‫ دعوت اسلامی کے تحت 8 فروری 2020ء کو ڈویژن صدر کینٹ میں خواجہ ملک محمد آصف مرحوم کے چہلم کے سلسلے میں ایصالِ ثواب اجتماع کا انعقاد کیاگیا جس میں قرب وجوار کے اسلامی بھائیوں نے شرکت کرنے کی ۔اس اجتماع ِ میں مرکزی مجلس شوریٰ کے رکن حاجی یعفور رضا عطاری نے سنّتوں بھرابیان کیا اور شرکا کو مدنی کاموں میں شرکت کرنے کی دعوت دی۔

دعوتِ اسلامی کے تحت 4فروری2020ء بروز منگل ڈویژن بلھے شاہ قصور میں مدنی مشورہ ہوا، مدنی مشورے میں ڈویژن ذمہ داران، اراکینِ کابینہ، علاقائی نگران اور حلقہ نگران نے شرکت کی۔ اس موقع پر نگرانِ کابینہ خالد عطاری نے  12 مدنی کاموں کی ترقی و تنزلی کے اعتبار سے جائزہ لیا، مدنی کاموں میں مزید بہتری لانے کے لئے مدنی پھول دیئے ، مدنی کام اخلاص کے ساتھ کرنے کا جذبہ دیا اور کارکردگی فِل کرنے کے حوالے سے تربیت بھی کی۔

پچھلے دنوں دعوت اسلامی کے زیرِ اہتمام  سرگودھاکے شہر معظم آباد میں کسان اجتماع کا انعقاد کیا گیا جس میں کسان، زمیندار، ملز آنر سمیت سیاسی وسماجی شخصیات نے شرکت کی۔ رکنِ شوریٰ حاجی محمد رفیع العطاری نے زکوٰۃ دینے کے موضوع پر سنّتوں بھرا بیان کیا اور شرکا کو مدنی کاموں میں تعاون کرنے کی ترغیب دلائی۔

دعوتِ اسلامی کی مجلس 12ماہ اطراف خالی علاقہ جات کے تحت جنوری2020ء میں خالی علاقہ جات میں مختلف مقامات پر  ”فیضانِ قراٰن و حدیث کورس“ کا اہتمام کیا گیا۔ کورس میں مجموعی طور پر 309 اسلامی بھائیوں نے شرکت کی سعادت حاصل کی۔ تفصیلات کے مطابق خیبر پختون خواہ میں 5 جنوری2020ء بروز اتوار اور25 جنوری بروز ہفتہ ”فیضانِ قراٰن و حدیث کورس“ کا اہتمام کیا گیا جس میں مجموعی طور پر 214 اسلامی بھائیوں نے شرکت کی سعادت حاصل کی جبکہ کشمیر اور ملتان ریجن میں ہونے والے کورسز میں شرکا کی مجموعی تعداد 95 رہی۔

دعوت اسلامی کی مجلس جامعۃ المدینہ للبنین کے تحت پاکستان کے چھ   شہروں ( کراچی،حیدر آباد ،لاہور،واہ کینٹ، قصور،شیخوپورہ) میں جامعۃ المدینہ نائٹ کلاسز کا سلسلہ جاری ہے جس کی اب تک 20 برانچیں قائم ہوچکی ہیں ۔ ان جامعات میں مختلف شعبے( ڈاکٹر، تاجر ، وکیل، اسکول ٹیچر، گورنمنٹ جاب، پرائیویٹ جاب، اسٹوڈنٹس فیلڈ) سے تعلق رکھنے والے اسلامی بھائی علمِ دین حاصل کررہے ہیں۔

پچھلے دنوں  مدنی مرکز فیضانِ مدینہ سرگودھا میں دعوت اسلامی کے ذمہ داران کا مدنی مشورہ ہوا جس میں رکنِ شوریٰ حاجی محمد رفیع العطاری نے شرکا کی تربیت کی اور شرکا کو اپنے اداروں کوخود کفالت اور رمضا ن المبارک میں عطیات جمع کرنے کے حوالے سے مدنی پھول پیش کئے۔

