آج بروز بدھ مورخہ 14جولائی2020ء شام 6:45بجے  دارالافتاء اہل سنت کے مفتی جمیل عطاری مدنی صاحب مدنی چینل کے آفیشل FacebookپرLive ہونگے جس میں عاشقان رسول اپنے سوالات کے ذریعے شرعی مسائل کا حل جان سکیں گے ۔

اس سلسلے میں شرکت کرنےکے لئے اس لنک پر کلک کیجئے:

https://www.facebook.com/MadaniChannelOfficial

مرکزی تقریب  عالمی مدنی مرکز فیضانِ مدینہ کراچی میں منعقد ہوئی

ایک ہزار 35 فارغ التحصیل مدنی علماء کو دستار اور اسناد سے نوازا گیا

کراچی(اسٹاف رپورٹر ۔۔)گزشتہ رات دعوتِ اسلامی کی مجلس جامعۃالمدینہ کے زیرِ اہتمام 1035 فارغ التحصیل مدنی علمائے کرام کو اسناد اور دستار بندی سے نوازنے کے لئے کراچی، حیدرآباد،ملتان، فیصل آباد، اوکاڑہ، لاہور، گوجرانوالہ اور اسلام آباد میں پُر وقار تقاریب کا انعقاد کیا گیا۔

مرکزی تقریب معروف علمی درسگاہ جامعۃ المدینہ فیضانِ مدینہ عالمی مدنی مرکز کراچی میں ہوئی جس میں بانیِ دعوتِ اسلامی حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ ، سکھر سے مفتی ابراہیم قادری صاحب، راولپنڈی سے مولانا محمود غفران سیالوی صاحب، نگرانِ شوریٰ مولانا محمد عمران عطاری،دیگر اراکینِ شوریٰ اور جید اساتذہ و طلبہ کرام نے خصوصی طور پر شرکت کی۔

مدنی مرکز فیضان مدینہ لاہور میں دستار فضیلت اجتماع منعقد کیا گیا جس میں استاذ الحدیث مفتی محمد ہاشم خان عطاری، رکن شوریٰ حاجی یعفور رضا عطاری،سیاسی و سماجی شخصیات، جامعۃ المدینہ کے اساتذہ کرام اور طلبائے کرام سمیت دیگر عاشقان رسول نے شرکت کی۔رکن شوریٰ حاجی یعفور رضا عطاری نے ”سیرت اعلیٰ حضرت رحمۃ اللہ علیہ“ کے موضوع پر سنتوں بھرا بیان کیا۔ بیان کے بعدفارغ التحصیل ہونے والے 250 طلبائے کرام کی دستار بندی کی گئی۔

مدنی مرکز فیضان مدینہ فیصل آباد مدینہ ٹاؤن میں نگران پاکستان انتظامی کابینہ حاجی محمد شاہد عطاری نے سنتوں بھرا بیان فرمایا جبکہ اس مقام پر عالم کورس مکمل کرنے والے 94 طلبائے کرام کی دستار بندی کی گئی۔اس تقریب میں دعوت اسلامی کے دیگر ذمہ داران، اساتذہ کرام، طلبائے کرام اور ان کے سرپرست سمیت اہل علاقہ نے شرکت کی۔

حیدر آباد کے علاقے آفنڈی ٹاؤن میں قائم مدنی مرکز فیضان مدینہ میں بھی 266 طلبائے کرام کی دستار فضیلت کی گئی۔ اس موقع پراراکین شوریٰ حاجی محمد اسد عطاری مدنی، حاجی فاروق جیلانی عطاری، دعوت اسلامی کے ذمہ داران، جامعۃ المدینہ کے اساتذہ وطلبائےکرام اور دیگر عاشقان رسول موجود تھے۔ رکن شوریٰ حاجی محمد اسد عطاری مدنی نے ” اعلیٰ حضرت امام احمد رضا خان رحمۃ اللہ علیہ“کے موضوع پر سنتوں بھرا بیان فرمایا۔

ملتان شریف کے مدنی مرکز فیضان مدینہ میں جامعۃ المدینہ سے درس نظامی مکمل کرنے والے 78 طلبائے کرام کی دستار بندی کی گئی۔ اس محفل میں علمائے کرام، سیاسی وسماجی شخصیات اور دیگر اسلامی بھائیوں نے شرکت کی۔ رکن شوریٰ قاری سلیم عطاری نے عرس ”اعلیٰ حضرت رحمۃ اللہ علیہ “کے موضوع پر سنتوں بھرا بیان فرمایا اور اعلیٰ حضرت کی سیرت پر روشنی ڈالی۔ رکن شوریٰ قاری سلیم عطاری اور دیگر علمائے کرام نے فارغ التحصیل ہونے والے طلبائے کرام کی دستار فضیلت کی۔

