دعوتِ اسلامی کی مجلس شعبہ تعلیم کے زیر اہتمام 21جنوری 2020 بروزمنگل ڈویژن گھوٹکی کابینہ ڈھرکی،  زون کشمور کے علامہ اقبال ماڈل پبلک اسکول گھوٹکی میں مدنی حلقہ کا انعقاد کیا گیا جس میں رکن زون شعبہ تعلیم نے بیان کیا۔ پرنسپل کو اسکول میں درس کی ترغیب دلائی، ہر جمعہ کو اسکول میں اجتماعی طور پر آڈیو ہفتہ وار رسالہ سنا یا جائے گا ۔(رپورٹ: عاصم نعیم عطاری رکن زون شعبہ تعلیم)

دعوتِ اسلامی کی مجلس شعبہ تعلیم  کے تحت ذمہ دار اسلامی بھائیوں کی کوششوں سےنواب شاہ زون میں قائم ھائی اسکول کے اسٹوڈنٹس میں دو نئے مدرستہ المدینہ بالغان کا آغاز کیا جا چکا ہے۔

دعوتِ اسلامی کی مجلس شعبہ تعلیم کے تحت 24جنوری2020ء بروز جمعۃالمبارک فیصل آباد ریجن پاکپتن زون کی اوکاڑہ کابینہ کی اوکاڑہ ڈویژن میں مجلس کے   ذمہ دار اسلامی بھائیوں نے گورنمنٹ ایلیمنٹری اسکول اوکاڑہ کا دورہ کیا۔ اس موقع پر ذمہ دار اسلامی بھائی نے ا سٹاف اور طلبہ سے ملاقاتیں کیں اور انہیں نیکی کی دعوت پیش کی۔(رپورٹ:محمد احمد ندیم عطاری، پاکپتن زون ذمہ دار شعبہ تعلیم)

دعوتِ اسلامی کی مجلس شعبۂ تعلیم کےتحت 24 جنوری2020ء بروز جمعۃالمبارک  فیصل آباد ریجن پاکپتن زون کی اوکاڑہ کابینہ کے اوکاڑہ ڈویژن میں ڈویژن مشاورت شعبۂ تعلیم اسلامی بھائیوں نے خصوصی اسلامی بھائیوں کے لئے قائم گنج شکراسکول فار اسپیشل پرسن (Ganj Shakar School For Special Person) میں نیکی کی دعوت پیش کی۔نابینا بچوں کو رسولُ اللہ صلَّی اللہ علیہ واٰلہٖ وسلَّم کی سنتیں سکھائیں اور ان میں تحائف بھی تقسیم کئے۔(رپورٹ:محمد احمد ندیم عطاری ، ذمہ دار پاکپتن زون شعبہ تعلیم)

 دعوتِ اسلامی کی مجلس شعبہ تعلیم کے تحت24جنوری2020ء بروز جمعۃالمبارک فیصل آباد ریجن پاکپتن زون کی اوکاڑہ کابینہ کے اوکاڑہ ڈویژن میں شعبہ تعلیم کے ذمہ دار اسلامی بھائیوں نے گورنمنٹ ایلیمنٹری اسکول اوکاڑہ کا دورہ کیااور اسکول کے اسٹاف اور طلبہ کو نیکی کی دعوت پیش کی۔(رپورٹ:محمد احمد ندیم عطاری، ذمہ دار پاکپتن زون شعبہ تعلیم)

گزشتہ دنوں دعوتِ اسلامی کی مجلس شعبہ تعلیم کے تحت اسلامیہ یونیورسٹی بہاولپور لنکن کارنر لائبریری میں نگران مجلس شعبہ تعلیم عبدالوہاب عطاری نے ایم فل، پی ایچ ڈی ا سکالرز، پروفیسر اور چیف لائبریرین کے درمیان مطالعہ کرنے کی اہمیت سے متعلق گفتگو کرتے ہوئے کہا کہ امیر اہل سنت دَامَتْ بَرَکَاتُہُمُ الْعَالِیَہ فرماتے ہیں مطالعہ علمِ دین کی جان ہے لہذا جس علم سے ہر وقت واسطہ پڑتا ہے اس کی مثال غذا کی طرح ہے کہ جس طرح انسان کے لئے غذا لازمی ہے اسی طرح جس علم سے اس کا تعلق ہے اسے سیکھنے اور اس پر عمل کیلئے مطالعہ ضروری ہے۔ کیونکہ عمل کی کیفیت جاننے سے پہلے اس کا علم ہونا ضروری ہے جیسا کہ حضرت سید نا شیخ ابوطالب مکی فرماتے ہیں”عمل سے پہلے علم ضروری ہے کیونکہ عمل کے فرض ہونے کی وجہ سے اس کا علم حاصل کرنا بھی فرض ہوجاتا ہے“۔(رپورٹ:محمد فراز عطاری، شعبہ تعلیم آفس ذمہ دار)

