سابق چیئرمین رؤیت ہلال کمیٹی پاکستان، سابق خطیب جامع مسجد آرام باغ کراچی ،استاذ الاساتذہ و استاذالعلماء حضرت علامہ مولانا مفتی محمد اطہر نعیمی صدیقی اشرفی صاحب 19 دسمبر 2023ء کو کراچی میں قضائے الٰہی سے انتقال فرماگئے۔اِنَّا لِلہِ وَاِنَّا اِلَیْہِ رٰجِعُوْن

مفتی اطہر نعیمی صاحب رحمۃُ اللہِ علیہ کی نمازِ جنازہ جامع مسجد آرام باغ کراچی میں ادا کی گئی۔ نماز جنازہ میں سابق چیئرمین رؤیت ہلال کمیٹی پاکستان مفتی منیب الرحمٰن صاحب دامت بَرَکَاتُہمُ العالیہ، دارالافتاء اہلسنت کے مفتیان کرام مفتی شفیق عطاری مدنی مُدَّ ظِلُّہُ العالی ، مفتی محمد حسان عطاری مدنی مُدَّ ظِلُّہُ العالی ،مفتی سعید عطاری مدنی، دیگر علمائے اہلسنت، رکن شوریٰ دعوتِ اسلامی حاجی فضیل عطاری اور دعوتِ اسلامی کے ذمہ داران سمیت کثیر تعداد میں عاشقان رسول شریک ہوئے۔

انتقال کی خبر ملنے پر شیخِ طریقت امیر اہل سنت حضرت علامہ محمد الیاس عطار قادری دامت بَرَکَاتُہمُ العالیہ نے 21 دسمبر 2023ء کو اپنے ویڈیو پیغام کے ذریعے مفتی صاحب رحمۃُ اللہِ علیہ کے تمام سوگواران سے تعزیت کی ۔ امیر اہل سنت نے لواحقین کو صبر کی تلقین کرتے ہوئے مفتی صاحب کے لئے ایصالِ ثواب کیا اور دعائیں کیں۔

پیغام امیر اہلسنت کا خلاصہ :

قبر میں پہلا تحفہ

مکتبۃ المدینہ کے رسالے ”نماز جنازہ کا طریقہ“ کے صفحہ 4 پر ہے:

رسول پاک صلَّی اللہ علیہ واٰلہٖ وسلَّمسے کسی نے پوچھا: مومن جب قبر میں داخل ہوتا ہے تو اس کو سب سے پہلا تحفہ کیا دیا جاتا ہے؟ تو ارشاد فرمایا: اُس کی نمازِ جنازہ پڑھنے والوں کی مغفرت کردی جاتی ہے۔(شعب الایمان، ج7، ص8، حدیث 9297)

سگِ مدینہ محمد الیاس عطار قادری رضوی عفی عنہ کی جانب سے ۔۔ ۔۔السلام علیکم ورحمۃ اللہ وبرکاتہ

مجھے یہ افسوسناک خبر ملی کہ جناب اَنفُس نعیمی، جناب مظہر نعیمی اور جناب زبیر نعیمی کے والد محترم جبکہ جناب محمدطاہر نعیمی کے بھائی جان سابق چیئرمین رؤیت ہلال کمیٹی پاکستان، سابق خطیب جامع مسجد آرام باغ کراچی استاذ الاساتذہ و استاذالعلماء حضرت علامہ مولانا مفتی محمد اطہر نعیمی صدیقی اشرفی ، 5جمادی الاخریٰ 1445ھ بمطابق 19 دسمبر 2023ء کو تقریباً 94 سال کی عمر میں کراچی میں وفات پاگئے۔ اِنَّا لِلہِ وَاِنَّا اِلَیْہِ رٰجِعُوْن

میں حضرت کے تمام تلامذہ، عقیدت مندوں اور جملہ سوگواروں سے تعزیت کرتا ہوں اور صبر و ہمت سے کام لینے کی تلقین۔

حضرت العلّام مفتی صاحب نے دار العلوم نعیمیہ کراچی میں طویل عرصے تک تدریس اور فتویٰ نویسی فرمائی۔ اس کے علاوہ حضرت قاضی عیاض رحمۃُ اللہِ علیہ کی مشہور کتاب ”الشفاء“اور دیگر کتب کے ترجموں کے ساتھ ساتھ کئی کتابوں کے مؤلف بھی تھے۔اللہ رب العزت حضرت کی دینی خدمات قبول فرمائےاور اس پر انہیں اجر عظیم عنایت کرے،حضرت کے فیوض و برکات سے ہمیں مالا مال فرمائے۔

