں ،ایساکرنا کیسا؟

جواب : ہمارا ملک عزیز اسلام کا قلعہ ہے،یہاں مساجدمیں نمازیں ہورہیں ہیں، نیکی کی دعوت دینے کی آزادی ہے۔مسلمانوں کا ملک اورآزادوطن ہے ۔ جب ہم باہر جاتے ہیں تو اپنا ملک سستالگتاہے ۔باہربہت مہنگائی ہے اوربھی بیرون ملک میں کئی مسائل ہیں جو لائیو بیان نہیں ہوسکتے ۔اپنے ملک وگھرکو بُراکہنا ویسے بھی عقل مندی نہیں ہے ۔گھریا ماں باپ یا اولاد میں کوئی کمزوری ہوبھی تو بندہ اسے دبائے گا، کسی کے سامنے بیان نہیں کرےگا۔وطن کو مادروطن کہتے ہیں ۔یعنی وطن ماں جیساہوتاہے ۔ہماراوطن اچھا ہے ہمیں اس کی تعمیرکرنی چاہئے ۔اللہ پاک ہمارے وطن اوردنیا بھرمیں امن رکھے، امن ہوگا تو نیکی کی دعوت کی دھوم مچی رہے گی۔

سوال: مفتی دعوتِ اسلامی مولانا حافظ محمد فاروق عطاری مدنی مرحوم کاوصال 18محرم الحرام کو ہوا،آج ان کی شبِ عرس ہے ،آپ کیا فرماتے ہیں؟

جواب: مفتی دعوت اسلامی عالمِ باعمل تھے۔ ان کے کردارسے عمل نظرآتاتھا،ہم نے انہیں قریب سے دیکھا ہے۔بہت جلد جوانی میں ہم سے جداہوگئے،ان کاجمعہ کے دن بعد ِجمعہ مطالعہ کرتے ہوئے اکیلے میں وصال ہوگیا تھا۔

سوال : کہاجاتاہے کہ مرغااذان دیتاہے جبکہ اذان مسجدمیں نمازکے لیے دی جاتی ہے ۔کیا مرغے کے لیے اذان کا لفظ کہہ سکتے ہیں؟

جواب : کوئی حرج نہیں ۔اذان کا لغوی معنی ہے اعلانِ عام ۔حدیثِ پاک میں ہے کہ مرغے کو برامت کہوکہ یہ نمازکے لیے جگاتاہے۔ بعض صحابہ کرام اپنے ساتھ مرغا رکھتے تھے کہ نمازکے لیے جگائےگا۔

سوال: اِس ہفتے کارِسالہ ” جمعہ کے فضائل  “ پڑھنے یاسُننے والوں کوامیراہلسنت نے کیا دُعا دی؟

جواب: یاربَّ المصطفٰے! جو کوئی 25 صفحات کا رسالہ ”جمعہ کے فضائل “ پڑھ یا سن لے اُسے جمعہ کے مبارک دن کے صدقے اپنی رحمتوں سے مالا مال فرمااور اُس کی بے حساب مغفرت فرما ۔اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم ۔

سائنس کی بڑھتی ہوئی ترقی نے جہاں انسانوں کو کئی آسانیاں فراہم کی ہیں ، وہیں ان کی مشکلات میں بھی اضافہ ہوا ہے۔انسان نے اپنی آسانی کے لئے زمین پر موجود درختوں کوکاٹنا شروع کردیاجس کے نتیجے میں ماحولیاتی آلُودگی میں بے تحاشہ اضافہ ہوا ۔

کہیں زمین کا درجۂ حرارت بڑھنے لگا، کہیں زمین شدید بارشیں ہونے لگیں تو کہیں خُشک سالی ۔ انسان درخت لگاکر ان خطروں کو کم کرسکتا ہے۔

دعوتِ اسلامی نے جہاں دنیا میں کئی فلاحی کاموں کا بیڑا اٹھایا ، وہیں اس تحریک کے زیرِ اہتمام بہتر ماحول کے لئے ’’پودا لگانا ہے ..درخت بنانا ہے‘‘کے تحت ہر سال اگست میں شجرکاری کی مہم چلائی جاتی ہے۔

یہ شجر کاری مہم دعوتِ اسلامی کے ایک اہم ڈیپارٹمنٹ فیضان گلوبل ریلیف فاؤنڈیشن (FGRG)کے تحت کی جاتی ہے اور دعوتِ اسلامی کے تمام ہی شعبوں کے ذمے داران اس شجرکاری مہم میں بڑھ چڑھ کر حصہ لیتے ہیں۔

