عاشقانِ رسول کی دینی تحریک دعوتِ اسلامی کے تحت KDA آفیسر کالونی میں درسِ قراٰن کا اہتمام کیا گیا جس میں دیگر ذمہ داران کے علاوہ نگرانِ عالمی مجلسِ مشاورت اسلامی بہن نے شرکت کی۔

دورانِ درسِ قراٰن نگرانِ عالمی مجلسِ مشاورت اسلامی بہن نے حاضرین کی تربیت و رہنمائی کرتے ہوئے انہیں مدنی پھولوں سے نوازا نیز اختتامی دعا بھی کروائی۔

آخر میں نگرانِ عالمی مجلسِ مشاورت نے اسلامی بہنوں سے ملاقات کرتے ہوئے اُن پر انفرادی کوشش کی اور انہیں دعوتِ اسلامی کے دینی کاموں میں شمولیت اختیار کرنے کا ذہن دیا۔

دعوتِ اسلامی کے تحت پچھلے دنوں نارتھ امریکہ میں مدنی مشورے کا انعقاد کیا گیا جس میں اہم ذمہ دار اسلامی بہنوں نے شرکت کی۔معلومات کے مطابق اس مدنی مشورے میں ذمہ دار اسلامی بہنوں نے دعوتِ اسلامی کے دینی کاموں کے حوالے سے مختلف امور پر گفتگو کی اور ہفتہ وار سنتوں بھرے اجتماع کے مدنی پھولوں پر کلام کیا۔

بعدازاں ذمہ داران نے بیرونِ ملک نارتھ امریکہ میں ہونے والے دینی کاموں میں ترقی بالخصوص ہفتہ وار سنتوں بھرا اجتماع منعقد کرنے کے لئے اچھی اچھی نیتوں کا اظہار کیا۔

دعوتِ اسلامی کے شعبہ اصلاحِ اعمال کے تحت  4 دسمبر2022ء بروز اتوار بعد نمازِ مغرب فیضانِ مدینہ جوہر ٹاؤن لاہور میں یومِ قفلِ مدینہ اجتماع ہوا جس میں مقامی عاشقانِ رسول نے شرکت کی۔

یومِ قفلِ مدینہ اجتماع میں رکنِ شوری ٰ حاجی یعفور رضا عطاری نے’’ زبان کی حفاظت‘‘ کے موضوع پر سنتوں بھرا بیان کرتے ہوئے فرمایا : سب سے زیادہ گناہ زبان سے ہوتے ہیں اگر اس کو کنٹرول کر لیا جائے تو کئی گناہوں سے بچنا ممکن ہےاور اس کے درست استعمال کا ذہن دیا۔

مزید شرکا کو امیرِ اہلِ سنت دامت برکاتہم العالیہ کی کتاب گفتگو کے آداب اور فضول باتوں کے نقصانات کا مطالعہ کرنے کی ترغیب دلائی نیز اپنے آپ کو فضولیات سے بچانے، نیک بنانے کے لئے امیر اہلِ سنت دامت برکاتہم العالیہ کا عطا کر 72 نیک اعمال کے رسالہ سے روزانہ اپنے اعمال کا جائزہ لینےکی ترغیب دلائی۔( کانٹینٹ: رمضان رضا عطاری) 

5دسمبر2022ء  کو دعوتِ اسلامی کے شعبہ اصلاح ِاعمال کے تحت ڈی جی خان کوٹ ادو فیضانِ مدینہ میں یومِ قفلِ مدینہ اجتماع ہوا جس میں جامعۃ ُالمدینہ کے طلبہ و تنظیمی ذمہ داران کی شرکت ہوئی۔

اجتماع کا آغاز تلاوتِ قراٰنِ پاک اور نعتِ رسول صلَّی اللہ علیہ واٰلہٖ وسلَّم سے کیا گیا۔بعدازاں اصلاحِ اعمال ڈویژن سطح کے ذمہ دار غلام عباس عطاری نے ’’توبہ‘‘ کے موضوع پر سنتوں بھرا بیان کیااور اسلامی بھائیوں کو نگاہِ جھکا کر چلنے کی مشق کروائی ۔ دعااور صلاۃُ و سلام پر اجتماعِ پاک کا اختتام ہوا۔( کانٹینٹ: رمضان رضا عطاری)

