3 دسمبر 2022ء کو دعوتِ اسلامی کے زیرِ اہتمام رابطہ برائے ٹرانسپورٹ ڈیپارٹمنٹ  کے ذمہ دار اسلامی بھائیوں نے فیصل آباد ڈویژن کے ڈسٹرکٹ جھنگ سٹی شالیمار بس کمپنی کے آنر و سابق وفاقی وزیر شیخ وقاص کے بھائی شیخ فواد سے ملاقات کی۔

دورانِ ملاقات صوبائی ذمہ دار محمد امجد عطاری نے شیخ فواد کو زبان و نظر کی حفاظت ،حسن اخلاق و نیک صحبت کے متعلق مدنی پھول دیتے ہوئے اصلاحی بیانات پر مشتمل دعوتِ اسلامی کا مدنی ڈیٹا پیش کرتے ہوئے انہیں شالیمار بس کمپنی کی تمام گاڑیوں میں انٹر کرنے کا ذہن دیا اور مدنی مرکز فیضان مدینہ وزٹ کی دعوت بھی دی جس پر انہوں نے اچھی اچھی نیتوں کا اظہار کیا۔اس موقع پر فیصل آباد ڈویژن ذمہ دار شعبہ رابطہ برائے ٹرانسپورٹ حسن عطاری بھی وہاں موجود تھے۔ ( کانٹینٹ: رمضان رضا عطاری) 

04 دسمبر 2022 ٫ بروز اتوار شعبہ عطیات بکس  کے تحت لاہور میں قائم دعوتِ اسلامی کے مدنی مرکز فیضانِ مدینہ جوہر ٹاؤن میں میٹنگ کا انعقاد ہوا جس میں میٹرو پولیٹن و ڈویژن ذمہ داران نے شرکت کی۔

میٹنگ کا آغاز تلاوتِ قرآنِ پاک و نعتِ رسول مقبول صلَّی اللہ علیہ واٰلہٖ وسلَّم سے ہوا۔بعدازاں صوبائی ذمہ دار محمد زاہد عطاری نے مدنی مشوروں کے مدنی پھول پڑھ کر سنائے اور سابقہ کارکردگیوں کا مختلف انداز سے جائزہ لیا نیز ذمہ داران کو12 دینی کام مضبوط کرنے کے حوالے سے ترغیب دلائی۔مزید شعبے کے نظام میں کیسے ترقی لائی جا سکتی ہے اس پر کلام ہوا اور مسائل کے حل کی پلیننگ دیتے ہوئے نئے اہداف بھی طے کئے گئے ۔

اس کے علاوہ اس میٹنگ میں خصوصیت شرکت نگران ِپنجاب و رکنِ شوریٰ حاجی اسلم عطاری کی ہوئی جس میں رکنِ شوریٰ نے ذمہ داران کی مختلف پہلوؤں سے تربیت کی نیز اہداف سیٹ کروائے اور ان کی پلیننگ کر کے دی ۔

مدنی مشورے میں رکنِ شوریٰ نے ذمہ داران کو بالخصوص ایک ماہ کے مدنی قافلے میں سفر کرنے کا ذہن دیا جس پر اسلامی بھائیوں نے ہاتھوں ہاتھ اپنے آپ کو ایک ماہ کے مدنی قافلے کے لئے پیش کیا۔اس پر رکنِ شوریٰ نے ذمہ داران کو محبتوں شفقتوں اور تحائف سے بھی نوازا ۔(رپورٹ: محمد شہریار عطاری سوشل میڈیا ڈونیشن بکس پنجاب،کانٹینٹ: رمضان رضا عطاری)

از:مولانا شہروز علی عطاری مدنی

بخاری پارک نزد بس اڈہ الہ آباد روڈ،”سبی“، بلوچستان میں 01دسمبر 2022 بروز جمعرات بعد نمازِ عشاء ، مبلغِ دعوتِ اسلامی و رکنِ شوری حاجی ابو رجب محمد شاہد عطاری دامت بَرَکاتُہمُ العالیہ نے دعوتِ اسلامی کے ہفتہ وار نیکیوں (سنتوں) بھرے اجتماع میں بیان فرمایا ۔جس میں انہوں نے نیک بننے اور گناہوں سے منہ موڑنے کی بھرپور ترغیب دلائی۔

