لاہور، 30 جولائی 2025ء:

شعبہ قافلہ 12 ماہ کے تحت مدنی مرکز فیضان مدینہ جوہر ٹاؤن لاہور میں 12 ماہ قافلہ کے عاشقان رسول کے لئے سنتوں بھرے اجتماع کا انعقاد کیا گیا جس میں نگرانِ شعبہ قافلہ حاجی مشکور عطاری، 12 ماہ قافلہ کے پاکستان سطح کے ذمہ دار مولانا شاکر عطاری مدنی اور شعبے کے صوبائی و ڈویژن ذمہ داران نے شرکت کی۔

اس اجتماعِ پاک میں رکنِ مرکزی مجلسِ شوریٰ حاجی امین قافلہ عطاری نے شرکا کے درمیان بیان کرتے ہوئے راہِ خدا عزوجل میں آنے والی مشکلات پر صبر کرنے کا درس دیا بالخصوص ”1500 سالہ جشن ولادت“ منانے کے حوالے سے اہم نکات بتائے۔

مزید رکنِ شوریٰ نے بتایا کہ راہِ خدا عزوجل میں سفر کرنے کے فضائل اور برکات کیا ہیں؟ نیز عاشقان رسول کو ہر حالت میں صبر و استقامت کا دامن نہیں چھوڑنا چاہیئے۔

اس موقع پر سوال و جواب کا سیشن بھی ہوا جس میں اسلامی بھائیوں کی جانب سے ہونے والے مختلف سوالات کے رکنِ شوریٰ نے تسلی بخش جوابات دیئے، انہیں مدنی پھولوں سے نوازا۔(رپورٹ: مولانا ابو جریر عطاری مدنی ،ڈویژن 12ماہ قافلہ ذمہ دار کراچی ، کانٹینٹ:غیاث الدین عطاری)

دینہ، جہلم 4 اگست 2025ء:

فیضان اسلامک اسکول سسٹم دعوتِ اسلامی کے تعلیمی معاملات کے سلسلے میں 4 اگست 2025ء کو صوبائی ذمہ دار مولانا حامد مرتضیٰ عطاری مدنی کی دینہ کیمپس، جہلم میں ڈسٹرکٹ نگران سجاد عطاری، فیضان اسلامک اسکول سسٹم کے ڈویژن ذمہ دار عمران عطاری،شعبہ معاونت برائے اسلامی بہنیں کے ذمہ دار حاجی تبسم عطاری اور شعبہ مکتبۃ المدینہ و روحانی علاج کے تحصیل ذمہ دار شکیل عطاری سے ملاقات ہوئی۔

اس ملاقات میں ذمہ دار اسلامی بھائیوں نے دینہ، سنگھوئی اور جہلم سٹی میں فیضان اسلامک اسکول سسٹم کے نئے کیمپسز کے افتتاح و توسیع کے حوالے سے مشاورت کی جبکہ صوبائی ذمہ دار مولانا حامد مرتضیٰ عطاری مدنی نے نگران اسلامی بھائیوں کے ساتھ”ایکسپینشن“ کے موضوع پر تفصیلی گفتگو کی۔(رپورٹ: امیر حمزہ عطاری، کانٹینٹ:غیاث الدین عطاری)

فیصل آباد، پنجاب  2 اگست 2025ء :

ادارہ خدمتِ دینِ مصطفی صلَّی اللہ علیہ واٰلہٖ وسلَّم امین پور روڈ، اچکیرہ کے بانی و مہتمم مولانا پروفیسر پیر سیّد طاہر کاظمی رضوی شاہ صاحب کی اپنے ادارے کے تمام اساتذۂ کرام و مفتیانِ کرام کے ہمراہ 2 اگست 2025ء کو فیصل آباد، پنجاب میں قائم دعوتِ اسلامی کے تعلیمی ادارے کنزالمدارس بورڈ میں آمد ہوئی۔

کنزالمدارس بورڈ کے منیجر محمد عزام رضا عطاری نے علمائے کرام کے اس وفد کو مختلف ذیلی شعبہ جات کا تفصیلی دورہ کروایا۔ جدید طرز پر دین کی خدمت کے اقدامات کو دیکھ کر علمائے کرام نے خوشی کا ظہار کیا۔

