15 اپریل 2022 ء کو دعوت اسلامی کے دینی کاموں کے سلسلے میں نگران مجلس خدام المساجد و المدارس  مولانا عبدالسمیع عطاری مدنی نے ذمہ داران کےساتھ کشمیر کے دار الحکومت مظفرآباد کا دورہ کیا ۔

دوران وزٹ کشمیر کی اہم شخصیات سے ملاقات کی ، ذمہ داران کے درمیان مدنی حلقہ کااہتمام کیا جس میں مساجد و مدارس کے لئے دعوت اسلامی کو وقف کی جانے والی زمین پر گفتگو کی نیز نگران مجلس نے ان زمینوں پر ہونے والی تعمیرات کے متعلق اہم مدنی پھول دیئے۔(رپورٹ :پاک مجلس خدام المساجد و المدارس ، کانٹینٹ محمد مصطفی انیس )

16 اپریل 2022 ء کو شہداد کوٹ کی ایک مسجد میں شعبہ تعلیم کے تحت افطار اجتماع ہوا جس میں ٹیچرز ، اسٹوڈنٹس اور دیگر اسلامی  بھائیوں نے شرکت کی۔

شعبہ تعلیم لاڑکانہ ڈویژن کے ذمہ دار مولانا منصور احمد مدنی نے اجتماع پاک میں سنتوں بھرا بیان کیا جس میں رمضان المبارک کے آخری عشر ے میں اعتکاف کرنے کا ذہن دیا جس پر حاضرین نے اعتکاف کرنے کی نیت کیں۔(رپورٹ: شعبہ تعلیم لاڑکانہ ڈویژن ، کانٹینٹ : محمد مصطفی انیس )

دعوتِ اسلامی کے زیرِ اہتمام 16 اپریل 2022ء بروز ہفتہ پتوکی میں فیضان اسلامک اسکول سسٹم کے لئے لی گئی جگہ کے حوالے سے مدنی مشورہ ہوا جس میں مقامی ذمہ دار اسلامی بھائیوں نے شرکت کی۔

اس دوران نگرانِ تحصیل مولانا فیضان عطاری مدنی اور نگرانِ ڈویژن مشاورت مولانا نصیر عطاری مدنی نے اسلامی بھائیوں سے گفتگو کرتے ہوئے ان سے چند اہم نکات پر مشاورت کی نیز فیضان اسلامک اسکول سسٹم میں بچوں اور بچیوں کے داخلے کروانے اور فیضان اسلامک اسکول سسٹم کی تشہیر و انتظامات کو مکمل کرنے کے حوالے سے تبادلۂ خیال کیا۔

اس کے علاوہ ذمہ دار نے دعوتِ اسلامی کے تحت آخری عشرے کا اعتکاف کروانے کے سلسلے میں اسلامی بھائیوں کی ذہن سازی کی اور اہداف دیئے جس پر انہوں نے اچھی اچھی نیتیں کیں۔

واضح رہے فیضان اسلامک اسکول سسٹم کا افتتاح بہت جلد مرکزی مجلسِ شوریٰ کے رکن حاجی یعفور رضا عطاری کریں گے۔(رپورٹ:علی ریاض عطاری تحصیل ذمہ دار سیکورٹی ڈیپارٹمنٹ، کانٹینٹ:غیاث الدین عطاری)

دعوتِ اسلامی کے عالمی مدنی مرکز فیضانِ مدینہ کراچی میں 17 اپریل 2022ء بروز اتوار ججز کے لئے افطار اجتماع کا اہتمام کیا گیا جس میں کراچی ڈسٹرکٹ ساؤتھ، ڈسٹرکٹ ویسٹ اور ڈسٹرکٹ ٹھٹھہ میں تعینات تقریباً 12 ججز سمیت سندھ ہائی کورٹ کے 3 جسٹس کے پرائیویٹ سیکرٹریز نے شرکت کی۔

