مدنی مرکز فیضانِ مدینہ جوہر ٹاؤن لاہور میں  آج 5 جنوری بروز اتوار ظہر تا اذانِ مغرب لاہور شمالی و جنوبی زون کا ماہانہ مدنی مشورہ ہوگا جس میں رکنِ شوریٰ حاجی یعفور رضا عطاری شرکا کی تربیت فرمائیں گے۔ مدنی مشورے میں نگران کابینہ ، اراکینِ زون ، اراکینِ کابینہ ، ڈویژن مشاورت نگران اور علاقائی مشاورت نگران شرکت کریں گے۔

دعوتِ اسلامی کی مجلس قافلہ کے تحت یکم جنوری2020ء  بروز بدھ شاہ پور صدر فیصل آباد ریجن میں ایصال ثواب اجتماع کا اہتمام ہوا جس میں ذمہ داران و دیگر عاشقانِ رسول نے شرکت کی ۔ اس موقع پر مبلغِ دعوتِ اسلامی نے ایصال ثواب اور اچھی صحبت سے متعلق سنتوں بھرا بیان کرتے ہوئے رشتہ داروں سے اچھا سلوک کرنے اوردعوتِ اسلامی کے مدنی ماحول سے وابستگی کا ذہن دیا ۔(رپورٹ:بلال عطاری، ڈویژن مدنی انعامات)

دعوت اسلامی کی مجلس مدنی انعامات کے تحت 1 جنوری2020 بروز بدھ کو جامع مسجد قطب شاہی میں مدنی دورہ ہوا جس میں مبلغِ دعوتِ اسلامی نے نماز ِعصر کے بعد  کلب ، دکانوں ، بازار اور مختلف مقامات پر نیکی کی دعوت دی جبکہ مغرب کی نماز کے بعد نگران کابینہ کامونکی نے اصلاح اعمال کے عنوان پر سنتوں بھرا بیان کرتے ہوئےفکرِ مدینہ کرنے اور قافلوں میں سفر کرنے کی دعوت دی ۔(رپورٹ محمد قاسم عطاری ،مجلس مدنی انعامات کامونکی کابینہ)

دعوتِ اسلامی کے تحت گزشتہ دنوں گوادر زون نشرواشاعت کےذمہ  دار اسلامی بھائی نے محمد الیاس کمبوہ (رپورٹر بول نیوز )اور عزیز لاسی (روزنامہ انتخاب کے بیورو چیف )سے ملاقات کی۔ (جہاں زیب عطاری، نشرواشاعت لسبیلہ کابینہ اوتھل ڈویژن بلوچستان)

28 دسمبر 2019  ءبروز ہفتہ کو بلوچستان کے شہر بیلا میں بیلا ڈویژن کے ذمہ دار اسلامی بھائیوں کا مدنی مشورہ زونل نگران اور نگران کابینہ نے فرمایا۔ اس موقع نگران پاک نے اخلاقیات کے موضوع پر بیان فرماتے ہوئے 12 مدنی کاموں کو مضبوط کرنے اور ہفتہ وار اجتماع کی تعداد بڑھانے کی ترغیب دلائی نیز نگران زون اور نگران کابینہ کی مشاورت سے بیلا ڈویژن کے نئے نگران کی تقرری اور21جنوری سے سات دن کا فیضان ِنماز کورس فیضان ِآدم مسجد بیلا میں شروع کروانے کا اعلان بھی کیا جبکہ 29 دسمبر بروز اتوار کو دونوں ذمہ داران نے بیلا میں زیرِ تعمیر ” فیضان عثمان غنی مسجد “کا دورہ کرتے ہوئے تعمیراتی کام کا جائزہ لیا۔ (رپورٹ:جہاں زیب عطاری نشرواشاعت لسبیلہ کابینہ اوتھل ڈویژن بلوچستان)

گزشتہ دنوں دعوت اسلامی کے تحت مدنی مرکز فیضانِ مدینہ صابرین مسجد   اوتھل میں نئے سال کی آمد پر سنتوں بھرے اجتماع کا اہتمام کیا گیا جس میں مقامی اسلامی بھائیوں نے شرکت کی سعادت حاصل کی۔ اس موقع پر مبلغ ِدعوت ِاسلامی نے بیان کیا جس میں نئے سال کے موقع پرکئے جانے والے گناہوں سے بچنے اور زندگی کو اللہ عَزَّ وَجَلَّ کی امانت سمجھتے ہوئے ربِّ کریم کے حکم کے مطابق گزارنے کا ذہن دیا۔ اجتماع کے آخر میں ملک کی سلامتی و ترقی کے لئے خصوصی دعائیں بھی کی گئیں۔ (رپورٹ:جہاں زیب عطاری نشرواشاعت لسبیلہ کابینہ اوتھل ڈویژن بلوچستان)

ہمشیرِ مفتی قاسم عطاری کے سوئم  پر محفلِ نعت کا اہتمام

مفتی قاسم عطاری کا سنّتوں بھرا بیان

تفصیل:

پچھلے دنوں شیخ الحدیث والتفسیر مفتی قاسم عطاری مَدَّظِلُّہُ الْعَالِی کی چھوٹی ہمشیرہ (محمد عثمان عطاری کی اہلیہ) کا فیصل آباد میں کینسر کے عارضے کے سبب 31 سال کی عمر میں رضائے الٰہی سے انتقال ہوگیا تھا۔