دعائے عطار

یارب المصطفٰے جل جلالہ و صلَّی اللہ علیہ واٰلہٖ وسلَّم! حضرت العلّام مفتی صاحب مرحوم کی بےحساب مغفرت فرما، رب کریم ان کی مبارک قبر جنت کا باغ بن جائے، رحمت کے پھولوں سے ڈھک جائے۔ یااللہ پاک! نورِ مصطفٰے کا صدقہ حضرت کی قبر تا حشر جگمگاتی رہے، نور علی نور ہوجائے۔

یااللہ پاک! تمام سوگواروں کو صبر جمیل اور صبر جمیل پر اجر جزیل مرحمت فرما۔

یاذوالجلال والاکرام، اے عظمت و عزت والے مولا! میرے پاس جو کچھ ٹوٹے بھوٹے اعمال ہیں، اپنے کرم کے شایان شان ان پر اجر عطا فرما، یہ سارا اجر و ثواب جناب رسالت عزت مآب صلَّی اللہ علیہ واٰلہٖ وسلَّم کو عنایت فرما، بوسیلۂ خاتم النبیین صلَّی اللہ علیہ واٰلہٖ وسلَّم یہ سارا ثواب حضرت سمیت ساری امت کو عنایت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

رکنِ شوریٰ مولانا حاجی ابوماجد محمد شاہد عطاری مدنی اور شعبہ دعوتِ اسلامی کے شب و روز کی ٹیم دعاگو ہے کہ اللہ عَزَّ وَجَلَّ مرحوم کی مغفرت فرمائے اور انہیں جنت میں بلند درجات عطا فرمائے۔ آمین

دعوتِ اسلامی  کے نیوسوسائٹیز ڈیپارٹمنٹ کے تحت قصور شہر میں آن لائن مدنی مشورہ ہوا جس کو نگرانِ قصور تحصیل مشاورت علی رضا عطاری ،ڈویژن ذمہ دار افضل عطاری،مولانا مقصود عطاری مدنی ، عبدالرحمن عطاری اور خالد عطاری نے جوائن کیا۔

معلومات کے مطابق نگرانِ مجلس نیوسوسائٹیز ڈیپارٹمنٹ حاجی غلام الیاس عطاری نے اسلامی بھائیوں کے دینی کاموں کی سابقہ کارکردگی کا جائزہ لیا نیز تقرری مکمل کرنے ، دینی کاموں کو پھیلانے اور اس میں مزید بہتری لانے کے لئے مختلف تجاویزدیں جس پر اسلامی بھائیوں نے بھلے جذبات کا اظہار کیا۔(رپورٹ: محمد فاروق عطاری نیوسوسائٹیز ڈیپارٹمنٹ آفس ذمہ دار، کانٹینٹ:رمضان رضا عطاری)

17دسمبر 2023ء کو  دعوت اسلامی کے زیرِ اہتمام نگران پاکستان مشاورت نے لاہور شیڈول کے دوران لاہور مشاورت کے ذمہ دار اسلامی بھائیوں کا مدنی مشورہ فرمایا جس میں ڈسٹرکٹ، میٹرو پولیٹن، تحصیل، ٹاؤن نگران و ذمہ داران سمیت یوسی نگران اور ذیلی حلقہ نگران اسلامی بھائیوں نے شرکت کی۔

اس مدنی مشورے میں رکن شوریٰ حاجی یعفور رضا عطاری ، رکن شوریٰ حا جی منصور عطاری نے بھی حاضری دی جبکہ نگران پاکستان مشاورت حاجی محمدشاہدعطاری نے 12 دینی کاموں کی کار کردگی کے بارے میں مدنی مشورہ فرمایا۔

نگران پاکستان مشاورت نے مدنی قافلہ ،ہفتہ وار اجتماع ، مدرسۃالمدینہ بالغان کے بارے میں خصوصی گفتگو فرمائی جس میں دعوت اسلامی کے 12 دینی کاموں کے لئے لوگوں سے ملاقاتیں کرنے کے بارے میں مدنی پھول ارشاد فرمائے۔(کانٹینٹ:رمضان رضا عطاری)

دنیا بھر میں  دینی کام کرنے والی عاشقانِ رسول کی سنتوں بھری تحریک دعوت اسلامی کی طرف سے لیہ میں مدرسۃالمدینہ بالغان کے ذمہ دار اسلامی بھائیوں کا مدنی مشورہ منعقد کیا گیا۔

اس مدنی مشورےمیں رکن شوریٰ حاجی محمد اسلم عطاری، لیہ سٹی سے مدرسۃالمدینہ بالغان کے ذمہ داران کے علاوہ دیگر عاشقان رسول نے بھی شرکت کی ۔

نگران پاکستان مشاورت حاجی محمدشاہد عطاری نے شعبے کے تحت ہونے والے دینی کاموں کی کار کردگی کاجائزہ لیا۔قیمتی مدنی پھولوں سے نوازا اور ذمہ داران کی طرف سے کئے جانے والے سوالات کے جوابات بھی دیئے ۔