چالیس سال پرانا تحفہ آج بھی سلامت تھا:

یوں تو رکنِ شوری حاجی ابو رجب محمد شاہد عطاری دامت بَرَکاتُہمُ العالیہ کا شیڈول 25 نومبر سے بلوچستان کے مختلف شہروں میں رہا ہے اور کئی عاشقانِ رسول سے ملاقات کی لیکن ”سبی“ شہرمیں اسماعیل نام کے ایک ایسے بزرگ اسلامی بھائی کے گھرقیام فرمایا جو محبِ دعوتِ اسلامی ہونے کےساتھ بانی ِدعوتِ اسلامی حضرت علامہ مولانا محمد الیاس عطار قادری رضوی دامت بَرَکاتُہمُ العالیہ کے بھی بے ح د معتقد تھے۔انہوں نے امیرِ اہلِ سنت سےمحبت سےا ٓراستہ اپنا چالیس سال پرانا ایک واقعہ بیان کیا کہ

سن 1983میں ایک اسلامی بھائی کے ساتھ امیرِ اہلِ سنت سے ملاقات کے لیے آیا ،امیرِا ہلِ سنت دامت بَرَکاتُہمُ العالیہ نے میری دل جوئی کے لیے عمامہ کے فضائل تحفے میں دیا ۔تو میں نے ان کی ایک فریم بنالی اور اسے چالیس سال سے محفوظ رکھا ہے۔

وہ تحفہ کیا تھا؟

وہ تحفہ علمِ دین کی معلوملات پر مشتمل ایک پمفلٹ تھا جس میں عمامے کے فضائل پر مشتمل آٹھ فرامینِ مصطفیٰ صلی اللہ علیہ واٰلہٖ وسلم تھے،ایک ایمان افروز حکایت کے ساتھ ساتھ آخر میں عمامے سے متعلق پانچ اہم مسائل بھی درج تھے۔

پھر رکنِ شوری نے امیرِ اہلِ سنت مَدَّ ظِلُّہُ العالی کے کیے گئے دم کی برکت پر مشتمل ایک واقعہ بیان کیا:

امیر اہلِ سنت کا دَم اور نوکری کی ضمانت:

ایک دفعہ امیرِ اہلِ سنت ”سبی“تشریف لائے۔ ایک امام صاحب نے آپ سے ملاقات کی اور کہا کہ حضور! یہاں کہ ادارے میں نیا افسر آیا وہ مجھے نکالنا چاہتا ہے ،آپ دعا کریں کہ میں نوکری سے نہ نکالا جاؤں ۔امیرِ اہل سنت مَدَّ ظِلُّہُ العالی نے ارشاد فرمایا :کھڑے ہو جائیں۔پھر آپ نے ان کے چاروں طرف دَم کرکے ارشاد فرمایا : جب تک تم نہ چاہو گے تب تک تمہیں کوئی نہیں نکالے گا۔اس دَم اور پاکیزہ کلمات کی برکت یہ ظاہر ہوئی کہ وہ اپنی ملازمت کے پچیس سال پورے کر کےریٹائر ہوئے۔

پیارے بھائیو!آج ”دعوتِ اسلامی“دینِ متین کا پیغام عام کرتی جارہی ہے اور اپنے ٹارگٹ کو پورا کرتے ہوئے دن بہ دن ترقی کے سفر پر رواں دواں ہے ،ان تمام ترقیوں کا کریڈٹ امیرِ اہل سنت کو جاتا ہے۔جن کی محنت،اصلاحِ معاشرے کےجذبےاورشہر شہر،ملک ملک جا کر نیکی کی دعوت دینےاور بگڑے ہوؤں کو نیک راہ پر لانے کے جنون سےہمیں دعوتِ اسلامی نام کا ایک پھل دار اور سایہ دار درخت مل گیا۔