گزشتہ روز دارالمدینہ میں شجرکاری مہم (Plantation Drive)کا آغاز کیا گیا ۔ دارالمدینہ بوائز ہائی اسکول ،گلشن کیمپس میں ہونے والی شجرکاری مہم میں دعوتِ اسلامی کی مرکزی مجلس شوری ٰ کے رکن مولانا حاجی محمد عقیل عطاری مدنی نے خصوصی طور پر شرکت کی ۔اُنہوں نےطلبہ ،ٹیچرز اور اسٹاف کو شجرکاری مہم میں حصہ لینے کی ترغیب دلاتے ہوئے کہا کہ دارالمدینہ اور دعوتِ اسلامی سے وابستہ احباب پورے پاکستان کو سرسبزوشاداب بنانے کا عزم رکھتے ہیں۔

شجرکاری مہم میں دارالمدینہ ، گلشن کیمپس کے طلبہ نے بڑھ چڑھ کر حصہ لیتے ہوئے مختلف مقامات پر پودے لگائے۔

شجرکاری کی اس مہم کا مقصد ماحول میں پائے جانے والے درختوں کاتحفظ اور نئے پودے لگا کر انہیں درخت بنانا ہے ۔ضرورت اس امر کی ہے کہ ہر شہری زیادہ سے زیادہ پودے لگائے اوران کی حفاظت بھی کرے تاکہ یہ پودے درخت بن سکیں۔ شجرکاری مہم کراچی ڈویژن کے تمام بوائز کیمپس میں رواں ماہ کے اختتام تک جاری رہے گی اور اگلے مرحلے میں دارالمدینہ کے پنجاب کیمپسز میں اس کاآغاز ہوگا۔(رپورٹ: غلام محی الدین ترک ،اردو کانٹینٹ رائیٹرمارکیٹنگ اینڈ کمیونیکیشن ڈیپارٹمنٹ دارالمدینہ ،ہیڈ آفس کراچی، ویب ڈیسک رائٹر:غیاث الدین عطاری)

دعوتِ اسلامی کے شعبہ رابطہ برائے  شخصیات کے زیرِ اہتمام بلوچستان کےصوبائی ذمہ دار محمد وقار عطاری نے وفد کے ہمراہ ممتاز ٹرانسپورٹر حاجی میر دولت خان لہڑی کے بیٹے میر براہمداغ لھڑی کے انتقال پر ان کے لواحقین سے تعزیت کی ۔

دورانِ گفتگو محمد وقار عطاری نے لواحقین سے اظہار افسوس کرتے ہوئے انہیں صبر کی تلقین کی اور ان کو دعوت اسلامی کے تحت ہونے والے ہفتہ وار اجتماع میں آنے اور مدنی مذاکرہ دیکھنے کا ذہن دیا ۔

بعدازاں مرحوم کے ایصال ثواب کے لئے فاتحہ خوانی کی اور ان کے لئے دعائے مغفرت کروائی۔ بوقت رخصت اہلِ خانہ نے خوشی کااظہار کیا اور اچھی نیتوں کااظہار کیا۔ اس موقع پر حاجی ذوالفقار علی عطاری، مولانا لیاقت عطاری مدنی، مجیب الرحمن عطاری بھی ساتھ تھے۔(کانٹینٹ:رمضان رضا عطاری) 

