عاشقان رسول کی دینی و اصلاحی تحریک دعوت اسلامی کے تحت اسلامی بہنوں کو دینی تعلیم سے آراستہ کرنے اور احسن طریقے سے زندگی گزارنے کے لئے  مجلس ”شعبہ شارٹ کورسز “ (اسلامی بہنیں) کا قیام عمل میں لایا گیا۔ اس مجلس کے تحت 2018ء سے پاکستان بھر میں 40 مختلف کورسز کروائے جارہے ہیں جن میں زندگی کے مختلف شعبے سے تعلق رکھنے والی اسلامی بہنیں علمِ دین سے فیض یاب ہورہی ہیں۔

2020ء میں ہونے والے لاک ڈاؤن میں مجلس شارٹ کورسز نے انٹرنیٹ کی سہولت سے فائدہ اٹھاتے ہوئے آن لائن کلاسز کا آغاز کیا جس کے ذریعے پاکستان کے 6 ریجنز کراچی، حیدر آباد، ملتان، اسلام آباد، لاہور اور فیصل آبادمیں 9 ہزار 526مقامات پر کورسز کروائے گئے جن میں 1لاکھ 41ہزار 128 اسلامی بہنوں نے مختلف کورسز کرنے کی سعادت حاصل کی۔

مجلس شارٹ کورسز کی کارکردگی کے مطابق سال 2018 ء میں ملک بھر میں 3ہزار 905 مقامات پر کورسز ہوئے جن میں 7 ہزار645 اسلامی بہنوں نے کورس میں شرکت کی۔سال 2019ء میں پاکستان بھر میں 11ہزار 813 مقامات پر 21 کورسز کروائے گئے جن میں شرکت کرنے والی اسلامی بہنوں کی تعداد ایک لاکھ 66 ہزار253 رہی جبکہ سال 2020ء میں پاکستان بھر میں 10 ہزار 316مقامات پر 10 کورسز کروانے کا سلسلہ رہا جن میں 1لاکھ 41 ہزار 128 اسلامی بہنیں علمِ دین سے فیض یاب ہوئیں۔

مجلس شارٹ کورسز سال 2021ء میں مختلف مقامات پر وقتا فوقتاً 16 مختلف شارٹ کورسز کروانے کے لئے پُر عزم ہے جن کے شیڈول کی تفصیلات یہ ہیں۔

دعوت اسلامی کے زیر اہتمام  پچھلے دنوں نگران زون و نگران کابینہ نے مجلس تعمیرات و مقامی ذمہ داران کے ہمراہ روہیلاں والی شہر ماہڑہ میں زیر تعمیر مسجد بنام فیضان علی المرتضیٰ کا وزٹ کیا جہاں ذمہ داران دعوت اسلامی نے 9جنوری2021 ء سے مسجد کےچھت کاکام شروع کرنے کے متعلق کلام کرتے ہوئے حاضرین کو اس کی تعمیر کے حوالے سے خوب کوششیں کرنے کا ذہن دیا ۔(رپورٹ: محمد ظہور عطاری مدنی مجلس ائمہ مساجد مظفر گڑھ زون) 

دعوتِ اسلامی کی مجلس مدنی چینل ڈسٹری بیوشن کے زیر اہتمام6 جنوری 2021ء بروز بدھ  میرپورخاص العطاٹاؤن میں مدنی حلقہ ہوا جس میں مدرستہ المدینہ للبنین غیر رہائشی کے شرکا نے شرکت کی ۔

مدنی حلقے میں مبلغ دعوت اسلامی انجم رضا عطاری پاکستان سطح کہ ذمہ دار نے مدنی چینل کا تعارف اور موبائل ایپس کے حوالے سے کلام کرتے ہوئے شرکا کو اپنے گھروں میں مدنی چینل چلوانے اور موبائل میں دعوت اسلامی کی ایپلیکیشن ڈاؤنلوڈ کر کے اس سہولت سے فائدہ اٹھانے کا ذہن دیا ۔( رپورٹ: ساجد رضاعطاری رکن زون)

دعوت اسلامی کے زیر اہتمام 03جنوری 2021ء بروز  اتوار سکھر زون جیکب آباد کابینہ سلطان کوٹ میں ماہانہ مدنی مشورے کا سلسلہ ہوا جس میں ڈویژن نگران اور اراکین کابینہ نے شرکت کی ۔

ماہانہ مدنی مشورے میں مبلغ دعوت اسلامی حاجی محمد بلال عطاری نگران سکھر زون و نگران جیکب آباد کابینہ عبدالوحید عطاری مدنی نے 12 دینی کاموں کو بڑھانے کے حوالے سے کلام کرتے ہوئے شرکا کو ہفتہ وار اجتماع کی تعداد بڑھانے اور ہفتہ وار مدنی مذاکرہ دیکھنے سمیت8 جنوری2021ء کو راہ خدا میں30 دن کےمدنی قافلے میں سفر کرنے کے متعلق مدنی پھول دیئے ۔(رپورٹ:محمد اظہر عطاری )

