دعوتِ اسلامی کے تحت تخصص فی الدعوہ کے 12 ماہ قافلے میں سفر کرنے والے اسلامی بھائیوں کے لئے عالمی مدنی مرکز فیضانِ مدینہ کراچی میں ایک سیشن منعقد ہوا جس میں کفن دفن کے حوالے سے تربیت کی گئی۔

شعبہ کفن دفن ایسٹ سطح کے ذمہ دار عزیر عطاری نے سیشن کے دوران کفن دفن کے معاملات پر شرکا کی رہنمائی کی نیز انہیں غسلِ میت دینے، کفن کاٹنے/ پہنانےاور نمازہ جنازہ سمیت تدفین کا عملی طریقہ کرکے بتایا۔

کفن دفن کے مسائل پر کلام کرتے ہوئے ایسٹ سطح کے ذمہ دار نے مسلم فیونرل اپلیکیشن (Muslim Funeral App) کا تعارف کروایا اور اسے ڈاؤنلوڈ کرنے کی ترغیب دلائی۔آخر میں تمام اسلامی بھائیوں نے ٹیسٹ بھی دیا۔(رپورٹ: شعبہ کفن دفن ، کانٹینٹ:غیاث الدین عطاری)

صوبائی دار الحکومت لاہور، پنجاب میں واقع شیرانوالہ گیٹ میں دعوتِ اسلامی کے تحت پچھلے دنوں ایک میٹنگ کا انعقاد ہوا جس میں شعبہ فیضان آن لائن اکیڈمی بوائز کے ذمہ دار اسلامی بھائی شریک ہوئے۔

اس مدنی مشورے میں نگران شعبہ FGRF محمد شفاعت عطاری نے ذمہ دار اسلامی بھائیوں سے گفتگو کرتے ہوئے شعبہ FGRF کے فلاحی کاموں پر کلام کیا اور انہیں فلاحی کاموں میں حصہ لینے کی ترغیب دلائی۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

شعبہ فیضان آن لائن اکیڈمی بوائز کے تحت پچھلے دنوں دعوتِ اسلامی کے مدنی مرکز فیضان مدینہ اوکاڑہ سےآن لائن مدنی مشورہ منعقد کیا گیا جس میں پاکستان بھر کے ٹرینرز اسلامی بھائی شریک ہوئے۔

مدنی مشورے کی ابتدا میں رکنِ شعبہ مولانا عرفان عطاری مدنی نے ٹریننگ کے نظام کو مزید بہتر بنانے کے ساتھ ساتھ ریکارڈ اپڈیٹ رکھنے کے حوالے سے ٹرینرز کی تربیت کی ۔

نگرانِ شعبہ مولانا یاسر رضا عطاری مدنی نے ٹرینر اسلامی بھائیوں کو پرانے مدرسین کی رینکنگ کروا کر ٹریننگ دینے کا ذہن دیا جبکہ شرکا کے درمیان سوالات و جوابات کا سلسلہ بھی ہوا جس کے بعد شعبے کے تحت دینی کاموں کے ذمہ دار رکنِ شعبہ مولانا عرفان عطاری مدنی نے تمام اسلامی بھائیوں کو ہر ماہ مدنی قافلے میں سفر کرنے اور ہفتہ وار مدنی مذاکرہ میں اجتماعی طور پر شرکت کرنے کی ترغیب دلائی۔

اس کے علاوہ ذمہ دار اسلامی بھائیوں نے شرکا کو ماہ ِصفر ماہ ِمدرسۃ المدینہ بالغان مناتے ہوئے مدرسۃ المدینہ بالغان پڑھانےکے حوالے سےشرکا کی ذہن سازی کی اور جو پہلے سے پڑھا رہے ہیں ان کو شرکا کی تعداد بڑھانے کا ذہن دیا۔بعدازاں شرکائے مدنی مشورہ نے ہر ماہ مدنی قافلے میں سفر کرنے سمیت دیگر اچھی چھی نیتوں کا اظہار کیا۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی، کانٹینٹ:غیاث الدین عطاری)

