رنگ و نسل کی تفریق کئے بغیر دنیا بھر کے لوگوں کی تربیت کرنے اور انہیں اسلامی تعلیمات سے آگاہ کرنے والی عاشقانِ رسول کی دینی تحریک دعوتِ اسلامی کے زیرِ اہتمام ہر جمعرات ہفتہ وار سنتوں بھرے اجتماع کا انعقاد کیا جاتا ہے۔

معلومات کے مطابق پچھلے دنوں نئی آبادی نزد مزدور پلی ساہیوال کی جامع مسجد مدینہ میں دعوتِ اسلامی کے تحت ہفتہ وار سنتوں بھرے اجتماع کا انعقاد کیا گیا جس میں قرب و جوار کے عاشقانِ رسول، دیگر شہروں سے آئے ہوئے اساتذۂ کرام و طلبۂ کرام اور ذمہ داران سمیت کثیر اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”آزمائشیں کیوں آتی ہیں“ کے موضوع پر سنتوں بھرا بیان کرتے ہوئے اسلامی بھائیوں کو نمازوں، روزوں کی پابندی کرنے اور نیکی کے کاموں میں حصہ لینے کا ذہن دیا۔

اجتماع کے اختتام پر ذکر و دعا کا سلسلہ ہوا جب کہ مبلغِ دعوتِ اسلامی نے صلوٰۃ و سلام بھی پڑھا۔علاوہ ازیں اجتماع میں شریک اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

لاہور:(12 ستمبر2022ء) وزیر اعلیٰ پنجاب چودھری پرویز الٰہی سے وزیراعلیٰ آفس میں دعوت اسلامی کی مرکزی مجلس شوریٰ کے رکن حاجی عبدالحبیب عطاری کی سربراہی میں فیضان گلوبل ریلیف فاؤنڈیشن(ایف جی آرایف) کے وفد نے ملاقات کی۔وزیراعلیٰ چودھری پرویز الٰہی نے دعوت اسلامی کے وفد کو آیت و حدیث ختم نبوت سے متعلق خوبصورت  فریم کا تحفہ دیا۔

ملاقات میں جنوبی پنجاب میں سیلاب متاثرین کی بحالی کے اقدامات پر تفصیلی بات چیت ہوئی اورپنجاب حکومت اور ایف جی آر ایف کے درمیان سیلاب متاثرین کی بحالی کیلئے مل کر کام کرنے پر اتفاق کیا گیا۔ وزیراعلیٰ چودھری پرویز الٰہی کی ہدایت پر سیلاب متاثرین کی آباد کاری کیلئے تعاون کے حوالے سے مشترکہ کمیٹی تشکیل دے دی گئی۔

وزیراعلیٰ چودھری پرویز الٰہی نے وفد سے گفتگو کرتے ہوئے کہاکہ سیلاب متاثرین کو گھربنا کر دیں گے اورایف جی آر ایف کے تعاون سے گھر تعمیر کئے جائیں گے۔

پنجاب حکومت اور ایف جی آر ایف کی کوآرڈینیشن سے سیلاب متاثرین کی آبادکاری کو یقینی بنایا جائیگا۔ وزیراعلیٰ پرویز الٰہی نے بتایا کہ سیلاب متاثرین کو ان کے تباہ ہونے والے پکے گھروں کی تعمیر کے لئے 4لاکھ روپے کی مالی امداد دیں گے جبکہ تباہ ہونے والے کچے گھروں کی تعمیر کیلئے 2لاکھ روپے کی مالی امداد دی جائے گی۔ وزیراعلیٰ نے کہاکہ دعوت اسلامی کاادارہ ایف جی آر ایف فلاحی کاموں میں پیش پیش ہے۔

پنجاب حکومت اور ایف جی آرایف سیلاب متاثرین کی بحالی کے کاموں میں مل کر کام کریں گے۔انہوں نے بتایا کہ متاثرہ علاقوں میں وبائی امراض کی روک تھام کیلئے خصوصی میڈیکل ٹیمیں تشکیل دی ہیں۔امداد کا صحیح حقداروں تک پہنچنا بے حد ضروری ہے۔سیلاب زدہ علاقوں کے متاثرہ لوگو ں کی بحالی کیلئے خدمت کا جذبہ قابل تحسین ہے۔سیلاب متاثرین کیلئے جو بھی ممکن ہو سکاکرتے رہیں گے۔