یکم جنوری 2020ء کو ان کے سوئم کے موقع پر ایصالِ ثواب کے سلسلے میں محفلِ نعت کا اہتمام کیا گیا جس میں عزیز واقارب اور اہلِ علاقہ سمیت دیگر عاشقانِ رسول نے شرکت کی۔ مفتی اہلِ سنّت شیخ الحدیث والتفسیر مفتی قاسم عطاری مَدَّظِلُّہُ الْعَالِی نے سنّتوں بھرا بیان کیا۔ اجتماع کے اختتام پر مرحومہ کے ایصالِ ثواب کے لئے فاتحہ خوانی اور دعائے مغفرت بھی کی گئی۔

کراچی(اسٹاف رپورٹر) دعوتِ اسلامی کے زیر اہتمام  ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج 02 جنوری 2020ء کو بھی دنیا بھر میں ہفتہ وار اجتماعات منعقد کئے جائیں گے۔

تفصیلات کے مطابق عالمی مدنی مرکز فیضانِ مدینہ کراچی میں رکنِ شوریٰ حاجی امین قافلہ عطاری، جا مع مسجد فیضانِ جیلان کلفٹن میں رکنِ شوریٰ حاجی علی عطاری، حب چوکی میں رکنِ شوریٰ حاجی فضیل رضا عطاری اور جامع مسجد غوثیہ بلدیہ ٹاؤن کراچی میں رکنِ شوریٰ حاجی ابو ماجد محمد شاہد عطاری مدنی ،مدنی مرکز فیضانِ مدینہ ہری پور میں رکنِ شوریٰ حاجی یعفور رضا عطاری اور مدنی مرکز فیضانِ مدینہ جوہر ٹاون لاہور میں مبلغ دعوتِ اسلامی محمد ثوبان عطاری سنتوں بھرا بیان فرمائیں گے۔

جبکہ مدنی مرکز فیضانِ مدینہ العطار ٹاؤن میرپور خاص میں ہونے والے ہفتہ وار سنتوں بھرے اجتماع میں رکنِ شوریٰ حاجی امین عطاری سنتوں بھرا بیان فرمائیں گے۔ یہ اجتما ع مدنی چینل پر براہِ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

محمد عرفان عطاری (ذمّہ دار مجلس مدنی مذاکرہ)کے والد مرحوم کے لئے شاہ پور صدر میں قل خوانی اجتماع

مبلغ دعوتِ اسلامی کا موت کی یاد کے موضوع پر سنّتوں بھرا بیان

تفصیل:

دعوت اسلامی کے تحت 28دسمبر2019ء کو شاہ پور صدر کابینہ سرگودھا کی ایک مسجد میں مجلس مدنی مذاکرہ کے ذمّہ دارمحمد عرفان عطاری کے والد مرحوم محمد خان سیالوی کے ایصالِ ثواب کے لئے قل خوانی اجتماع ہوا جس میں کثیر تعداد میں عاشقانِ رسول نے شرکت کی۔ ڈویژن مشاورت کے ذمّہ دار نے ”موت کی یاد“ کے موضوع پر سنّتوں بھرا بیان کیا۔ اجتماع کے اختتام پر ذمّہ دار اسلامی بھائی نے شخصیات سے ملاقاتیں بھی کیں ۔(رپورٹ: عامر عطاری، رکن کابینہ مجلس مدنی انعامات )

بلوچستان کے شہر آواران وجھاو میں 27 دسمبر بروز جمعہ کو نگرانِ زون اور نگرانِ کابینہ نے آواران اور جھاو کے ذمہ داران کا مدنی مشورہ فرمایا ۔ اس موقع پر نگران نےاخلاقیات کے موضوع پر بیان کیا اور 12 مدنی کاموں کو مضبوط بنانے اور 12 جنوری سے فیضانِ اولیا مسجد آواران میں ہونے والے سات روزہ فیضانِ نماز کورس کے حوالے سے کوششیں کرنے کا ذہن دیا نیز نگران نے آواران مسجد ومدرسے کی تعمیرات کا دورہ بھی کیا ۔(رپورٹ: محمد جہاں زیب عطاری نشرواشاعت گوادر زون)

بلوچستان کے شہر اوتھل میں 26 دسمبر 2019 ء بروز جمعرات کو  نگرانِ زون اور نگرانِ کابینہ نے ڈویژن اوتھل کے ذمہ داران کا مدنی مشورہ فرمایا ۔نگران پاک نےذمہ داران کی مدنی تربیت فرمائی اور 12 مدنی کاموں کو مضبوط بنانے اور ہفتہ وار اجتماع کی تعداد بڑھانے کا ذہن دیا ۔ اس موقع پرنگران نے خوشخبری سناتے ہوئے کہا کہ 15 جنوری 2020 ء سے مدنی مرکزفیضانِ مدینہ صابرین مسجد اوتھل میں سات دن کافیضانِ نماز کورس کروایا جائے گا ۔(رپورٹ: محمد جہاں زیب عطاری نشرواشاعت گوادر زون)