دعوت اسلامی کے زیر اہتمام آج رات 8 بجے سندھ کے علاقے الوحید بینکوئٹ ہال کیانی روڈ سانگھڑ میں ایجوکیشن ڈیپارٹمنٹ سے وابستہ اسلامی بھائیوں کے لئے سنتوں بھرے اجتماع کا انعقاد کیا جائیگا۔

اس اجتماع پاک میں نگران مجلس پروفیشنلز محمد ثوبان عطاری خصوصی بیان فرمائیں گے۔

مقامی عاشقان رسول سے اس اجتماع پاک میں شرکت کرنے کی درخواست ہے۔

دعوت اسلامی کے زیر اہتمام 12 دسمبر 2020ء بروز ہفتہ جامعۃ المدینہ فیضان بہار مدینہ اورنگی ٹاؤن میں سنتوں بھرے اجتماع کا انعقاد کیا گیا جس میں ناظم جامعۃ المدینہ مولانا شکیل اکبر عطاری مدنی، جامعۃ المدینہ کے اساتذۂ کرام اور نگران کابینہ اورنگی ٹاؤن محمد جاوید عطاری سمیت جامعۃ المدینہ کے طلبائے کرام نے شرکت کی۔

نگران مجلس مدنی چینل محمد اسد عطاری مدنی نے ”شانِ علماء“ کے موضوع پر سنتوں بھرا بیان کرتے ہوئے فرمایا کہ علم حاصل کرنے کی سب سےبنیادی چیز استقامت ہے لہذا علم حاصل کرنے میں مختلف پریشانیوں کا بھی سامنا کرنا پڑتا ہے لیکن جو صبر و استقامت سے کام لیتے ہیں اللہ عَزَّ وَجَلَّ انہیں کامیابی ہمکنار کرتا ہے۔نگران مجلس نے وقت کی اہمیت کے حوالے مدنی پھول دیتے ہوئے فرمایا کہ ہمارا وقت بہت قیمتی ہے ہمیں وقت ضائع کئے بغیر علمِ دین حاصل کرنے میں صرف کرنا چاہیئے۔ محمد اسد عطاری مدنی نے طلبائے کرام کو زیادہ سے زیادہ علم دین حاصل کرکے دینی کام کرنے کا ذہن بھی دیا۔

11دسمبر 2020ء بروز جمعۃ المبارک دعوت اسلامی کے زیر اہتمام رمضان گوٹھ، منگھو پیر روڈ میں قائم جامع مسجد ”فیضان فاروق اعظم رضی اللہ عنہ“ میں سنتوں بھرے اجتماع کاانعقاد کیا گیا جس میں امام مسجد مولانا محمد کامران عطاری مدنی، مقامی علمائے کرام، نگرانِ کابینہ اورنگی ٹاؤن جاوید عطاری اور گوٹھ کی شخصیات سمیت دیگر عاشقان رسول نے شرکت کی۔

نگران مجلس مدنی چینل محمد اسد عطاری مدنی نے ”حالات غوث اعظم رضی اللہ عنہ“ کے موضوع پر سنتوں بھرا بیان کرتے ہوئے فرمایا کہ حضور غوث پاک رضی اللہ تعالٰی عنہ نے اپنی زندگی علم دین سیکھنے اور سکھانے میں صرف کردی، آپ رضی اللہ عنہ کی بارگاہ میں دور دراز سے علمائے کرام اپنے علم کی پیاس بجھانے آیا کرتے تھے۔ نگران مجلس نے شرکا کو علمِ دین سیکھنے کی ترغیب دلاتے ہوئے فرمایا کہ ہمیں علمِ دین سیکھنا چاہیئے اور اس کا بہترین ذریعہ مدنی قافلے میں سفر کرنا ہے، مدنی قافلے میں سفر کرنے سے نہ صرف دینی معلومات حاصل ہوتی ہیں بلکہ اچھی زندگی گزارنے کا تجربہ بھی حاصل ہوتا ہے۔

دعوت اسلامی کے زیر اہتمام 13 دسمبر 2020ء  دوپہر 2بجے اسٹوڈنٹس، ٹیچرز اور ایجوکیشن ڈیپارٹمنٹ سے وابستہ افراد کے لئے مدنی چینل کے آفیشل Facebookپیج پر Live سنتوں بھرے اجتماع کا انعقاد کیا جائیگا۔

اس اجتماع پاک میں مرکزی مجلس شوریٰ کے رکن حاجی محمد اسد عطاری مدنی سنتوں بھرا بیان فرمائیں گے۔