اللہ پاک ہمیں دعوت اسلامی کے دینی ماحول میں رہ کر دینِ متین کی خوب خوب خدمت کرنے کی توفیق عطا کرے۔اٰمین بِجاہِ النّبیِّ الْاَمین صلی اللہ علیہ واٰلہٖ وسلم

29 نومبر 2022ء بروزمنگل زنزیبار تنزانیہ میں دعوتِ اسلامی کی ذمہ دار اسلامی بہنوں کی تربیت کے لئے سنتوں بھرے اجتماع کے متعلق کورس منعقد کیا گیا۔

تفصیلات کے مطابق اس کورس میں مبلغات و معلمات تیار کرنے، اجتماع میں شرکا کی تعداد بڑھانےاور دعوتِ اسلامی کے دیگر دینی کام کرنے کے حوالے سے کلام کیا گیا۔

اس موقع پر ذمہ دار اسلامی بہن نے دیگر ذمہ داران سے شعبہ ڈونیشن بکس کے متعلق گفتگو کرتے ہوئے ذمہ داران کی تقرریاں مکمل کرنے اور انہیں دینی کام سکھانے کا ذہن دیا۔ 

دنیا بھر میں نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے زیرِ اہتمام تنزانیہ دارالسلام میں ایک شخصیت اسلامی بہن کے گھر محفلِ میلاد منعقد کیا گیا۔

معلومات کے مطابق مبلغۂ دعوتِ اسلامی نے ”والدین کے حقوق“ کے موضوع پر سنتوں بھرا بیان کیااور شرکا اسلامی بہنوں کو اپنے والدین کی خدمت کرنے کی ترغیب دلائی۔

گزشتہ روز تنزانیہ کے شہر دارالسلام کی جامع مسجد نور میں سنتوں بھرے اجتماع کا انعقاد کیا گیا جس میں مقامی اسلامی بہنوں سمیت ذمہ داران نے شرکت کی۔

دعوتِ اسلامی کے تحت ہونے والے دینی کاموں کا جائزہ لینے کے لئے پچھلے دنوں نگرانِ عالمی مجلسِ مشاورت اسلامی بہن نے دیگر ذمہ داران کے ہمراہ زنزیبار تنزانیہ کا دورہ کیاجہاں انہوں نے مقامی ذمہ دار اسلامی بہنوں سے ملاقات کی۔

اس موقع پر نگرانِ عالمی مجلسِ مشاورت نے ذمہ دار اسلامی بہنوں کی تربیت کرتے ہوئے انہیں ہفتہ وار سنتوں بھرے اجتماع میں پابندی کے ساتھ شرکت کرنے اور دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا ۔

عالمی سطح پر لوگوں کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت دارالسلام تنزانیہ میں واقع علاقہ کریا کو میں ہفتہ وار سنتوں بھرے اجتماع کا انعقاد کیا گیا جس میں قرب و جوار کی اسلامی بہنوں نے شرکت کی۔

معمول کے مطابق اجتماع کا آغاز تلاوتِ کلامِ پاک اور نعتِ رسولِ مقبول صلی اللہ علیہ و سلم سے کیا گیاجبکہ نگرانِ عالمی مجلسِ مشاورت اسلامی بہن نے ”دعوتِ اسلامی کا تعارف“ کے موضوع پر سنتوں بھرا بیان کرتے ہوئے حاضری کو دعوتِ اسلامی کے دینی و فلاحی کاموں کے بارے میں بتایا۔

عاشقانِ رسول کی دینی تحریک دعوتِ اسلامی کے تحت افریقی ملک تنزانیہ کے شہر دارالسلامیں ماہانہ سیکھنے سکھانے کا حلقہ لگایا گیا جس میں ذمہ داران سمیت دیگر اسلامی بھائیوں نے شرکت کی۔

ابتداءً تنزانیہ کی ذمہ دار اسلامی بہن نے تلاوتِ قراٰنِ پاک سے حلقے کا آغاز کیااور نعت خواں اسلامی بہن نے پیارے آقا صلی اللہ علیہ و سلم کی بارگاہ میں نذرانۂ عقیدت پیش کیا۔

