2دسمبر 2020ء کو گڑھی شاہو لاہور میں دعوت اسلامی کی مجلس شعبہ تعلیم کے زیر اہتمام  ٹیچرز اجتماع کا انعقاد کیا گیا جس میں مختلف تعلیمی اداروں کے ٹیچر حضرات نے شرکت کی۔

نگران مجلس پروفیشنلز محمد ثوبان عطاری نے سنتوں بھرا بیان کیا اور شرکا کو اپنے اسٹوڈنٹس کی دینی و دنیاوی لحاظ سے تربیت کرنے اور ان کےدینی معلومات میں اضافہ کرنے کا ذہن دیا۔

دعوت اسلامی کی مجلس میڈیا ڈیپارٹمنٹ لاہور ریجن کے ذمہ دار محمد عثمان عطاری کے والد محترم 2دسمبر 2020ء کو رضائے الہی سے انتقال کرگئے۔

مرحوم کی نماز جنازہ چوہنگ لاہور میں مرکزی مجلس شوریٰ کے رکن حاجی یعفور رضا عطاری کی امامت میں ادا کی گئی۔نماز جنازہ میں نگران مجلس پروفیشنلز محمد ثوبان عطاری، ذمہ داران دعوت اسلامی، اہلِ علاقہ، مرحوم کے اہلِ خانہ اور عزیز و اقارب شریک تھے۔نماز جنازہ کے بعد مرحوم کے ایصالِ ثواب کے لئے فاتحہ خوانی اور دعائے مغفرت کی گئی جبکہ رکن شوریٰ نے لواحقین سے تعزیت بھی فرمائی۔

رکنِ شوریٰ ابوماجد حاجی شاہد عطاری مدنی اور مجلس دعوتِ اسلامی کے شب وروز کے اراکین محمد عثمان عطاری سے ان کے والد کے انتقال پر تعزیت کا اظہار کرتے ہیں اور دعاگو ہیں کہ اللہ پاک مرحوم کے جنت میں بلند درجات عطافرمائے۔

اَلْحَمْدُ لِلّٰہِ عَزَّ وَجَلَّ جامع مسجد فیضانِ نوری رضوی چنن روڈ جوہرٹاؤن لاہورمیں دینی کام بڑھنے کی وجہ سے نمازیوں کی تعداد میں اضافہ ہو اجس کے باعث مسجد کی جگہ چھوٹی پڑرہی تھی۔ اسی مسائل کو مد نظر رکھتے ہوئے اسلامی بھائی انفرادی کوشش کے ذریعے 3 کروڑ 55لاکھ کی لاگت سے مسجد کی توسیع کے لئے مزیدجگہ خریدنے میں کامیاب ہوگئے۔

اس وسیع جگہ کے افتتاح کے موقع پر سنتوں بھرے اجتماع کا انعقاد کیا گیا جس میں ذمہ داران دعوت اسلامی، اہلِ علاقہ اور دیگر عاشقان رسول نے شرکت کی۔ مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور شرکا کو مسجد کی تعمیرات میں حصہ لینے اور مالی تعاون کرنے کی ترغیب دلائی۔

پچھلے دنوں جوہر ٹاؤن لاہور کی سیاسی شخصیت سجاد ربانی کی والدہ رضائے الہی سے انتقال کرگئیں۔

وفات کی خبر ملنے پر 2دسمبر 2020ءکو مرکزی مجلس شوریٰ کے رکن حاجی یعفور رضا عطاری سجاد ربانی کی رہائش گاہ پہنچے جہاں انہوں نے مرحومہ کے لواحقین اور عزیز و اقارب سے تعزیت کی اور انہیں صبر کی تلقین فرمائی۔رکن شوریٰ نے مرحومہ کے ایصالِ ثواب کے لئے فاتحہ خوانی اور دعائے مغفرت کی۔ حاجی یعفور رضا عطاری نے ان کے اہلِ خانہ کو اپنے مرحومین کے لئے زیادہ سے زیادہ ایصالِ ثواب کرنے اور دینی کاموں میں تعاون کرنے کی ترغیب دلائی۔