ایجوکیشن سے وابستہ افراد سے اس اجتماع پاک میں شرکت کرنے کی درخواست ہے۔

اجتماع میں شرکت کرنے کے لئے نیچے دیئے گئے لنک پر کلک کیجئے:

https://www.facebook.com/MadaniChannelLive

فیصل آباد کراس والاجھنگ روڈ پر مجلس خدام المساجد و المدارس  جامع مسجد فیضان بہار مدینہ کی تعمیرات کے لئے سنگِ بنیاد رکھنے کا سلسلہ ہوا۔ اس موقع پر رکن شوریٰ حاجی جنید عطاری مدنی نے مسجد کی بنیاد رکھتے ہوئے مسجد کی جلد تعمیرات اور اس کی تعمیراتی کاموں میں حصہ لینے والوں کے لئے دعائیں کیں۔ رکن شوریٰ نے عاشقان رسول کو مسجد کی تعمیر جلد مکمل کروانے کی ترغیب بھی دلائی۔

9دسمبر 2020ء کو دعوت اسلامی کے زیر اہتمام شالیمار باغ لاہور میں ایصالِ ثواب اجتماع کا انعقاد کیا گیا جس میں اہل علاقہ نے شرکت کی۔

نگران مجلس پروفیشنلز محمد ثوبان عطاری نے سنتوں بھرا بیان کیااور شرکا کو اپنے مرحومین کے ایصالِ ثواب کے لئے دینی کاموں میں شرکت کرنے اور اس میں تعاون کرنے کی ترغیب دلائی۔

پچھلے دنوں بلدیہ  ٹاؤن کراچی میں قائم جامع مسجد فیضان ہاشمی میں بڑی گیارہویں شریف کے سلسلے میں سنتوں بھرے اجتماع کا انعقاد کیا گیاجس میں امام مسجد محمد عمر فیاض عطاری مدنی، مقامی علمائے کرام، دعوت اسلامی کے ذمہ داران اور کثیر تعداد میں عاشقان رسول نے شرکت کی۔

مبلغ دعوت اسلامی ابو البنتین حاجی محمد حسان عطاری مدنی نے ”شان غوث اعظم رضی اللہ عنہ“ کے موضوع پر سنتوں بھرا بیان کیا اور شرکا سیرت غوث پاک رضی اللہ عنہ اپنانے کی ترغیب دلائی۔

دعوت اسلامی کی مرکزی مجلس شوریٰ کے رکن حاجی محمد اظہر عطاری وار برٹن پنجاب میں واقع ایک ٹیکسائل ملز کے ڈائریکٹر میاں اعجاز شیخ کی رہائش گاہ پہنچے جہاں انہوں نے میاں اعجاز شیخ سے ان کی اہلیہ کے انتقال پر تعزیت فرمائی اور لواحقین کو صبر کی تلقین کی۔ رکن شوریٰ نے مرحومہ  کے ایصالِ ثواب کرتے ہوئے فاتحہ خوانی اور ان کی درجات کی بلندی اور مغفرت کے لئے دعائیں بھی کیں۔

ہر جمعرات کی طرح اس جمعرات بمطابق 10 دسمبر 2020ء  کو بھی دعوتِ اسلامی کی جانب سے دنیا بھر میں ہفتہ وار سنتوں بھرے اجتماعات منعقد کئے جائیں گے۔

دعوتِ اسلامی کے مدنی مرکز فیضانِ مدینہ فیصل آباد میں ہونے والے اجتماعِ پاک میں نگران پاکستان انتظامی کابینہ حاجی محمد شاہد عطاری ”نزع کی سختیاں کیسے آسان ہو؟“ کے موضوع پر سنتوں بھرا بیان فرمائیں گے۔

اجتماعِ پاک کا آغاز رات 8:30 بجے تلاوتِ قرآنِ مجید سے ہوگا، نعت و بیان کے ساتھ ساتھ اجتماعی ذکر و دعا کا سلسلہ بھی ہوگا۔

عاشقانِ رسول سے شرکت کی خصوصی التجا ہے۔

نوٹ: ہفتہ وار اجتماعِ براہِ راست مدنی چینل پر بھی نشر کیا جائے گا۔

6دسمبر 2020ء کو مجلس مدنی قافلہ دعوت اسلامی کے زیر اہتمام بذریعہ ویڈیو لنک سنتوں بھرے اجتماع کا انعقاد کیا گیا جس میں کراچی، حیدر آباد، ملتان، فیصل آباد، لاہور اور اسلام آبادسمیت ملک و بیرون ملک میں کم و بیش 900 مقامات پر عاشقانِ رسول نے شرکت کی۔

