دعوت اسلامی  کی مجلس مدنی مذاکرہ کے تحت پچھلے دنوں ساہیوال میں مدنی مشورہ ہوا جس میں ساہیوال کے اراکین کابینہ نے شرکت کی ۔

مبلغ دعوت اسلامی نے ہر علاقے میں کم از کم ایک مقام پر مدنی مذاکرہ اجتماع کروانے ،مدنی مذاکرہ کے مقامات پر ذمّہ داران کا تقرر کرنے اور بَروَقت کارکردگی پیش کرنے سمیت شرکا کی تعداد بڑھانے کے حوالے سے کلام کیا۔ جبکہ انتظامات کی بہتری کے لیے کوشش کرنے ، مدنی مذاکرہ کی دعوت عام کرنے جیسے کئی امور پر شرکا کی تربیت کرتے ہوئے اہداف طے کئے۔(رپورٹ: ذلفقار عطاری رکن زون)

یکم صفر المظفر 1442ء سے شروع ہونے والا مدنی چینل کا سلسلہ ”ذوق نعت سیزن 8“ مختلف مراحل طے کرتے ہوئے اپنے اختتام کو پہنچ رہا ہے۔ آج رات اس مقابلے کا گرینڈ فائنل عالمی مدنی مرکز فیضانِ مدینہ کے وسیع و عریض صحن میں منعقد ہوگا جس کی تیاریاں مکمل کرلی گئی ہیں۔

پہلے سیمی فائنل میں جیتنے والی ٹیم SZABISTاور دوسرے سیمی فائنل کی فاتح ٹیم University of Sindh آج مدمقابل ہوں گی۔

یہ پروگرام حالیہ SOP,s کے مطابق ہوگا جبکہ شرکت کرنے کے لئے ٹوکن لازمی ہے۔ پروگرام کے اختتام پر لنگر رضویہ کا بھی اہتمام ہے۔

عاشقانِ رسول سے شرکت کی درخواست کی جاتی ہے۔

دعوت اسلامی کی مرکزی مجلس شوریٰ کے رکن حاجی مولانا عبد الحبیب عطاری مختلف شہروں میں ہونے والے سنتوں بھرے اجتماعات میں خصوصی بیان فرمائیں گے۔

تفصیلات کے مطابق: 15اکتوبر 2020ء بروز جمعرات : مانسہرہ، 16 اکتوبر 2020ء بروز جمعہ: فیصل آباد، 17 اکتوبر 2020ء بروز ہفتہ: سیالکوٹ، 18 اکتوبر 2020ء بروز اتوار: لاہور اور19 اکتوبر 2020ء بروز پیر: ڈی جی خان

دعوت اسلامی کی مجلس ویلفیئر کے زیر اہتمام  6 اکتوبر2020ء کو میانوالی زون ، کابینہ نور پور تھل میں بلڈ ڈونیشن کیمپ لگایا گیا جس میں عاشقان رسول نے تھیلیسیمیا کے مریضوں کیلئے خون کا عطیہ پیش کیا۔

دعوت اسلامی کی مجلس رابطہ کے ذمہ داران نے کراچی میں ایڈمنسٹر K.M.Cافتخار شلوانی سے ملاقات کی۔ ذمہ داران نے ایڈ منسٹر سے ربیع الاول 1442ھ میں ہونے والے اجتماعات اور جلوس کے انتظامات کے حوالے سے گفتگو کی اور مختلف امور کے متعلق معلومات حاصل کی۔ ذمہ داران نے افتخار شلوانی کو عالمی مدنی مرکز فیضان مدینہ کراچی آنے کی دعوت دی۔

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی آج شام 7:00 بجے اپنے Facebook پیج پرLive سلسلہ فرمائیں گے جس میں عاشقان رسول کی جانب سے ہونے والے سوالات کے جوابات اشاد فرمائیں گے۔

سلسلے میں شامل ہونے کے لئے نیچے دیئے گئےلنک پر کلک کیجئے:

https://www.facebook.com/maulanaimranattari

1035 طلبا ءکرام کی دستار فضیلت:

الحمدللہ عزوجل ! سال 2020ء میں جامعۃ المدینہ سے 1035 طلبا ءکرام درسِ نظامی (عالم کورس) اور تخصصات (حدیث، فقہ، امامت) سےفارغ التحصیل ہورہے ہیں ۔

