دعوت اسلامی کی مجلس مدنی قافلہ کے تحت  02 نومبر 2020ء بروز پیر عالمی مدنی مرکز فیضان مدینہ کراچی میں مدنی مشورہ ہوا جس میں شعبہ فیضان مرشد کے اسلامی بھائیوں نے شرکت کی ۔

مدنی مشورے میں نگران مجلس مدنی قافلہ حاجی مشکور عطاری نے نگران مجلس فیضان مرشد اور فیضان مرشد کے مدنی قافلہ ذمہ دار سے شعبہ فیضان مرشد کے اسلامی بھائیوں کے مدنی قافلے کے حوالے سے پلاننگ کی اور آئندہ کے مدنی قافلوں کا لائحہ عمل تیار کیا۔ (رپورٹ: محمد حارث، مجلس قافلہ)

دعوت اسلامی کی مجلس کفن دفن کے تحت  2 نومبر 2020ء بروز پیر مبلغ دعوت اسلامی عزیر عطاری رکن مجلس فیضان مدینہ نے لیاقت آباد عیسی نگری اور ایف سی ایریا قبرستان میں گورکن اور انچارج سے ملاقات کی اور وہاں مختلف مقامات سے آئے ہوے زائرین کو نیکی کی دعوت دی۔

مبلغ دعوت اسلامی عزیر عطاری رکن مجلس فیضان مدینہ نے حاضرین کے درمیان اپنی اصلاح کی کوشش کرنے کے موضوع پر بیان کرتے ہوئے مجلس کفن دفن کا تعارف کیا اور قبر کے شرعی مسائل سے آگاہ کیا نیز مسلم فینرل ایپلی کیشن کا تعارف کرواتے ہوئے عاشقان رسول کو ترغیب دلاکر ایپ ڈاؤنلوڈ کر کے اس سہولت سے فائدہ اٹھانے کا ذہن جبکہ مبلغ دعوت اسلامی نے شرکا کو فکر آخرت کا ذہن دیتے ہوئے غسل میت اور کفن دفن کی اہمیت اور اس کو سیکھنے کیلئے مجلس کفن دفن کے ساتھ معاونت کرنے اور مدنی قافلوں میں سفر اختیار کرنے، ہفتہ وار اجتماع میں شرکت کرنے کے متعلق مدنی پھول دیتے ہوئے مدنی مذاکرے کی دعوت۔

دعوت اسلامی کی مجلس حج و عمرہ کے زیر اہتمام مدنی مرکز فیضان مدینہ حیدر آباد میں مدنی مشورہ ہوا جس میں حیدر آباد ریجن مجلس حج و عمرہ کے ذمہ داران نے شرکت کی۔

مرکزی مجلس شوریٰ کے رکن حاجی سید ابراہیم عطاری، نگران مجلس حج و عمرہ بیرون ملک عبد الاحد عطاری اور نگران مجلس حج و عمرہ پاکستان حاجی شوکت عطاری نے شرکا کو شعبے کے حوالے سے مدنی پھول بیان کئے۔

مدنی مشورے میں عمرے میں جانے والے افراد کی تربیت کرنے اور حکومتی پالیسز سے آگاہ کرنے کا ذہن دیا گیا۔ رکن شوریٰ نے ذمہ داران کو ٹریول ایجنسیز والوں سے رابطے میں رہنے اور ان کے آفسز میں میلاد اجتماع کروانے کی ترغیب دلائی۔ اس مدنی مشورے میں 15 نومبر 2020ء کو ہونے والے ٹیلی تھون میں مدنی عطیات جمع کرنے کا ذہن دیا گیا جس کے لئے ہر کابینہ کو 112 یونٹ جمع کرنے کے اہداف دیئے گئے۔