مدنی مرکز فیضان مدینہ اسلام آباد کے جامعۃ المدینہ سےبھی 70طلبائے کرام نے عالم کورس مکمل کرنے کی سعادت حاصل کی۔ اس منعقدہ محفل میں رکن شوریٰ حاجی وقار المدینہ عطاری نے سنتوں بھرا بیان کیا جس میں علمائے کرام، دعوت اسلامی کے ذمہ داران، جامعۃ المدینہ کے اساتذہ و طلبائے کرام اور دیگر عاشقان رسول نے شرکت کی۔ بیان کے اختتام پرفارغ التحصیل ہونے والے طلبائے کرام کی دستار بندی کا سلسلہ ہوا۔

اسی طرح گوجرانوالہ میں 88 جبکہ اوکاڑہ میں 55 طلبائے کرام کی دستار بندی کا سلسلہ ہوا ۔ دستار فضیلت کی اس محفل میں مذہبی و سیاسی شخصیت کے علاوہ جامعۃ المدینہ کے اساتذہ و طلبائے کرام اور ان کے سرپرستوں نے شرکت کی۔

اس موقع پر عالمی مدنی مرکز فیضان مدینہ کراچی میں تشریف لائے ہوئے مفتی ابراہیم سکھروی قادری صاحب کا کہنا تھا کہ عالمی مدنی فیضان مدینہ میں طلبہ کا جم غفیر اوران کے سروں پر سجے ہوئے تاج کو دیکھ کر بہت خوشی اور قلبی مسرت حاصل ہوئی جبکہ راولپنڈی سے تشریف لائے ہوئے مولانا محمود غفران سیالوی صاحب نے پاکستان بھر کےجامعات المدینہ سے 1035 طلبائے کرام کو عالم کورس مکمل کروانے پر دعوت اسلامی کو مبارکباد پیش کی۔آپ نے مزید فرمایا کہ اَلْحَمْدُ لِلّٰہِ عَزَّ وَجَلَّ دعوت اسلامی ہر سال اپنے ریکارڈ میں اضافہ کررہی ہےاور بالخصوص علمی میدان میں دعوت اسلامی دن بدن آگے بڑھتی ہوئی نظر آرہی ہے۔ اسی طرح جامعات المدینہ سے فارغ التحصیل ہونے والے طلبائے کرام کے سرپرستوں نے بھی اپنی خوشی کا اظہار کیا اور دعوت اسلامی کی مزید ترقی کے لئے دعائیں کیں۔

دعوت اسلامی کے زیر اہتمام ضلع خوشاب نور پور تھل کے گاؤں اوبھل میں  مدنی مرکز فیضان مدینہ کے قیام کے لئے تعمیراتی کاموں کا سلسلہ جاری ہے۔

پچھلے دنوں نگران میانوالی زون محمدزاہد عطاری نے تعمیراتی پراجیکٹس کا وزٹ کیا اور اس حوالے سے ذمہ داران سے مدنی مشورے کئے۔

دعوت اسلامی کے زیر اہتمام A,1ٹیوشن اکیڈمی نور پور تھل ضلع خوشاب میں مدنی حلقہ ہوا جس میں ٹیوشن کے اسٹوڈنٹس نے شرکت کی۔ نگران میانوالی زون محمد زاہد عطاری نے سنتوں بھرا بیان کیا اور شرکا کو مدنی کاموں میں شرکت کرنے کی ترغیب دلائی۔

دعوت اسلامی کے تحت 10 اکتوبر 2020ء کو الحسین اکیڈمی، نور پور تھل ضلع خوشاب میں سنتوں بھرے اجتماع کا انعقاد کیا گیا جس میں اہل علاقہ نے شر کت کی۔ نگران زون میانوالی محمد زاہد عطاری نے سنتوں بھرا بیان کیا اور ہفتہ وار مدنی مذاکرہ اور ہفتہ وار اجتماع میں شرکت کرنے کی ترغیب دلائی۔

دعوت اسلامی  کے زیر اہتمام 9 اکتوبر 2020ء بروز جمعۃ المبارک سیالکوٹ زون پھالیہ کابینہ پاہڑیانوالی میں عیادت کا سلسلہ ہوا جس میں رکن شوری حاجی اظہر عطاری نے نگران کابینہ پھالیہ ابو واصف محمد آصف رضا عطاری کی عیادت کی جن کا پچھلے دنوں روڈ ایکسیڈنٹ میں بازو ٹوٹنے کا معاملہ پیش آیا رکن شوریٰ نے نگران کابینہ کھاریاں محمد اقبال عطاری اور نگران کابینہ گجرات محمد عامر عطاری کے ہمراہ دعا ئے خیر کا اہتمام کیا۔(رپورٹ:طارق جاوید عطاری )

دعوت اسلامی کی مجلس عشر اطراف گاؤں کے تحت 11 اکتوبر 2020ء اتوار احمد پور شرقیہ ٹبی ہوت مہر میں ناظم یونین کونسل حاجی ضمیر احمد کھچی کے گھر پر مدنی حلقہ ہوا جس میں مبلغ دعوت اسلامی محمد ارشد عطاری اطراف ڈویژن نگران احمدپور شرقیہ نے عشر کے متعلق آگاہ کیا جس پر حاجی ضمیر احمد نے کماد کا عشر دعوت اسلامی کودینے کی نیت کا اظہار کیا اور اپنے تاثرات دیئے۔