اس دوران علمائے کرام کی رکنِ شوریٰ و صدر کنزالمدارس مولاناحاجی محمد جنید عطاری مدنی سے ملاقات ہوئی جس میں ضروری امور پر تبادلہ خیال بھی کیا گیا۔(رپورٹ: ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

فیصل آباد،پنجاب  31 جولائی 2025 :

پاکستان کے شہر فیصل آباد میں قائم دعوتِ اسلامی کے تعلیمی ادارے کنزالمدارس بورڈ میں 31 جولائی 2025ء کو افریقی ملک کینیا سے آئے ہوئے تاجران کے ایک وفد کی آمد ہوئی۔

اس دوران کنزالمدارس بورڈ کے منیجر محمد عزام رضا عطاری نے وفد کے اسلامی بھائیوں کو کنزالمدارس بورڈ کے مختلف ذیلی شعبہ جات کا تفصیلی دورہ کروایا اور ان شعبہ جات کے تحت ہونے والی خدمات کے بارے میں بتایا۔

وفد کے اراکین نے تعلیمی میدان میں جدید طریقوں سے دین کی خدمت کرنے پر خوب سراہا جبکہ وفد کے اسلامی بھائیوں کی مرکزی مجلسِ شوریٰ کے رکن و صدر کنزالمدارس بورڈ مولانا حاجی محمد جنید عطاری مدنی سے ملاقات بھی ہوئی اور چند اہم امور پر تبادلۂ خیال کیا گیا۔(رپورٹ: ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

جامعہ شیخ الحدیث امین پور روڈ فیصل آباد کے اساتذہ کرام نے 28 جولائی 2025ء کو فیصل آباد، پنجاب میں قائم دعوتِ اسلامی کے تعلیمی بورڈ کنزالمدارس کا وزٹ کیا جن میں استاذُ الحدیث مفتی محمد شریف چشتی صاحب، خطیبِ اہلسنت مولانا محمد شاہ زیب قادری صاحب، مولانا محمد سمیع قادری صاحب اور مولانا قاری محمد سجاد قادری صاحب شامل تھے۔

اس دوران مہمان علمائے کرام نے کنزالمدارس بورڈ کےمختلف ذیلی شعبہ جات کے کاموں کا جائزہ لیا اور دعوتِ اسلامی کی مرکزی مجلس شوری کے رکن و صدر کنز المدارس بورڈ مولانا حاجی محمد جنید عطاری مدنی سےملاقات بھی فرمائی۔

رکن شوریٰ نے علمائے کرام کو دعوتِ اسلامی کے نظامِ تعلیم اور دینی کاموں کے بارے میں بتایا نیز باہم مشاورت اور تجاویز پر بھی تبادلہ خیال کیا گیا۔آخر میں استاذ الحدیث مولانا محمد شریف قادری صاحب نے دعوتِ اسلامی بالخصوص کنزالمدارس بورڈ کے لئے دعا بھی فرمائی۔(رپورٹ: ابراراحمد کیمرہ مین سوشل میڈیا ڈیپارٹمنٹ کنزالمدارس بورڈ فیصل آباد، کانٹینٹ:غیاث الدین عطاری)

29 جولائی 2025ء کو مدنی مرکز فیضانِ مدینہ فیصل آباد میں دعوتِ اسلامی کے تعلیمی ادارے فیضان اسلامک اسکول سسٹم کی ایکسپینشن کے حوالے سے میٹنگ ہوئی جس میں فیصل آباد کے تنظیمی ذمہ داران اور صوبائی ذمہ دار شریک تھے۔

اس موقع پر مرکزی مجلسِ شوریٰ کے رکن حاجی محمد اسلم عطاری نے حاضرین سے گفتگو کرتے ہوئے انہیں مدنی پھولوں سے نوازا جبکہ صوبائی ذمہ دار مولانا حامد مرتضیٰ عطاری مدنی نے فیضان اسلامک اسکول سسٹم کے متعلق حاضرین کو آگاہی دی۔