نگرانِ عالمی مجلسِ مشاورت اسلامی بہن نے ”دینی کام بڑھانے کا طریقۂ کار“ کے موضوع پر سنتوں بھرا بیان کرتے ہوئے اسلامی بہنوں کی تربیت کی اور انہیں دعوتِ اسلامی کے دینی کاموں میں عملی طور پر حصہ لینے کا ذہن دیا۔

آخر میں نگرانِ عالمی مجلسِ مشاورت نے شرکائے حلقہ سے ملاقات کرتے ہوئے اُن پر انفرادی کوشش کی جس پر اسلامی بہنوں نے اچھی اچھی نیتوں کا اظہار کیا۔

گزشتہ روز افریقی ملک تنزانیہ میں دعوتِ اسلامی کے تحت  ذمہ دار اسلامی بہنوں کے درمیان ہونے والے سنتوں بھرے اجتماع میں نگرانِ عالمی مجلسِ مشاورت اسلامی بہن نے سنتوں بھرا بیان کیا۔

دورانِ بیان نگرانِ عالمی مجلسِ مشاورت نے شرکائے اجتماع کی تربیت و رہنمائی کرتے ہوئے مختلف زبانوں میں ہونے والے اجتماعات کی تعداد بڑھانےکا ذہن دیا۔

اس کے علاوہ نگرانِ عالمی مجلسِ مشاورت نے نگرانی کرنے اور افراد تیار کرنے کا طریقہ بتایا نیز دینی کام مستقل کرنے کے حوالے سے اسلامی بہنوں کی ذہن سازی کی۔

بعدازاں نگرانِ عالمی مجلسِ مشاورت اسلامی بہن نے دعوتِ اسلامی کے دینی ماحول میں کون سے امور مددگار ثابت رہتے ہیں اس کے متعلق مدنی پھول دیئے۔

دعوتِ اسلامی کے تحت پچھلے دنوں دارالسلام تنزانیہ کے علاقے  چاریکا میں ہفتہ وار سنتوں بھرے اجتماع کا انعقاد کیا گیاجس میں مقامی اسلامی بہنوں نے شرکت کی۔

اس اجتماعِ پاک میں نگرانِ عالمی مجلسِ مشاورت اسلامی بہن نے سنتوں بھرا بیان کرتے ہوئے اسلامی بہنوں کی تربیت و رہنمائی کی اور انہیں اللہ کے نیک بندوں سے محبت نیز قیامت کی جوابدہی کے متعلق مدنی پھول دیئے۔

بعدازاں نگرانِ عالمی مجلسِ مشاورت نے اجتماع میں شریک اسلامی بہنوں سے ملاقات کرتے ہوئے انہیں دعوتِ اسلامی کے دینی کاموں میں حصہ لینے کی ترغیب دلائی۔

دعوتِ اسلامی کے تحت حافظ آباد میں قائم مدنی مرکز فیضانِ مدینہ میں تقسیمِ اسناد اجتماع ہوا جس میں اسسٹنٹ کمشنر حافظ آباد رب نواز چدھڑ، سابق ایم ایس ڈی ایچ کیو ڈاکٹر بشارت گھمن اور چائلڈ اسپیشلسٹ اے ایم ایس DHQ ڈاکٹر عابد حسین بھٹی سمیت دیگر عاشقانِ رسول نے شرکت کی۔

اس موقع پر شخصیات کے ہاتھوں مدرسۃالمدینہ بوائز دعوتِ اسلامی سے قراٰنِ پاک مکمل حفظ کرنے والے بچوں میں تحائف تقسیم کئے گئے جبکہ انہوں نے بچوں کی حوصلہ افزائی بھی کی۔

بعدازاں اسسٹنٹ کمشنر کو مکتبۃالمدینہ دعوتِ اسلامی کی مطبوعہ معرفۃالقراٰن کا سیٹ تحفے میں دیا گیا جس پر انہوں نے خوشی کا اظہار کیا۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)