دعوت اسلامی کے زیر اہتمام مدینہ مسجد ہال روڈ لاہور میں 12نومبر 2020ء کو تاجر اجتماع کا انعقاد کیا گیا جس میں تاجر اسلامی بھائیوں سمیت کثیر تعداد میں عاشقان رسول نے شرکت کی۔

مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا اور شرکا کو ٹیلی تھون میں بھر پور حصہ لینے کی ترغیب دلائی۔

15نومبر 2020ء کو دعوت اسلامی کے زیر اہتمام جوہر ٹاؤن لاہور میں تاجر اجتماع کا انعقاد کیا گیا جس میں مقامی تاجروں نے شرکت کی۔

موٹیویشنل اسپیکر محمد ثوبان عطاری نے سنتوں بھرا بیان کیا اور شرکا کو ٹیلی تھون میں بھر پور حصہ لینے کی ترغیب دلائی۔

12نومبر 2020ء کودعوت اسلامی کے زیر اہتمام گورنمنٹ سید مٹھا ٹیچنگ اسپتال لاہورمیں اجتماع میلاد کا انعقاد کیا گیا جس میں اساتذہ، ڈاکٹرز اور دیگر اسٹاف نے شرکت کی۔

نگران مجلس پروفیشنلز محمد ثوبان عطاری نے سنتوں بھرا بیان کیا اور شرکا کو مدنی کاموں میں شرکت کرنے کی ترغیب دلائی۔

12 ربیع الاوّل 1442ھ کی شب ہونے والے اجتماع میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہنے 1212 فیضان عشق رسول بنانے کی ترغیب دلائی تھی۔

اسی فرمان پر عمل کرتے ہوئے کراچی کے علاقے گلستان جوہر میں مسجد ”فیضان عشق رسول“ کا افتتاح کردیا گیا۔

مسجد کا افتتاح مرکزی مجلس شوریٰ کے رکن حاجی محمد امین عطاری نے نماز پڑھاکر کیا ۔ اس تقریب میں علاقے کے عاشقان رسول شریک تھے۔ رکن شوریٰ نے شرکا کو مسجد آباد کرنے اور نمازوں کی پابندی کرنے کی ترغیب دلائی اور دعا کا سلسلہ بھی ہوا۔

دعوت اسلامی کی مجلس وقف مبلغ کے زیر اہتمام 12 نومبر 2020ء کو پنجاب کے علاقے بدوکے میں ایصالِ ثواب کے لئے قل شریف کا انعقاد کیا گیا جس میں علمائے کرام، تاجران، مقامیS.H.Oاور اہلِ علاقہ نے شرکت کی۔

نگران کابینہ ڈسکہ حاجی عثمان طاہر عطاری نے ”فکر آخرت “ کے موضوع پر سنتوں بھرا بیان کیااور شرکا کو نماز کی پابندی کرنےاور درود پاک کی کثرت کرنے کی ترغیب دلائی۔

پچھلے دنوں تنظیم المدارس اہل سنت پاکستان کے زیر اہتمام سالانہ امتحان  2020ء کا انعقاد کیا گیا۔ تنظیم المدارس نے نتائج کااعلان کرتے ہوئے پوزیشن ہولڈرز کی فہرستیں جاری کردی ہیں۔

پوزیشن ہولڈرز میں دعوت اسلامی کے جامعات المدینہ میں پڑھنے والے طلبہ بھی نمایاں مارکس حاصل کرکے پہلی، دوسری اور تیسری پوزیشن حاصل کرنے والوں میں شامل ہیں جن کی تفصیلات درج ذیل ہے:

جامعۃ المدینہ اشاعت اسلام منیر آباد ضلع ملتان درجہ خاصہ کے طالبعلم محمد سہیل بن نذرنے الشہادۃ الثانویۃ الخاصہ میں پہلی پوزیشن ، جامعۃ المدینہ فیضان مدینہ شاہ رکن عالم کالونی ضلع ملتان درجہ دورۃ الحدیث کے طالبعلم سعد حارث بن نیاز علی قریشی نے الشہادۃ العالمیۃ فی العلوم العربیۃ والاسلامیۃ میں دوسری پوزیشن، جامعۃ المدینہ عالمی مدنی مرکز فیضان مدینہ کراچی درجہ دورۃ الحدیث شریف کے طالبعلم اویس اختر بن اختر حسین نے الشہادۃ العالمیۃ فی العلوم العربیۃ والاسلامیۃ میں تیسری پوزیشن حاصل کی۔