پاکستان کے سرسبز و شاداب شہر ساہیوال میں دعوتِ اسلامی کے تحت 4 ستمبر 2024ء بروز بدھ سیکھنے سکھانے کا حلقہ لگایا گیا جس میں زمینداروں، شخصیات،  ڈویلپرز اور دیگر شعبہ ہائے زندگی سے تعلق رکھنے والے اسلامی بھائی شریک ہوئے۔

تلاوتِ قراٰن اور نعت شریف کے بعد حلقے میں شریک اسلامی بھائیوں کی تربیت کے لئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کا سنتوں بھرا بیان ہوا۔

دورانِ بیان نگرانِ پاکستان مشاورت نے سرکارِ دوعالم صلَّی اللہ علیہ واٰلہٖ وسلَّمکی عبادات اور آپ صلَّی اللہ علیہ واٰلہٖ وسلَّمکا ذکرِ خیر کرتے ہوئے حاضرین کی رہنمائی کی نیز دعوتِ اسلامی کے دینی کاموں کا تعارف کرواتے ہوئے شرکا کو دینی کاموں میں حصہ لینے کا ذہن دیا۔

اختتام پر نگرانِ پاکستان مشاورت نے دعا کروائی اور اسلامی بھائیوں کے سروں پر عمامہ شریف باندھا جبکہ آنے والی شخصیات نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

شعبہ معاونت برائے اسلامی بہنیں  دعوت اسلامی کے تحت 21اگست2024ء کو پشاور میں مدنی مشورہ منعقد ہوا جس میں ڈویژن معاونت ذمہ دار اور ڈسٹرکٹ نگران اسلامی بھائی نے شرکت کی ۔

مدنی مشورے میں نگران مجلس غلام الیاس عطاری اور صوبائی ذمہ دار عبدالماجد عطاری نے فیضان صحابیات کا قیام، تقرری ، گلی گلی مدارس کا اضافہ کے متعلق گفتگو کی اور حاضرین کو مذکورہ کاموں میں مزید بہتری لانے کے حوالے سے اہم نکات بیان کئے۔ (رپورٹ:علی رفیق صوبہ پنجاب آفس،کانٹینٹ:محمد شعیب احمد عطاری)

پچھلے دنوں شعبہ ہفتہ وار اجتماع و مدنی مذاکرہ کے تحت فیصل آباد ڈویژن کی تحصیل تاندلیانوالہ کے  علاقے ماموں کانجن فیضان مدینہ میں یوم رضا و استقبال ربیع النور شریف کے سلسلے میں اجتماع منعقد کیا گیا جس میں نگران فیصل آباد ڈسٹرکٹ مشاورت، نگران تاندلیانوالہ تحصیل مشاورت، نگران ماموں کانجن مشاورت اور مختلف سیاسی و سماجی شخصیات سمیت مختلف ذمہ داران نے شرکت کی۔

نگران فیصل آباد ڈویژن مشاورت حاجی محمد سلیم عطاری نے شرکاء اجتماع کو اعلی حضرت کی طرز زندگی کے بارے میں بتایا اور ربیع النور شریف کی آمد پر شرکاء کو اپنے اپنے گھروں محلوں اور گلیوں کو سجانے ، اور ربیع النورشریف کومنانے کے حوالے سے فضائل اور برکات بتائے جبکہ نگران ڈویژن مشاورت نے ہفتہ وار اجتماع اور مدنی مذاکرہ میں شرکت کرنے کا ذہن دیتے ہوئے آخر میں دعا کروائی۔(رپورٹ: محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن، کانٹینٹ:محمد شعیب احمد عطاری)