نگران پاکستان مشاورت نے ذمہ داران کو شعبے کے شیڈول کے ساتھ ساتھ دعوتِ اسلامی کے 12 دینی کاموں میں حصہ لیتے رہنے کے بارے میں ذہن دیا ۔آخر میں نگران پاکستان مشاورت نے دعا فرمائی۔(کانٹینٹ:رمضان رضا عطاری)

نگران پاکستان مشاورت حاجی محمدشاہد عطاری نے 14 دسمبر 2023ء   لیہ سٹی کے جا معۃالمدینہ بوائز کے طلبہ و اساتذہ ٔ کرام کا مدنی مشورہ فرمایا جس میں طلبۂ کرام ، اساتذہ و ناظمین سمیت دیگر ذمہ داران دعوت اسلامی نے شرکت کی ۔

اس مدنی مشورےمیں رکنِ شوریٰ حاجی محمد اسلم عطاری نے بھی شرکت کی۔ نگران پاکستان مشاورت نے 12 دینی کاموں کی کار کردگی کا جائزہ لیا اور قیمتی مدنی پھولوں سے نوازا ۔اس موقع پر انہوں نے اساتذہ و طلبہ کی طرف سے ہونے والے سوالات کے جوابات بھی ارشاد فرمائے ۔

نگران پاکستان مشاورت نے طلبۂ کرام کو تعلیمی شیڈول کے ساتھ ساتھ دعوت اسلامی کے 12 دینی کاموں میں حصہ لیتے رہنے کے بارے میں ذہن دیا ۔آخر میں نگران پاکستان مشاورت نے دعا کروائی اور حاضرین سے ملاقات بھی فرمائی۔(کانٹینٹ:رمضان رضا عطاری)

دعوت اسلامی کے  شعبہ معاونت برائے اسلامی بہنیں کے زیرِ اہتمام نگران مجلس غلام الیاس عطاری نے علی والا شیر شاہ ٹاؤن ملتان اور بہاولپور روڈ موسیٰ پاک شہید ٹاؤن ملتان میں 18 دسمبر2023ء کو گلی گلی مدرسۃ المدینہ پلاٹس کا وزٹ کیا۔

نگران مجلس نے گلی گلی مدرسۃالمدینہ گرلز کے مقامات کا وزٹ کیا اور وہاں جاری تعمیرات کا جائزہ لیا نیز محارم سے ملاقات کی اور ان کو طالبات کی تعداد میں اضافے کے لئے نکات بتائے ۔(کانٹینٹ:رمضان رضا عطاری)

شعبہ رابطہ برائے  ٹرانسپورٹ دعوت اسلامی کے تحت 20 دسمبر 2023ء بروز بدھ ماڑی پور میں واقع عباس اینڈ کو گڈز آفس میں مدنی حلقہ ہوا جس میں عباس اینڈ کو گڈز آنر اور ورکرزنے شرکت کی ۔

ڈسٹرکٹ سینٹرل ذمہ دار عبد الوہاب عطاری نے علم نجوم اور علم جعفر اور فال نکالنے والوں کے پاس نا جانے کے حوالے سے گفتگو کی اور شرکا کو دعوت اسلامی کے دینی ماحول سے وابستہ رہنے کا ذہن دیا ۔ساتھ ہی انہیں ہفتہ وار اجتماع میں شرکت کرنے کی دعوت دی ۔ اس موقع پر کیماڑی ڈسٹرکٹ رابطہ برائے ٹرانسپورٹ کے ذمہ دار محمد ظہیر عطاری مدنی بھی موجود تھے۔(کانٹینٹ:رمضان رضا عطاری)

عاشقانِ رسول کی دینی تحریک دعوت اسلامی کے  شعبہ فیضان آن لائن اکیڈمی بوائز کے زیرِ اہتمام فیصل آباد میں واقع ستیانہ روڈ برانچ میں موزمبیق سے آئے ہوئے ذمہ دار مولانا مدثر عطاری مدنی (ذمہ دار اوورسیز جامعۃ المدینہ بوائز وگرلز ) نے وزٹ کیا۔

اس موقع پر نگران مجلس فیضان آن لائن اکیڈمی بوائز مولانا یاسر عطاری مدنی نے مدثر عطاری کو برانچ کا دورہ کروایا اور وہاں ہونے والے دینی کاموں کے حوالے سے اپڈیٹ بھی کیا۔(رپورٹ: محمد وقار یعقوب عطاری مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

امیر اہلسنت کے اقوال و ارشادات سے فیض پانے کے لئے خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے اس ہفتے 14 صفحات کا رسالہ ”امیر اہلسنت کے 113 ارشادات“ پڑھنے /سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے خلیفہ امیر اہلسنت

