یکم تا10محرم الحرام1441ھ پاکپتن شریف میں حضرت سیدنا بابا فرید گنج شکر اور جھنگ میں حضرت سیدنا سلطان باہو رحمۃاللہ علیہما کاسالانہ عرس نہایت عقیدت و احترام سے منایا جائے گا، ملک بھر سے عقیدت مند ان کے اعراس میں حاضر ہونے کے لئے پاکپتن شریف اور جھنگ میں آرہے ہیں۔ دعوتِ اسلامی کی مجلس تقسیم ِرسائل کے تحت ان زائرین میں بھر پور انداز میں تقسیم رسائل کا انتظام کیا جائیگا ۔

ان کے اعراس پر آپ بھی اپنے عزیزو اقارب کے ایصالِ ثواب ،گھر اور کاروبار کی برکت کے لئے امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ کے تحریر کردہ اور مکتبۃالمدینہ کے شائع کردہ کتب و رسائل تقسیم کروائیں اور ڈھیروں ثواب حاصل کریں۔

تقسیم رسائل کروانے کے لئے ان نمبرز پر رابطہ کریں۔

03066768172-03007678663

بنک میں رقم آن لائن کروانے کے بعد رسید اوپر دیئے گئے نمبر ز پرواٹس اپ فرما دیں۔

بینک اکاؤنٹ:

8 اگست 2019ءبروز جمعرات کو کشمیر  کے بزرگ میاں محمد بخش قادری رحمۃ اللہ علیہ کا سالانہ عرس مبارک بڑے ہی عقیدت و احترا م سے منایا گیا۔ سالانہ عرس مبارک کے موقع پر دعوتِ اسلامی کی مجلس مزاراتِ اولیاء کے تحت مزار شریف میں قراٰن خوانی کا اہتمام کیا گیا جس میں مدرسۃالمدینہ کے بچوں سمیت مزار شریف پر آنے والے زائرین نے شرکت کی۔علاوہ ازیں آکر میں فاتحہ خوانی اور دعا کاسلسلہ بھی ہوا۔

اسی طرح مجلس مزاراتِ اولیاء کے تحت حضرت حجرہ شاہ مقیم رحمۃ اللہ علیہ،حضرت مولانا قاری احمد دین رحمۃ اللہ علیہ اور صاحبزادہ الحاج قاری نصیراللہ رحمۃ اللہ علیہکے سالانہ عرس مبارک کے موقع پرمحفل نعت کا انعقاد کیا گیا جس میں زائرین سمیت کثیر عاشقانِ رسول نے شرکت کی۔مبلغِ دعوتِ اسلامی نے سنّتوں بھرا بیان کیا اور شرکا کو دعوتِ اسلامی کے مدنی ماحول سے وابستہ ہونے کی ترغیب دلائی علاوہ ازیں اختتام پر اجتماعی دعا کا سلسلہ بھی ہوا۔

اسی طرح مجلس مزاراتِ اولیاء کے تحت ذمّہ داران نے حضرت دم میراں لعل بہاول شیر قلندر پاک رحمۃ اللہ علیہ کے مزار شریف پر حاضری دی اور مزار شریف کے اطراف میں مدنی حلقے کا انعقاد کیا۔ رکنِ مجلس مزاراتِ اولیاء زائرین کو نیکی کی دعوت پیش کرتے ہوئے دعوتِ اسلامی کے مدنی ماحول سے وابستہ ہونے کی ترغیب دلائی۔

دعوتِ اسلامی کی مجلس مزاراتِ اولیا کے تحت دیپالپور میں حضرت پیر سید اکبر حسین شاہ گیلانیرحمۃ اللہ علیہ کے مزار شریف پر مدنی حلقہ ہوا جس میں مدرسۃ المدینہ کےطلباکرام، 12ماہ کے قافلے والے، رکنِ زون، اہل ِعلاقہ اور گدی نشین سید انتظار حسین شاہ صاحب نے بھی شرکت کی۔ مبلغ دعوتِ اسلامی نے سنّتوں بھرا بیان کرتے ہوئےمدنی کاموں میں بڑھ چڑھ کر حصّہ لینے کی ترغیب دلائی۔

دعوتِ اسلامی کی مجلس مزاراتِ اولیاکے تحت لاہور کے علاقے نشاط کالونی میں حضرت کرم شاہ ولیرحمۃ اللہ علیہ کےمزار شریف میں مدنی حلقہ ہواجس میں ذمّہ داران اور زائرین مزارنے شرکت کی ۔ مبلغ دعوتِ اسلامی نے سنّتوں بھرا بیان کرتے ہوئے شرکاکو ہفتہ وار اجتماع اورہفتہ وار مدنی مذاکروں میں شرکت کرنے کی دعوت دی۔