شعبہ روحانی علاج  دعوت اسلامی کے تحت خان بیلہ پنجاب فیضانِ مدینہ میں 19،18،17 اگست 2024ء کو 3 دن کا روحانی علاج کورس ہوا جس میں رحیم یار خان ڈسٹرکٹ کے مختلف شعبہ جات سے تعلق رکھنے والے عاشقانِ رسول نے شرکت کی ۔

اسلامی بھائیوں کی تربیت کے لئے شعبہ روحانی علاج کے ذمہ دار محمد عثمان عطاری مدنی نے تعویذات لکھنے کے حوالے سے مختلف امور پر رہنمائی کی نیز دم کرنے اور کاٹ کرنے کا طریقہ بتاتے ہوئے اس کی چند احتیاطیں بیان کیں۔

محمد عثمان عطاری مدنی نے شعبے کے متعلق گفتگو کرتے ہوئے شرکا کو نئی اپڈیٹس سے آگاہ کیا اور انہیں دعوتِ اسلامی کے 12 دینی کاموں میں عملی طور پر شریک ہونے کی ترغیب دلائی۔ (رپورٹ: سمیر علی عطاری آفس ذمہ دار، کانٹینٹ:محمد شعیب احمد عطاری)

ماہِ ربیع الاول کی آمد ہونے والی ہے، عشاقِ مصطفیٰ صلَّی اللہ علیہ واٰلہٖ وسلَّم ماہِ میلاد کا استقبال کرنے کو منتظر ہیں اور ہر سال کی طرح اس سال بھی ماہِ میلاد کی آمد کی خوشی میں استقبالِ ربیع الاول اجتماعات منعقد کئے جارہے ہیں۔

لوگوں کو ماہِ ربیع الاول کی اہمیت و فضیلت بتانے، سیرتِ رسولِ عربی صلَّی اللہ علیہ واٰلہٖ وسلَّمسے آگاہ کرنے، میلادِ مصطفیٰ صلَّی اللہ علیہ واٰلہٖ وسلَّمکے واقعات بتانے اور ڈھیروں ڈھیر علمِ دین کا فیضان لوگوں کے دلوں میں ڈالنے کے لئے، عشق مصطفیٰ صلَّی اللہ علیہ واٰلہٖ وسلَّم کا جام پلانے والی عاشقانِ رسول کی دینی تحریک دعوتِ اسلامی کے تحت 4 ستمبر 2024ء سے مدنی مذاکروں کا سلسلہ جاری ہو جائے گا۔

الحمد للہ مدنی مذاکروں کا آغاز 4 ستمبر 2024ء بروز بدھ سے ماہِ ربیع الاول کی 13 ویں رات تک روزانہ تقریباً 09:00 بجے عالمی مدنی مرکز فیضانِ مدینہ کراچی میں شروع ہو جائے گاجس میں عاشقِ رسول، امیرِ اہلِ سنت، بانیِ دعوتِ اسلامی حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہ حاضرین اور ناظرین کی جانب سے ہونے والے سوالات کے علم و حکمت بھرے جوابات ارشاد فرمانے کے ساتھ ساتھ میلاد مصطفیٰ منانے کا طریقہ بھی بتائیں گے۔

