دعوتِ اسلامی کی مجلس ائمہ  مساجد کے تحت 18فروری2020ء بروز منگل عالمی مدنی مرکز فیضانِ مدینہ کراچی میں مدنی مشورہ ہوا۔ مدنی مشورے میں نگرانِ مجلس ائمہ مساجد، نگران ٹیسٹ مجلس و اراکین نے شرکت کی۔اس موقع پر رکنِ شوریٰ حاجی عقیل عطاری مدنی نے ذمہ داران کو مدنی پھول دیئے۔ (رپورٹ: احمدرضا عطاری مدنی)

دعوتِ اسلامی کی مجلس ائمہ مساجد کے تحت  17فروری2020ء بروز پیر شریف عالمی مدنی مرکز فیضانِ مدینہ کراچی میں مدنی مشورہ ہوا۔ مدنی مشورے میں نگرانِ مجلس اور ریجن ذمہ دار اسلامی بھائیوں نے شرکت کی۔ اس موقع پر رکن شوریٰ حاجی محمد عقیل مدنی عطاری نے اسلامی بھائیوں کی تربیت فرماتے ہوئے شعبہ میں مزید بہتری لانے کے حوالے سے مدنی پھول دیئے۔(رپورٹ: احمدرضا عطاری مدنی )

گزشتہ دنوں  مجلس ائمہ مساجد کےمتعلقین امام صاحبان کا مدنی مشورہ فیضانِ مدینہ جوہر ٹاؤن لاہور میں  ہوا۔ اس موقع پر  لاہور جنوبی زون کے نگران  محمد  عبدالرشید عطاری نے  ائمہ کرام کو مجلس کو خود کفیل بنانےاور  اپنی مساجد میں 12 مدنی کاموں  کو مضبوط کرنے کا ذہن دیا نیز مقتدیوں  پر کوششیں کرکے  ہفتہ وار اجتماع و مدنی مذاکرے میں ساتھ لے کر آنے کی ترغیب دلائی۔

دعوتِ اسلامی کی مجلس ائمہ مساجد  کے تحت 8فروری2020ء بروز ہفتہ جامع مسجد حسینی بابا بھٹ کراچی میں سنتوں بھرے اجتماع کا اہتمام کیا گیاجس میں دعوتِ اسلامی کے ذمہ داران اور مقامی عاشقانِ رسول نے بڑی تعداد میں شرکت کی۔ اس موقع پر رکنِ شوریٰ حاجی عقیل عطاری مدنی نے آخرت اور اس کی تیاری کے موضوع پر سنتوں بھرا بیان فرماتے ہوئے فکرِ آخرت کرنے اور ہفتہ وار اجتماع و مدنی مذاکرے میں شرکت کرنے کا ذہن دیا۔(رپورٹ: احمدرضا عطاری مدنی )

دعوتِ اسلامی کی مجلس ائمہ مساجد  کے تحت 8فروری2020ء بروز ہفتہ بابا جزیرہ کراچی میں مسجد و مدرسہ کا افتتاح ہوا۔ اس موقع پر مقامی عاشقانِ رسول اور دعوتِ اسلامی کے ذمہ داران نے شرکت کی۔ اس موقع پر رکنِ شوریٰ حاجی عقیل عطاری مدنی نے مسجد تعمیر کرنے کے فضائل بیان کرتے ہوئے مساجد و مدارس بنانے اور انہیں آباد کرنے کا ذہن دیا نیز مسجد کا نام فیضان امام غزالی رحمۃ اللہ تعالٰی علیہ اور مدرسہ کا نام فیضان امام باقر رحمۃ اللہ تعالٰی علیہ عطا فرمایا۔(رپورٹ: احمدرضا عطاری مدنی )

دعوتِ اسلامی کی مجلس ائمہ مساجد  کے تحت 8فروری2020ء بروز ہفتہ جامعۃ المدینہ ومدرسۃ المدینہ فیضان محمود شاہ جیلانی بابا جزیرہ کراچی کےاساتذہِ کرام و طلبہ کی تربیت کے لئے مدنی حلقہ لگایا گیا۔ اس موقع پر رکن شوریٰ حاجی عقیل عطاری مدنی نے بیان فرماتے ہوئے قراٰنِ کریم اور علمِ دین کے فضائل سے متعلق نکات بیان کئےاور طلبہ کو امام اور مدرس بننے کا ذہن بھی دیا۔(رپورٹ: احمدرضا عطاری مدنی )