اپر سوات پریس کلب کے صحافیوں کی رکن شوریٰ حاجی یعفور رضا عطاری کی رہائش پر آمد ہوئی۔رکن شوریٰ نے انہیں خوش آمدید کہا اور ان سے ملاقات کی۔

رکن شوریٰ نے انہیں دعوت اسلامی کی دینی و فلاحی خدمات کے بارے میں معلومات فراہم کیں اور ہفتہ وار اجتماع ومدنی مذاکرہ سمیت دیگر مدنی کاموں میں شرکت کرنے کی ترغیب دلائی۔

دعوت اسلامی کے زیر اہتمام 11 اکتوبر 2020ء کو مومن پورہ واہگہ ٹاؤن میں افتتاحی تقریب کا انعقاد کیا گیا جس میں مقامی ذمہ داران سمیت دیگر عاشقان رسول نے شرکت کی۔ مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کرتے ہوئے  جامعۃ المدینہ اور مدرسۃ المدینہ کی تعمیرات مکمل کرنے پر اہل علاقہ کا شکریہ ادا کیا ۔

بیان کے اختتام پر رکن شوریٰ نے جامعۃ المدینہ و مدرسۃ المدینہ للبنات فیضان فاطمۃ الزاہرہ کا افتتاح بھی کیا۔

دعوت اسلامی کے زیر اہتمام 11 اکتوبر 2020ء کو مومن پورہ واہگہ ٹاؤن کابینہ میں مسجد و مدرسے کا افتتاح ہوا۔

اس موقع پر سنتوں بھرے اجتماع کا انعقاد کیا گیا جس میں مقامی عاشقان رسول نے شرکت کی۔ مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیااور مدرسے و مسجد کی تعمیرات میں تعاون کرنے والے اسلامی بھائیوں کا شکریہ ادا کیا جبکہ دیگر عاشقان رسول کو مسجدمیں نماز ادا کرکے اور مدرسے میں اپنے بچوں کو داخلہ کرواکر اس کو آباد کرنے کی ترغیب دلائی۔

دعوت اسلامی کی مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی کے بڑے بھائی مرحوم محمد ایازخانانی عطاری کے ایصالِ ثواب کے لئے 11 اکتوبر 2020ء کو عالمی مدنی مرکز فیضان مدینہ کراچی میں سوئم کا اہتما م کیا گیا جس میں مرحوم کے عزیز و اقارب سمیت اراکین شوریٰ، مختلف مجالس کے ذمہ داران اور دیگر عاشقان رسول شریک ہوئے۔

اس موقع پر نگران شوریٰ نے سنتوں بھرا بیان کیا جس میں مرنے سے پہلے اپنے فرائض ادا کرنے، آخرت کی تیاری کرنے، گناہوں سے نفرت کرنے اور نیکی کی طرف رغبت حاصل کرنے کے حوالے سے مدنی پھول ارشاد فرمائے۔

بیان کے بعد رکن شوریٰ حاجی محمد امین عطاری کا کہنا تھا کہ اَلْحَمْدُ لِلّٰہِ عَزَّ وَجَلَّ دنیا بھر میں قائم دعوت اسلامی کے مختلف شعبہ جات (مدارس و جامعات)میں نگران شوریٰ کے بڑے بھائی مرحوم ایاز خانانی عطاری کے لئے ایصال ثواب کا سلسلہ ہوا جس میں ہزاروں قرآن پاک اور مختلف پاروں کی تلاوت کی گئی جبکہ آیۃ الکرسی ،کلمہ طیبہ، درود پاک اور مختلف سورتوں کے ساتھ ساتھ دیگر اوراد وظائف بھی پڑھے گئے۔

مدنی چینل کا مقبول عام سلسلہ ”ذہنی آزمائش سیزن12“ کے لئے مختلف مقامات پر آڈیشن کا سلسلہ جاری ہے ۔

اسی سلسلے میں آج 12 اکتوبر 2020ء گجرات میں، 13 اکتوبر 2020ء بروز منگل واہ کینٹ میں جبکہ 14 اکتوبر 2020ء بروز بدھ سرگودھا میں آڈیشن (ٹیم سلیکشن) کا سلسلہ ہوگا۔

ذہنی آزمائش سیزن 12 کے آڈیشن میں تمام عاشقان رسول شرکت کرسکتے ہیں جبکہ آڈیشن میں حصہ لینے والوں کی عمر کم از کم 17 سال ہونی چاہیئے۔

واضح رہے کہ ان مقامات پر آڈیشن کا آغاز دوپہر 2:00 بجے ہوگا۔

تمام مقامات پر موٹیویشنل اسپیکر محمد ثوبان عطاری بھی شرکت فرمائیں گے۔

مزید معلومات کے لئےاس نمبر پر رابطہ کریں:03131200026