دعوت اسلامی کے زیر اہتمام یکم اکتوبر 2022ء کو لیہ شہر میں عظیم الشان اجتماع میلاد کا انعقاد کیا گیا جس میں ڈاکٹرز، تاجران، پروفیشنلز اور میڈیا سے وابستہ افراد نے شرکت کی۔

نگران شعبہ پروفیشنلز ڈیپارٹمنٹ محمد ثوبان عطاری نے”سیرت مصطفٰے ﷺ“ کے موضوع پر سنتوں بھرا بیان کیا اور شرکا کو آقا کریم ﷺ کی سیرت مبارکہ پر عمل کرتے ہوئے زندگی گزارنے کی ترغیب دلائی۔

دعوت اسلامی کے زیر اہتمام 30 ستمبر 2022ء کو ڈسٹرکٹ بار لیہ میں اجتماع میلاد کا انعقاد کیا گیا جس میں ججز، وکلاء  اور بار کے دیگر اسٹاف نے شرکت کی۔

نگران شعبہ پروفیشنلز ڈیپارٹمنٹ محمد ثوبان عطاری نے ”سیرت مصطفٰے ﷺ“ کے موضوع پر سنتوں بھرا بیان فرمایا اور شرکا کو آقا کریم ﷺ کی سیرت مبارکہ پر عمل کرتے ہوئے زندگی گزارنے کی ترغیب دلائی۔

2 ستمبر 2022ء بروز اتوار کوئٹہ سے3 دن کے لئے عالمی مدنی مرکز فیضانِ مدینہ کراچی آئے ہوئے اسلامی بھائیوں کی تربیت کے لئے سیکھنے سکھانے کا حلقہ لگایا گیا جس میں رکنِ شعبہ کفن دفن عزیر عطاری نے اُن کی تربیت کی۔

اس موقع پر عزیر عطاری نے حلقے میں شریک اسلامی بھائیوں کو غسلِ میت اور نمازِ جنازہ کی اہمیت و فضیلت کے بارے میں بتایا نیز انہیں اپنے اپنے علاقوں میں غسلِ میت دینے کی نیتیں کروائیں۔

بعدازاں عزیر عطاری نے شرکائے حلقہ کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا۔(رپورٹ:شعبہ کفن دفن کانٹینٹ:غیاث الدین عطاری ) 

دعوتِ اسلامی کے عالمی مدنی مرکز فیضانِ مدینہ کراچی میں یکم اکتوبر 2022ء بروز ہفتہ فیضانِ مرشد کے آئے ہوئےاسلامی بھائیوں کے لئے سیکھنے سکھانے کا حلقہ لگایا گیا جس میں مبلغِ دعوتِ اسلامی عزیر عطاری نے اُن کی تربیت کی۔

دورانِ حلقہ مبلغِ دعوتِ اسلامی نے شرکا کو غسلِ میت دینے کی اہمیت و فضیلت بیان کرتے ہوئے انہیں کفن کاٹنے، پہنانے اور غسلِ میت دینے کا طریقہ سکھایا نیز دعوتِ اسلامی کے دینی کاموں میں شرکت کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:شعبہ کفن دفن کانٹینٹ:غیاث الدین عطاری )

نیو سوسائٹی ڈیپارٹمنٹ دعوتِ اسلامی کے زیرِ اہتمام 30 ستمبر 2022ء بروز جمعہ البرکت وِلاز ستیانہ روڈ میں عظیم الشان اجتماعِ میلاد منعقد کیا گیا جس میں انویسٹر، ڈویلپر اور تاجران سمیت دیگر عاشقانِ رسول نے شرکت کی۔

اس اجتماعِ پاک میں مبلغِ دعوتِ اسلامی مولانا عامر عطاری مدنی نے سنتوں بھرا بیان کیا اور وہاں موجود اسلامی بھائیوں کو ہمارے پیارے نبی ﷺ کی سیرتِ طیبہ نیز میلادِ مصطفیٰ ﷺ کے مقاصد کے بارے میں بتایا۔

مبلغِ دعوتِ اسلامی نے دوران بیان عاشقانِ رسول کو دعوتِ اسلامی کے تحت منعقد ہونے والے اجتماعِ میلاد و جلوسِ میلاد میں شرکت کرنے کی ترغیب دلائی جس پر انہوں نے اچھی اچھی نیتوں کا اظہا رکیا۔

اس موقع پر سیکٹر ذمہ دار عرفان عطاری اور ٹاؤن ذمہ دار عدیل عطاری سمیت دیگر ذمہ داران بھی موجود تھے۔(رپورٹ:عرفان عطاری سیکٹر ذمہ دار نیو سوسائٹی ڈیپارٹمنٹ، کانٹینٹ: غیاث الدین عطاری )

