دعوت اسلامی کی مجلس مدنی بستہ کے زیر اہتمام یکم اکتوبر 2020ء کو رحیم یار خان میں مدنی بستے کا افتتاح ہوا۔

اس موقع پر نگران مجلس مدنی بستہ ڈاکٹر عبدالقیوم عطاری، نگران مجلس مدرسۃ المدینہ بالغان اورنگران مجلس ہومیو پیتھک سمیت دیگر عاشقان رسول موجود تھے۔

نگران مجلس مدنی بستہ نے شرکا کو مدنی بستے میں مالی تعاون کرنے کی ترغیب دلائی۔

دعوت اسلامی کی مجلس مدنی بستہ کے تحت مدنی مرکز فیضان مدینہ سکھر میں مدنی مشورہ ہوا جس میں مدنی بستہ کے ذمہ داران سمیت زون اور ریجن  ذمہ داران نے شرکت کی۔

نگران مجلس مدنی بستہ ڈاکٹر عبد القیوم عطاری نے اسلام کی خدمت پر قربانی کے حوالے سے شرکا کی تربیت کی اوردین اسلام کے لئے محنت و کوشش اور قربانی کے حوالے سے کلام کرتے ہوئے نمایاں کارکردگی پرشرکا کی حوصلہ افزائی فرمائی ۔

دعوت اسلامی کی مجلس مدنی بستہ کے تحت مدنی مرکز فیضان مدینہ حافظ آباد میں مدنی مشورہ ہوا جس میں مدنی بستہ کے ذمہ داران سمیت زون ذمہ داران نے شرکت کی۔

مجلس مدنی بستہ لاہور ریجن ذمہ دار شکیل حسین عطاری نے مدنی انعامات اور مدنی قافلے میں سفر کرنے کی ترغیب دلاتے ہوئے شعبے کے مدنی پھولوں پر کلام کیا۔ ریجن ذمہ دار نے شرکا کی تربیت بھی کی۔

دعوت اسلامی برطانیہ کے زیر اہتمام U.K ریجن میں مدنی مشورہ ہوا جس میں شعبہ دارالمدینہ انٹر نیشنل اسلامک اسکول سسٹم کے ذمہ داران نے شرکت کی۔ نگران برمنگھم ریجن سید فضیل رضا عطاری نے شرکا کی تربیت کی اور آئندہ کے منصوبوں کے حوالے سے اہداف طے کئے۔

دعوت اسلامی کی مجلس رابطہ کے تحت تھانہ میلہ تحصیل کوٹ مومن ضلع سرگودھا میں مدنی حلقہ ہوا جس میں تھانے کے اسٹاف نے شرکت کی۔

مبلغ دعوت اسلامی ڈاکٹر عمر شہزاد عطاری مدنی نے زندگی کا مقصد کیا تھااور ہمارا کردار کیاہے؟ اس حوالے سے سنتوں بھرا بیان کیا۔ مبلغ دعوت اسلامی نے غسل کے فرائض، پانی پینے کی سنتیں اور آداب سکھائے۔

مدنی حلقے کے اختتام پر تھانہ میلہ میں S.H.O ملک افتخار احمد اور محرر شفقت حسین سے ملاقات بھی ہوئی۔

دعوت اسلامی کی مجلس کفن دفن کے زیر اہتمام 2اکتوبر 2020ء کو عالمی مدنی مرکز فیضان مدینہ کراچی میں مدنی مشورہ ہوا جس میں ریجن، زون، کابینہ اور ڈویژن ذمہ داران نے شرکت کی۔

رکن شوریٰ حاجی منصور عطاری نے شرکا کو ہر ڈویژن میں جاکر کفن دفن کا عملی طریقہ سکھانے اور قبرستان میں کام کرنے والے افراد پر انفرادی کوشش کرنے کی ترغیب دلائی۔

دعوت اسلامی کی مجلس کارکردگی کے تحت 30ستمبر 2020ء کو واہگہ ٹاؤن میں مدنی مشورہ ہوا جس میں مدنی انعامات، معاونت برائے اسلامی بہنیں، مدنی مذاکرہ، مدرسۃ المدینہ بالغان اور مجلس کارکردگی کے ذمہ داران نے شرکت کی۔

نگران کابینہ محمد ندیم عطاری نے کارکردگی جدول اور انفرادی و ذاتی شخصیت میں نکھار سے متعلق مدنی پھول دیئے۔

دعوت اسلامی کی مجلس پروفیشنلز کے زیر اہتمام 9 اکتوبر 2020ء بروز جمعۃ المبارک عالمی مدنی مرکز فیضان مدینہ کراچی میں پروفیشنلز اجتماع کا انعقاد کیا جائیگا۔

اس اجتماع پاک میں مفتی علی اصغر عطاری دَامَتْ بَرَکَاتُہُمُ الْعَالِیَہ ”حضور ﷺ کا اندازِ زندگی“ کے موضوع پر خصوصی بیان فرمائیں گے۔