اس موقع پر وہاں موجود اسلامی بھائیوں کی رکنِ مرکزی مجلسِ شوریٰ و نگرانِ کراچی مشاورت حاجی محمد امین عطاری سے ملاقات ہوئی، رکنِ شوریٰ نے شرکا کی تربیت کرتے ہوئے انہیں مدنی پھولوں سے نوازا۔(رپورٹ:ابو مصعب محمد صہیب عطاری مجلسِ وکلاء کراچی ساؤتھ سنٹرل زون، کانٹینٹ:غیاث الدین عطاری)

اندورنِ سندھ کے شہر عمر کوٹ میں قائم جامع مسجد فیضان مرشد میں دعوتِ اسلامی کے تحت 16 اپریل 2022ء بروز ہفتہ سیکھنے سکھانے کا حلقہ منعقد ہوا جس میں مقامی اسلامی بھائیوں نے کثیر تعداد میں شرکت کی۔

اس حلقے میں پاکستان سطح کے ذمہ دار شعبہ ائمہ مساجد حافظ محمد فیضان عطاری نے ’’صدقے کے فضائل‘‘ کے موضوع پر سنتوں بھرا بیان کرتے ہوئے انہیں اپنی زکوٰۃ و صدقات دعوتِ اسلامی کو دینے کی ترغیب دلائی۔

اس کے علاوہ ذمہ دار نے اسلامی بھائیوں کو سنت اعتکاف پر عمل کرتے ہوئے ماہِ صیام کے آخری عشرے کا اعتکاف کرنے کا ذہن دیا جس پر شرکائے حلقہ نے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوتِ اسلامی کے زیرِ اہتمام 16 اپریل 2022ء بروز ہفتہ مدنی مرکز فیضانِ مدینہ اوکاڑہ میں ایک ماہ کا اعتکاف کرنے والے عاشقانِ رسول کے درمیان بعد نمازِ فجر تفسیر سننے/ سنانے کا حلقہ لگایا گیا جس میں معتکفین سمیت دیگر اسلامی بھائیوں نے شرکت کی۔

دورانِ حلقہ مرکزی مجلسِ شوریٰ کے رکن حاجی محمد عقیل عطاری مدنی نے سنتوں بھرا بیان کرتے ہوئے عاشقانِ رسول کی دینی و اخلاقی اعتبار سے تربیت کی اور انہیں اسلامی تعلیمات کے مطابق اپنی زندگی گزارنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

پچھلے دنوں دعوتِ اسلامی کے تحت رابطہ بالعلماء کےگوجرانوالہ ڈسٹرکٹ ذمہ دار محمد نوید عطاری مدنی اور نگرانِ شہر قاری رحمت علی عطاری نے عالمی مبلغ مولاناپیر محمد اجمل قادری صاحب سے ملاقات کی۔

اس دوران ذمہ دار اسلامی بھائیوں نے انہیں دعوتِ اسلامی کی اہم اپڈیٹس کے حوالے سے آگاہ کیااور 26 رمضانُ المبارک کوامیرِ اہلِ سنت دامت بَرَکَاتُہمُ العالیہ کی ولادت کے موقع پر عالمی مدنی مرکز فیضانِ مدینہ آنے کی دعوت دی جس پر انہوں نے اپنی نیک خواہشات کا اظہار کیا۔(رپورٹ:شعبہ رابطہ بالعلماء، کانٹینٹ غیاث الدین عطاری)

گزشتہ دنوں شعبہ رابطہ برائے شخصیات کےتحت پی ایچ اے کے مارکیٹنگ ڈپارٹمنٹ میں افطار اجتماع کا اہتمام ہوا  جس میں پی ایچ اے کے پانچ زون ڈائریکٹرز اور دیگر آفیسرزنے شرکت کی ۔

ذمہ داراسلامی بھائی نے اجتماع میں سنتوں بھرا بیان کیاحاضرین کو اعتکاف کرنے کا ذہن دیا جس پر کچھ اسلامی بھائیوں نے اعتکاف کرنے کی نیت کا اظہار کیا ، بعد اجتماع کے ڈائریکٹر سے ذمہ دار نے ملاقات کی اور رسائل تحفہ میں پیش کئے۔

