لاہور بزنس کمیونٹی سے تعلق رکھنے والے تاجران نے 29 دسمبر 2021ء کو دعوت اسلامی کے عالمی مدنی مرکز فیضان مدینہ کراچی کا دورہ کیا جہاں انہیں مختلف ڈیپارٹمنٹس سمیت اسلامک ریسرچ سینٹر بنام المدینۃ العلمیہ اورمدنی چینل ڈیپارٹ کا وزٹ کروایا گیا۔

بعد ازاں تاجران نے نگران شوریٰ حاجی مولانا محمد عمران عطاری مُدَّ ظِلُّہُ العالی اور رکن شوریٰ حاجی مولانا عبد الحبیب عطاری سے ملاقات کی۔ نگران شوریٰ نے انہیں عالمی سطح پر ہونے والے دعوت اسلامی کے دینی و فلاحی خدمات پر بریفنگ دی اور نیکی کی دعوت پیش کرتے ہوئے تاجران کو دینی کاموں میں جانی و مالی تعاون کرنے کی ترغیب دلائی۔

علم ایک ایسا پھول ہے جتنا کھلتا ہے اتنی خوشبو دیتا ہے۔

علم ایک لازوال دولت ہے ۔علم مشکل حالات میں ہمارے کام آتا ہے ۔علم انسان کے اخلاق وسیرت کی تعمیرکر تا ہے ۔یہی وجہ ہے کہ دنیا میں جتنے بھی بڑے لوگ گزرے ہیں ۔انہوں نے زیادہ سے زیادہ علم حاصل کیا اور کسی نے بھی دولت کو علم پر ترجیح نہ دی ۔

دین اسلام نے بھی علم کو بہت اہمیت دی ہے چنانچہ امىر المومنىن سیدنا علی المرتضیٰ کَرَّمَ اللہ وَجْہَہُ الْکَرِیْم سے مروی ہے کہ حضورنبی ٔرحمت، شفیع امت صَلَّی اللّٰہ علیہ واٰلہٖ وسلَّم نے ارشاد فرماىا: ”جو بندہ علم کی جستجو میں جوتے، موزے یا کپڑے پہنتا ہے تو اپنے گھر کی چوکھٹ سے نکلتے ہی اللہ پاک اس کے گناہ معاف فرمادیتا ہے“۔ (المعجم الاوسط، 4/204، حدیث:5722)

عاشقان رسول کو علم دین کی جستجو دلانے، معاشرتی حوالے سے تربیت کرنے اور ان نے قلوب کو خوفِ خدا، عشق رسول اور محبت صحابہ و اولیاء کرام سے روشن کرنے کے لئے آج رات عالمی مدنی مرکز فیضان مدینہ کراچی میں ہفتہ وار مدنی مذاکرے کا انعقاد کیا جائیگا۔ اس مدنی مذاکرے میں بانی دعوت اسلامی حضرت علامہ محمد الیاس عطار قادری دامت بَرَکَاتُہمُ العالیہ مدنی پھول ارشار فرماتے ہوئے عاشقان رسول کی جانب سے ہونے والے سوالات کے جوابات ارشاد فرمائیں گے۔ اس پروگرام کو مدنی چینل پر بھی براہ راست نشر کیا جائیگا۔

تمام عاشقان رسول سے اس مدنی مذاکرے میں شرکت کرنے کی درخواست ہے۔

دعوتِ اسلامی کے شعبہ رابطہ برائے شخصیات کے تحت 14 دسمبر 2021 ءکراچی زون ایسٹ لانڈھی کابینہ  ڈویژن کورنگی میں ریجن زون اور کابینہ سطح ذمہ دار اسلامی بہنوں اور دیگر اسلامی بہنوں کے ساتھ مدنی مشورہ کیا۔ ذمہ دار اسلامی بہن نے کام میں بہتری لانے کیلئے مدنی پھول دیئے، شخصیات کے گھر مدنی حلقہ لگایا گیا ، اور انکے گھر دعا کی گئی ۔ اہلِ خانہ نے اسلامی بہنوں کی خیر خواہی بھی کی اور دعوت اسلامی کے کاموں کو خوب سراہا ۔

دعوتِ اسلامی کے زیر اہتمام 26 دسمبر 2021ء کو جھنگ زون شعبہ مکتبۃ المدینہ کی رکن زون کا  چنیوٹ، لالیاں کابینہ ذمہ داران ، شاہ جیونہ اور بھوآنہ کابینہ نگران اسلامی بہن کے ساتھ بذریعہ کال مدنی مشورہ کیا جس میں عشرہ ماہنامہ فیضان مدینہ ایونٹ کے پہلے دن کی کارکردگی کا فالواپ لیا گیا اوراچھی کوشش پر ذمہ داراسلامی بہنوں کی حوصلہ افزائی کی گئی اور مزید کوشش کرنے کی بھی ترغیب دلائی گئی۔ جس پر ذمہ داران نے اچھی اچھی نیتیں پیش کیں۔ 

دعوتِ اسلامی کے زیر اہتمام 23دسمبر 2021 ء بروز جمعرات کراچی رنچھوڑلائن شومارکیٹ  میں غسلِ میت کی تر بیت کا انعقاد ہوا جس میں 9 اسلامی بہنوں نے شرکت کی۔

مبلغہ دعوت اسلامی نے غسلِ میت اور کفن کے احکام تفصیلاً بتائےاور عملی طریقہ بھی سکھا یا نیز ہر ماہ تربیتی اجتماع میں شرکت کرنے، اور انفرادی کوشش کر کے دیگر اسلامی بہنوں کو اجتماع میں لانےاور اپنی آخرت کی تیاری کا ذہن دیا۔