مبلغ دعوت اسلامی عزیر عطاری رکن مجلس فیضان مدینہ نے دعوت اسلامی کی مجلس کفن دفن کے تحت  3 نومبر 2020ء بروز منگل عالمی مدنی مرکز فیضان مدینہ کراچی میں بارہ ماہ میں سفر کرنے والےجا معۃالمدینہ کے اسلامی بھائیوں کے درمیان مدنی حلقہ ہوا ۔

مبلغ دعوت اسلامی عزیر عطاری رکن مجلس فیضان مدینہ نے حاضرین کے درمیان غسل میت دینے کی فضیلت کے موضوع پر بیان کرتے ہوئے مجلس کفن دفن کا تعارف کیااور مسلمان میت کو غسل دینے کا عملی طریقہ سیکھایا جبکہ کفن ،دفن اور قبر کے شرعی مسائل سے آگاہ کیا نیز مسلم فینرل ایپلیکیشن کا تعارف کرواتے ہوئے عاشقان رسول کو ترغیب دلاکر ایپ ڈاؤنلوڈ کر کے اس سہولت سے فائدہ اٹھانے کا ذہن دیا نیز مبلغ دعوت اسلامی نے شرکا کو فکر آخرت کا ذہن دیتے ہوئے غسل میت اور کفن دفن کی اہمیت اور اس کو سیکھنے کیلئے مجلس کفن دفن کے ساتھ معاونت کرنے اور مدنی قافلوں میں سفر اختیار کرنے کے متعلق مدنی پھول دیئے ۔

فیضان آن لائن اکیڈمی کی آئی ٹی مجلس کا رکن مجلس غلام الیاس عطاری مدنی نے پچھلے  دنوں بذریعہ انٹرنیٹ مدنی مشورہ کیا جس میں آئی ٹی مینیجر، اسسٹنٹ مینیجر اور ایچ ڈی ایس کے اسلامی بھائیوں نے شرکت کی ۔

مشورے میں رکن مجلس نے دئیے گئے اہداف کا جائزہ لیتے ہوئے اچھی پرفارمنس پر اسلامی بھائیوں کی حوصلہ افزائی کی جبکہ اگلے اہداف طے کئے اس دوران مبلغ دعوت اسلامی نے شرکاء اسلامی بھائیوں کے سوالات کے جوابات بھی دیئے۔

دعوتِ اسلامی کے زیر اہتمام پچھلے دنوں ڈیرہ اسماعیل خان زون نگران اسلامی بہن نے  لکی مروت کابینہ کا مدنی مشورہ لیا جس میں لکی مروت کابینہ کی ڈویژن رحمانی خیل اور لکی مروت میں مدنی کام شروع کرنے کے لئے ڈویژن نگران اسلامی بہن کی تقرری ہوئی۔ نومبر میں ان دونوں ڈویژن میں مدنی کام شروع کرنے کی نیت کی نیز درس و بیان کا حلقہ لگانے کی بھی نیت کی۔

اسلامی بہنوں کی مجلس فیضان آن لائن اکیڈمی کے زیر اہتمام پچھلے دنوں فیضان آن لائن اکیڈمی کی گلشن راوی برانچ میں سالانہ محفل نعت منعقد ہوئی جس میں شخصيات ، سرپرست اسلامی بہنوں اور ذمہ داران نے شرکت کی۔

مختلف اوقات میں پڑھے جانے والے وظائف اور دعاؤں پر مشتمل سیدی اعلیٰحضرت عَلَیْہِ رَحْمَۃُ الرَّحْمٰن کا رسالہ

الوَظیْفَۃُ الکَریْمہ

اِس رسالے کی چندخصوصیات:

