دعوتِ اسلامی کے زیر اہتمام 21 ستمبر 2023ء کو دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔ اجتماع کا اختتام ذکرو درود، رقت انگیز دعا اورصلوٰۃ و سلام پر ہوگا۔

تفصیلات کے مطابق مدنی چینل پر براہ راست نشر ہونے والے ہفتہ وار اجتماع میں تندوری ریسٹورنٹ مین شاہراہِ ریشم نزدمری بائی پاس حویلیاں (ضلع ایبٹ آباد) سے مرکزی مجلس شوریٰ کے رکن مولانا حاجی محمد اسد عطاری مدنی سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی فضیل عطاری، ستلج فٹ بال گراؤنڈ اوکاڑہ میں نگران پاکستان مشاورت حاجی محمد شاہد عطاری، فیض مدینہ مسجد کریلا اسٹاپ نارتھ کراچی میں رکن شوریٰ حاجی محمد امین عطاری، مدنی مرکز فیضان مدینہ آفندی ٹاؤن حیدر آباد میں رکن شوریٰ حاجی یعفوررضا عطاری، حنفیہ مسجد مین قائد آبادمرغی خانہ اسٹاپ میں رکن شوریٰ مولانا حاجی محمد عقیل عطاری مدنی، میمن مسجد میمن نگر کراچی میں رکن شوریٰ حاجی محمد اطہر عطاری، مدنی مرکز فیضان مدینہ اسلام آباد میں رکن شوریٰ حاجی وقار المدینہ عطاری اور مدنی مرکز فیضان مدینہ کاہنہ نو لاہور میں نگران مجلس پروفیشنلز فورم محمد ثوبان عطاری سنتوں بھرا بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

دعوتِ اسلامی کے شعبہ پروفیشنلز فورم کےزیر اہتمام 19 ستمبر 2023ء کو سافٹ ویئر ہاوس لاہور میں اجتماع میلاد کا انعقاد کیا گیا جس میں C.O.O اور دیگر آئی ٹی پروفیشنلز نے شرکت کی۔

نگران مجلس پروفیشنلز فورم محمد ثوبان عطاری نے”Cinnova & surface solutions “ کے موضوع پر سنتوں بھرا بیان کیا اور شرکا کو آمد مصطفٰے صلَّی اللہ علیہ واٰلہٖ وسلَّم کی خوشی میں آقا کریم صلَّی اللہ علیہ واٰلہٖ وسلَّم کی سیرت کو اپنانے اور سنت کے مطابق زندگی گزارنے کی ترغیب دلائی۔

دعوت اسلامی کے زیر اہتمام 14 ستمبر 2023ء کو مرے کالج گراؤنڈ سیالکوٹ میں ہفتہ وار سنتوں بھرا  اجتماع و دستار فضیلت اجتماع کا انعقاد کیا گیا جس میں علمائے کرام، مختلف سیاسی و سماجی شخصیات، والدین و سرپرست اور جامعۃ المدینہ کے طلبہ و اساتذہ کرام سمیت ناظمین نے شرکت کی۔

نگران پاکستان مشاورت حاجی محمد شاہد عطاری نے ”آمد مصطفٰے مرحبا مرحبا“ کے موضوع پر سنتوں بھرا بیان کیا اور فارغ التحصیل ہونے والے علمائے کرام کو درسِ نظامی مکمل کرنے پر مبارکبار دی۔

آخر میں اراکین شوریٰ اور سینئر اساتذۂ کرام نے مرکزی جامعۃ المدینہ سیالکوٹ سے درسِ نظامی (عالم کورس) مکمل کرنے والے70علمائے کرام کے سروں پر دستار سجایا اور انہیں مبارکباد دیتے ہوئے دعاؤں سے نوازا۔ (رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت)

دعوت اسلامی کے عالمی مدنی مرکز فیضان مدینہ کراچی میں ماہ ربیع الاول کی مناسبت سے مدنی مذاکروں کا سلسلہ جاری ہےجس میں وقتاً فوقتاً پاکستان کے مختلف شہروں سے ہزاروں عاشقان رسول شریک ہورہے ہیں۔

اسی طرح سینکڑوں اسلامی بھائی رکن شوریٰ حاجی یعفور رضا عطاری کے ساتھ بذریعہ اسپیشل ٹرین ”میلادایکسپریس دعوتِ اسلامی“لاہور سے روانہ ہوکر16 ستمبر 2023ء کو کراچی پہنچے۔ لاہور سے آئے ہوئے عاشقان رسول مدنی مذاکروں میں شریک ہوکر امیر اہلسنت دامت بَرَکَاتُہمُ العالیہ کے مدنی پھولوں سے فیض یاب ہورہے ہیں۔

شعبہ نیو سائٹیز ڈیپارٹمنٹ اسلام آباد سٹی کے ذمہ دار محمد نعمان عطاری کے سسر اور عمر نعیم صاحب کے والد محترم   رضائے الٰہی سے انتقال کرگئے۔

مرحوم کی جنازہ 11/Hقبرستان اسلام آبادمیں ادا کی گئی جس میں مرحول کے اہل خانہ، اعزا ء و اقرباء شریک ہوئے۔ نماز جنازہ رکن شوریٰ حاجی وقار المدینہ عطاری کی امامت میں ادا کی گئی۔

نماز جنازہ سے قبل رکن شوریٰ حاجی وقار المدینہ عطاری ”فکر قبر و آخرت“ کے موضوع پر گفتگو کی اور انہیں آخرت کی تیاری کرنے کے لئے دعوت اسلامی کے دینی ماحول سے وابستہ ہونے کا ذہن دیا۔

دعوت اسلامی کے شعبہ جامعۃ المدینہ بوائز کے زیر اہتمام عرسِ اعلیٰ حضرت کے موقع پر 11 ستمبر 2023ء کو محبوب گراؤنڈ لطیف آباد حیدر آباد  میں دستارِ فضیلت اجتماع کا انعقاد کیا گیا جس میں علمائے کرام، مختلف سیاسی و سماجی شخصیات، والدین و سرپرست اور جامعۃ المدینہ کے طلبہ و اساتذہ کرام سمیت ناظمین نے شرکت کی۔

رکن شوریٰ حاجی محمد امین عطاری نے ”علم و علما کی فضیلت“ پر سنتوں بھرا بیان کیا اور فارغ التحصیل ہونے والے علمائے کرام کو درسِ نظامی مکمل کرنے پر مبارکبار دی۔

آخر میں رکن شوریٰ حاجی محمد امین عطاری اور سینئر اساتذۂ کرام نے مرکزی جامعۃ المدینہ حیدر آباد سے درسِ نظامی (عالم کورس) مکمل کرنے والےعلمائے کرام کے سروں پر دستار سجایا اور انہیں مبارکباد دیتے ہوئے دعاؤں سے نوازا۔

دعوت اسلامی کے شعبہ جامعۃ المدینہ بوائز کے زیر اہتمام عرسِ اعلیٰ حضرت کے موقع پر 11 ستمبر 2023ء کو مدنی مرکز فیضان مدینہ اسلام آباد میں دستار فضیلت اجتماع کا انعقاد کیا گیا جس میں علمائے کرام، مختلف سیاسی و سماجی شخصیات، والدین و سرپرست اور جامعۃ المدینہ کے طلبہ و اساتذہ کرام سمیت ناظمین نے شرکت کی۔

رکن شوریٰ حاجی وقار المدینہ عطاری نے ”علم و علما کی فضیلت“ پر سنتوں بھرا بیان کیا اور فارغ التحصیل ہونے والے علمائے کرام کو درسِ نظامی مکمل کرنے پر مبارکبار دی۔

آخر میں خلیفہ امیر اہلسنت مولانا حاجی عبید رضا عطاری مدنی دامت بَرَکَاتُہمُ العالیہ، رکن شوریٰ حاجی وقار المدینہ عطاری اور سینئر اساتذۂ کرام نے مرکزی جامعۃ المدینہ اسلام آباد سے درسِ نظامی (عالم کورس) و تخصصات مکمل کرنے والے 89 علمائے کرام کے سروں پر دستار سجایا اور انہیں مبارکباد دیتے ہوئے دعاؤں سے نوازا۔

عاشقانِ رسول کی دینی تحریک دعوتِ اسلامی کے زیر اہتمام آج رات مؤرخہ  14 ستمبر 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج مدنی چینل پر براہ ِراست نشر ہونے والے ہفتہ وار اجتماع میں نگرانِ پاکستان مشاورت حاجی محمد شاہد عطاری ، مری کالج گراؤنڈ سیالکوٹ سے سنتوں بھرا بیان فرمائیں گے۔ اس اجتماع کی خصوصیت یہ ہے کہ اختتام سے قبل جامعۃ المدینہ سیالکوٹ سے فارغ التحصیل ہونے والے 70 علمائے کرام کی دستار بندی بھی کی جائے گی۔

اس کے علاوہ عالمی مدنی مرکز فیضانِ مدینہ کراچی میں ہونے والے ہفتہ وار سنتوں بھرے اجتماع میں رکن شوریٰ حاجی محمد اطہر عطاری، نورانی مسجد نشتر اسکوئر کراچی میں رکن شوریٰ حاجی محمد امین عطاری، جامع مسجد سبحانی اورنگی ٹاؤن کراچی میں رکن شوریٰ حاجی محمد علی عطاری اور حاجی منصور عطاری جامع مسجد حنفیہ سوڈیوال میں سنتوں بھرا بیان فرمائیں گے۔

تمام عاشقان رسول سے آج رات ہونے والے ہفتہ وار اجتماع میں شرکت کرنے کی درخواست ہے۔ 

عاشقانِ رسول کی  دینی تحریک دعوت اسلامی کے زیرِ اہتمام عزیز بھٹی ٹاؤن لاہور میں 12 ستمبر 2023ء کو شخصیات اجتماع کا انعقاد ہوا جس میں شخصیات و ذمہ داران نے شرکت کی ۔

رکن شوریٰ حاجی یعفور رضا عطاری نے شخصیات اجتماع میں ’’نیکی کی دعوت‘‘ کے موضوع پر سنتوں بھرا بیان کیا اور احسن انداز میں دعوت اسلامی کے شعبہ جات کا تعارف کرواتے ہوئے دعوت اسلامی کی دینی و فلاحی خدمات کے بارے میں بتایا جس پر شخصیات نے اظہارِ مسرت کرتے ہوئے نیک خیالات پیش کئے۔(رپورٹ: شہزاد عطاری کارکردگی ذمہ دار،کانٹینٹ:رمضان رضا عطاری)

عرس اعلیٰ حضرت کے موقع پر ملک میں دستار فضیلت اجتماعات کا انعقاد

فارغ التحصیل ہونے والے 1555 علمائے کرام کے سروں پر دستار سجائے گئے

تفصیلات:

دعوت اسلامی کے شعبہ جامعۃ المدینہ بوائز کے زیرِ اہتمام 11 ستمبر 2023ء بمطابق 25 صفر المظفر 1445ھ بروز پیر عالمی مدنی مرکز فیضان مدینہ کراچی سمیت پاکستان بھر میں 10 مقامات (لاہور، گجرات، سیالکوٹ، اسلام آباد، اوکاڑہ، فیصل آباد، حیدر آباد، ملتان، گوجرانوالہ ) پر دستارِ فضیلت اجتماعات کا انعقاد کیا گیا جن میں دار الافتاء اہلسنت کے مفتیانِ کرام، اراکینِ شوریٰ، علمائے اہلسنت، جامعات المدینہ کے اساتذۂ کرام و ناظمین، جامعات المدینہ کے طلبائے کرام، مختلف سیاسی و سماجی شخصیات، والدین و سرپرست اور ہزاروں عاشقان رسول نے شرکت کی۔

اجتماع کا آغاز تلاوتِ قرآن مجید سے کیا گیا جس کے بعد نعت خواں حضرات نے بارگاہِ رسالت مآب صلَّی اللہ علیہ واٰلہٖ وسلَّماور اعلیٰ حضرت رحمۃُ اللہِ علیہ کی شان میں نعت و منقبت پڑھیں۔یوم رضا کی مناسبت سے فیضان مدینہ کراچی میں جلوس رضویہ بھی نکالاگیاجس میں اعلیٰ حضرت رحمۃُ اللہِ علیہ کی شان میں نعرے لگائے گئے۔

عالمی مدنی مرکز فیضان مدینہ کراچی سے براہِ راست مدنی چینل پر نشر ہونے والے اجتماع میں مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نےسنتوں بھرا بیان کیااور درسِ نظامی(عالم کورس) اور تخصصات مکمل کرنے والے علمائے کرام کو مبارکباد پیش کرتے ہوئے انہیں اپنے محسنین کا شکریہ ادا کرنے اور دو رکعت شکرانے کے طور پر نفل پڑھنے کی ترغیب دلائی۔

نگران شوریٰ نے اعلیٰ حضرت رحمۃُ اللہِ علیہ کا مقطع ”اے رضا ہر کام کا ایک وقت ہے“ پر گفتگو کرتے ہوئے کہا کہ مجھے ایسا لگتا ہے کہ یہ شعر ہمیں ٹوٹنے ، بکھیرنے، منتشر ہونے، اور دل برداشتہ ہونے سے بچاتا ہے، جب بھی ہماری ایسی کیفیت ہو تو اس شعر کو یاد کرلینا چاہیئے۔ آپ نے مزید گفتگو کرتے ہوئےکہا کہ ہمیں چاہیئے کہ ہم ”حدائق بخشش“ میں موجود اعلیٰ حضرت رحمۃُ اللہِ علیہ کے تمام مقطع کو یاد کرلیں کیونکہ اعلیٰ حضرت رحمۃُ اللہِ علیہ کے مقطع ایسے شاندار ہوتے ہیں کہ جس پر کئی بیانات کئے جاسکتے ہیں۔

نگران شوریٰ نے اعلیٰ حضرت رحمۃُ اللہِ علیہ کی اندازِ زندگی پر کلام کرتے ہوئے فرمایاکہ آپ رحمۃُ اللہِ علیہ ابتدائے شعور سے ہی نمازِ باجماعت کے سخت پابند تھے اور بالغ ہونے سے پہلے اصحاب ترتیب تھے۔اس کے علاوہ آپ رحمۃُ اللہِ علیہ سنتِ رسول صلَّی اللہ علیہ واٰلہٖ وسلَّم پر عمل کرتے ہوئے فرض کے ساتھ ساتھ نفل روزے بھی کثرت سے رکھتے تھے۔ اسی انداز کو عاشق اعلیٰ حضرت امیر اہلسنت دامت بَرَکَاتُہمُ العالیہ نےبھی اپنایا ہوا ہے، آپ دامت بَرَکَاتُہمُ العالیہ بھی کثرت سے نفل روزے رکھنے کا اہتمام کرتے ہیں اور اپنے مریدین و محبین کو اس عمل کی ترغیب بھی دلاتے رہتے ہیں۔نگران شوریٰ نے طلبہ کو علم کے ساتھ ساتھ اپنے عمل میں بھی اضافہ کرنے ، تمام شرکا کو نمازوں کی پابندی کے ساتھ باجماعت ادا کرنے اور زندگی میں آگے بڑھنے کے لئے ہمیشہ وقت کی پابندی کرنےکا ذہن دیا۔

بیان کے بعد خوشی کا وہ لمحہ بھی آیا کہ دار الافتاء اہلسنت کے مفتیان کرام، نگران شوریٰ، اراکین شوریٰ اور سینئرز اساتذۂ کرام نے جامعات المدینہ پاکستان سے عالم کورس اور تخصصات مکمل کرنے والے 1ہزار 555علمائے کرام کے سروں پر دستار سجائے اور انہیں مبارکباد پیش کرتے ہوئے دعاؤں سے نوازا۔

پچھلے دنوں جنت السندھ زرعی یونیورسٹی ٹنڈوجام میں سیلف ڈویلپمنٹ کے ٹاپک پر ایک سمینار منعقد ہوا جس  میں ڈاکٹر پروفیسر منظور ابڑو ڈین فیکلٹی کراپ پروٹیکشن سمیت یونیورسٹی کے اسٹوڈنٹس و اساتذہ نے شرکت کی۔