رکنِ شوریٰ نے فیضان اسلامک اسکول سسٹم کی ترقی اور اس میں درپیش مسائل کے بارے میں وہاں موجود اسلامی بھائیوں کی تربیت و رہنمائی کی اور انہیں احسن انداز میں اپنا کام کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: امیر حمزہ عطاری، کانٹینٹ:غیاث الدین عطاری)

مدنی چینل میں سب سے زیادہ پذیرائی حاصل کرنا والے کوئز پروگرام ”ذہنی آزمائش“ کے سیزن 17 کےلئے پاکستان کے مختلف شہروں میں آڈیشن کا سلسلہ شروع ہونے جارہا ہے اس آڈیشن میں پاکستان کے مختلف شہروں میں ذہنی آزمائش پروگرام کی ٹیمیں آڈیشن میں آنے والے عاشقان رسول سے سوالات کریں گی دُرست جواب دینےاور کامیاب ہونے والے افراد کو کوئز پروگرام میں شرکت کےلئے سلیکٹ کیا جائے گا۔

08 اگست 2025ء سے تقریباً 23 شہروں میں شروع ہونے والے آڈیشن برائے کوئز پروگرام کی تیاری زور شور سے جاری ہیں۔ ذہنی آزمائش یعنی کوئز پروگرام مدنی چینل کے ناظرین میں علمی شعور بیدار کرتا ہے، ناظرین اس پروگرام کے ذریعے اسلامی علوم میں دلچسپی لیتے ہیں۔ اس پروگرام میں ٹیموں کے درمیان دلچسپ اور سنسنی خیز علمی مقابلے دیکھنے کو ملتے ہیں ہر ٹیم ذہنی زور آزمائی کرتی ہوئی دیکھائی دیتی ہے۔ اس پروگرام کے گزشتہ 16 سیزن نشر ہوچکے ہیں لیکن ہر نئے سیزن کا آغاز ایک نئے انداز میں نئے جذبے کے ساتھ شروع ہوتا ہے ۔ کوئز پروگرام کے سیزن 17 کی آڈیشن کی تمام تفصیلات دے دی گئیں ہیں ۔آپ بھی اپنی علمی صلاحیتوں کا جائزہ لینے کےلئے آڈیشن میں ضرور شامل ہوں اور علمی استعداد کو جانیئے۔

واضح رہے کہ اس پروگرام میں ہر فیلڈ مثلاً اسکول، کالج یا دیگر تعلیمی اداروں کے اسٹوڈنٹس، تاجر حضرات یا کسی بھی شعبے سے وابستہ افراد ذہنی آزمائش میں آڈیشن کے ذریعے شرکت کرسکتے ہیں جبکہ اس میں شامل ہونے کے لئے عمر کی حد 18 سال ہے۔

یہ بھی واضح رہے کہ کراچی سمیت چند شہروں کے آڈیشن کا شیڈول ابھی جاری نہیں ہوا ہے، شیڈول جاری ہونے کی صورت میں مدنی چینل اور سوشل میڈیا آفیشل پیجز پر جلد اعلامیہ جاری کردیا جائے گا۔

آڈیشن کی تاریخ مع مقامات:

دعوتِ اسلامی کی مرکزی مجلسِ شوریٰ کے رکن حاجی وقارُ المدینہ عطاری نے اسلام آباد میں پاکستان فوج کے سابق D.G.I.S.P.Rجنرل (ر) آصف غفور سے ملاقات کی۔

اس ملاقات میں دعوتِ اسلامی کی فلاحی خدمات، معاشرتی ہم آہنگی، اور دینِ اسلام کی دعوت کے فروغ سمیت باہمی دلچسپی کے مختلف امور پر تبادلۂ خیال کیا گیا۔ جنرل آصف غفور نے ملک میں امن، رواداری اور مثبت معاشرتی کردار کے فروغ کے لئے دعوت اسلامی کے کردار کو سراہا۔ ملاقات خوشگوار ماحول میں ہوئی اور قومی مفاد کے کئی اہم پہلو زیرِ بحث آئے۔