وزیراعلیٰ پنجاب کو ایف جی آر ایف کی طرف سے سیلاب زدگان کی امداد اور بحالی سے متعلق اقدامات پر بریفنگ دی گئی۔ وزیراعلیٰ پنجاب نے فلاحی کاموں سے متعلق ایف جی آر ایف کی خدمات کو سراہا اور اپنے مکمل تعاون کی یقین دہانی کروائی۔وفد میں دعوت اسلامی کی مرکزی مجلس شوریٰ کے رکن شوریٰ حاجی یعفور رضا عطاری، نگران لاہور ڈویژن، ڈائریکٹر کوآرڈنیشن ڈیپارٹمنٹ دعوت اسلامی پنجاب محمد لیاقت عطاری،ایف جی آر ایف نگران لاہور ڈویژن حاجی محمد افضل عطاری، حنیف میمن، ایف جی آر ایف کراچی محمد عادل عطاری، دعوت اسلامی کراچی کے محمد عمران گھیگی،عرفان عطاری اوردیگر ذمہ داران شامل تھے جبکہ راسخ الٰہی، ایم پی اے حافظ عماریاسر اور چیئرمین مدینہ فاؤنڈیشن میاں محمد حنیف بھی اس موقع پر موجود تھے۔

دعوتِ اسلامی کے آفیشل واٹس ایپ نیوز گروپس

کیا آپ رہنا چاہتے ہیں دعوتِ اسلامی سے ہر دم اپڈیٹ!!

اگر ہاں!!! تو ابھی ہمارے ان گروپس میں سے کسی ایک گروپ کو جوائن کریں۔ ان گروپس میں روزانہ کی بنیاد پر دنیابھر سے دعوتِ اسلامی کی خاص خاص خبریں شیئر کی جائیں گی۔

گروپ نمبر 01

https://chat.whatsapp.com/GVNqWd85YTvD3Xbbvx5JXZ

گروپ نمبر 02

https://chat.whatsapp.com/CsWk9BHDgpYJ2rKa5dfO7o

گروپ نمبر 03

https://chat.whatsapp.com/GkjXzpoI0RwKcyZYcfXaWz

گروپ نمبر 04

https://chat.whatsapp.com/KvjNxullRr75TSnDwutP2s

گروپ نمبر 05

https://chat.whatsapp.com/BAndVVELQI3BNW2PGOWOux

گروپ نمبر 06

https://chat.whatsapp.com/JQVeUkLHMmY9gvgJISxmTl

گروپ نمبر 07

https://chat.whatsapp.com/HVGXLXRF3X2Cu4ZSTfAlLK

گروپ نمبر 08

https://chat.whatsapp.com/Cse84RDMkN20ydUC2OfS9G

گروپ نمبر 09

https://chat.whatsapp.com/Jc0RzpI27Q36NQnzdXKNhr

ہمارا فیس بک پیج ابھی فالو اور لائک کیجئے:

https://www.facebook.com/news.dawateislami.net

مزید اپڈیٹ کے لئے وزٹ کیجئے ہماری ویب سائٹ:

https://news.dawateislami.net/

دعوتِ اسلامی کے زیرِاہتمام 9 ستمبر 2022ء بروز جمعہ عید میلاد النبی ﷺ کے سلسلے میں مدنی مشورے کا انعقاد کیا گیا۔

تفصیلات کے مطابق مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مدنی مرکز فیضانِ مدینہ فیصل آباد میں تمام شعبہ جات کے نگران و ذمہ داران سے 12 ربیع الاول کو ہونے والے سنتوں بھرے اجتماعات اور جلوسِ میلاد کے حوالے سے گفتگو کی۔

دنیا بھر کے عاشقانِ رسول کی تربیت کرنے کے لئے دعوتِ اسلامی کے تحت ہر ہفتے سنتوں بھرے اجتماع کا انعقاد کیا جاتا ہے جس میں مبلغِ دعوتِ اسلامی سنتوں بھرا بیان کرتے ہیں۔

اسی سلسلے میں پچھلے دنوں ضلع سرگودھا کے شہر میانی میں قائم جامع مسجد باواہ چنگی شاہ میں ہفتہ وار سنتوں بھرے اجتماع کا انعقاد کیا گیا جس میں کثیر عاشقانِ رسول کی شرکت رہی۔

اجتماعِ پاک کی ابتداء قراٰنِ پاک کی تلاوت سے ہوئی جبکہ مبلغِ دعوتِ اسلامی نے بارگاہِ رسالت ﷺ میں نذرانۂ عقیدت پیش کیا۔

دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے ”ہم بدلتے کیوں نہیں“ کے موضوع پر سنتوں بھرا بیان کرتے ہوئے اسلامی بھائیوں کی تربیت کی اور انہیں اسلامی تعلیمات کے مطابق زندگی گزارنے کا ذہن دیا۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِ اہتمام گزشتہ روز پاکستان کے شہر گوجرانوالہ میں موجود مدنی مرکز فیضانِ مدینہ میں ہفتہ وار سنتوں بھرے اجتما ع کا انعقاد کیا گیا۔

مبلغِ دعوتِ اسلامی نے ابتداءً قراٰنِ پاک کی تلاوت اور نعتِ رسول مقبول ﷺ پڑھی جبکہ مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے شرکائے اجتماع کی تربیت کی۔

اس کے علاوہ رکن شوریٰ نے دورانِ بیان اسلامی بھائیوں کو دعوتِ اسلامی کے دینی کاموں میں شرکت کرنے کی ترغیب دلائی جس پر انہوں نے اچھی اچھی نیتیں کیں۔

دعوت اسلامی کے شعبہ FRGFسیلاب زدگان کی امداد کرنے کے لئے سر توڑ کوششیں کررہی ہے اور متاثرین کی امداد ان مقامات پر بھی کی جارہی ہے جہاں زمینی راستے سے جانا ناممکن ہوگیاہے۔ ایسے مقامات پر امدادی سامان کو بحفاظت پہنچانے کے لئے پاک آرمی، پاک بحریہ اور پاک فضائیہ بھی FRGF کی مدد کررہی ہے۔ان کی مدد سے متاثرہ مقامات پر پکے ہوئے کھانے، خشک راشن اور نقد رقم ہیلی کاپٹر، کشتی اور جہازوں کے ذریعے پہنچایا جارہا ہے ۔ 3 ستمبر 2022ء کو پاک فضائیہ کے تعاون سے C-130جہاز سامان سے لوڈ ہوکر PAFکراچی Air base سے جیکب آباد Air base پہنچا جہاں سے پھر سندھ اور بلوچستان کے متاثرین میں تقسیم کیا گیا۔

امدادی کاموں کا جائزہ لینے کے لئے 6 ستمبر 2022ء کو رکن شوریٰ حاجی مولانا عبد الحبیب عطاری ، نگران شعبہ FRGF شفاعت عطاری کے ہمراہ PAFکراچی Air base پہنچے جہاں سے انہوں نے امدادی سامان سے بھرا C-130کا تیسرا جہاز لے کر جیک آباد Air base کی جانب روانہ ہوئے۔

رکن شوریٰ حاجی مولانا عبد الحبیب عطاری نے راستے میں اپنا ویڈیو پیغام جاری کرتے ہوئے کہا کہ ہمیں سامان کو اپنی گاڑیوں کے ذریعے پہنچانے میں کافی پریشانی در پیش آرہی ہے مثلاً کچھ شرپسند عناصر روڈ پر بیٹھ کر ٹرکوں کو لوٹ رہے ہیں۔اس وجہ سے FGRFنے پاکستانی فورسز سے رابطہ کیا تاکہ سامان کو بحفاظت متاثرہ مقام تک پہنچایا جاسکے۔اب ہمارا سامان فورسز کے ٹرکوں میں یا جہازوں میں جائیگا تاکہ امدادی سامان ضرورت مندوں تک پہنچ سکے اور ڈونیشن کی رقم کو درست جگہ استعمال کیا جائے۔

رکن شوریٰ نے مزید کہا کہ ہم نے پاک فضائیہ سے درخواست بھی ہے کہ ائیر فورس روزانہ کی بنیاد پر C-130 ایک جہاز ہمیں فراہم کرے تاکہ ہم ضرورت مندوں کی بآسانی مدد کرسکیں۔

اسی طرح 7ستمبر 2022ء کودعوت اسلامی کی مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے بھی رکن شوریٰ حاجی مولانا عبد الحبیب عطاری کے ہمراہ PAFکراچی Air base کا دورہ کیا اور وہاں ہونے والے امدادی کاموں کا جائزہ لیا۔نگران شوریٰ نے امدادی کاموں کا جائزہ لیتے ہوئے ائیر فورسز کے جوانوں اور Volunteerاسلامی بھائیوں سےملاقات کی اور ہمدری کا اظہار کیا۔

نگران شوریٰ نے ان کا شکریہ ادا کرتے ہوئے امدادی کاموں میں کسی بھی طرح تعاون کرنے والے عاشقان رسول کے لئے دعائیں کیں۔

واضح رہے کہ 7 ستمبر 2022ء کوC-130 کا چوتھا جہازسامان لے کر PAFکراچی Air base سے جیکب آباد Air baseپہنچ چکا ہے۔

”یوم تحفظ عقیدۂ ختم نبوت“ منانے کے لئے فیضان مدینہ کراچی میں اجتماع کا انعقاد

اجتماع میں کراچی بھر کے جامعات المدینہ سے تقریباً 10 ہزار طلبہ و اساتذۂ کرام شریک ہوئے

تفصیلات کے مطابق 7 ستمبر2022ءکو ”یومِ تحفظ عقیدۂ ختم نبوت“کو منانے کے لئے عالمی مدنی مرکز فیضان مدینہ کراچی میں عظیم الشان سنتوں بھرے اجتماع کا انعقاد کیا گیا جس میں جامعات المدینہ کراچی کے اساتذۂ کرام، ناظمین اور کم و بیش 10 ہزار طلبۂ کرام نے براہ راست شرکت کی جبکہ ملک و بیرون ملک میں قائم جامعات المدینہ بوائز اینڈ گرلز کے اسٹوڈنٹس بذریعہ مدنی چینل شریک ہوئے۔

مرکزی مجلس شوریٰ دعوت اسلامی کے نگران مولانا حاجی محمد عمران عطاری مُدَّ ظِلُّہُ العالی نے ”عقیدۂ ختم نبوت“ کے موضوع پر سنتوں بھرا بیان فرمایا اور طلبہ کو درس نظامی مکمل کرکےمنصب امامت پر فائز ہوکر عقیدۂ ختم نبوت کے پیغام کو عام کرنے کی ترغیب دلائی۔

بعد ازاں شیخ الحدیث و التفسیر مفتی محمد قاسم عطاری حفظہ اللہ نے علم و حکمت سے بھر پور ”عقیدہ ختم نبوت“ پر گفتگو فرمائی۔ اجتماع کا اختتام صلوۃ و سلام اور دعاپر ہوا۔

دعوت کا ایک شعبہ مدرسۃ المدینہ بالغان بھی  ہے جس کے ذریعے دنیا بھر میں مختلف مقامات (مساجد، تعلیمی اداروں، مارکیٹوں اور گھروں ) پر بالغ یعنی بڑی عمر کے اسلامی بھائیوں کو درست مخارج کے ساتھ قاعدہ و ناظرہ قرآن پاک پڑھنا سکھایا جاتا ہے۔اس مدرسے کا دورانیہ کم و بیش 35 سے 45 منٹ تک ہوتا ہے نیز مدرسۃ المدینہ بالغان میں ناظرہ قرآن پاک مکمل کرنے والے اسلامی بھائیوں کو اسناد بھی دی جاتی ہے۔

اسی سلسلے میں 12ستمبر 2022ء کو ایوان اقبال لاہور میں عظیم الشان تقسیم اسناد اجتماع کا انعقاد کیا جائیگا جس میں ترجمان دعوت اسلامی و رکن شوریٰ حاجی مولانا عبد الحبیب عطاری سنتوں بھرا بیان فرمائیں گے۔

اجتماع کے اختتام پر ناظرہ قرآن پاک مکمل کرنے والے اسلامی بھائیو ں کو اسناد بھی دی جائیں گی۔

عاشقان رسول کی دینی و فلاحی تحریک دعوت اسلامی کے زیر اہتمام آج رات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں اراکین شوریٰ ومبلغین دعوت اسلامی سنتوں بھرے بیانات فرمائیں گے۔اجتماعات کا آغاز تلاوت قرآن پاک و نعت رسول مقبول ﷺ سے کیا جائیگا جبکہ آخر میں ذکر اللہ اور رقت انگیزدعائیں بھی کی جائیں گی۔ بعد نماز مغرب شروع ہونے والے ان اجتماعات کا اختتام نمازِ اشراق و چاشت کی ادائیگی کے ساتھ ہوگا۔

تفصیلات کے مطابق مدنی مرکز فیضان مدینہ تلہ گنگ نزد کمپیوٹر کانٹا، ٹرک اڈا مین بائی پاس میں رکن شوریٰ حاجی مولانا محمد اسد عطاری مدنی سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی محمد علی عطاری، مدینہ مسجد نئی آباد نزد مزدور پلی ساہیوال میں نگران پاکستان مشاورت حاجی محمد شاہد عطاری، مدنی مرکز فیضان مدینہ شیخوپورہ موڑ گوجرانوالہ رکن شوریٰ حاجی یعفور رضا عطاری، رضا مسجد کورنگی نمبر 4 کراچی میں رکن شوریٰ حاجی ابو ماجد محمد شاہد عطاری مدنی، فیضان اسلام، خیابان سحر فیز7، DHAکراچی میں رکن شوریٰ حاجی محمد امین عطاری، جامع مسجد حسینی بھٹ آئی لینڈ ڈسٹرکٹ کیماڑی کراچی میں رکن شوریٰ حاجی فضیل عطاری، مدنی مرکز فیضان مدینہ کاہنہ نو لاہور میں رکن شوریٰ حاجی منصور عطاری اور مدنی مرکز فیضان مدینہ جوہر ٹاؤن لاہور میں نگران پروفیشنلز ڈیپارٹمنٹ محمد ثوبان عطاری سنتوں بھرا بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

7 ستمبر 1974ء کو پاکستان میں ریاستی سطح پر قادیانیوں کو غیر مسلم قرار دیا گیا تھا جس کی بنا پر ہر سال 7 ستمبر کو ملک بھر میں ”یوم تحفظ ختم نبوت“ کے طور پر منایا جاتا ہے۔ دعوت اسلامی بھی اس دن کو نہایت مذہبی عقیدت و احترام سے مناتی ہے۔

ہر سال کی طرح اس سال بھی دعوت اسلامی 7 ستمبر 2022ء کو ”یوم تحفظ ختم نبوت“ منانے جارہی ہے۔ اسی مناسبت سے 7 ستمبر 2022ء بدھ کی صبح 10:00 بجے نگران شوریٰ حاجی مولانا محمد عمران عطاری مُدَّ ظِلُّہُ العالی ”یوم تحفظ ختم نبوت“کے موضوع پر خصوصی بیان فرمائیں گے جسے مدنی چینل پر براہ راست نشر کیا جائیگا۔اس پروگرام میں تمام جامعۃ المدینہ کے اساتذۂ اور طلبہ کرام سے بھر پور انداز میں شرکت کرنے کی درخواست ہے۔اس کے علاوہ رات 9:15 بجے مدنی چینل پر پروگرام بنام ”سب سے آخری نبیﷺ“ منعقد کیا جائیگا جس میں شیخ الحدیث والتفسیر مفتی محمد قاسم عطاری مُدَّ ظِلُّہُ العالی ، نگران شوریٰ حاجی مولانا محمد عمران عطاری مُدَّ ظِلُّہُ العالی اور رکن شوریٰ مولانا حاجی عبدالحبیب عطاری ختم نبوت کے حوالے سے گفتگو فرمائیں گے۔

دعوتِ  اسلامی کے شعبہ FGRF کے زیر اہتمام3 ستمبر 2022ء کو صوبہ سندھ کے سیلاب زدگان کے لئے ماتلی شہر میں امدادی کیمپ لگایاگیا جس میں صوبائی ذمہ دار محمد شفیق عطاری مدنی نے عوام کو صوبہ سندھ کے سیلاب متاثرین کے ساتھ تعاون کرنے کا ذہن دیا جس پر ہاتھوں ہاتھ رقم اور دیگر سامان وصول ہوئے۔

ذمہ داران نے امدادی سامان جمع کیا اور کھانہ پکواکر متاثر علاقوں بڈو لنجواری نیو دمالو انٹئیر سندھ میں تقریبا 300 مستحقین میں تقسیم کیا۔(رپورٹ: محمد شفیق مدنی صوبائی ذمہ داری ، کانٹینٹ:رمضان رضا عطاری)