اس سمینار میں مبلغ دعوت اسلامی ثوبان عطاری نے’’نئی ایجادات کے مطابق اپنے آپ کا تیار کرنے ‘‘ کے عنوان پر تربیت کی جس میں اسٹوڈنٹس کو جدید تحقیق کی طرف بڑھنے نیز اپنی صلاحیتوں کو بڑھانے کے لئے کامیاب لوگوں کے تجربات سے سیکھنے کا ذہن دیا۔

اس کے علاوہ دورانِ سیشن ثوبان عطاری نے شرکا کو اپنے سارے کام مینج کرنے کی سوچ دی اور جدید دور کے مطابق اپنے آپ کو ڈھالنے کی ترغیب دلائی۔ (کانٹینٹ:رمضان رضا عطاری)

دعوت اسلامی کے شعبے مرکز الاقتصاد الاسلامی (Islamic Finance center) اور جامعۃ المدینہ انسٹیٹیوٹ کے زیر اہتمام یکم اکتوبر 2023ء سے عالمی مدنی مرکز فیضان مدینہ کراچی میں اسلامک فنانس کورس 5^th Batchشروع ہونے جارہا ہے جس میں دار الافتاء اہلسنت کے مفتیان کرام، بینکنگ اور فنانس کے ماہرین بینکاری اور دیگر امور پر لیکچر دیں گے۔

کورس میں چند لیکچرز کے عنوانات

٭کرنسی کا لین دین، ڈالر کی بکنگ، ایل سی کی رقم پہلے وصول کرنا، بینکوں کے مختلف اقسام کے کارڈ کی تکییف فقہی ٭عصر حاضر کی سرمایہ کاری میں مضاربت کا استعمال ٭عصر حاضر کی سرمایہ کاری مرابحہ کا استعمال ٭سود کی تعریف و اقسام نیز عصر حاضر میں پائی جانے والی سود کی مثالیں ٭لیگل پرسن کا تصور اور اس کی شرعی حیثیت؟ ٭بیع استصناع اور اس کا عصر حاضر میں سرمایہ کاری میں کردار ٭بیع سلم دورِ جدید کے متعدد کاروباری مسائل کے حل کے طور پر ٭وکالت اور عصر حاضر کے جدید مسائل میں شرکت کا استعمال ٭بیوع کے بنیادی احکام اور عصر حاضر کے جدید مسائل۔ اس کے علاوہ بہت اہم عنوانات شامل ہوں گے۔

کورس میں کون کون شریک ہوسکتا ہے؟

٭دینی مدارس سے فارغ التحصیل سنی علماء

کسی بھی سنی جامعہ سے فارغ التحصیل فاضلین (ترجیح گریجویٹ یا ہدایہ پڑھانے والے اساتذۂ کرام کو دی جائے گی)

٭مخصوص پروفیشنلز

چارٹرڈ اکاؤنٹینٹ، فنانس اور اکاؤنٹس میں ماسٹر کیے ہوئے افراد۔ یا ان کلاسوں میں جن کی تعلیم جاری ہووہ بھی اس کورس میں داخلے کے اہل ہیں۔

٭آن لائن داخلہ

مخصوص پروفیشنلز افراد اگر کراچی سے باہر کے ہیں تو آن لائن طور پر شرکت کرنے کے لئے داخلہ لے سکتے ہیں لیکن سیٹ محددو ہیں۔

اوقات کار

کلاس ہفتے میں دو دن ہوگی۔بروز جمعہ کلاس بعد نماز عشاء 9:00 تا 11:00 اوربروز اتوار بعد نماز ظہر 01:45 تا 03:45 ہوا کرے گی۔

اہم معلومات

کورس میں داخلہ فیس 5000 ہزار ہے جبکہ فارغ التحصیل فاضلین کے لئے 60%کا خصوصی ڈسکاؤنٹ ہوگا۔

فارم کروانے کی آخری تاریخ 20 ستمبر 2023ء ہے۔

کورس کرنے والوں کو جامعۃ المدینہ انسٹیٹیوٹ کی جانب سے سرٹیفکیٹ بھی دیئے جائینگے۔

خواہش مند افراد آن لائن فارم فل کریں جن کا داخلہ OKہوگا ان کو اپڈیٹ کردیا جائے گا۔

رابطہ کےا وقات: 02:00PM تا 04:00PM

رابطہ نمبر Whatsapp: 03228257372

Email: Islamic.finance@dawateislami.net