اس شعبے سے وابستہ افراد اس اجتماع پاک میں ضرور شرکت کریں۔

واضح رہے کہ یہ اجتماع مدنی چینل پر براہ راست نشر کیا جائیگا۔

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی آج 4اکتوبر 2020ء کی شام 7:00 بجے اپنے Facebook پیج پر لائیو سلسلہ فرمائیں گے جس میں عاشقان رسول کی جانب سے ہونے والے سوالات کے جوابات اشاد فرمائیں گے۔

سلسلے میں شامل ہونے کے لئے نیچے دیئے گئےلنک پر کلک کیجئے:

https://www.facebook.com/maulanaimranattari

امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ کی تربیت میں سب سے بڑا اور اہم کردار ان کی والدہ کا ہے۔ آپ کی والدہ نے گھر کے نظام کو احسن انداز میں چلاتے ہوئے اپنے بچوں کی اسلامی خطوط پر تربیت کی۔

آپ دَامَتْ بَرَکَاتُہُمُ الْعَالِیَہ کی والدہ ماجدہ کا نام امینہ تھا، آپ نیک سیرت اور پرہیز گار خاتون تھیں، فرائض و واجبات کے ساتھ ساتھ فاتحہ وایصالِ ثواب کی بھی پابندی کیا کرتی تھیں، بچوں کو باقاعدگی سے پانچوں نمازیں پڑھوایا کرتی تھیں، خود امیر اہل سنت دَامَتْ بَرَکَاتُہُمُ الْعَالِیَہ فرماتے ہیں: مجھے یاد نہیں پڑتا کہ میری بچپن میں بھی کبھی نماز فجر چھوٹی ہو۔

امیر اہل سنت مولانا الیاس عطاری قادری دَامَتْ بَرَکَاتُہُمُ الْعَالِیَہ کی والدۂ محترمہ کا وصال 17 صفر المظفر 1398ھ جمعرات اور جمعہ کی درمیانی شب تقریباً 10:15 بجے اولڈ سٹی (باب المدینہ کراچی) کے علاقے میٹھادر میں ہوا۔ کلمہ طیبہ اور استغفار پڑھنے کے بعد زبان بند ہوئی ۔

اس سال17 صفر المظفر 1442ھ کو ہونے والی برسی کے موقع پر ، امیر اہل سنت دَامَتْ بَرَکَاتُہُمُ الْعَالِیَہ نے عاشقان رسول سے اپنی والدہ کے ایصالِ ثواب کے لئےاپیل کرتے ہوئے تحریری پیغام میں کہا کہ

میری پیاری ماں رحمۃ اللہ علیہا کی برسی کی تاریخ17 صفر ہے۔ ہوسکے توکم از کم 17 بار درود شریف پڑھ کرایصالِ ثواب کرکےیہ دعائے عطار حاصل کیجئے۔

دعائے عطار:

اللہ پاک آپ کو اور ساری امت کو بخشے۔اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

ہفتہ وار مدنی مذاکرے میں امیر اہل سنت دامت برکاتھم العالیہ کسی ایک مدنی رسالے کے مطالعے کی ترغیب ارشاد فرماتے ہیں اور رسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہل سنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔

اس ہفتے امیر اہل سنت دَامَتْ بَرَکَاتُہُمُ الْعَالِیَہ نے رسالہ ”کن لوگوں کی دعا قبول ہوتی ہے“ پڑھنے یا سننے کی ترغیب دلائی۔

اسی سلسلے میں پاکستان اور بیرون ملک کی کم بیش لاکھ60ہزار207 اسلامی بہنوں نے رسالہ ”کن لوگوں کی دعا قبول ہوتی ہے“ پڑھنے یا سننے کی سعادت حاصل کی۔

شیخ طریقت امیر اہل سنت دَامَتْ بَرَکَاتُہُمُ الْعَالِیَہ نے مسلمانوں کو گناہوں سے بچانے اور نیک بنانے کے تحت روزانہ کی بنیاد پر مختلف مدنی کاموں کی تحریکوں کا آغاز فرمایا چنانچہ ملک و بیرون ملک میں مختلف مدنی کاموں کی تحریک کی کارکردگی درجِ ذیل ہے:

روزانہ محاسبہ کرنے والی اسلامی بہنوں کی تعداد: 78ہزار279

روزانہ ایک پارہ پڑھنے والی اسلامی بہنوں کی تعداد: 26ہزار524

روزانہ آدھا پارہ پڑھنے والی اسلامی بہنوں کی تعداد:24ہزار248

گھر درس دینے والی اسلامی بہنوں کی تعداد: 53ہزار455

1200 مرتبہ درودپاک پڑھنے والی اسلامی بہنوں کی تعداد: 37ہزار

313 مرتبہ درود پاک پڑھنے والی اسلامی بہنوں کی تعداد: 61ہزار392

12 منٹ مطالعہ کرنے والی اسلامی بہنوں کی تعداد: 66ہزار313

نفل روزوں کی نیتیں کرنے والی اسلامی بہنوں کی تعداد: 14ہزار921

نفل روزے رکھنے والی اسلامی بہنوں کی تعداد: 9ہزار608

تہجد پڑھنے والی اسلامی بہنوں کی تعداد: 5ہزار768

اگر کوئی اسلامی بہن اس تحریک میں شامل ہونا چاہیں تو اس ای میل آئی ڈی پر رابطہ کریں: