پاکستان کے شہر پتوکی میں مدنی مرکز فیضانِ مدینہ میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں مقامی اسلامی بھائیوں نے شرکت کی۔

اس اجتماعِ پاک میں تحصیل نگران مولانا فیضان عطاری مدنی نے سنتوں بھرا بیان کرتے ہوئے اسلامی بھائیوں کی تربیت ورہنمائی کی۔بعدازاں جامعۃ المدینہ بوائز میں مقامی ذمہ داران کے درمیان مدنی مشورے کا اہتمام ہوا جس میں تحصیل ذمہ دار نے 12 دینی کاموں کا فالواپ لیتے ہوئے ہفتہ وار سنتوں بھرے اجتماع کی تعداد کو مزید بڑھانے کے حوالے سے اہم نکات بتائے۔

اس کے علاوہ پورے شہر میں عاشقانِ رسول کو قراٰنِ کریم سیکھنے سکھانے کے لئے مدنی قاعدہ کورس اور معلم کورس کروانے کا ذہن دیا۔(رپورٹ:علی ریاض عطاری مجلس سیکورٹی ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام رنگ پورہ ڈویژن سیالکوٹ میں 13 جنوری 2022ء بروز جمعرات ہفتہ وار سنتوں بھرے اجتماع کا انعقاد کیا گیا جس میں مدرسۃ المدینہ و جامعۃ المدینہ بوائز کے طلبۂ کرام  اور اساتذۂ کرام سمیت ناظمین نے کثیر تعداد میں شرکت کی۔

اس اجتماعِ پاک میں ناظمِ جدول مرکزی جامعۃ المدینہ مولانا ارسلان عطاری مدنی نے سنتوں بھرا بیان کرتے ہوئےوہاں موجو اسلامی بھائیوں کو دعوتِ اسلامی کے دینی کاموں میں حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔

بعدازاں اسلامی بھائیوں نے (مسجدمیں) اعتکاف بھی کیا جس میں نمازِ تہجد اور بعد فجر سننے سنانے کا حلقہ لگایا گیا۔(رپورٹ:محمد عادِل رضا عطاری سیالکوٹ شعبہ مدنی چینل عام کریں، کانٹینٹ:غیاث الدین عطاری)

پنجاب پاکستان کے شہر سیالکوٹ میں 13 جنوری 2022ء بروز جمعرات دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں ذمہ داران سمیت مقامی اسلامی بھائیوں نے شرکت کی۔

اس اجتماعِ پاک میں نگرانِ ڈسٹرکٹ سیالکوٹ حاجی محمد سجاد عطاری نے سنتوں بھرا بیان کرتے ہوئےوہاں موجو اسلامی بھائیوں کو مدنی قافلوں میں سفر کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

اس کے علاوہ نگرانِ سیالکوٹ نے کم و بیش 12 اسلامی بھائیوں کے ہمراہ (مسجدمیں) اعتکاف بھی کیا جس میں نمازِ تہجد اور بعد فجر سننے سنانے کا حلقہ لگایا گیا۔(رپورٹ: محمد عادِل رضا عطاری سیالکوٹ شعبہ مدنی چینل عام کریں ، کانٹینٹ:غیاث الدین عطاری)

پچھلے دنوں سابقہ MNA و تاجر چوہدری محمد اشفاق نے دعوت اسلامی کی مرکزی مجلسِ شوریٰ کے رکن ونگرانِ پاکستان مشاورت حاجی محمد شاہدعطاری سے ملاقات کی۔

اس دوران نگرانِ پاکستان نے MNA کو دعوتِ اسلامی کے ذریعے دنیا بھر میں ہونے والےدینی و فلاحی کاموں کے بارے میں بتایا جس پر انہوں نے اظہارِ مسرت کرتے ہوئے اپنی نیک خواہشات کااظہار کیا۔بعدازاں نگرانِ پاکستان نے MNA کو تحائف دیئے اور دعاؤں سے نوازا۔(کانٹینٹ:غیاث الدین عطاری)

پچھلے دنوں ذمہ داران ِ دعوتِ اسلامی نے  ڈویژن چوھنگ کے علاقے شاہ پور میں علمائے کرام اور ائمہ کرام کے لئےدعوت کا اہتمام کیا جس میں پورے علاقے سے علمائے کرام اور ائمہ کرام سمیت دیگر ذمہ داران نے شرکت کی۔

اس موقع پر مرکزی مجلسِ شوریٰ کے رکن حاجی یعفور رضا عطاری کی آمد کا بھی سلسلہ رہا۔رکنِ شوریٰ نے وہاں موجود اسلامی بھائیوں کو دعوتِ اسلامی کا تعارف پیش کرتے ہوئے انہیں 12 دینی کاموں میں حصہ لینےاور سوسائٹیز میں نیوادارے بنانے کی ترغیب دلائی۔