دعوتِ اسلامی کے شعبہ تعلیم کے تحت 18 دسمبر2021 ءکوکراچی لیاری کابینہ ڈویژن جمعہ بلوچ میں ایک ٹیوٹر کے گھر ایک روزہ”مفتاح الجنۃ“ کلاس کا اہتمام کیا گیا جس میں ڈویژن مشاورت  (شعبہ تعلیم) اور علاقہ نگران اور ذیلی مشاورت شعبہ (نیکی کی دعوت) نے شرکت کی۔ ڈویژن مشاورت(شعبہ تعلیم) نے”نماز کی اہمیت“ پر بیان کیا اور نماز کا عملی طریقہ سیکھایا ۔ اہل خانہ نے دعوت اسلامی کے دینی کاموں کو خوب سراہا۔

دعوتِ اسلامی کے شعبہ رابطہ برائے شخصیات کے تحت 16 دسمبر 2021 ءکراچی زون ساؤتھ ڈویژن جمعہ بلوچ میں  اہل ثروت منسلک اسلامی بہن کے گھر ایصال ثواب کے سلسلہ میں محفل نعت کا انعقاد کیا گیاجس میں کابینہ مشاورت (شعبہ محفل نعت )، کابینہ مشاورت (شعبہ رابطہ)،ڈویژن مشاورت (شعبہ رابطہ) ودیگر ذمہ داران اسلامی بہنوں نے شرکت کی۔کابینہ مشاورت نے نیکی کی دعوت کے فضائل پر بیان کیا، اجتماع میں شرکت کرنے اور شارٹ کورس کرنے کا ذہن دیا۔ اسلامی بہنوں نے ہاتھوں ہاتھ نیتیں پیش کیں۔

دعوتِ اسلامی کے شعبہ رابطہ برائے شخصیات کے تحت 17 دسمبر 2021 ء ڈویژن جمعہ بلوچ میں مختلف مقامات پر نیکی کی دعوت کا سلسلہ رہاجس میں ڈویژن مشاورت و علاقہ مشاورت و ذیلی مشاورت اسلامی بہنوں نے شرکت کی۔

مبلغہ دعوت اسلامی نے بیوٹی پالر،سلائی سینٹر اور اہل ثروت اسلامی بہنوں کو دعوت اسلامی کے دینی وفلاحی کاموں کے بارے میں بتا یا جس پر ایک بیوٹی پارلر کی اونر نے ہر بدھ کی صبح اجتماع ، سلائی سینٹر کی اونر نے ہر ماہ درس اور اہل ثروت اسلامی بہن نے ہر ماہ محفل نعت رکھوانے کی نیتیں کیں۔تقسیم رسائل کا سلسلہ بھی رہا۔

دعوتِ اسلامی کے شعبہ رابطہ برائے شخصیات کے تحت 14 دسمبر 2021 ءکراچی زون ایسٹ لانڈھی کابینہ  ڈویژن کورنگی میں ریجن زون اور کابینہ سطح ذمہ دار اسلامی بہنوں اور دیگر اسلامی بہنوں کے ساتھ مدنی مشورہ کیا۔ ذمہ دار اسلامی بہن نے کام میں بہتری لانے کیلئے مدنی پھول دیئے، شخصیات کے گھر مدنی حلقہ لگایا گیا ، اور انکے گھر دعا کی گئی ۔ اہلِ خانہ نے اسلامی بہنوں کی خیر خواہی بھی کی اور دعوت اسلامی کے کاموں کو خوب سراہا ۔

دعوت اسلامی کے شعبہ رابطہ برائے شخصیات کے تحت 11 دسمبر 2021  ء کوکراچی زون ایسٹ 1 ملیر کابینہ ڈویژن کھوکھراپار میں سیکھنے سکھانے کے حلقے کا انعقاد کیا گیاجس میں شعبہ رابطہ زون ذمہ دار اسلامی بہن نے اصلاحی بیان کیا، نماز کی پابندی اور وقت پر ادا کرنے کا ذہن دیا۔ روزانہ درود پاک پڑھنے کی نیتیں بھی کیں۔

دعوتِ اسلامی کے شعبہ رابطہ برائے شخصیات کے تحت 11 دسمبر 2021 ء کوشعبہ رابطہ کا ذمہ داراسلامی بہنوں  کے ساتھ مدنی مشورہ ہواجس میں ریجن سطح، زون اور کابینہ ذمہ دار اسلامی بہنوں نے شرکت کی۔ اجلاس میں شعبہ کے اہم نکات سمجھائے گئے اور شعبے کی تقرری پر بھی کلام کیا۔

دعوتِ اسلامی کے تحت 18 دسمبر 2021  ء کوکراچی زون ساؤتھ 2 کابینہ سرجانی 4k میں ریجن نگران کابینہ تا علاقہ ذمہ داران اور کابینہ مشاورتوں کے درمیان مدنی مشورے کا اہتمام ہوا جس میں کم و بیش 25 اسلامی بہنوں نے شرکت کی ۔ریجن نگران نے ” تزکیہ نفس “کے موضوع پر بیان کئےاور ذمہ داران کی تربیت کے لئے اخلاقیات،احساس ذمہ داری کے حوالے سے بھی مدنی پھول دئیےمزیدذمہ داران کو دینی کاموں کو مضبوط کرنے، اور تقرریاں مکمل کرنے کی طرف توجہ دلائی شرکاء اسلامی بھنوں نے اچھی اچھی نیتیں پیش کیں۔