ہر جمعرات کی طرح اس جمعرات کو بھی دعوتِ اسلامی کی جانب سے دنیا بھر میں ہفتہ وار سنتوں بھرے اجتماعات منعقد کئے جائیں گے۔

دعوتِ اسلامی کے عالمی مدنی مرکز فیضانِ مدینہ کراچی میں ہونے والے اجتماعِ پاک میں بانیِ دعوتِ اسلامی کے جانشین و صاحبزادے مولانا حاجی عبید عطاری مدنی مَدَّظِلُّہُ الْعَالِی سنتوں بھرا بیان فرمائیں گے۔

اجتماعِ پاک کا آغاز آج مؤرخہ 3دسمبر 2020ء کی شب ساڑھے آٹھ بجے تلاوتِ قرآنِ مجید سے ہوگا، نعت و بیان کے ساتھ ساتھ اجتماعی ذکر و دعا کا سلسلہ بھی ہوگا۔

عاشقانِ رسول سے شرکت کی خصوصی التجا ہے۔

نوٹ: ہفتہ وار اجتماعِ براہِ راست مدنی چینل پر بھی نشر کیا جائے گا۔

دعوت اسلامی کی مجلس  ٹرانسپورٹ کے تحت پچھلے دنوں ماڑی پور کابینہ ساوتھ سینٹرل میں مدنی حلقہ بسلسلہ ذکر و نعت منعقد ہوا جس میں اسپئیر پارٹ مالکان کار مکینک سمیت دیگر ورکروں نے شرکت کی ۔

اجتماع و ذکر نعت میں مبلغ دعوت اسلامی محمد ذیشان مدنی عطاری نے شرکا کے درمیان میلاد النبی صلی اللہ علیہ واٰلہ وسلم کے موضوع پر سنتوں بھرا بیان کیا اور حاضرین کو قرآن پاک کی تعلیمات کے مطابق زندگی کے شب و روز گزارنے کے متعلق مدنی پھول دیئے۔ اس موقع پر ذیشان مدنی عطاری نے وہاں موجود شخصیات سے ملاقات کی اور انہیں دعوت اسلامی کے ساتھ جسمانی اور مالی تعاون کرنے کا ذہن دیا۔ (رپورٹ:عبد الوہاب عطاری مجلس ٹرانسپورٹ ایسٹ ملیر زون )

5دسمبر 2020ء بمطابق 20 ربیع الاٰخر 1442ھ کوٹ عبد اللہ شاہ مزنگ لاہور میں اجتماع میلاد ”بسلسلہ بڑی گیارہویں شریف“ کا انعقاد کیا جائیگا۔اس اجتماع میلاد میں مرکزی مجلس شوریٰ کے رکن حاجی یعفور رضا عطاری خصوصی بیان فرمائیں گے۔

اجتماع میلاد میں بعد نماز ظہر ختمِ قرآن، بعد نماز عصر ختمِ انبیاء و ختمِ غوثیہ، بعد نماز مغرب نعت خوانی، بعد نماز عشاء بیان اور رات 9:00 بجے دعا و خیر خواہی کا انتظام ہوگا۔

ہر ہفتے کی طرح 3دسمبر 2020ءبروز جمعرات بھی جامع مسجد فیضان مشتاق شاہ عالم مارکیٹ لاہور میں ہفتہ وار سنتوں بھرے اجتماع کا انعقاد کیا جائیگا۔

اس ہفتہ وار اجتماع میں مرکزی مجلس شوریٰ کے رکن حاجی یعفور رضا عطاری خصوصی بیان فرمائیں گے۔