17 اگست 2023ء کو بروز جمعرات دعوتِ اسلامی کے مدنی مرکز فیضان مدینہ کاہنہ نو لاہور میں عظیم الشان ہفتہ وار سنتوں بھرے اجتماع کا انعقاد کیا گیا جس میں نگران پاکستان مشاورت حاجی محمد شاہد عطاری، اراکین شوریٰ حاجی یعفور رضا عطاری حاجی منصور عطاری  اور حاجی محمد اسلم عطاری سمیت ہزاروں عاشقانِ رسول، ذمہ دارانِ دعوتِ اسلامی اور مختلف سیاسی و سماجی شخصیات نے شرکت کی۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے ”امر بالمعروف و نہی عن المنکر“ کے موضوع پر سنتوں بھرا بیان کرتے ہوئے فرمایا کہ ہمیں ہمارے معاشرے، ہماری فیملی، ہمارےرشتہ داروں میں ہونے والی برائیوں کو ختم کرنے کی کوشش کرناہے اور ان میں نیکی کی دعوت کو عام کرنا ہے۔ آپ نے مزید فرمایا کہ برائیوں کو دیکھ کر اس پر تبصرہ کرنے سے بہتر ہے کہ اس کی روک تھام کے لئے کوششیں کریں اور ہمیں اس بات کو ذہن میں رکھنا چاہیئے کہ ہمارے سامنے ہونے والی برائیوں سے ہمیں کچھ فرق نہیں پڑتا بلکہ معاشرے کی برائیوں کا اثر ہر ہر فرد پر پڑھتا ہے۔شرکا کو ترغیب دلاتے ہوئے نگران شوریٰ نے کہا کہ معاشرے کی سُدھار اور اپنی اصلاح کے لئے دعوتِ اسلامی کے مدنی قافلوں میں سفر کریں، ہفتہ وار اجتماع اور مدنی مذاکروں میں شرکت کرنے کے ساتھ ساتھ نیک لوگوں کی صحبت اختیار کریں۔

ذکر اللہ اور ذکرو اذکار کے بعد رقت انگیز دعائیں کی گئیں اور صلوۃ و سلام پر اجتماع کا اختتام ہوا ۔ آخرمیں نگران شوریٰ سے عاشقان رسول نے ملاقات بھی کی۔

دعوتِ اسلامی کے تحت پچھلے دنوں شعبہ مزاراتِ اولیاء کے ذمہ دار ثناء الله عطاری نے دینی کاموں کے سلسلے میں ڈسٹرکٹ سیالکوٹ کا دورہ کیا جہاں انہوں نے گاؤں ہیبت پور شریف میں واقع حضرت خواجہ درویش محمد یعقوب نقشبندی مجددی علیہ رحمہ کے مزار شریف پر حاضری دی۔

اس موقع پر ذمہ دار نے سجادہ نشین صاحبزادہ پیر حامد رضا محسن نقشبندی مجددی صاحب سے ملاقات کی اور دعوتِ اسلامی کے دینی کاموں کے حوالے سے گفتگو کی نیز انہیں دعوتِ اسلامی کا ”ماہنامہ فیضانِ مدینہ“ تحفے میں پیش کیا۔(رپورٹ: دانیال عطاری پاکستان مشاورت آفس ذمہ دار، کانٹینٹ: غیاث الدین عطاری ) 

پچھلے دنوں ڈسٹرکٹ حافظ آباد میں ایڈیشنل ڈپٹی کمشنر ریونیو عبدالرؤف کے زیرِ نگرانی ضلعی امن کمیٹی کی میٹنگ منعقد ہوئی جس میں دعوتِ اسلامی کے ڈسٹرکٹ نگران محمد وسیم عطاری سمیت دیگر ذمہ دار اسلامی بھائیوں نے شرکت کی۔

دورانِ میٹنگ ماہِ میلاد کی آمد کے سلسلے میں جلوسِ میلاد و اجتماعِ میلاد کے حوالے سے انتظامیہ اور سیکیورٹی کے مسائل پر گفتگو ہوئی جبکہ نگرانِ ڈسٹرکٹ محمد وسیم عطاری نے حافظ آباد کے علی پور روڈ،جلالپور روڈ اور ونیکے روڈ پر کی جانےوالی لائیٹنگ پرکلام کیا جس پر وہاں موجود سرکاری آفیسرز نے اپنی طرف سے مکمل تعاون کی یقین دہانی کروائی۔(کانٹینٹ: غیاث الدین عطاری)

عاشقانِ رسول کی دینی تحریک دعوتِ اسلامی کے زیرِا ہتمام مدنی مرکز فیضانِ مدینہ فیصل آبا د میں 25 ستمبر 2022ء بروز اتوار ٹیچنگ کورس کرنے والے اسلامی بھائیوں کی تربیت کےلئے کفن دفن کورس کا انعقاد کیا گیا۔

مبلغِ دعوتِ اسلامی محمد شیراز عطاری مدنی نے شرکائے کورس کی تربیت کرتے ہوئے انہیں غسلِ میت کا طریقہ اور اس کی چند ضروری احتیاطیں بیان کیں۔

دورانِ کورس شرکا کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا گیا جس پر انہوں نے اچھی اچھی نیتیں کیں۔(رپورٹ: شعبہ کفن دفن ، کانٹینٹ: غیاث الدین عطاری )