پڑوسی کی تعریف: جن کا گھر اپنے گھر سے ملا ہوا ہو وہ پڑوسی کہلاتے ہیں۔

اللہ پاک نے جس طرح اپنے حقوق کی اور ماں باپ کے حقوق کی تعلیم فرمائی اسی طرح پڑوسیوں کے حقوق کی بھی تعلیم دی ہے، ارشادِ خداوندی ہے: وَ الْجَارِ ذِی الْقُرْبٰى وَ الْجَارِ الْجُنُبِ (پ 5، النساء: 36) ترجمہ کنز العرفان: قریب کے پڑوسی اور دور کے پڑوسی( کے ساتھ اچھا سلوک کرو)۔ قریب کے ہمسایہ سے مراد وہ ہے کہ جس کا گھر اپنے گھر سے ملا ہوا ہو یا جو پڑوسی بھی ہو اور رشتہ دار بھی یا جو پڑوسی بھی ہو اور مسلمان بھی وہ قریب کا ہمسایہ ہے۔ دور کے ہمسایہ سے مراد وہ جو محلے دار تو ہو لیکن اس کا گھر اپنے گھر سے ملا ہوا نہ ہو یا جو صرف پڑوسی ہو رشتہ دار نہ ہو یا جو صرف پڑوسی ہو مسلمان نہ ہو وہ دور کا ہمسایہ ہے۔ (تفسیرات احمدیہ، ص 275)

پڑوسیوں کے 5 حقوق درج ذیل ہیں:

1۔ حسن سلوک: پڑوسی کا سب سے پہلا حق یہ ہے کہ اس کے ساتھ اچھا سلوک کیا جائے اگر ان سے کوئی غلطی ہو تو درگزر کیا جائے۔ حدیثِ مبارکہ میں ہے پیارے آقا ﷺ نے ارشاد فرمایا: جو شخص اللہ اور آخرت پر ایمان رکھتا ہے تو اسے چاہیے کہ اپنے پڑوسی کے ساتھ حسن سلوک کرے۔ (مسلم، ص 43، حدیث: 48 )

2۔ پڑوسی کا عزت و اکرام: دوسرا حق یہ ہے کہ ان کی عزت و احترام کیا جائے اگر وہ بڑے ہیں تو ان کو اپنا بزرگ خیال کریں اور کوئی ایسی بات ان سے نہ کی جائے کہ جس سے یہ ظاہر ہو کہ آپ ان کی عزت نہیں کرتے۔

3۔ ایذا رسانی سے پرہیز: پڑوسی کے حقوق میں سے یہ بھی ہے کہ وہ آپ کی ہر قسم کی تکلیفوں اور آفتوں سے محفوظ رہے۔ پیارے آقا ﷺ نے ارشاد فرمایا: خدا کی قسم وہ مومن نہیں (تین مرتبہ اس جملے کو دہرایا) عرض کی گئی: کون یا رسول اللہ؟ فرمایا: وہ شخص کہ اس کا پڑوسی اس کی آفتوں سے محفوظ نہ ہو۔ (بخاری، 4/ 104، حدیث: 6016)

4۔ ہدیہ و تحفہ دینا: پڑوسی کا ایک حق یہ بھی ہے کہ اسے بھی اپنی ہانڈی میں سے کچھ دے۔ ابو ذر رضی اللہ عنہ سے روایت ہے حضور نبی اکرم ﷺ نے ارشاد فرمایا: اے ابو ذر! جب تم سالن بناؤ تو اس میں پانی زیادہ کر دو اور اس میں سے اپنے پڑوسی کو ہدیہ بھیجو۔ (مسلم، ص 1413، حدیث: 2625)

5۔ مالی خدمت: پڑوسی کا حق یہ بھی ہے کہ اگر وہ تمہاری اعانت(مدد) کا طالب ہو تو اس کا ہاتھ بٹاؤ اگر بیمار ہو جائے تو اس کی تیمارداری کی جائے اگر وہ محتاج ہو تو اس کی حاجت پوری کی جائے۔ پیارے آقا ﷺ نے فرمایا: جبریل مجھے مسلسل پڑوسی کے بارے میں وصیت کرتے رہے یہاں تک کہ مجھے گمان ہونے لگا کہ عنقریب پڑوسی کو وارث بنا دیں گے۔ (بخاری، 4/104، حدیث: 6014)

ہمیں چاہیے کہ ہم ہر شخص کے ساتھ حسن سلوک کریں اور اللہ پاک نے جو حقوق ہم پر لازم کیے ہیں ان کو پورا کرنے کی کوشش کریں اللہ پاک ہمیں پڑوسیوں کے حقوق ادا کرنے کی توفیق عطا فرمائے۔ آمین