یاربَّ المصطفٰے! جو کوئی 14 صفحات کا رسالہ ”امیر اہلسنت کے 113 ارشادات“ پڑھ یا سن لے اُسےبزرگانِ دین کی محبت عطا فرما، اُن کے نقش قدم پر چلااور اُس کے ایمان کی حفاظت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

مسلمانوں کے ساتھ ہمدردی کرنے اور اُن کے عقائد و اعمال کی اصلاح کرنے والی دینِ اسلام کی عالمگیر تحریک دعوتِ اسلامی کے زیر اہتمام آج مؤرخہ 21دسمبر 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں نورانی مسجد منیر شہید کالونی قصور پنجاب میں رکنِ شوریٰ مولانا حاجی محمد اسد عطاری مدنی سنتوں بھرا بیان فرمائیں گے۔

اس کے علاوہ جم خانہ کلب مارکی کینال روڈ نزد DPSاسکول، کرکٹ اسٹیڈیم تاندلیانوالہ فیصل آباد میں نگران پاکستان مشاورت حاجی محمد شاہد عطاری، مدنی مرکز فیضان مدینہ محبوب ٹاؤن اوکاڑہ میں رکن شوریٰ حاجی منصور عطاری، بیت المکرم مسجد نزد کامسیٹس یونیورسٹی اٹک پنجاب میں رکنِ شوریٰ حاجی وقار المدینہ عطاری، العزیز بینکویٹ الفتح ٹاؤن فیز4 ڈہرکی میں رکنِ شوریٰ مولانا حاجی عبد الحبیب عطاری، بہزاد لکھنوی مسجد سخی حسن چورنگی کراچی میں رکن شوریٰ حاجی محمد رفیع عطاری فٹ بال گراؤنڈ، گلشن راوی لاہور میں رکن شوریٰ حاجی یعفور رضا عطاری اور حنفیہ مسجد مین قائد آباد ابراہیم حیدر ٹاؤن کراچی میں رکن شوریٰ حاجی محمد امین عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

گزشتہ رات 20 دسمبر 2023 بروز بدھ دعوتِ ‏اسلامی کے زیر اہتمام جامع مسجد عظیم پلازہ شو مارکیٹ گارڈن ‏کراچی میں تین دن کے کفن دفن کورس کا آخری لیکچر مکمل ‏ہوا۔

دورانِ کورس حاضرین کوحالت نزع کی احتیاطیں، روح نکلنے کے بعد ‏کرنے والے کام، نماز جنازہ کی اہم معلومات، غسل میت دینے، کفن ‏کاٹنے اور پہنانے کا مکمل پریکٹیکل بھی کر کے بتایا گیا۔

‏اس موقع پر نگرانِ ٹاؤن امتیاز عطاری نے پریکٹیکل ‏کر کے بتایا جبکہ معلم کورس مولانا محمد جاوید عطاری مدنی بھی ‏موجود تھے۔کورس کے آخر میں شرکا نے اپنے تاثرات بھی ‏دیئے جس میں اُن کا کہنا تھا کہ اس کورس سے ہمیں کافی معلومات ‏حاصل ہوئیں ہیں اس طرح کے کورسز کا انعقاد ہونا چاہیئے نیز دعوتِ اسلامی کی اس کاوش کو کافی سراہا گیا۔

لوگوں کے عقائد و نظریات کی حفاظت کرنے والی عاشقانِ رسول کی دینی تحریک دعوتِ اسلامی کے تحت افریقی ملک کینیا کے شہر ممباسہ میں جامعۃ المدینہ بوائز انٹرنیشنل افیئرز (دعوتِ اسلامی) کے تحت” Graduation Ceremony“ کا انعقاد کیا گیا جس میں کینیا کے شہر سے مختلف علمائے کرام، بزنس مین، مختلف شعبہ ہائے زندگی سے تعلق رکھنے والے افراد اور طلبۂ کرام و اساتذۂ کرام نے شرکت کی۔

Graduation Ceremony میں دعوتِ اسلامی کی مرکزی مجلسِ شوریٰ کے رکن مولانا حاجی محمد جنید عطاری مدنی نے سنتوں بھرا بیان کیا اور شرکا کی مختلف امور پر تربیت کی۔

دورانِ اجتماع جامعۃ المدینہ و مدرسۃ المدینہ بوائز کی مختلف کلاسز میں نمایاں پوزیشن حاصل کرنے والے اسٹوڈنٹس کے درمیان تحائف تقسیم کئے گئےجبکہ اس سال 2023ء میں قراٰنِ پاک حفظ و ناظرہ مکمل کرنے والے اسٹوڈنٹس کو اسناد بھی پیش کی گئیں۔ (کانٹینٹ:غیاث الدین عطاری)