دعوتِ اسلامی کے ذمہ دار اسلامی بھائیوں سے دینی کاموں کی کارکردگی کا فالو اپ لینے کے لئے پچھلے دنوں شالیمار لنک روڈ پر واقع جامع مسجد قادریہ میں مدنی مشورے کا انعقاد کیا گیا جس میں ٹاؤن مشاورت اور یوسی نگران سمیت شخصیات نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ذمہ داران سے 12 دینی کاموں کی کارکردگی کاجائزہ لیا اور انہیں دینی کاموں میں مزید بہتری لانے کا ذہن دیا۔

بعدازاں رکنِ شوریٰ نے 12 دینی کاموں میں عملی طور پر حصہ لینے اور اس دوسروں کونیکی کی دعوت دینے کے حوالے سے ذمہ دار اسلامی بھائیوں کی ذہن سازی کی۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

دعوتِ اسلامی  کے زیرِ اہتمام گولڈن سوسائٹی شالیمار لنک روڈ شالیمار ٹاؤن لاہور میں اجتماعِ میلاد کے سلسلے میں سنتوں بھرے اجتماع کا انعقاد کیا گیا جس میں عاشقانِ رسول کی کثیر تعداد نے شرکت کی۔

اجتماع کا آغاز تلاوتِ قراٰنِ پاک سےکیا گیا اور مبلغِ دعوتِ اسلامی نے سرکار ﷺ کی بارگاہ میں نذرانۂ عقیدت پیش کیا جبکہ مرکزی مجلسِ شوریٰ کے رکن حاجی یعفورر ضا عطاری نے سنتوں بھرا بیان کرتے ہوئے شرکا کو سرکار ﷺ کی پیدائش کے واقعات بیان کئے۔

عاشقانِ رسول کی دینی تحریک دعوتِ اسلامی  کے زیرِ اہتمام بستی سیدن شاہ نزدجامع مسجد صغریٰ گلبرگ ٹاؤن لاہور میں اجتماعِ میلاد کے سلسلے میں سنتوں بھرے اجتماع کا انعقاد کیا گیا جس میں کثیر عاشقانِ رسول کی شرکت رہی۔

ابتداءً مبلغِ دعوتِ اسلامی نے تلاوتِ قراٰنِ پاک کیا اور سرکار ﷺ کی بارگاہ میں نذرانۂ عقیدت پیش کیاجبکہ رکنِ مرکزی مجلسِ شوریٰ حاجی یعفورر ضا عطاری نے ”عشقِ مصطفیٰﷺ“ کے موضوع پر سنتوں بھرا بیان کرتے ہوئے شرکا کو صحابۂ کرام علیہم الرضوان کے سرکار صلَّی اللہ علیہ واٰلہٖ وسلَّم سےعشق کا اظہار کرنے کے مختلف واقعات بیان کئے۔

بعدازاں رکنِ شوریٰ نے اسلامی بھائیوں کو دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ: غیاث الدین عطاری )

پاکستان کے شہر فیصل آبا دمیں اجتماعِ میلاد و جلوسِ میلاد کے سلسلے میں مدنی مشورے کا انعقاد کیا گیا جس میں فیصل آباد سٹی کے یوسی نگران تا نگران ِڈویژن مشاورت ،مدرسۃالمدینہ و جامعۃالمدینہ کے مدرسین، ناظمین اور ائمہ مساجد سمیت دیگر ذمہ داران نے شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کی اور انہیں اجتماعِ میلاد و جلوسِ میلاد بھر پور انداز میں منانے نیز زیادہ سے زیادہ عاشقانِ رسول کو ان میں شرکت کروانے کا ذہن دیا جس پر انہوں نے اچھی اچھی نیتیں کیں۔

اس کے علاوہ نگرانِ پاکستان مشاورت نے فیصل آبا دشہر کو جھنڈوں اور لائٹنگ سے سجانے کے حوالے سےذمہ داران کی ذہن سازی کی۔

واضح رہے فیصل آباد میں دعوتِ اسلامی کے تحت ہونے والا اجتماعِ میلاد دھوبی گھاٹ گراؤنڈ میں منعقد کیا جائے گا جس میں نگرانِ پاکستان مشاورت حاجی محمد شاہد عطاری سنتوں بھرا بیان فرمائیں گےجبکہ 12 ربیع الاول کو عاشقانِ رسول کے ہمراہ ضلع کو نسل تا فیضان مدینہ جلوسِ میلاد میں شرکت بھی کریں گے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوت اسلامی کے شعبہ توقیت ’’ اَوقاتُ الصَّلٰوۃ ‘‘ نے علم توقیت کے اصول و قوانین کے مطابق بے شمار شہروں کے اَوقاتُ الصَّلٰوۃ کے نقشہ جات تیار کئے ہیں ۔