قرآن و حدیث میں ذِکرُ اللہ کی بہت تاکید فرمائی گئی ہے اور اس کے فضائل بے شمار ہیں ، انسان کو چاہیے کہ وہ اپنے دل اور زبان کو ذکرِ الٰہی میں مشغول رکھے اور کسی سختی و پریشانی میں بھی اس سے غافل نہ ہو۔ہمارے بزرگان دین رَحِمَہُمُ اللہُ الْمُبِیْن نے اپنی زندگیاں اللہ عَزَّ وَجَلَّ کے ذکر میں گزاریں اور اپنے متعلقین کوبھی فرائض و واجبات کی پابندی کے ساتھ ساتھ ہر وقت اللہ عَزَّ وَجَلَّ کے ذکر میں مشغول رہنے کی تاکید و تلقین فرماتے رہے ، بلکہ امت کی خیر خواہی کے مقدس جذبے کے تحت انہوں نے قرآن و حدیث اور دیگر روایات کی روشنی میں مختلف اذکار کو جمع کردیا اور صبح وشام اور دن رات میں ان کو مخصوص تعداد میں پڑھنے کی ترغیب دلائی تاکہ ان پر عمل کرنے والوں کے دلوں کی جلا ہو اور انہیں دنیا و آخرت کی بھلائیاں نصیب ہوں ۔

اعلیٰ حضرت ، مجدد دین وملت مولانا شاہ امام احمد رضا خان عَلَیْہِ رَحْمَۃُ اللہِ المَنّان نے بھی اَوراد و وَظائف کا ایک مجموعہ مرتب فرمایا جو ’’الوظیفۃ الکریمۃ ‘‘ کے نام سے مشہور ہے جس میں آپ رَحْمَۃُ اللہِ عَلَیْہِ نے صبح و شام اور پانچوں نمازوں کے بعد کے وِرد و وظائف اور ان کے فضائل تحریر فرمائے ہیں اور ساتھ ہی ذکرِ خفی کے پانچ مخصوص طریقے بھی ذکر کردیئے ہیں نیز آخر میں تصورِ شیخ کا طریقہ بھی ارشاد فرما دیا ہے ، اللہ عَزَّ وَجَلَّ ہمیں ان اوراد سے مستفید ہونے کی توفیق رفیق مرحمت فرمائے اور فیضانِ اولیاء سے ہمیں مالا مال فرمائے ۔آمین

دعوتِ اسلامی کی مجلس ’’ المدینۃ العلمیۃ ‘‘ کے مدنی علماء دامت فیوضہم نے اس مجموعہ کو بھی جدید انداز میں پیش کرنے کی سعی کی اور اس غرض سے تمام اوراد کی حتی المقدور اصل مصادر سے تطبیق کی اور حواشی کی صورت میں ان کے حوالہ جات اور ساتھ ہی ان دعاؤں کا ترجمہ بھی تحریر کر دیا ہے ۔ اللہ عَزَّ وَجَلَّ علماء کرام دامت فیوضہم کی اس محنت پرانہیں بہترین جزاعطا فرمائے۔ آمین

46صفحات پر مشتمل یہ رسالہ2010سے لیکر اب تک8ایڈیشنزمیں98ہزارسے زائد شائع ہوچکاہے۔

مکتبۃ المدینہ کی کسی بھی شاخ سے22روپے ہدیۃ پر حاصل کیجئے اوردوسرو ں کو بھی ترغیب دلائیے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

دعوتِ اسلامی کے زیرِ اہتمام يوکے کے شہربریڈفورڈ (Bradford ) میں 6 مقامات پر محافل نعت كا انعقاد كيا گیا جن میں کم و بیش 105 اسلامی بہنوں نے شرکت کی۔

مبلغاتِ دعوتِ اسلامی نے سنتوں بھرا بیانات کئے اور کیا اور محافلِ نعت میں شریک اسلامی بہنوں کو حضور ﷺ کے میلاد شریف کی برکتوں اور جشنِ ولادتِ مصطفٰی ﷺ کے حوالے سے معلومات فراہم کیں۔ دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے اور مدنی کاموں میں حصہ لینے کی ترغیب بھی دلائی نیزاسلامی بہنوں کو ٹیلی تھون میں بھی بھرپور حصہ لینے کا ذہن دیا۔