دعوتِ اسلامی  کے شعبہ کفن دفن کے تحت 5 نومبر 2022ء کو عالمی مدنی مرکز فیضان ِ مدینہ کراچی میں غسلِ میت کورس کا اہتمام کیا گیا جس میں امامت کورس کے اسلامی بھائیوں نے شرکت کی۔

شعبہ کفن دفن کے ڈسٹرکٹ ذمہ دار مولانا عزیر عطاری نے اسلامی بھائیوں کو غسلِ میت کے اہم بنیادی مسائل سے آگاہ کرتے ہوئے انہیں میت کو غسل دینے کی فضیلت واہمیت بیان کیں نیز کفن کاٹنے اور پہنانے کا شرعی طریقہ بتایا۔ آخر میں شرکا کو موقع ملنے پر غسلِ میت دینے کی نیت کروائی اور نام بھی لکھے۔ (رپورٹ: عزیر عطاری شعبہ کفن دفن، کانٹینٹ: رمضان رضا عطاری)

بیرونِ ملک میں ہونےوالے دینی کاموں کے حوالے سے برمنگھم UK میں دعوتِ اسلامی کے شعبہ FGRF اور پبلک ریلیشنز کی میٹنگ منعقد ہوئی جس میں UK سطح کے ذمہ دار اسلامی بھائیوں نے شرکت کی۔

اس میٹنگ میں نگرانِ شعبہ .UK FGRF اینڈ پبلک ریلیشنز UK سیّد فضیل رضا عطاری نے بیرونِ ملک کے مختلف ڈیپارٹمنٹس میں ہونے والے دینی کاموں کے حوالے سے شرکا کو اپڈیٹ کیا اور مزید بہتری کے لئے اہداف دیئے۔

پبلک ریلیشنز UK کے ذمہ داران عتیق عطاری اور وسیم عطاری نےشعبے کے متعلق ایک پریزنٹیشن دکھائی اور بااثر شخصیات کے ساتھ اچھے تعلقات بنانے کے طریقے بتائے جبکہ لندن کے ذمہ دار رضوان عطاری نے برطانیہ میں حکومتی اداروں سے رجوع کرنے کے بارے میں مفید تجربہ اور معلومات فراہم کیں۔(کانٹینٹ:غیاث الدین عطاری)

لوگوں کی دینی و اخلاقی تربیت کرنے اور انہیں دینِ اسلام کی تعلیمات کے متعلق آگاہی دینے کے لئے دعوتِ اسلامی کے تحت یکم دسمبر 2022ء بروز جمعرات  بخاری پارک الہ آباد روڈ نزد بس اڈا سبی بلوچستان میں ہفتہ وار سنتوں بھرے اجتماع کا انعقاد کیا گیا جس میں سیاسی و سماجی شخصیات اور قرب و جوار کے کثیر عاشقانِ رسول نے شرکت کی۔

معلومات کے مطابق تلاوتِ قراٰن کے بعد نعت خواں اسلامی بھائی نے حضور سرورِ کائنات صلی اللہ علیہ و سلم کی بارگاہِ اقدس میں نذانۂ عقیدت پیش کرتے ہوئے حاضرین کے دلوں کو منور کیا۔

اس موقع پر دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”قیامت کی پیشی“ کے موضوع پر سنتوں بھرا بیان کرتے ہوئے وہاں موجود عاشقانِ رسول کو مدنی پھولوں سے نوازا۔

نگرانِ پاکستان مشاورت حاجی محمد شاہد عطاری نے شرکائے اجتماع کی تربیت کرتے ہوئے انہیں اپنی قبر و آخرت کی تیاری کرنے کا ذہن دیا نیز دعوتِ اسلامی کے دینی ماحول میں رہتے ہوئے اسلامی تعلیمات کے مطابق زندگی گزارنے کی ترغیب دلائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت 4 دسمبر 2022ء بروز اتوار رکنِ مرکزی مجلسِ شوریٰ حاجی محمد امین عطاری نے کلفٹن کراچی میں امین ذکریا اور فاروق ذکریا کے والد کی عیادت کے سلسلے میں اُن سے ملاقات کی۔

دورانِ ملاقات رکنِ شوریٰ حاجی محمد امین عطاری نے اُن کے والد صاحب سے عیادت کرتے ہوئے انہیں ہر حال میں اللہ عزوجل کی رضا پر راضی رہنے کی ترغیب دلائی۔

بعدازاں رکنِ شوریٰ نے وہاں موجود اسلامی بھائیوں کو دعوتِ اسلامی کے دینی کاموں میں شرکت کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