اس سلسلے میں عاشقان رسول کے لئے شعبہ توقیت اَوقاتُ الصَّلٰوۃ کی جانب سے کچھ عرصہ قبل شعبہ آئی ٹی کے تعاون سے ایک ایسا سافٹ وئیر بنام ’’ اَوقاتُ الصَّلٰوۃ ‘‘ بھی متعارف کروایا گیا تھا جو کمپیوٹر اور موبائل وغیرہ پر درست نمازوں کے وقت کی نشاندہی میں حد درجہ مفید ہے۔ مزید ایک قدم بڑھاتے ہوئے اب اس شعبہ نے انتھائی محنت کے ساتھ جدید اصول و قوانین پر مشتمل ایک کتاب بنام ’’ نصاب توقیت‘‘ تیار کی ہے۔

کتاب نصاب توقیت کی چند امتیازی خوبیاں درج ذیل ہے۔

1) انداز تفہیم نہایت عمدہ ، آسان تحقیقی ہے تاکہ اس فن کا ابتدائی طالب علم ہو یا کچھ جاننے والا سب استفادہ کر سکیں۔

2) اصطلاحات کی تعریفات دی گئی ہیں نیز اصطلاحات کو انگریزی میں بھی لکھا گیا ہے۔

3) اصطلاحات اور فارمولے سمجھانے کےلئے رنگین تصاویر کو کتاب کی زینت بنایا گیا ہے۔

4) متفرقات کے باب میں اس فن کے متعلق دیگر دلچسپ معلومات بھی کتاب کا حصہ ہیں۔

5) اعلیٰ حضرت امام اہل سنت امام احمد رضا خان بریلوی رحمۃ الله علیہ کی تحقیقات کی روشنی میں قواعد کو بیان کیا گیا ہے۔

6) استخراج اوقات اور سمت قبلہ نکالنے کےلئے کیلکولیٹر ، کمپاس اور دیگر جدید آلات کے استعمال کے طریقے دیئے گئے ہیں۔

7) سورج کو دیکھ کر گھڑی کا وقت درست کرنے کا نادر قاعدہ اس کتاب کا خاص تحفہ ہے۔

8) میل شمس اور بلدی زوال کے ضروری جدول اور دنیا کے مشہور شہروں کے طول و عرض بھی کتاب کے آخر میں شامل ہیں۔

کتاب نصاب توقیت کے مصنف:

ماہرِ علمِ توقیت محمد وسیم عطاری

ابو رضا مولانا عثمان شریف عطاری مدنی

30 ستمبر 2022ء بروز جمعہ ماہِ میلاد کے سلسلے میں دعوتِ اسلامی کے تحت لاثانی پلی خیابان گارڈن فیصل آباد میں شخصیت محمد رضوان کے گھر پر سیکھنے سکھانے کا حلقہ لگایا گیا جس میں سیاسی و سماجی شخصیات، تاجران اور ذمہ داران سمیت دیگر عاشقانِ رسول نے شرکت کی۔

تفصیلات کے مطابق اس حلقے میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے پیارے آقا محمد مصطفٰیﷺ کی شان کے حوالے سے شرکا کو مدنی پھول دیئے۔

دورانِ بیان نگرانِ پاکستان مشاورت نے حاضرین کی ، تلاورتِ قراٰنِ پاک و نمازوں کی پابندی کرنے اور نیکی کے کاموں میں بڑھ چڑھ کر حصہ لینے کے متعلق ذہن سازی کی نیز ماہِ میلاد کی خوشی میں اپنے گھروں کو سجانے کا ذہن دیا جس پر انہوں نے اچھی اچھی نیتوں کا اظہا رکیا۔

علاوہ ازیں نگرانِ پاکستان مشاورت حاجی محمد شاہد عطاری نے دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِا ہتمام پنجاب پاکستان کی تحصیل دنیا پور میں شخصیات عبدالغنی طور، محمد انس طور اور چوہدری طور کے گھر پر سیکھنے سکھانے کا حلقہ لگایا گیا جس میں سیاسی و سماجی شخصیات، تاجران اور ذمہ داران سمیت کثیر عاشقانِ رسول نے شرکت کی۔

حلقے کی ابتداء تلاوتِ قراٰنِ پاک اور نعتِ رسولِ مقبول ﷺ سے کی گئی جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے ماہِ ربیع الاوّل میں پیارے آقا ﷺ کی آمد کی خوشی منانے کا ذہن دیا۔

نگرانِ پاکستان مشاورت نے اپنی گلیوں اور محلوں کو سجانےکے ساتھ ساتھ اپنے باطن کو سنوارنے نیز جھوٹ، غیبت اور چغلی سمیت دیگر گناہوں سے بچتے ہوئے نیکیوں بھری زندگی گزارنے کی ترغیب دلائی۔

مزید نگرانِ پاکستان مشاورت نے دورانِ بیان پانچوں نمازیں باجماعت پابندی کے ساتھ پڑھنے اور دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔

آخر میں نگرانِ پاکستان حاجی محمد شاہد عطاری نے شرکائے حلقہ کو امیرِ اہلِ سنت دامت بَرَکَاتُہمُ العالیہ کے ذریعے سلسلہ قادریہ عطاریہ میں داخل کیا اور اختتامی دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)