عرس اعلیٰ حضرت کے پر نور لمحات میں ملک بھر کے 8 مقامات (کراچی، حیدر آباد، ،ملتان، فیصل آباد، اوکاڑہ، لاہور، گوجرانوالہ، اسلام آباد)پرفارغ التحصیل ہونے والے طلباء کرام کی دستار فضیلت کے سلسلے میں آج رات 12 اکتوبر بروز پیر بمطابق 25 صفر المظفر 1442 ہجری بعد نماز عشاء دستار فضیلت اجتماعات منعقد ہونگے ۔

اس اجتماع کے آغاز میں رات 9:00 بجے مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی سنتوں بھرا بیان فرمائیں گے۔

مجھ کو اے عطار سنی عالموں سے پیار ہے

اِنْ شَآءَ اللہ دو جہاں میں اپنا بیڑا پار ہے

دعوت اسلامی کی مرکزی مجلس شوریٰ کےنگران مولانا محمد عمران عطاری مَدَّظِلُّہُ الْعَالِی کے بڑے بھائی جان ”مرحوم ایاز خانانی“ کا سوئم11 اکتوبر 2020ء بروز اتوار دوپہر 3:00 تا 4:30 بجے تک عالمی مدنی مرکز فیضان مدینہ کراچی میں ہوگا۔

اس سوئم میں سنتوں بھرے بیان کا سلسلہ بھی ہوگا۔

تمام عاشقان رسول سے سوئم میں شرکت کرنے اور زیادہ سے زیادہ ایصالِ ثواب کرنے کی درخواست ہے۔

دعوتِ اسلامی کی مرکزی مجلسِ شوریٰ کے  نگران مولانا حاجی محمد عمران عطاری مَدَّظِلُّہُ الْعَالِی کے بڑے بھائی ایاز خانانی کی نمازِ جنازہ عالمی مدنی مرکز فیضانِ مدینہ کراچی میں ادا کردی گئی۔ نمازِ جنازہ کی امامت نگرانِ شوریٰ نے کی۔

نماز جنازہ میں اراکینِ شوریٰ و ذمہ دارانِ دعوتِ اسلامی سمیت بڑی تعداد میں عاشقانِ رسول نے شرکت کی۔

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی کے بڑے بھائی جان ”ایاز خانانی“ کا رضائے الٰہی سے انتقال ہوگیا ہے۔اِنَّا لِلہِ وَاِنَّا اِلَیْہِ رٰجِعُوْن

مرحوم کی نماز جنازہ آج بروز ہفتہ صبح 10:00 عالمی مدنی مرکز فیضان مدینہ کراچی میں ادا کی جائیگی۔

تمام عاشقان رسول سے نماز جنازہ میں شرکت کی مدنی التجاء ہے۔

یکم صفر المظفر 1442ھ سے مدنی چینل پر سلسلہ ”فیضان اعلیٰ حضرت“ جاری ہے ۔

آج بھی8 اکتوبر 2020ء کو ہفتہ وار اجتماع کے بعد رات 11:00 بجے مدنی چینل پر سلسلہ ”فیضان اعلیٰ حضرت“ کا انعقاد کیا جائیگا۔ آج رات ہونے والے اس سلسلے میں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی خصوصی شرکت فرمائیں گے۔ اس سلسلے کا موضوع ”امام احمد رضا رحمۃ اللہ علیہ کے سفر مدینہ“ ہوگا۔

تمام عاشقان رسول مدنی چینل کے ذریعے اس سلسلے میں ضرور شرکت کریں۔

واضح رہے کہ یہ سلسلہ مدنی چینل کے آفیشل Facebookپیج پر براہ راست نشر کیا جائیگا۔

عاشقان رسول نیچے دیئے گئے لنک کے ذریعے سلسلے میں شرکت کرسکتے ہیں:

https://www.facebook.com/MadaniChannelLive

https://www.youtube.com/MadaniChannelUrduLive

7اکتوبر 2020ء کو پنجاب گروپ آف کالجز علی پور مظفر گڑھ میں ٹریننگ سیشن کا سلسلہ ہوا جس میں اسٹوڈنٹس اور ٹیچرز نے کثیر تعداد میں شرکت کی۔ نگران مجلس پروفیشنلز محمد ثوبان عطاری نے سنتوں بھرا بیان  کیااور دینی معلومات کے حوالے سے شرکا کی رہنمائی کی۔