دعوتِ اسلامی کی مرکزی مجلس شوریٰ کے نگران مولانا عمران عطاری مَدَّظِلُّہُ الْعَالِی ماہِ جنوری، فروری اور مارچ میں رکنِ شوریٰ حاجی اطہر عطاری سے متعلق مختلف مجالس کے مدنی مشورے فرمائیں گے۔ مدنی مشوروں کی تاریخ اور اوقات کار کی تفصیل نیچے ٹیبل میں ملاحظہ فرمائیں:

9جنوری 2021ء  بروز ہفتہ دوپہر 2 تا 4 کابینہ سطح پر تمام شعبہ جات کی ذیلی تاریجن سطح کی اسلامی بہنوں میں سنتوں بھرا اجتماع منعقد کیا جارہا ہے ۔ اس اجتماع میں دعوتِ اسلامی کی مرکزی مجلسِ شوریٰ کے رکن اور نگرانِ پاکستان حاجی ابورجب عطاری سنتوں بھرا بیان فرمائیں گے۔ تمام اسلامی بہنوں سے اس اجتماع میں اول تاآخر شرکت کی درخواست کی جاتی ہے۔ 

دارالمدینہ  کی جانب سے 07 جنوری 2021ء بروز جمعرات صبح 10بجکر 45منٹ پر تربیتی نشست کا اہتمام کیا جارہا ہے۔ اس تربیتی نشست میں رکنِ شوریٰ و نگرانِ پاکستان انتظامی کابینہ حاجی شاہد عطاری ملک و بیرونِ ملک دارالمدینہ اسٹاف اسلامی بھائیوں اور اسلامی بہنوں کی بذریعہ ویڈیو لنک تربیت فرمائیں گے۔

دارالمدینہ کے تمام اسٹاف کو اس تربیتی نشست میں شرکت کی دعوت دی جاتی ہے۔ 

دعوت اسلامی کی مجلس خدام المساجد و المدارس نے41 مقامات پرمساجد، مدارس اور تنظیمی مکاتب کے پروجیکٹس کا آغاز کردیا ہے

تفصیلات کے مطابق گزشتہ کئی مہینوں سے مجلس خدام المساجد و المدارس کے زیر اہتمام نواب شاہ زون میں مختلف مقامات پر نیو مساجد، مدارس، جامعات اور تنظیمی مکاتب کے قیام کے لئے تعمیرات کا سلسلہ جاری ہے۔

3 جنوری 2021ء بروز ہفتہ نواب شاہ زون میں 41 مقامات پر ان مساجد و مدارس کے پروجیکٹس کا باقاعدہ آغاز اور بعض کا افتتاح کیا گیا۔ ان مقامات کا آغاز و افتتاح مرکزی مجلس شوریٰ کے رکن حاجی محمد فاروق جیلانی عطاری نے فرمایا۔اس موقع پر نگران ریجن حیدر آبادقاری ایاز عطاری، نگران زون اور دیگرذمہ داران سمیت مقامی عاشقان رسول بھی موجود تھے۔

پروجیکٹس کی تفصیلات درج ذیل ہیں:

مدارس المدینہ للبنین

(1)مدرسۃ المدینہ فیضان بابا فرید (رحمت ٹاؤن)(2) مدرسۃ المدینہ فیضان عشق رسول (شوگر مل) (3) مدرسۃ المدینہ فیضان امام جعفر صادق (تاج کالونی) (4) مدرسۃ المدینہ فیضان عشق رسول (محمدی ٹاؤن) (5) مدرسۃ المدینہ فیضان عشق رسول (بالا) (6) مدرسۃ المدینہ فیضان عشق رسول (بھٹ شاہ) (7) مدرسۃ المدینہ فیضان خدیجۃ الکبریٰ (ایم ایم گارڈن ٹنڈو آدم) (8) مدرسۃ المدینہ فیضان مصطفیٰ (ٹنڈو آدم ) (9) مدرسۃ المدینہ فیضان اولیاء (ٹنڈو آدم) (10) مدرسۃ المدینہ فیضان عشق رسول (غریب آباد ٹنڈو آدم)

‫جامعۃ المدینہ للبنین

(11)جامعۃ المدینہ فیضان عشق رسول (V.I.P روڈ) (12) مرکزی جامعۃ المدینہ گلشن مدینہ (13) جامعۃ المدینہ فیضان عشق رسول (ٹول پلازہ سعید آباد) (14) جامعۃ المدینہ فیضان نور مصطفیٰ (15) مرکزی جامعۃ المدینہ (سکرنڈ بائے پاس)

مدرسۃالمدینہ للبنات

(16)مدرسۃ المدینہ فیضان عشق رسول (کیمپ 2) (17) مدرسۃ المدینہ فیضان عشق رسول (18) مدرسۃ المدینہ فیضان امام جعفر صادق (تاج کالونی)

جامعۃ المدینہ للبنات

(19)جامعۃ المدینہ فیضان عشق رسول (تاج کالونی) (20) جامعۃ المدینہ فیضان عائشہ (طوبیٰ کالونی بالا) (21) جامعۃ المدینہ فیضان عشق رسول (بالا)

مساجد

(22)جامع مسجدفیضان بابا فرید (رحمت ٹاؤن) (23) جامع مسجدفیضان تاجدار مدینہ (V.I.P روڈ) (24) جامع مسجد فیضان ابراہیم علیہ السَّلام (60 میل روڈ) (25) جامع مسجد فیضان عشق رسول (شوگر مل) (26) جامع مسجد فیضان رمضان (قاضی احمد روڈ) (27) جامع مسجد فیضان عثمان غنی (لنک روڈ) (28) جامع مسجد فیضان امیر حمزہ (سعید آباد) (29) جامع مسجد فیضان عائشہ (طوبیٰ کالونی بالا) (30) جامع مسجد فیضان عشق رسول (ٹیکسی اسٹینڈ بالا) (31) جامع مسجد فیضان یونس علیہ السَّلام (بالا) (32) جامع مسجد فیضان مدینہ(بالا) (33) جامع مسجد فیضان مدینہ (بھٹ شاہ) (34) جامع مسجد فیضان خاتون جنت (ٹنڈو آدم) (35) جامع مسجد فیضان اقصیٰ (ٹنڈو آدم) (36) جامع مسجد فیضان روشن (ٹنڈو آدم) (37) جامع مسجد فیضان عشق رسول (ٹنڈو آدم) (38) جامع مسجدفیضان جمال مصطفیٰ (ٹنڈو آدم)

فیضان آن لائن اکیڈمی

(39) فیضان آن لائن اکیڈمی (ٹنڈو آدم)

تنظیمی مکاتب (آفسز)

(40)آفس جامعہ فیضان بہار شریعت (فارسی باغ) (41) آفس جامعہ گلشن حدید (فیضان مدینہ نواب شاہ) 

کرونا وائرس کے دوران ہونے والی بلڈ ڈونیشن کمپین اور دیگر فلاحی کاموں پر گورنر پنجاب چوہدری سرور کی جانب سے ”دعوت اسلامی ویلفیئر ٹرسٹ“ کو اعزازی شیلڈزپیش کردی گئیں۔

کرونا وائرس سے متاثرین، تھیلیسیمیا و دیگر امراض کے مریضوں کو خون کی فراہمی اور فلاحی کاموں کو سراہنے کے لئے 5جنوری 2021ء کو گورنر ہاؤس پنجاب میں ایک تقریب کا انعقاد کیا گیا جس میں گورنر پنجاب چوہدری محمدسرور کی جانب سے دعوت اسلامی کے وفد کو اعزازی شیلڈز اور appreciation certificates پیش کئے گئے۔دعوت اسلامی کے وفد میں اراکینِ شوریٰ حاجی محمد اظہر عطاری، حاجی یعفور رضا عطاری اور دیگر ذمہ داران احسان عطاری،لیاقت عطاری، علی حسن عطاری، عامر عطاری شامل تھے۔

اس تقریب میں گورنرپنجاب محمد سرور نے دعوت اسلامی کی دینی وفلاحی خدمات کو خوب سراہااور شکریہ ادا کیا۔ اس موقع پر ڈائریکٹر سندس فاؤنڈیشن سینئرصحافی سہیل وڑائچ، چیئرمین حاجی سرفراز اور دیگر عہدیداران بھی موجود تھے۔

دعوت اسلامی کی مجلس ازدیاد حب کے زیرِ اہتمام آج  بروز بدھ بعد نماز عشاء نور حبیب کراچی میں واقع جامع مسجد گلزار حبیب میں سنتوں بھرے اجتماع کا انعقاد کیا گیا ۔

اجتماع پاک میں مرکزی مجلس شوریٰ کے رکن حاجی محمد امین عطاری خصوصی بیان فرمائیں گے۔

تمام عاشقان رسول سےاس اجتماع پاک میں شرکت کرنے کی درخواست ہے۔

دعوت اسلامی کی مجلس مدنی چینل عام کریں کے زیر اہتمام جامعۃ المدینہ سکرند میں مدنی حلقے کا سلسلہ ہوا جس میں جامعۃ المدینہ کے طلبائے کرام نے شرکت کی۔

نگران مجلس مدنی چینل عام کریں انجم رضا عطاری نے طلبہ کو مدنی چینل کڈز کے پروگرام میں حصہ لینے اور صلاحیتیں بڑھانے کا ذہن دیا۔ اختتام پرجامعہ کے اساتذہ کرام اور ناظمین کو دعوت اسلامی ڈیجیٹل سروس کا تعارف پیش کیا گیا اور بچوں کے ذریعے مدنی چینل عام کرنے کی ترغیب دلائی گئی۔

2جنوری 2020ء کو دعوت اسلامی کے ڈویژن نگران استور محمد عمران عطاری نے ڈائریکٹر فار ایسٹ محمد سلیم سے ملاقات کی۔ نگران ڈویژن نے انہیں دعوت اسلامی کاتعارف پیش کیا اور مدنی مرکز فیضان مدینہ جوہر ٹاؤن لاہور کے وزٹ کی دعوت پیش کی۔