دعوت اسلامی کی مجلس مزارات اولیاء کے تحت منڈی بہاؤالدین کابینہ بھکھی شریف میں حضرت پیر سید جلال الدین شاہ مشہدی رحمۃ اللہ علیہ کے سالانہ عرس کے موقع پر مدرسۃ المدینہ کے بچوں نے مزار شریف پر قراٰن خوانی کی۔مجلس مزارات اولیاء کے زون ذمّہ دار اور مجلس رابطہ بالعلماء کے ریجن ذمّہ دار نے مزار شریف پر حاضری دی اور فاتحہ خوانی بھی کی۔(رپورٹ: محمد دانیال عطاری، مجلس مزارات اولیاء)

دعوت اسلامی کی مجلس  مزارات اولیا کے تحت پچھلے دنوں پنجاب علاقے پیر محل میں ذمہ داران کا مدنی مشورہ ہوا جس میں رکن زون گوجرہ کابینہ اور رکن کابینہ نے شعبے کے حوالےسے اہم امور پر مشاروت کی ۔ ذمہ داران نے شہنشاہ ِپیر محل حضرت سخی بابا عبد اللہ شاہ قلندر پاک رحمۃ اللہ علیہ اور بابانکےشاہ والی رحمۃ اللہ علیہ کے مزارات پر حاضری بھی دی اور فاتحہ خوانی کی۔ (رپورٹ: دانیال عطاری رکن زون پاکپتن زون)

پچھلے دنوں ہند کی دہلی کابینہ میں حضرت خواجہ قطب الدین بختیار کاکی رحمۃ اللہ علیہ کے سالانہ عرس کے موقع پر قطب الاقطاب کانفرنس کا انعقادکیا گیا جس میں مفتی مکرم صاحب، مولانا جاوید نقشبندی صاحب، مولانا بختیار صاحب، زون، کابینہ اور ڈویژن کے اراکین سمیت دیگر علمائے کرام اور مشائخ عظام نے شرکت کی۔ دعوت اسلامی کی مجلس رابطہ بالعلماء والمشائخ و مزاراتِ اولیاء کے تحت نگرانِ زون نے ”اختیارات مصطفٰی ﷺ“کے موضوع پر سنّتوں بھرا بیان کیا ااور شر کا کو دعوت اسلامی کاتعارف پیش کرتے ہوئے حاضری مزار کے آداب سکھائے۔ اجتماع کے اختتام پر تقسیمِ رسائل کا سلسلہ بھی ہوا۔(رپورٹ:محمد نصب العین عطاری، مجلس رابطہ بالعلماء)

استاذالعلماء حضرت مولانا الحاج مفتی غلام نبی سیالوی چشتی رحمۃ اللہ علیہ کے سالانہ عرس کے موقع پر دعوت اسلامی کی مجلس مزارات اولیاء کے ذمّہ داران نے ان کے مزار شریف پر حاضری دی ۔ جہاں انہوں نے مدنی حلقے لگائے جس میں مبلغ دعوت اسلامی نے زائرین کے درمیان سنّتوں بھرا بیان کیا اور نیکی کی دعوت دی۔حلقے کے اختتام پر ذمّہ داران نے مفتی محمد مسعود احمد سیالوی چشتی صاحب سے ملاقات کی اور انہیں دعوت اسلامی کا تعارف پیش کیا۔مفتی صاحب نے دعوت اسلامی اور امیر اہلِ سنّت دَامَتْ بَرَکَاتُہُمُ الْعَالِیَہ کے لئے دعائیں بھی کیں۔(رپورٹ: غلام شبیر عطاری، مجلس مزارات اولیاء)

