پچھلے دنوں کراچی کی معروف یونیورسٹی N.E.D انجینئرنگ یونیورسٹی کراچی کے مین آڈیٹوریم میں محفلِ نعت کا انعقاد کیا گیا جس میں شیخ الحدیث والتفسیر مفتی قاسم قادری مَدَّظِلُّہُ الْعَالِی نے خصوصی بیان فرمایا۔ محفل میں کثیر اساتذہ و طلبہ، ڈین آف ڈیپارٹمنٹ اور چیئرمینز نے شرکت کی۔

رکن شوریٰ حاجی مولانا  عبدالحبیب عطاری 21 دسمبر2019ء بروز ہفتہ اپنے فیس بک پیچ پرپاکستانی وقت کے مطابق رات 8 بجے لائیو ذہنی آزمائش کریں گے۔ ناظرین سوالوں کے جواباتZehni Azmaish Qiuz App کے ذریعے دے سکیں گے۔ سوالوں کے درست جوابات دینے والے کو مبارک تبرکات تحفے میں بھیجے جائیں گے ۔

جلدی سے ڈاون لوڈ کیجئے Zehni Azmaish Qiuz App اور مولانا عبدالحبیب عطاری کے فیس بک پیج(AbdulHbibAttari) کو لائک کرتے ہوئے ذہنی آزمائش میں حصہ ملائیں۔

ایپلیکیشن کو ڈاؤن لوڈ کرنے کے لئےاس لنک پر کلک کریں:

https://play.google.com/store/apps/details?id=com.dawateislami.zehniazmaishquizapp&hl=en

مولانا عبدالحبیب عطاری کے آفیشل پیج کا لنک 

https://www.facebook.com/AbdulHabibAttari/

کراچی(اسٹاف رپورٹر) دعوتِ اسلامی کے زیر اہتمام  ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج 19دسمبر2019ءکو بھی دنیا بھر میں ہفتہ وار اجتماعات منعقد کئے جائیں گے۔

تفصیلات کے مطابق رضائے مصطفیٰ مسجدکورنگی 4 نمبر کراچی میں شیخ الحدیث والتفسیر مفتی قاسم عطاری، عالمی مدنی مرکز فیضانِ مدینہ کراچی میں رکنِ شوریٰ مولانا حاجی عبدالحبیب عطاری، نورانی مسجد نشتر اسکوائرملیر ٹاؤن کراچی میں رکن شوریٰ حاجی ابو ماجد محمد شاہد عطاری مدنی اورمدنی مرکز فیضانِ مدینہ العطار ٹاؤن میرپور خاص میں رکن شوریٰ حاجی علی عطاری سنتوں بھرا بیان فرمائیں گے۔ مدنی چینل پر رضائے مصطفیٰ مسجدکورنگی سے ہفتہ وار اجتماع براہ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

مجلس مزارات اولیاء کے تحت 15 دسمبر بروز پیر2019 ء کو گڈاپ سٹی میں ذمہ دار اسلامی بھائی نے جیلانی بابا حضرت علم علی شاہ رحمۃ اللہ علیہ کے مزار پر حاضری دی اور مزار سے متصل مسجد کے امام و خطیب مولانا نصیر صاحب سےملاقا ت کی جس میں انہیں دعوتِ اسلامی کے شعبہ جات کے متعلق معلومات پیش کیں جسے سن کر مولانا صاحب نہایت خوش ہوئے اور فیضانِ مدینہ آنے کی نیت بھی کی۔(رپورٹ:محمد شاہد اقبال عطاری، رکن زون گڈاپ زون کراچی ریجن)

دعوتِ اسلامی کی مجلس رابطہ بالعلماء اورمجلس معاونت برائے اسلامی بہنیں کے تحت 15 دسمبر 2019 ء بروز پیر گڈاپ سٹی میں مختلف مدنی کاموں کا سلسلہ ہوا۔ ذمہ دار اسلامی بھائی نے  گڈاپ سٹی کی مرکزی جامع مسجد محمدی کے امام و خطیب مولانا علی اکبر نعیمی اور جامع مسجدرمضان گوٹھ کےامام و خطیب عبدالواحد نعیمی سے ملاقاتیں کیں۔ دورانِ ملاقات انہیں دعوتِ اسلامی کے شعبہ جات کا تعارف پیش کیا اور اسلامی بہنوں کے مدنی کاموں سے متعلق معاونت کا ذہن دیتے ہوئے اسلامی بہنوں کے لئے اجتماع منعقد کروانے کی ترغیب دلائی جبکہ گڈاپ ٹاؤن ہائی اسکول کے اساتذہ سے ملاقاتیں کیں جس میں انہیں دعوتِ اسلامی کی تعلیمی سرگرمیوں سے متعلق آگاہی دی، ہفتہ وار اجتماع میں شرکت کی دعوت اور اسکول کی چھٹیوں میں دعوتِ اسلامی کے تحت ہونے والے مختلف کورسز میں شرکت کرنے کا ذہن بھی دیا گیا ۔ذمہ دار اسلامی بھائی نےانہیں ماہنامہ فیضانِ مدینہ پیش کیا۔(رپورٹ:محمد شاہد اقبال عطاری، رکن زون گڈاپ زون کراچی ریجن)

دعوتِ اسلامی کی مجلس مدرسۃالمدینہ بالغان کے تحت 12دسمبر 2019 ء کو مدرسۃالمدینہ بالغان میلسی کابینہ ملتان روڈ کرم پور ڈویژن میں علاقائی دورہ ہوا۔ اس موقع پر رکن ِ کابینہ نےاہلِ علاقہ اور دکانداروں سے ملاقاتیں کیں اور انہیں نیکی کی دعوت پیش کرتے ہوئےمدرسۃالمدینہ بالغان میں داخلہ لینے کا ذہن دیا۔

دعوتِ اسلامی کی مرکزی مجلس شوریٰ کے رکن حاجی اظہر عطاری نےننکانہ کابینہ کی  وار برٹن ڈویژن کا مدنی دورہ فرمایا۔ جہاں آپ نےجامعۃالمدینہ للبنات میں اسلامی بہنوں کے اجتماع ِ میلاد میں پردے میں رہ کر سیرتِ مصطفیٰ ﷺ سے متعلق سنتوں بھرا بیان فرمایا اور انہیں شریعت کے دائرے میں رہ کر زندگی گزارنے کی ترغیب دلائی۔ اس موقع پر رکنِ شوریٰ نے جامعۃالمدینہ للبنات سے درسِ نظامی مکمل کرنے والی اسلامی بہنوں کی ردا پوشی کا اعلان بھی فرمایا۔اس کے بعد رکن شوریٰ نے نگینہ مسجد غلہ منڈی میں جمعۃالمبارک کے اجتماع میں بیان فرمایااور نماز کی ادائیگی کے بعد عاشقانِ رسول سے ملاقات بھی فرمائی جبکہ نمازِ مغرب کے بعد مدنی مرکز دعوتِ اسلامی مدینہ مسجد میں ہونے والے سالانہ اجتماعِ غوثیہ میں سنتوں بھرا بیان فرمایا۔ اس اجتماع میں مختلف علاقوں سے بڑی تعداد میں عاشقان رسول قافلے کی صورت میں شریک ہوئے جبکہ مولانا اشفاق رضوی (امیر سنی علماء کونسل )کی قیادت میں علمائے کرام نے بھی شرکت کی۔آخر میں نماز عشاء کے بعد دعوتِ اسلامی کے زیرِ اہتمام تعمیر ہونے والی مدرسۃالمدینہ کی نئی بلڈنگ کا افتتاح فرماکرمدرسے کا نام مدرسۃالمدینہ فیضانِ فاطمۃالزہرہ للبنات رکھا اور داخلوں کے آغاز کا اعلان بھی فرما دیا۔ اس پُر مسرت موقع پر محسن بگہ(سابق وائس چیئر مین) ،جاوید بگہ،مولانا سجاد سیالوی اور چودھری سعید کی قیادت میں اہلِ علاقہ نے رکنِ شوریٰ کا پُر جوش استقبال کیا۔ رکن شوریٰ نے بیان فرماتے ہوئے دعوتِ اسلامی کے شعبے جامعۃالمدینہ اور مدرسۃالمدینہ کا تعارف پیش کیا اور اسلامی بھائیوں کو دعوتِ اسلامی کے ساتھ مل کر مزید اچھے انداز میں مدنی کام کرنے کا ذہن دیا اور وہا ں کی زیر تعمیر مسجد فیضانِ غوث الاعظم کا کام جلد مکمل کرنےاور فیضانِ زم زم کی تعمیرات کا آغاز کرنے کا ذہن بھی دیا۔

دعوتِ اسلامی کی مجلس مدنی انعامات کے تحت15دسمبر بروز اتوار 2019 ء کو فیضانِ کنزالایمان مسجد ڈویژن شاہ پور صدر میں حلقہ تا ڈویژن مشاورت کامدنی مشورہ ہوا جس میں ڈویژن نگران نےغور و فکر سے متعلق نکات بیان کئےاور 12 مدنی کام کرنےکے حوالے سے ترغیب دلائی نیز  مدنی کاموں کے حوالے اسلامی بھائیوں سے مشورے بھی لئے۔(عامر عطاری، ڈویژن نگران و رکن کابینہ مدنی انعامات)

15دسمبر بروز اتوار 2019 ء کو ڈویژن شاہ پور صدر کے حلقہ عاقل شاہ میں ایک اسلامی بھائی کے والد کے چالیسویں کے سلسلے میں ایصالِ ثواب اجتماع کا انعقاد کیا گیاجس میں دعوتِ اسلامی کے ذمہ داران سمیت مقامی اسلامی بھائیوں نے  شرکت کی۔ اس موقع پرمبلغ دعوتِ اسلامی نےاعمال کامحاسبہ کرنے،گناہوں سے توبہ کرنے اور فکرِ مدینہ کرتے ہوئے مدنی انعامات پر عمل کرنے کی ترغیب دلائی۔آخر میں ڈویژن نگران اسلامی بھائی نے دعا کروائی۔ (عامر عطاری، ڈویژن نگران و رکن کابینہ مدنی انعامات)

دعوتِ اسلامی کے تحت 12دسمبربروز جمعرات کو شاہ پور صدرمیں مدنی حلقے کا اہتمام ہوا جس میں مقامی اسلامی بھائیوں نے شرکت کی۔ اس موقع پر ڈویژن نگران نے اسراف کے موضوع سے متعلق نکات ذکر کرتے ہوئے افراط و تفریط سےبچ کراعتدال کی راہ اختیار کرنے کا ذہن دیا اور اعمال کی اصلاح کے لئےمدنی انعامات پر عمل کرنے اور قافلے میں سفر کرنے کا ذہن دیا۔(عامر عطاری، ڈویژن نگران و رکن کابینہ مدنی انعامات)

دعوتِ اسلامی کے تحت 13دسمبر 2019 ء بروز جمعۃالمبارک کو شاہ پور صدر میں اجتماع کا اہتمام کیا گیا جس میں اسلامی بھائیوں نے بڑی تعداد میں شرکت کی ۔ اس موقع پر ڈویژن مدنی انعامات ذمہ دار نے اولیاء کی شان سے متعلق سنتوں بھرا بیان فرماتے ہوئےسرکارِ غوثِ اعظم رحمۃ اللہ علیہ کی سیرت پر عمل کرنے کا ذہن دیا نیز اجتماعی مدنی مذاکرہ دیکھنے کی ترغیب بھی دلائی۔(عامر عطاری، ڈویژن نگران و رکن کابینہ مدنی انعامات)

دعوتِ اسلامی جن شعبہ جات کے ذریعے دنیا بھر میں  قرآن و سنت کا پیغام عام کرنے کے لئےمصروفِ عمل ہے۔ ان میں ایک شعبہ مدنی کام برائے چائینز بھی ہے۔ اس مجلس کے تحت ملک چین سے وابستہ افراد میں نیکی کی دعوت عام کی جاتی ہے۔ مذکورہ مجلس اور مجلس کورسز کے تعاون سے ان دنوں مدنی مرکز فیضانِ مدینہ جھنگ میں 12 روزہ معلم کورس جاری ہے جس کا مقصد اسلامی بھائیوں کو چینی افراد میں مدنی کام کے بارے میں آگاہی فراہم کرنا ہے اور اچھا معلم بنانا ہے۔ تاحال اس کورس میں 11 اسلامی بھائیوں کو داخلہ دیا گیا ہے جو کورس کی تکمیل کے بعد ان افراد میں مدنی کام کریں گے۔