شعبہ رابطہ برائے وکلا دعوت اسلامی  کے تحت 12 اکتوبر 2023ء بروز جمعرات نیو جوڈیشل کمپلیکس ،تحصیل کورٹس پتوکی میں محفل میلاد کا اہتمام کیا گیا جس میں پتوکی بار ایسوسی ایشن کے وکلا اور ججز کی شرکت ہوئی ۔

محفل پاک کا آغاز تلاوت ِقرآن پاک و نعت رسول مقبول صلَّی اللہ علیہ واٰلہٖ وسلَّم سے ہوا۔بعدازاں رکن شوریٰ مولانا حاجی عبدالحبیب عطاری نے

’’ محسن انسانیت‘‘کے موضوع پر سنتوں بھرا بیان کیا جس میں وکلا کو اپنی زندگی کے شب و روز تعلیمات مصطفی صلَّی اللہ علیہ واٰلہٖ وسلَّم کے بتائے ہوئے طریقہ کار کے مطابق گزارنے کی ترغیب دلائی۔(رپورٹ : علی ریاض عطاری تحصیل ذمہ دار شعبہ سیکیورٹی ڈیپارٹمنٹ ، کانٹینٹ:رمضان رضا عطاری)

10 اکتوبر 2023ء  کو مدنی مرکز فیضان مدینہ فیصل آباد میں پاکستان مشاورت آفس کے ذمہ داران کا مدنی مشورہ ہوا جس میں پاکستان مشاورت آفس کے تمام ذمہ داران اورs HOD نے شرکت کی ۔

نگران پاکستان مشاورت و رکن شوریٰ حاجی محمد شاہد عطاری نے اسلامی بھائیوں سے سابقہ کارکردگی جائز ہ لیا اور ٹیلی تھون کی تیاری کے حوالے سے مدنی پھول دیئے جبکہ ذمہ داران نے اب تک جمع ہونے والے ڈونیشن نگران پاکستان مشاورت کی بارگاہ میں پیش کئے جس پر آپ نے دعاؤں سے نوازا۔(رپورٹ:عبد الخالق عطاری ،کانٹینٹ:رمضان رضا عطاری)

دعوت اسلامی  کے شعبہ خودکفالت کے ذمہ داران کی دعوت پر مختلف شخصیات نے مدنی مرکز فیضان مدینہ فیصل آباد کا دورہ کیا ۔جہاں ذمہ داران نے شخصیات کو خوش آمدید کہا۔

آنے والے مہمانو ں کو اسلامی بھائیوں نے فیضان مدینہ میں موجود شعبہ جات کا وزٹ کروایا اور ان میں ہونےو الے دینی کاموں کے حوالے سے معلومات فراہم کیں ۔

بعدازاں مہمانوں نے نگران پاکستان مشاورت و رکن شوریٰ حاجی محمد شاہد عطاری سے ملاقات کی۔نگرانِ پاکستان نے شخصیات کو قیمتی مدنی پھولوں سے نوازتے ہوئے انہیں نماز ،روزےکی پابندی کرنے اور سنتوں پر عمل کرنے کے ساتھ ساتھ نیکی کرنے اور نیکی کے کاموں میں حصہ لیتے رہنے کا ذہن دیا۔

مزید نگران پاکستان مشاورت نے اسلامی بھائیوں کے سروں پر عمامہ شریف باندھا نیز انہیں دعوت اسلامی کے تحت ہونے والے ٹیلی تھون مہم کے لئے عطیات جمع کروانے کے بارے میں ترغیب دلائی۔ آخر میں نگران پاکستان مشاورت نے انہیں دعاؤں سے نوازتے ہوئے تحائف بھی دیئے۔(رپورٹ:عبد الخالق عطاری ،کانٹینٹ:رمضان رضا عطاری)