دعوتِ اسلامی کے زیرِ اہتمام فیضانِ مدینہ نیوپورٹ (ویلز) برطانیہ میں ”Knowledge is Power“ کے عنوان سے ایک پُراثر و مفید کورس کا انعقاد کیا گیا۔ اس کورس میں شرکائے محفل کو علم کی اہمیت، اسلامی تعلیمات، روحانی ترقی اور عملی زندگی میں علم کے کردار سے روشناس کروایا گیا۔

کورس میں عاشقانِ رسول کی بڑی تعداد نے شرکت کی اور مختلف موضوعات پر لیکچرز، سوال و جواب اور اصلاحی بیانات سے خوب فائدہ حاصل کیا۔ یہ کورس نہ صرف علم کا ذریعہ بنا بلکہ روحانی ترقی، دینی ذوق اور فکری آگاہی میں اضافے کا سبب بھی ثابت ہوا۔ اختتام پر شرکا نے اس کورس کو سراہا اور دعوتِ اسلامی کی اس کاوش پر شکریہ ادا کیا۔

دعوتِ اسلامی کے تحت کینیڈا کی اسلامی بہنوں کے درمیان ہونے والے دینی کاموں کے سلسلے میں 19 جولائی 2025ء کو مدنی مشورہ ہوا جس میں اراکینِ عالمی مجلسِ مشاورت، سب کانٹیننٹ نگران اور دیگر اہم ذمہ دار اسلامی بہنوں نے شرکت کی۔

اس مدنی مشورے میں دعوتِ اسلامی کی نگرانِ عالمی مجلسِ مشاورت اسلامی بہن نے فیضانِ صحابیات کی جگہوں سے متعلق کلام کرتے ہوئے جن علاقوں میں مسلم آبادی زیادہ سے اُن جگہوں پر فیضانِ صحابیات کا آغاز کرنے کا ذہن دیا جس پر اسلامی بہنوں نے اچھی اچھی نیتیں کیں۔

دعوتِ اسلامی کے تحت 17 جولائی 2025ء کو شعبہ جامعۃالمدینہ گرلز سے متعلق اراکینِ عالمی مجلس مشا ورت شعبہ اصلاح اعمال گرلز اور شعبہ جامعۃالمدینہ گرلز کا مدنی مشورہ ہوا جس میں 8دینی کام ذمہ دار اسلامی بہن نے بھی آن لائن شرکت کی۔

نگرانِ عالمی مجلسِ مشاورت اسلامی بہن نے اسلامی بہنوں سے گفتگو کرتے ہوئے اوورسیز میں جامعۃالمدینہ گرلز کے تحت نیک اعمال رسائل کی وصولی اور مدنی مذاکرے کی کارکردگی کو مضبوط بنانے کے لئے کیا عمل کیا جائے؟ جس سے شعبہ جامعۃالمدینہ گرلز میں نیک اعمال سے متعلق مضبوطی آجائے اس پر مشاورت کی۔

دعوتِ اسلامی کے تحت اسلامی بہنوں کی تربیت و رہنمائی کرنے اور انہیں علمِ دین سکھانے کے لئے ہر ماہ سیکھنے سکھانے کا حلقہ لگایا جاتا ہے جس میں مبلغاتِ دعوتِ اسلامی کے سنتوں بھرے بیانات ہوتے ہیں۔

معمول کے مطابق 17 جولائی 2025ء کو دعوتِ اسلامی کے تحت اسلامی بہنوں کے لئے ماہانہ سیکھنے سکھانے کا حلقہ لگایا جس میں خصوصی طور پر مرکزی مجلسِ شوریٰ کے نگران کا آڈیو لنک کے ذریعے بیان ہوا۔

اس کے علاوہ نگرانِ عالمی مجلسِ مشاورت اسلامی بہن نے P.I.B کالونی، کراچی کے سیکھنے سکھانے کے حلقے میں مبلغات کی تربیت سے متعلق مدنی پھول بیان کئے جبکہ دیگر ذمہ دار اسلامی بہنوں نے تلفظ کی درستگی اور ایک صحابیہ رضی اللہ عنہا کی عادتِ کریمہ پڑھنے کی ترغیب دلائی۔