دعوت اسلامی کے زیر اہتمام نواب شاہ کابینہ کے ڈویژن پڈعیدن میں شخصیات اجتماع ہوا ۔

اس اجتماع میں مرکزی مجلس شوریٰ کے رکن حاجی محمد فاروق جیلانی عطار ی نے سنتوں بھرا بیان فرمایا اورشرکا کو 15 نومبر 2020ء کو ہونے والے ٹیلی تھون مہم کے حوالے سے ترغیب دلائی۔

10نومبر 2020ء کو دعوت اسلامی کے زیر اہتمام رضا مسجد لانڈھی کورنگی کابینہ میں تربیتی سیشن کا سلسلہ ہوا جس میں مدرسۃ المدینہ کے مدرسین اور ناظمین نے شرکت کی۔

مرکزی مجلس شوریٰ کے رکن حاجی محمد امین عطاری نے سنتوں بھرا بیان کیااور شرکا کو 12 ماہ کے مدنی قافلے میں سفر کرنے کی ترغیب دلائی جس پر کئی اسلامی بھائیوں نے اپنی اپنی نیتوں کا اظہار کیا۔ 

9 نومبر 2020ء کو دعوت اسلامی کے تعلیمی ادارے جامعۃ المدینہ ولیکا سائٹ ایریا کراچی میں تربیتی اجتماع ہوا جس میں جامعۃ المدینہ کے طلبائے کرام نے شرکت کی۔

مرکزی مجلس شوریٰ کے رکن حاجی محمد امین عطاری نےسنتوں بھرا بیان کیا اور طلبہ کرام کو 15 نومبر 2020ء کو ہونے والے ٹیلی تھون کے لئے بھر پور کوشش کرنے کا ذہن دیا۔

اس موقع پر رکن مجلس جامعۃ المدینہ سید ساجد عطاری مدنی بھی موجود تھے۔

8نومبر 2020ء کو دعوت اسلامی کے زیر اہتمام کوٹ غلام محمد حیدر آباد میں اجتماع میلاد کا انعقاد کیا گیا جس میں کثیر تعداد میں اہل علاقہ نے شرکت کی۔

مرکزی مجلس شوریٰ کے رکن حاجی محمد علی عطاری نے سیرت مصطفیٰ صلَّی اللہ علیہ واٰلہٖ وسلَّم کے موضوع پرسنتوں بھرا بیان کیا اور شرکا کو سیرت مصطفیٰ صلَّی اللہ علیہ واٰلہٖ وسلَّم کے اصولوں کے مطابق زندگی گزارنے کی ترغیب دلائی۔

10 نومبر 2020ء کو دعوت اسلامی کے تعلیمی ادارے جامعۃ المدینہ کنز الایمان گرو مندر کراچی میں تربیتی اجتماع ہوا جس میں جامعۃ المدینہ کے طلبائے کرام نے شرکت کی۔

مرکزی مجلس شوریٰ کے رکن حاجی محمد امین عطاری نےسنتوں بھرا بیان کیا اور طلبہ کرام کو 15 نومبر 2020ء کو ہونے والے ٹیلی تھون کے لئے بھر پور کوشش کرنے کا ذہن دیا۔

اس موقع پر رکن مجلس جامعۃ المدینہ سید ساجد عطاری مدنی بھی موجود تھے۔

دعوت اسلامی کے زیر اہتمام 10نومبر 2020ء کو خانیوال میں تاجر اجتماع ہوا جس میں بزنس کمیونٹی سےتعلق رکھنے والے افراد نے شرکت کی۔

مرکزی مجلس شوریٰ کے رکن حاجی مولانا عبد الحبیب عطاری نے ”مالدار صحابی“ کے موضوع پر سنتوں بھرا بیان کیا اور شرکا کو ٹیلی تھون میں بھر پور تعاون کرنے ترغیب دلائی۔