دعوتِ اسلامی کے تحت پچھلے دنوں دارالسلام تنزانیہ کے علاقے  چاریکا میں ہفتہ وار سنتوں بھرے اجتماع کا انعقاد کیا گیاجس میں مقامی اسلامی بہنوں نے شرکت کی۔

اس اجتماعِ پاک میں نگرانِ عالمی مجلسِ مشاورت اسلامی بہن نے سنتوں بھرا بیان کرتے ہوئے اسلامی بہنوں کی تربیت و رہنمائی کی اور انہیں اللہ کے نیک بندوں سے محبت نیز قیامت کی جوابدہی کے متعلق مدنی پھول دیئے۔

بعدازاں نگرانِ عالمی مجلسِ مشاورت نے اجتماع میں شریک اسلامی بہنوں سے ملاقات کرتے ہوئے انہیں دعوتِ اسلامی کے دینی کاموں میں حصہ لینے کی ترغیب دلائی۔

دعوتِ اسلامی کے تحت حافظ آباد میں قائم مدنی مرکز فیضانِ مدینہ میں تقسیمِ اسناد اجتماع ہوا جس میں اسسٹنٹ کمشنر حافظ آباد رب نواز چدھڑ، سابق ایم ایس ڈی ایچ کیو ڈاکٹر بشارت گھمن اور چائلڈ اسپیشلسٹ اے ایم ایس DHQ ڈاکٹر عابد حسین بھٹی سمیت دیگر عاشقانِ رسول نے شرکت کی۔

اس موقع پر شخصیات کے ہاتھوں مدرسۃالمدینہ بوائز دعوتِ اسلامی سے قراٰنِ پاک مکمل حفظ کرنے والے بچوں میں تحائف تقسیم کئے گئے جبکہ انہوں نے بچوں کی حوصلہ افزائی بھی کی۔

بعدازاں اسسٹنٹ کمشنر کو مکتبۃالمدینہ دعوتِ اسلامی کی مطبوعہ معرفۃالقراٰن کا سیٹ تحفے میں دیا گیا جس پر انہوں نے خوشی کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری) 

عاشقانِ رسول کی دینی تحریک دعوتِ اسلامی کے تحت پچھلے دنوں تحصیل شرقپور  میں سنتوں بھرے اجتماع کا انعقاد کیا گیا جس میں سیاسی، سماجی اور مذہبی شخصیات نے کثیر تعداد میں شرکت کی جن میں سے بعض درج ذیل ہیں:

ایم پی اے چوہدری افتخار احمد بھنگو، سابق ایم پی اےحاجی علی اصغر مُنڈا، سابق ایم پی اے صاحبزادہ میاں جلیل احمد شرقپوری، سابق سٹی ناظم ڈاکٹر راؤوف گجر، سابق چیئرمین چوہدری زبیر گھگ، سابق جنرل کونسلرملک اقبال احمد جوڑا، پرنسپل گورنمنٹ ہائی اسکول امجد بھنگو، میڈیا پرسن ملک جاوید اقبال ، میڈیا پرسن عامر مجید نوشاہی، معروف شخصیت راؤمزمل، چمن خان ، قیوم خان۔

اس موقع پر دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا اور حاضرین کو نیکی کے کاموں میں حصہ لینے کی ترغیب دلائی۔

پچھلے دنوں سینئر بیوروکریٹ چوہدری بابرحیات تاڑر کے والد کے ایصالِ ثواب کے لئے اجتماعِ ذکر و نعت کا اہتمام کیا گیا جس میں کثیر سیاسی و سماجی شخصیات سمیت دیگر بیوروکریٹس نے شرکت کی۔

اس اجتماعِ پاک میں مرکزی مجلسِ شوریٰ کے رکن حاجی محمد اظہر عطاری نے سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی۔