دعوت ِ اسلامی کی مجلس ائمہ مساجد کے زیر اہتمام 8 فروری بروز ہفتہ بھٹ شاہ جزیرہ ویسٹ کراچی ریجن میں مسجد کا افتتاح ہوا ، اس مبارک موقع پرمبلغِ دعوت ِ اسلامی رکن شوری حاجی عقیل مدنی عطاری نے دعائے خیر کی اور اہلِ علاقہ کو مسجد کی آبادکاری ،امام صاحب کے تقرر اور مسجد کی صفائی کرنے کا ذہن دیا ۔(رپورٹر: عبدالرحمن مدنی)

دعوتِ اسلامی کی مجلس ائمہ مساجد کے زیراہتمام 4فروری2020ء بروز منگل عالمی مدنی مرکز فیضانِ مدینہ کراچی میں مجلس ائمہ مساجد کے سوفٹ ویئر کو مزید اپ ڈیٹ کرنے کے حوالے سے مدنی مشورہ ہوا جس میں   آئی ٹی مجلس پاکستان سطح کے ذمہ دار اسلامی بھائیوں نے شرکت کی۔ا س موقع پر رکن شوریٰ حاجی عقیل عطاری مدنی اور نگرانِ مجلس گل شیر عطاری نےذمہ داران کو مدنی پھول دیئے۔ (رپورٹ: احمدرضا عطاری مدنی، مجلس ائمہ مساجد)

دعوتِ اسلامی کی مجلس ائمہ مساجد کے تحت 2فروری 2020ءبروز اتوار مدنی مرکز فیضانِ رضا رنگ پور خیبر پختون خواہ میں مدنی مشورہ ہوا۔ مدنی مشورے میں مساجد کے ائمہ کرام  نے شرکت کی۔ اس موقع پر رکنِ زون نے نماز کی ادائیگی میں نہایت احتیاط کرنے سے متعلق مدنی پھول دیئے اور مقتدیوں کی خیر خواہی کرنے اور ان کے خوشی و غم میں شریک ہونے کی ترغیب دلائی۔ 

دعوتِ اسلامی کی مجلس ائمہ مساجد کے تحت 2فروری بروز اتوار مدنی مرکز فیضانِ مدینہ پنیالہ شریف خیبر پختون خواہ میں مدنی مشورہ ہوا۔ مدنی مشورے میں مساجد کے ائمہ کرام  نے شرکت کی۔ اس موقع پر رکنِ زون کا کہنا تھا کہ امام ناصرف اپنی بلکہ مقتدیوں کی نمازوں کا بھی ضامن ہوتا ہے لہٰذا ئمہ کرام کو نماز کی ادائیگی میں از حد احتیاط کرنی چاہیئے مزید فرمایا کہ امام کو اپنے مقتدیوں کی خیر خواہی کرتے ہوئے ان کے خوشی و غم میں شرکت کرنی چاہیئے۔ 

یکم فروری2020ء بروز ہفتہ پریم کوٹ لاہور ریجن گوجرانوالہ زون میں ایک غیر مسلم نے اسلام قبول کرلیا۔ اَلْحَمْدُ لِلّٰہِ عَزَّ وَجَلَّ دعوتِ اسلامی کے تربیت یافتہ مبلغ کے اعلیٰ اخلاق اور علاقائی دورہ برائے نیکی کی دعوت سے متاثر ہوکر ایک غیر مسلم نے گلشنِ مدینہ مسجد میں امام صاحب کے ہاتھ پر اسلام قبول کرلیا۔ اس موقع پر دیگر عاشقانِ رسول بھی موجود تھے۔ مبلغِ دعوتِ اسلامی نے اسلامی بھائیوں کے درمیان ”دین کی سربلندی اور دین کی سچائی “کے موضوع پرسنّتوں بھرا بیان کرتے ہوئے انہیں اپنے اخلاق و کردار کو سنوارنے کا ذہن دیا۔ (رپورٹ: عبدالرحمن مدنی ، ریجن ذمہ دار مجلس ائمہ مساجد )