4 دسمبر 2022ء بروز اتوار دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے کراچی سندھ میں شعبہ رابطہ برائے شخصیات کے ذمہ دار محمد حنیف عطاری سے عیادت کے سلسلے میں ملاقات کی۔

اس موقع پر رکنِ شوریٰ حاجی محمد امین عطاری نے ذمہ دار کو بیماری پر صبر کرنے کی تلقین کرتے ہوئے انہیں بیمار کے فضائل بیان کئے نیز اُن کی صحتیابی کے لئے دعا کروائی۔(کانٹینٹ:غیاث الدین عطاری)

شعبہ رابطہ برائے  ٹرانسپورٹ دعوت ِاسلامی کے تحت 3 دسمبر 2022ء بروز ہفتہ کھارادر پنجابی کلب کے قریب ذمہ دارانِ دعوتِ اسلامی نے شخصیات ( ٹی سی اے یونیین ٹرانسپورٹ کیریئر ایسوسی ایشن کے اراکین جنرل سیکریٹی محمد فیضان، ٹی سی اے کورٹ کمیٹی کے چیئر مین محمد تنویر ، نائب چیئر مین محمد نصر ُاللہ اور پولیس کمیٹی کے وائس چیئر مین ذیشان) سے ملاقات کی ۔

دورانِ ملاقات سٹی ذمہ دارمحمد ذیشان عطاری مدنی نے شخصیات کو شعبہ رابطہ برائے ٹرانسپورٹ کے دینی کاموں کے بارے میں بریفنگ دی اور ٹرانسپورٹ طبقے میں موجود خرابیوں کو دور کرنے کے حوالے سے خدمات دعوتِ اسلامی کے متعلق بتایا۔

آخر میں انہیں مدنی مرکز فیضانِ مدینہ وزٹ کرنے کی دعوت دی جس پر انہوں نے اظہار مسرت کرتے ہوئے دعوتِ اسلامی کی ان کاوشوں کو سراہا ۔اس موقع پر ڈسٹرکٹ سینٹرل عبد الوہاب عطاری بھی وہاں موجود تھے۔( کانٹینٹ: رمضان رضا عطاری)

عاشقانِ رسول کی دینی تحریک  دعوتِ اسلامی کے زیرِ اہتمام 4 دسمبر 2022ء بروز اتوار کامونکی محلہ بلال پارک جامع مسجد اکبری میں اورا قِ مقدسہ کے تحت سنتوں بھرا اجتماع ہوا جس میں مقامی عاشقانِ رسول نے شرکت کی۔

ڈسٹرکٹ ذمہ دار محمد آفتاب عطاری نے حلقے میں دعوتِ اسلامی کے شعبہ اوراقِ مقدسہ کا مکمل تعارف کروایا اور اس کی اہمیت بتائی ۔ اس کے علاوہ اوراقِ مقدسہ کے تحفظ کے لئے نئے باکسز لگانے کا ذہن دیا نیز بر وقت باکسز خالی کرنے اور شعبہ کو مزید مضبوط کرنے کی ترغیب دلائی جس پر اہلِ علاقہ میں سے بعض نے ہاتھوں ہاتھ نئے باکسز کے لئے رقم پیش کی اور بقیہ نے بعد میں تعاون کرنے کی اچھی اچھی نیتیں کا اظہار کیا۔ ساتھ ساتھ اس موقع پر محافظ اوراقِ مقدسہ کے لئے ذمہ داران کا تقرر بھی کیا گیا ۔ (رپورٹ: محمد آفتاب عطاری شعبہ تحفظ اوراقِ مقدسہ گوجرانوالہ ڈسٹرکٹ ،کانٹینٹ: رمضان رضا عطاری)

پچھلے دنوں اسلام آباد میں قائم  دعوتِ اسلامی کے مدنی مرکز فیضانِ مدینہ G11 میں عمرہ تربیتی اجتماع ہوا جس میں مجلسِ حج و عمرہ کےICT اور راولپنڈی کے ڈویژن ذمہ دار اسلامی بھائیوں نے عمرے کے احکام اور حاضری مدینہ کے آداب بیان کئے نیز دورانِ تربیت نگرانِ مجلس حج و عمرہ قاری شوکت عطاری نے بھی ادائیگی عمرہ کے حوالے سے مدنی پھول دیئے۔( کانٹینٹ: رمضان رضا عطاری)