بعدازاں چوہدری بابر حیات تاڑر سمیت دیگر اسلامی بھائیوں نے رکنِ شوریٰ حاجی محمد اظہر عطاری سے ملاقات کی نیز رکنِ شوریٰ نے شخصیات کو عالمی مدنی مرکز فیضانِ مدینہ کراچی کا وزٹ کرنے کی دعوت دی جس پر انہوں نے اچھی اچھی نیتیں کیں۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

گزشتہ روز مختلف شخصیات MNA نیشنل اسمبلی ممبر علی پرویز ملک اور MPA ٹکٹ ہولڈر میاں سلیم نے جوہر ٹاؤن لاہور میں قائم دعوتِ اسلامی کے مدنی مرکز فیضانِ مدینہ کا وزٹ کیا۔

عاشقانِ رسول کی دینی تحریک دعوتِ اسلامی کے تحت پچھلے دنوں شعبہ رابطہ برائے شخصیات کے ذمہ دار اسلامی بھائیوں نے علامہ اقبال ٹاؤن لاہور میں ایس پی (SP) صدر محمد حمزہ اور ایس ایچ او (SHO) فاروقِ اعظم سے ملاقات کی۔

دورانِ ملاقات ذمہ داران خواجہ سلیم عطاری اور کامران غازی عطاری نے دعوتِ اسلامی کے دینی کاموں کے حوالے سے گفتگو کی اور انہیں جوہر ٹاؤن لاہور کے مدنی مرکز فیضانِ مدینہ کا وزٹ کرنے کی دعوت دی جس پر انہوں نے اپنی نیک خوہشات کا اظہار کیا۔بعدازاں افسران کو ذمہ داران کی جانب سے مکتبۃالمدینہ دعوتِ اسلامی کے کُتُب و رسائل تحفے میں دیئےگئے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

دعوتِ اسلامی کے شعبہ فیضان آن لائن اکیڈمی بوائز کے تحت لاہور ڈویژن میں ہونے والے مدنی عملے کے تربیتی اجتماع کے آخر میں  نگرانِ شعبہ مولانا یاسر عطاری مدنی نے شرکا کی تربیت کی۔

دورانِ تربیت نگرانِ شعبہ نے حاضرین کی جانب سے ہونے والے مختلف سوالات کے جوابات دیئے نیز دعوتِ اسلامی کے دینی کاموں میں شمولیت اختیار کرنے کا ذہن دیا۔اس موقع پر صوبائی ذمہ دار مولانا محمد عامر سلیم عطاری مدنی اور رکن ِشعبہ سیّد غلام الیاس عطاری موجود تھے۔(رپورٹ:وقار یعقوب مدنی برانچ ناظم فیضان آن لائن اکیڈمی بوائز، کانٹینٹ:غیاث الدین عطاری)

پچھلے دنوں شعبہ فیضانِ آن لائن اکیڈمی بوائز دعوتِ اسلامی کےتحت  ذیلی شعبہ جامعۃ المدینہ آن لائن لاہور ڈویژن کے مدنی عملے کا تربیتی اجتماع ہواجس میں اسلامی بھائیوں کی کثیر تعداد نے شرکت کی۔

اس موقع پر رکنِ شعبہ مولانا نعیم بابر عطاری مدنی نے شعبے کے تعلیمی نظام کو بہتر بنانے کے حوالے سے سے پریزنٹیشن کے ذریعے اسلامی بھائیوں کی تربیت و رہنمائی کی نیز دعوتِ اسلامی کے دینی کاموں میں عملی طور پر حصہ لینے کا ذہن دیا۔(رپورٹ:وقار یعقوب مدنی برانچ ناظم فیضان آن لائن اکیڈمی بوائز، کانٹینٹ:غیاث الدین عطاری)

دعوتِ  اسلامی کے شعبہ مزاراتِ اولیا کے تحت سیالکوٹ کے علاقے ہیڈ مرالہ میں قائم حضرت سید عبدُاللہ شاہ المعروف پیر سبز سرکار علیہ الرحمہ کے سالانہ عرس کے موقع پرمحفلِ نعت کا اہتمام کیا گیا۔

