اَلْحَمْدُ لِلّٰہِ عَزَّ وَجَلَّ دعوتِ اسلامی کے107 سے زائد شعبہ جات میں سے ایک بہت ہی پیارا شعبہ” مجلس مزارات ِاولیا“ بھی ہے جس کے تحت جو زائرین مزارات پر حاضر ہوتے ہیں انہیں مزار پر حاضری کا طریقہ بیان کیا جاتا ہے اور اس کے ساتھ ساتھ مزارات پر دعوتِ اسلامی کے تحت فیضان نماز کورس، فرائض علوم کورس اور قافلوں میں بھی سفر کروائے جاتے ہیں تاکہ دعوتِ اسلامی کا پیغام شہر شہر نگر نگر پہنچے۔ اسی حوالے سے فیصل آباد ریجن شاہ کوٹ میں مجلس مزارات اولیا کے تحت حضرت بابا مراد علی شاہ صاحب المعروف بابا نو لکھ ہزاری رحمۃ اللہ علیہ کے دربار عالیہ پر محکمہ اوقاف کے ایڈمنسٹریٹر ایاز محمود لاشاری، ایم پی اے عاطف، صاحب دربار شریف کے گدی نشین علی رضا اور دعوت اسلامی کی مجلس مزاراتِ اولیا اور دیگر ذمّہ داران نے مدنی چینل کی رپورٹنگ ٹیم کے ہمراہ حاضری دی فاتحہ خوانی اور دعا کی۔

محکمہ اوقاف کے ایڈمنسٹریٹر ایاز محمود لاشاری کا دعوت اسلامی کے مدنی کاموں کو سراہتے ہوئے کہنا تھا کہ مزارات پر سنّت کا فروغ اور قراٰن کا فروغ دعوتِ اسلامی کا بہت بڑا کارنامہ ہے۔

مجلس مزاراتِ اولیاء کے تحت ذمّہ داران نے اراکینِ کابینہ اور رکنِ ریجن کے ہمراہ صحابی رسول حضرت خواجہ عبدالعزیز مکی سرکار رضی اللہ عنہ کےسالانہ عرس مبارک کے موقع پر مزار شریف میں حاضری دی اور قراٰن خوانی، مدنی درس، مدنی حلقہ اور اجتماعی دعاکا سلسلہ ہوا ۔

اسی طرح مزاراتِ اولیاء کے تحت ذمّہ داران نے عرس بابا فرید الدین مسعود گنج شکر رحمۃ اللہ علیہ کے لیے اسلامی بھائیوں سے ملاقات کی اور مزار شریف پر مدنی کام کے متعلق مدنی مشورہ کیا۔

دعوتِ اسلامی کی مجلس مزاراتِ اولیاء کے تحت ذمّہ داران نے مظفرآبادمیں حضرت پیرسید شاہ حسین بخاری المعروف پیر چناسی رحمۃ اللہ علیہ کے مزار شریف پر حاضری دی اور مزار شریف پر آنے والے زائرین کو نیکی کی دعوت پیش کرتے ہوئے دعوتِ اسلامی اسلامی کے مدنی ماحو ل سے وابستہ ہو نے کی ترغیب دلائی۔علاوہ ازیں ذمّہ داران نے مزار شریف سے متصل مسجد کے امام صاحب سے ملاقات کیاور انہیں دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے ”ماہنامہ فیضانِ مدینہ“ پیش کیا۔ 

دعوتِ اسلامی کی مجلس مزاراتِ اولیاء کے تحت حجرہ شاہ مقیم ضلع اوکاڑہ میں حضرت دم میراں لعل قلندر پاک رحمۃ اللہ علیہ کےسالانہ عرس مبارک کے موقع پرمزار شریف پر مدنی منّوں نے قراٰن خوانی کی۔علاوہ ازیں مجلس مزاراتِ اولیاء کےذمّہ داران نے مزار شریف کے احاطے میں مدنی حلقوں اور چوک درسوں کے ذریعے نیکی کی دعوت اور دعوتِ اسلامی کے مدنی کاموں کی دھومیں مچائیں۔ 

دعوتِ اسلامی کی مجلس مزارات اولیاء کے تحت ذمّہ داران نے ضلع بھمبر محمودی کابینہ کشمیر میں حضرت بابا شادی شہید رحمۃ اللہ علیہ اور پیرسید پہاڑ بادشاہ رحمۃ اللہ علیہ کے مزار پرحاضری دی اور مزار شریف کے اطراف میں چوک درس کے ذریعے نیکی کی دعوت کو عام کیا ۔علاوہ ازیں ذمّہ داران نے مینیجر اوقاف سے ملاقات کی اوردعوتِ اسلامی کے شعبہ جات اور بالخصوص مجلس مزارات اولیاء کا تعارف پیش کرتے ہوئے ان سے ضلع بھمبر کے مزارات کی لسٹ لی اور ”ماہنامہ فیضانِ مدینہ“ تحفے میں پیش کیا۔