عاشقانِ رسول ایس او پیس کا خیال رکھتے ہوئے اس اجتماع میں شرکت فرمائیں۔

دعوت اسلامی کے زیر اہتمام  وہاڑی بورے والہ ڈویژن مرضی پورہ فیضان مدینہ میں 27/28/29 نومبر جمعہ، ہفتہ اور اتوار مدنی قافلے کی آمد کا سلسلہ ہوا جس میں غلام مصطفیٰ عطاری نگران وھاڑی زون سمیت اراکین زون ،اراکین کابینہ اور ڈویژن نگران نے شرکت کی۔

مدنی قافلے میں غلام مصطفیٰ عطاری نے شرکائے مدنی قافلے کے درمیان اللہ پاک کی نعمتوں پر شکر کرنے کے موضوع پر بیان کرتے ہوئے حاضرین کو اولیاء سے محبت کرنے ، اپنے ظاہر اور باطن کی اصلاح کرنے ، دعوت اسلامی کے دینی کاموں کے لیے اپنی ذمہ داری کے مطابق وقت دینے ،ہر ماہ کم از کم تین دن مدنی قافلے میں سفر کرنے اور دوسرے اسلامی بھائیوں کو اس میں سفر کروانے کا ذہن دیا۔

واضح رہے دوران مدنی قافلہ ا شراک و چاشت اور اوابین کے نوافل، مدنی مذاکرہ میں شرکت، تلاوت قرآن پاک اور تہجد کے بعد مناجات کا سلسلہ بھی ہوا جبکہ ذمہ داران دعوت اسلامی نے علاقہ مرضی پورہ کے ارد گرد کی مساجد میں جا کر مسجد درس کا اہتمام بھی کیا۔

دعوت اسلامی کی مجلس اصلاح اعمال کے تحت  پچھلے دنوں حاجی محمد سہیل عطاری نگران مجلس اور لاہور ریجن ذمہ دار حاجی محمد شہزاد عطاری نے حافظ آباد زون کا دورہ کیا جہاں جامعۃالمدینہ و مدرسۃالمدینہ کے طلباء میں سنتوں بھرا بیان کیا اور طلباء کو پیر کا روزہ رکھنے، روزانہ نماز تہجد پڑھنے اور نیک اعمال کا رسالہ بھرنے کا ذہن دیا۔

اس موقع پر ذمہ داران دعوت اسلامی نے حافظ آباد زون کے اراکین کابینہ کامدنی مشورہ کیا جس میں شرکا کو نگران مجلس نے رسالہ نیک اعمال کو عام کرنے اور نیکی کی دعوت دینے کے متعلق مدنی پھول دیتے ہوئے تقرر ی پر کلام کیا ۔(رپورٹ: محمد قاسم عطاری )

پنجاب کے شہر اوکاڑہ میں قائم صدر بازار میں دعوت اسلامی کے شعبہ رابطہ برائے تاجران کے تحت نیکی کی دعوت کا سلسلہ ہوا جس میں دیگر تاجر اسلامی بھائیوں نے شرکت کی۔

نگران اوکاڑہ زون حاجی منیر عطاری نے شرکا کو دعوت اسلامی کے مختلف شعبہ جات بالخصوص فیضان آن لائن اکیڈمی اور جامعۃ المدینہ کے حوالے سے بریفنگ دی جس پر انہوں نے اپنے نیک خواہشات کا اظہار کیا۔

دعوت اسلامی کے شعبہ دار المدینہ انٹر نیشنل اسلامک سسٹم میں بڑی گیارہویں شریف 1442 ھ نہایت جوش و جذبے اور مذہبی عقیدت و احترام سے منایا گیا۔

دار المدینہ میں گیاہویں شریف کے موقع پر ہونے والے پروگرام میں اسٹوڈنٹس نے نعتِ رسول، منقبت اور بیانات میں حصہ لیاجبکہ کلاسز میں کوئیزکا بھی سلسلہ ہوا۔