دعوت اسلامی کی مجلس مزارات اولیاء کے نگران نے نگران کابینہ کےہمراہ ہندکے شہر  دہلی میں حضرت نظام الدین اولیاءرحمۃ اللہ علیہکے مزارشریف پر سجادہ نشین سے ملاقات کی اور انہیں دعوت اسلامی کا تعارف پیش کرتے ہوئے دسمبر 2019ء کو مزار شریف پر ہونے والے سالانہ عرس کے سلسلے میں مشورہ کیا۔ذمّہ داران نے سجاد نشین کو دار المدینہ آنے کی دعوت دی۔(رپورٹ:نصب العین عطاری، مجلس مزارات اورلیاء)

دعوتِ اسلامی کی مجلس مزارات اولیاء  کے تحت 17اکتوبر2019ء بہگام شریف ملکوال میں سالانہ عرس مبارک کے موقع پر مدرسۃالمدینہ کے بچوں نے رکن زون مزارات اولیاء کے ہمراہ مزارشریف پر قراٰن خوانی کی نیز مزار شریف پر حاضری اور دعا کا سلسلہ بھی ہوا۔ بعد ازاں ذمہ داران نے سجادہ نشین پیرسید آغا بیدار بخت جیلانی صاحب سے ملاقات کی اور ماہنامہ فیضانِ مدینہ تحفے پیش کیا۔(رپورٹ،محمد ثناء اللہ عطاری،مجلس مزاراتِ اولیاء)

دعوت اسلامی کی مجلس مزارات اولیاء کے تحت  پاکپتن شریف میں شیخ الحدیث محدث اعظم حضرت مولاناعبد الرشید قادری رضوی رحمۃ اللہ علیہ کےسالانہ عرس کے موقع پر قراٰن خوانی اور مدنی حلقے کا سلسلہ ہواجس میں مدرسۃ المدینہ کے طلبۂ کرام ،ناظمین ،دعوت اسلامی کی ذ مّہ داران اورزائرین مزار نے شرکت کی۔ مبلغ دعوت اسلامی نے شرکا کو نیکی کی دعوت دی اور حاضری مزار کے آداب سکھائے۔ (رپورٹ:محمد شبیر عطاری،مجلس مزاراتِ اولیاء)

دعوت اسلامی کی مجلس مزاراتِ اولیاء کےتحت فیصل آباد میں غلام محمد قادری المعروف امام جلوی سرکاررحمۃ اللہ علیہ کے سالانہ عرس کے موقع پر مدنی حلقے کا سلسلہ ہوا جس میں جامعۃ المدینہ اور مدرسۃ المدینہ کےطلبہ اور اساتذہ ٔ کرام نے شرکت کی ۔رکنِ ریجن نے سنّتوں بھرا بیان کیا اور شرکا کو حاضری مزار کے آداب سکھائے۔(محمد دانیال عطاری، مجلس مزاراتِ اولیاء)

دعوتِ اسلامی کی مجلس مزارات اولیاء کے تحت9اکتوبر2019ء کو  لاہور میں ذمّہ داران کا مدنی مشورہ ہوا جس میں مختلف شعبے کے ریجن اور زون ذمّہ داران نے شرکت کی۔مدنی مشورے میں سیدنا داتا گنج بخش علی ہجویری رحمۃ اللہ علیہ کے عرس پاک کے موقع پر مدنی کاموں کے حوالے سے اہم امورتبادلۂ خیال کیا گیا۔(رپورٹ، دانیال عطاری مجلس مزاراتِ اولیاء)

دعوتِ اسلامی کی مجلس مزارات اولیاء کے تحت 7اکتوبر2019ء  کو کلفٹن کراچی میں قائم حضرت سیدنا عبداللہ شاہ غازی رحمۃ اللہ علیہ کے مزار شریف میں یوم شہیدانِ عبد اللہ شاہ غازی رحمۃ اللہ علیہ کے موقع پر قراٰن خوانی کا اہتمام کیا گیا جس میں جامعۃ المدینہ فیضانِ عبداللہ شاہ غازی کے طلبۂ کرام سمیت مجلس مزاراتِ اولیاء کے ریجن اور زون ذمّہ داران نے شرکت کی۔ قراٰن خوانی کے بعد فاتحہ خوانی اوردعا کا سلسلہ بھی ہوا۔