گزشتہ دنوں شعبہ رابطہ برائے شخصیات کے ذمہ داران نے  سیشن جج اور اسسٹنٹ کمشنر نعمان ڈوگرفیصل آباد ، سابق ڈپٹی کمشنر رحیم یار خان نعمان ڈوگر اور سپریم کورٹ کے وکیل زمان ڈوگر کے والد منظور حسین ڈوگر کو داتا دربا ر میں موجود قانونی مشاورت کے آفس کاوزٹ کروایا۔

دوران ملاقات انہوں نے دعوتِ اسلامی کے دینی کاموں میں ہر ممکن تعاون کی یقین دہانی کروائی۔

پچھلے دنوں کوئٹہ میں نگران بلوچستان صوبائی مشاورت حاجی محمد انور عطاری نے گولہ قبائل کے چیف سردا ر سابق ممبر بورڈآف ریونیو ڈاکٹر شعیب احمد گولہ سے ملاقات کی ، اور انکے بیٹے کے ایکسیڈنٹ پرعیادت  کرتے ہوئے جلد صحت یابی کےلئے دعاکی۔

مزید دعوت اسلامی کی عالمی سطح پر ہونے والی دینی اور فلاحی خدمات کے حوالے سے گفتگو کی اور عالمی مدنی مرکز فیضان مدینہ کراچی کے وزٹ کی دعوت پیش کی۔

اس موقع پر کوئٹہ ڈویژن کے نگران عرفان عطاری ،صوبائی ذمہ دارغلام محی الدین عطاری،عبدالکریم عطاری بھی ساتھ تھے ۔(رپورٹ: شعبہ رابطہ برائے شخصیات ، کانٹینٹ : محمد مصطفی انیس ) 

گزشتہ روز شعبہ رابطہ برائے شخصیات کے تحت ذمہ داران نے  ایڈیشنل آئی جی اسپیشل برانچ بی اے ناصرانور، پی اے ٹو ایڈیشنل آئی جی اظہر اکرم ، ڈی آئی جی انٹیلی جنس عادل رشید ، ایڈمنسٹر یٹر لاہور عمر شیر چٹھہ ، شیف کارپوریشن آفیسر علی عباس بخاری، ایم و فنانس میاں ثاقب ، ایم او انفراسٹرکچر انور جاوید ، سیکریٹری بحالیات بورڈ آف ریونیو ملک عبدالوحید ، ڈائریکٹر پنجاب اسمبلی سجاد صدیقی سے ملاقات کی ۔

دوران ملاقات ذمہ دارانِ دعوتِ اسلامی نے شخصیات کو دعوت اسلامی کے تحت ہونے والے دینی و فلاحی کاموں کاتعارف کروایا ، اس کے علاوہ مختلف امور پر مشاورت ہوئی جبکہ انہیں کتاب فیضان رمضان تحفے میں پیش کی گئیں۔

نیز جوہر ٹاؤن میں کنٹرولر پی ٹی وی اسلام آباد عمران صدیقی کی والدہ کی ایصال ثواب کے لئے اجتماع کا اہتمام کیاگیاجس میں رکن شوری حاجی یعفور رضا عطاری نے دعائے خیر کروائی۔(رپورٹ: شعبہ رابطہ برائے شخصیات ، کانٹینٹ : محمد مصطفی انیس ) 

15 اپریل 2022 ء کو شعبہ رابطہ برائے شخصیات کے تحت بزم گلستان مدینہ میلاد کونسل 3-C2 گرین ٹاؤن لاہور میں افطار اجتماع کا اہتمام ہوا جس میں علاقے کے کثیر عاشقان رسول نے شرکت کی۔

اجتماع پاک میں مبلغ دعوت اسلامی نے سنتوں بھرا بیان کیا جس میں رمضان المبارک کے حوالے سے مدنی پھول پیش کئے ،بعد اجتماع مہمانوں سے ملاقات کی اور مدنی عطیات جمع کیں ۔(رپورٹ: شعبہ رابطہ برائے شخصیات ، کانٹینٹ : محمد مصطفی انیس )