عالمی مدنی مرکز فیضان مدینہ کراچی میں اراکینِ شوریٰ حاجی محمد امین عطاری، حاجی امین قافلہ اور حاجی سید لقمان عطاری سمیت دیگر ذمہ داران موجود تھے۔

مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی نے ”نیکی کی دعوت کی اہمیت و ضرورت“پر سنتوں بھرا بیان کرتے ہوئے فرمایا کہ نیکی کی دعوت یہ اتنا عظیم کام ہے جو میرے کام آقا صلَّی اللہ علیہ واٰلہٖ وسلَّم نے کیا، ہمیں اللہ پاک کے آخری نبی صلَّی اللہ علیہ واٰلہٖ وسلَّم کی سیرت پاک کو پڑھنا اور سمجھنا چاہیئے۔ نگران شوریٰ نے مزید فرمایا کہ صحابہ کرام علیہمُ الرِّضوان نے نبی پاک صلَّی اللہ علیہ واٰلہٖ وسلَّم کے ساتھ سفر کرکے، تکلیفیں اٹھاکر، حتٰی کے اپنی جانوں کو قربان کرکےاسلام اور دین کی دعوت دے کرہم سب کے لئے نمونہ عمل پیش کیا۔ حاجی عمران عطاری نے مدنی پھول ارشاد فرماتے ہوئے فرمایا کہ نیکی کی دعوت دینے میں لذت ہے ، بد قسمتی سے ایک بڑی تعداد اس لذت سے محروم ہے. نگران شوریٰ نے مدنی قافلے میں سفر کرنے کی ترغیب دلاتے ہوئے فرمایا کہ زندگی گزارنے کا طریقہ مدنی قافلہ سکھاتا ہے، معاشرہ ہمارے کردار سے بنتا ہے ہم اچھے معاشرہ اچھا ،ہم بُرے معاشرہ بُرا، مسجد میں بیٹھنے کا جذبہ مدنی قافلے سے ملتا ہے، عبادات کی درستگی مدنی قافلے میں نصیب ہوتی ہے، قلبی و ذہنی سکون مدنی قافلے میں ملتا ہے۔

مدنی چینل کے ناظرین کے لئے خوشخبری، جس پروگرام کا ناظرین کو ساراسال انتظار رہتا ہے وہ پروگرام شروع ہوچکا ہے۔

مدنی چینل کا مقبول عام سلسلہ ذہنی آزمائش سیزن (12) 15 دسمبر 2020ء سے جاری ہے۔ پروگرام کی میزبانی معروف اسلامک اسکالر رکن شوری حاجی مولانا عبد الحبیب عطاری کررہے ہیں ۔ذہنی آزمائش ایک علمی مقابلہ ہے جس میں پاکستان کے مختلف شہروں سے آڈیشن میں کامیاب ہونے والے اسلامی بھائی حصہ لے رہے ہیں۔

واضح رہے کہ ذہنی آزمائش سیزن 12 کے تمام Episodeکی ٹائمنگ رات 8:00 بجے سے 10:00 بجے تک ہوگی جس کو مدنی چینل پر براہ راست نشر کیا جائیگا۔

مزید اس صفحے کے ذریعے آپ جان سکیں گے : کونسی ٹیم کا کس کے ساتھ مقابلہ ہے؟ کونسی ٹیم کس سے آگے بڑھ گئی ہے؟اس سلسلے کا مکمل شیڈول کیاہے؟

ذہنی آزمائش سیزن 12 کا شیڈول

حافظ آباد کے تھانہ سٹی میں دعوت اسلامی کے زیر اہتمام محفل نعت کا انعقاد کیا گیا جس میں حسان علی (ہیڈ محرر)، محمد لقمان (A.S.I)، محمد لیاقت (سب انسپکٹر) کانسٹیبل اور تھانے کے دیگر عملے نے شرکت کی۔

نگران زون محمد وسیم عطاری نے ”عفوو درگزر “ کے موضوع پر سنتوں بھرا بیان کیااور شرکا کو ترغیب دلائی کہ ہمیں بھی پیارے آقا صلَّی اللہ علیہ واٰلہٖ وسلَّم کی سنتوں پر عمل کرتے ہوئے زندگی گزارنی ہے۔ نگران زون نے بیان کرتے ہوئے فرمایا کہ ہمیں اپنے گھروں میں دینی ماحول بناتے ہوئے آپس میں حسن اخلاق کے ساتھ پیش آنا چاہیئے۔