اس موقع پر مزار شریف پر مدرسۃُ المدینہ کے بچوں نے قرآن خوانی کی۔ بعدازاں مبلغِ دعوتِ اسلامی مولانا محمد عبید رضا عطاری مدنی نے سنتوں بھرا بیان فرمایا اور وہاں موجود زائرین کو بزرگانِ دین کی تعلیمات پر عمل کرنے کا ذہن دیتے ہوئے نمازوں کی پابندی کرنے اور ہفتہ وار سنتوں بھرے اجتماع میں شرکت کرنے کی ترغیب دلائی۔(رپورٹ:ثناءاللہ عطاری سیالکوٹ زون مجلس مزاراتِ اولیا،کانٹینٹ:رمضان رضا عطاری)

شعبہ مزارات اولیا دعوتِ اسلامی کے زیرِ اہتمام  گجرات کے علاقےڈھوڈا شریف میں بزرگان ڈھوڈا شریف رحمۃُاللہ علیہ کے سالانہ عرس کے موقع پر مدرسۃُالمدینہ کے بچوں نے مزار شریف پر قراٰن خوانی کی۔

بعدازاں شعبہ مزارات اولیا کے ڈویژن ذمہ دار ثناءُاللہ عطاری نے بچوں کے ہمراہ مزار شریف پر حاضری دی۔ اس موقع پر فاتحہ خوانی کی اور ایصال ثواب کرتے ہوئے صاحبِ مزار کے لئے ترقی درجات کی دعا کروائی۔ (رپورٹ:ثناءاللہ عطاری سیالکوٹ زون مجلس مزاراتِ اولیا،کانٹینٹ:رمضان رضا عطاری)

شعبہ فیضانِ آن لائن اکیڈمی بوائز دعوتِ اسلامی کےتحت  ذیلی شعبہ مدرسۃالمدینہ آن لائن لاہور ڈویژن کے اسٹاف کا تربیتی اجتماع ہوا جس میں کثیر اسلامی بھائیوں نے شرکت کی۔

اس تربیتی اجتماع میں مبلغِ دعوتِ اسلامی سیّد انس عطاری نے شعبے کے تعلیمی نظام کو بہتر بنانے کے حوالے سے پریزنٹیشن کے ذریعے اسلامی بھائیوں کی تربیت کی جبکہ رکنِ شعبہ تعلیمی امور مولانا عرفان عطاری مدنی نے شرکا کو شعبے کے دینی کاموں میں مزید بہتری لانے کا ذہن دیا۔

4 دسمبر2022ء بروز  اتوار گوجرانوالہ ڈویژن کے نگران مرکزی مجلسِ شوریٰ کے رکن حاجی محمد اظہر عطاری نے وزیرآباد میں گوجرانوالہ ڈویژن کے شعبہ ذمہ داران، ڈسٹرکٹ ،تحصیل اور سٹی نگرانوں کا مدنی مشورہ فرمایا۔

دورانِ گفتگو رکنِ شوریٰ حاجی محمد اظہر عطاری نے اسلامی بھائیوں کی سابقہ دینی کام کی کارکردگی کا جائزہ لیتے ہوئے انہیں 12دینی کاموں میں مزید بہتری لانے کے حوالے سے مدنی پھول دیئےنیز تقرری مکمل کرنے اور ماتحت شعبہ جات کو خود کفیل کرنے کی ترغیب دلائی جس پر اسلامی بھائیوں نے اچھی اچھی نیتوں کا اظہار کیا۔ ( رپورٹ :محمد مزمل عطاری ڈویژن ذمہ دار مجلس مدنی چینل عام کریں گوجرانوالہ ڈویژن،کانٹینٹ: رمضان رضا عطاری )