دعوتِ اسلامی کی مجلس مزاراتِ اولیاء کے تحت 3 اگست2019ء کواوکاڑہ کابینہ کے ڈویژن دیپالپور میں ذمہ داران کامدنی مشورہ ہوا ۔ ڈویژن نگران نے مزاراتِ اولیاء پر مدنی کاموں کے متعلق ذمہ داران سے مشاورت کی اور شعبے میں مزید بہتری کے حوالے سے نکا ت دئیے۔

اسی طرح مجلس مزاراتِ اولیاء کے تحت ذمہ داران نےحضرت بابا ایمان شاہ صاحب رحمۃ اللہ علیہ کے مزار شریف پر حاضری اور وہاں کے متولی اور گدی نشین سائیں حیدر علی صاحب سےملاقات کی ۔

اسی طرح حضرت بابا اکبر حسین گیلانی صاحب رحمۃ اللہ علیہ کے مزار شریف پر حاضری دی اور وہاں کے گدی نشین جناب انتظار حسین شاہ گیلانی صاحب سے ملاقات کی۔

دعوتِ اسلامی کی مجلس مزاراتِ اولیاء کے تحت ذمّہ داران نے فیصل آباد زون کے دفتر اوقاف میں افسران سے ملاقات کی اور مزار شریف محمد عبدالعزیز چشتی رحمۃ اللہ علیہ، حافظ خادم حسین چشتی صابری رحمۃ اللہ علیہ اور حضرت میاں غلام رسول قادری رحمۃ اللہ علیہ کے عرس مبارک کی تیاری کے حوالےسے مشاورت کی عرس مبارک کے موقع پر مزار شریف میں قراٰن خوانی اور اجتماع ِ پاک منعقد کرنے کا ذہن دیا۔

اَلْحَمْدُ لِلّٰہِ عَزَّ وَجَلَّ دعوتِ اسلامی کے107 سے زائد شعبہ جات میں سے ایک بہت ہی پیارا شعبہ” مجلس مزارات ِاولیا“ بھی ہے جس کے تحت جو زائرین مزارات پر حاضر ہوتے ہیں انہیں مزار پر حاضری کا طریقہ بیان کیا جاتا ہے اور اس کے ساتھ ساتھ مزارات پر دعوتِ اسلامی کے تحت فیضان نماز کورس، فرائض علوم کورس اور قافلوں میں بھی سفر کروائے جاتے ہیں تاکہ دعوتِ اسلامی کا پیغام شہر شہر نگر نگر پہنچے۔ اسی حوالے سے فیصل آباد ریجن شاہ کوٹ میں مجلس مزارات اولیا کے تحت حضرت بابا مراد علی شاہ صاحب المعروف بابا نو لکھ ہزاری رحمۃ اللہ علیہ کے دربار عالیہ پر محکمہ اوقاف کے ایڈمنسٹریٹر ایاز محمود لاشاری، ایم پی اے عاطف، صاحب دربار شریف کے گدی نشین علی رضا اور دعوت اسلامی کی مجلس مزاراتِ اولیا اور دیگر ذمّہ داران نے مدنی چینل کی رپورٹنگ ٹیم کے ہمراہ حاضری دی فاتحہ خوانی اور دعا کی۔

محکمہ اوقاف کے ایڈمنسٹریٹر ایاز محمود لاشاری کا دعوت اسلامی کے مدنی کاموں کو سراہتے ہوئے کہنا تھا کہ مزارات پر سنّت کا فروغ اور قراٰن کا فروغ دعوتِ اسلامی کا بہت بڑا کارنامہ ہے۔

مجلس مزاراتِ اولیاء کے تحت ذمّہ داران نے اراکینِ کابینہ اور رکنِ ریجن کے ہمراہ صحابی رسول حضرت خواجہ عبدالعزیز مکی سرکار رضی اللہ عنہ کےسالانہ عرس مبارک کے موقع پر مزار شریف میں حاضری دی اور قراٰن خوانی، مدنی درس، مدنی حلقہ اور اجتماعی دعاکا سلسلہ ہوا ۔

اسی طرح مزاراتِ اولیاء کے تحت ذمّہ داران نے عرس بابا فرید الدین مسعود گنج شکر رحمۃ اللہ علیہ کے لیے اسلامی بھائیوں سے ملاقات کی اور مزار شریف پر مدنی کام کے متعلق مدنی مشورہ کیا۔