دعوتِ اسلامی کی مجلس  شعبہ تعلیم کے تحت 22جنوری2020ء بروز بدھ خان گڑھ حیدر آباد میں ایک تعلیمی ادارے میں مدنی حلقہ ہوا۔ مدنی حلقے میں ادارے کے پرنسپل و اسٹاف نے شرکت کی۔ اس موقع پر رکن زون مجلس شعبہ تعلیم نے فرض علوم کی اہمیت پر گفتگو کرتے ہوئےآن لائن کورسز کرنے کا ذہن دیا اور انہیں ہفتہ وار اجتماع میں شرکت کرنے کی دعوت بھی پیش کی۔(رپورٹ: عاصم نعیم عطاری، رکن زون شعبہ تعلیم )

دعوتِ اسلامی کی مجلس  شعبہ تعلیم کے تحت17 جنوری2020ء بروز جمعۃالمبارک اللہ داد کالونی اوکاڑہ کی مقامی کالج میں سنتوں بھرےاجتماع کا اہتمام کیا گیا۔ اجتماع میں رکن کابینہ شعبہ تعلیم، کالج کے پرنسپل ، وائس پرنسپل ، ٹیچرز اورطلبہ نے شرکت کی۔ اس موقع پر مبلغِ دعوتِ اسلامی نے سیرت رسولُ اللہ صلَّی اللہ علیہ واٰلہٖ وسلَّم کے مطابق بہن کی عزت و احترام کےموضوع پر سنتوں بھرا بیان کرتے ہوئے سیرتِ رسول صلَّی اللہ علیہ واٰلہٖ وسلَّم کو عملی زندگی میں نافذ کرنے کا ذہن دیا۔(رپورٹ:علی رضا عطاری ، رکن کابینہ شعبہ تعلیم)

دعوتِ اسلامی کی مجلس  شعبہ تعلیم کے تحت 16 جنوری2020ء بروزجمعرات گورنمنٹ ہائی اسکول غازی میں سنتوں بھرے اجتماع کا انعقاد کیا گیا۔ اجتماع میں اسکول کے پرنسپل، ٹیچرز اور طلبہ سمیت ذمہ دار اسلامی بھائیوں نے شرکت کی۔ اس موقع پر نگرانِ زون اسلامی بھائی نے عقلمند کون کے موضوع پر سنتوں بھرا بیان کرتے ہوئے شرکائے اجتماع کو دنیوی علم کے ساتھ دینی علوم کے حصول اور اس پر عمل کے لئے بھی کوششیں کرنے کا ذہن دیا۔

گزشتہ دنوں دعوتِ اسلامی کی مجلس شعبۂ تعلیم کے تحت میرپورخاص کی ڈویژن ٹنڈوالہ یار میں سنتوں بھرے اجتماع کا اہتمام کیا گیا۔ اجتماع میں پروفیسرز، انجینئرز اور ٹیچرز سمیت کثیر عاشقانِ رسول نے شرکت کی۔ اس موقع پر مجلس پروفیشنل پاکستان کے نگران نے سنتوں بھرابیان فرمایا جس میں انہوں نے اسلام اور سائنس کے موضوع پر گفتگو کرتے ہوئے شرکائے اجتماع کو فیضانِ نماز کورس کرنے کی ترغیب دلائی جس پر کئی عاشقانِ رسول نے کورس کرنے کی نیت کی۔

اسی طرح مجلس پروفیشنل و شعبۂ تعلیم کے تحت جامشورو حیدرآباد زون میں پاکستان کی بڑی میڈیسن کمپنی نوآرٹس میں پروفیشنلز کے درمیان سنتوں بھرے اجتماع کا انعقاد کیا گیا جس میں مبلغ دعوت ِاسلامی ثوبان عطاری نے سنتوں بھرا بیان فرمایا۔ اجتماع میں کثیر فارمیسرز،انجینئرز اور بڑی تعداد میں عاشقانِ رسول نے شرکت کی سعادت حاصل کی۔ (رپورٹ:جنید عطاری، مجلس شعبہ تعلیم)

دعوتِ اسلامی کی مجلس شعبۂ تعلیم کے تحت15جنوری2020ء بروز بدھ  وزیر آباد کابینہ کے شہر علی پور چٹھہ پنجاب گروپ آف کالجز کے آفیشل پروگرام میں نگران مجلس شعبۂ تعلیم نے سنتوں بھرا بیان کیا نیز طلبہ کے مابین ہونے والےنعت اور قرأت کے مقابلے میں بھی ذمہ دار اسلامی بھائیوں نے جج کے طور پر خدمات سر انجام دیں۔