6فروری 2020ء کو رکنِ شوریٰ حاجی محمد رفیع العطاری نے جامعۃ المدینہ کالا باغ پنجاب کا دورہ کیا۔ اس موقع پر رکنِ شوریٰ نے طلبۂ کرام کے درمیان سنّتوں بھرا بیان فرمایا  اورانہیں مدنی کام کرنے کی ترغیب دلائی۔رکنِ شوریٰ حاجی محمد رفیع العطاری نے جامعۃ المدینہ میں جاری تعمیراتی کاموں کا جائزہ بھی لیا۔

5فروری 2020ء کو جامعۃ المدینہ کوٹ مومن پنجاب میں رکنِ شوریٰ حاجی محمد رفیع العطاری کی آمد ہوئی ۔رکنِ شوریٰ نے طلبۂ کرام کے درمیان سنّتوں بھرا بیان کرتے ہوئے  مدنی کاموں کے حوالے سے مدنی پھول دیئے اور نئے داخلے کے متعلق گفتگو فرمائی۔

5فروری 2020ء کو دعوت اسلامی کے زیرِ اہتمام جامعۃ المدینہ خانقاہ سراجیہ پنجاب میں سنّتوں بھرے اجتماع کا انعقاد کیا گیا جس میں رکنِ شوریٰ حاجی محمد رفیع العطاری نے طلبائے کرام کے درمیان سنّتوں بھرا بیان کرتے ہوئے انہیں بھر پور طریقے سے مدنی کام کرنے کا ذہن دیا اور عُشر جمع کرنے کے بارے میں گفتگو فرمائی۔ 

کراچی(اسٹاف رپورٹر) دعوتِ اسلامی کے زیر اہتمام ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج 6فروری 2020ء بروز جمعرات مغرب کی نماز کے بعد دنیا بھر میں ہفتہ وار اجتماعات منعقد کئے جائیں گے۔

تفصیلات کے مطابق عالمی مدنی مرکز فیضانِ مدینہ کراچی میں مبلغ دعوت اسلامی محمد فضیل عطاری ، جامع مسجد سبحانی اورنگی ٹاؤن میں رکنِ شوریٰ حاجی محمد علی عطاری ،جامع مسجدمیمن بولٹن مارکیٹ میں رکنِ شوریٰ حاجی محمد امین عطاری، جامع مسجد عثمانیہ عبد اللہ گوٹھ میں رکنِ شوریٰ حاجی برکت علی عطاری اور میمن مسجد میمن نگر فہد اسکوائر میں رکنِ شوریٰ حاجی امین قافلہ سنتوں بھرا بیان فرمائیں گے جبکہ مدنی مرکز فیضانِ مدینہ لاڑکانہ میں رکنِ شوریٰ حاجی محمد اطہر عطاری ”سوشل میڈیا کا صحیح اور غلط استعمال“ کے موضوع پر سنتوں بھرا بیان فرمائیں گے۔واضح رہے کہ مدنی مرکز فیضانِ مدینہ لاڑکانہ میں ہونے والےاس سنّتوں بھرے اجتماع کا آغاز 8:00 بجے ہوگا جوکہ مدنی چینل پر براہِ راست نشر کیا جائیگا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ اپنے قریبی ہفتہ وار سنتوں بھرے اجتماع کی لوکیشن جاننے کے لئے درج ذیل لِنک پر کلک کیجئے۔

https://www.dawateislami.net/map/ijtema

سال 2020ء کے داخلوں کے سلسلے میں دعوتِ اسلامی کے زیرِ اہتمام دارالمدینہ اسلامک اسکولنگ سسٹم چشمہ کیمپس میں ایک سیمینار کا انعقاد کیا گیا جس میں مختلف شخصیات سمیت دیگر عاشقانِ رسول نے شرکت کی۔ رکنِ شوریٰ حاجی محمد رفیع العطاری نے سنّتوں بھرا بیان کیا اور شرکا کو مدنی پھول ارشاد فرمائے ۔رکنِ شوریٰ نے سیمینار کے اختتام پر دارالمدینہ کا وزٹ بھی کیا۔