علمائے کرام نے دعوتِ اسلامی کی کاوشوں کو سراہتے ہوئے اپنی طرف سے مکمل تعاون کی یقین دہانی کروائی۔بعدازاں علمائے کرام کو مکتبۃ المدینہ کے کُتُب و رسائل پیش کئے گئے۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے تحت گزشتہ دنوں مرکزی مجلسِ شوریٰ کے رکن حاجی یعفور رضا عطاری نے دینی کاموں کے سلسلے میں ڈیفنس لاہور کا دورہ کیا جہاں انہوں نے ایڈوائزر ٹو سی ایم پنجاب فیصل حیات خان جبوآنہ کے ہمراہ کاروباری شخصیات سے ملاقات کی۔

رکنِ شوریٰ نے شخصیات سے گفتگو کرتے ہوئے انہیں دعوتِ اسلامی کی عالمی سطح پر ہونے والی دینی و فلاحی خدمات کے بارے میں بتایا جس پر انہوں نے دعوتِ اسلامی کی کاوشوں کو سراہتے ہوئے اپنی نیک خواہشات کااظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں کراچی سٹی کے ائمہ مساجد ذمہ دارحافظ محمد وقار عطاری اور اسکالر اسلامک ریسرچ سینٹر دعوتِ اسلامی مولانا زید نیاز عطاری مدنی کی دادی جان کا انتقال ہو گیا جس پر ذمہ دارانِ دعوتِ اسلامی نے مرحومہ کے گھر والوں سے تعزیت کی۔

اس موقع پر رکنِ مرکزی مجلسِ شوریٰ حاجی محمد عقیل عطاری مدنی نے مرحومہ کی نمازِ جنازہ پڑھائی اور فاتحہ خوانی و دعا کا اہتمام کیا۔بعدازاں رکنِ شوریٰ نے مرحومہ کےبیٹے محمدزید نیاز سمیت خاندان کے دیگر افراد سے اظہارِتعزیت کرتے ہوئے انہیں صبر کی تلقین کی اور زیادہ سے زیادہ ایصالِ ثواب کرنے کا ذہن دیا۔اس دوران نگران ِاورنگی ٹاؤن اسید عطاری سمیت دیگر ذمہ داراسلامی بھائی بھی موجود تھے۔(کانٹینٹ:غیاث الدین عطاری)

دعوتِ اسلامی کی مرکزی مجلسِ شوریٰ کے رکن حاجی محمد عقیل عطاری مدنی نے دیگر ذمہ داراسلامی بھائیوں کے ہمراہ مرحوم شفاعت حسین عطاری جو کہ پچھلے دنوں انتقال کر گئے تھے اُن کی قبرپر فاتحہ خوانی کا اہتمام کیا۔

رکنِ شوریٰ نے مرحوم کے والد اور بھائیوں سے تعزیت کرتے ہوئے انہیں صبر کی تلقین کی اور مرحوم کے لئے زیادہ سے زیادہ ایصالِ ثواب کرنے کا ذہن دیا۔اس موقع پر نگران اورنگی ٹاؤن اسید عطاری سمیت دیگر ذمہ داراسلامی بھائی بھی موجود تھے۔(کانٹینٹ:غیاث الدین عطاری)

پچھلے دنوں دعوتِ اسلامی کے تحت مرکز مجلسِ شوریٰ کے رکن حاجی یعفور رضا عطاری نے دینی کاموں کے سلسلے میں دارالافتاء اہلسنت داتا دربار لاہور کا وزٹ کیا۔

اس دوران رکنِ شوریٰ نے استاذالحدیث مفتی ہاشم خان عطاری سمیت دارالافتاء اہلسنت کے دیگر علمائے کرام سے ملاقات کی اور دعوتِ اسلامی کے دینی کاموں کے حوالے سے اہم امور پر تبادلۂ خیال کیا۔

بعدازاں دارالافتاء اہلسنت کے اسلامی بھائیوں نے رکنِ شوریٰ کو اس شعبے کے ذریعے کی جانے و الی دینی خدمات کے حوالے سے بریف کیا۔‫(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں عالمی مدنی مرکز فیضان مدینہ کراچی میں شعبہ سوشل میڈیا ڈیپارٹمنٹ کےزیر اہتمام سنتوں بھرے اجتماع کا انعقاد کیا گیا جس میں مذکورہ شعبے کے اسٹاف نے شرکت کی۔

مرکزی مجلس شوریٰ کے نگران حاجی  محمد عمران عطاری مُدَّ ظِلُّہُ العالی نے سنتوں بھرا بیان کرتے ہوئے فرمایا کہ سوشل میڈیا ڈیپارٹمنٹ دعوت اسلامی کا اہم ترین شعبہ بن چکا ہے کیونکہ اس کے ذریعے دعوت اسلامی کا پیغام اور نیکی کی دعوت دنیا بھر پہچانا آسان اور جلد تر ہوتا جارہا ہے۔ہمیں ایسے لوگ بھی ملے ہے جنہوں نے سوشل میڈیا پر بنائی ہوئی ہماری ویڈیوز  کو دیکھ اپنے اندر تبدیلی پیدا کی ہے۔یہ ہمارے لئے اللہ کی بہت بڑی نعمت اور بہت بڑا کرم ہے ۔

نگران شوریٰ نے اسٹاف کو مدنی پھول بیان کرتے ہوئے کہا کہ سوشل میڈیا کے لئے بنائے پروگرامز اور کلپس سے ہمیں اپنے اندر  بھی مثبت تبدیلی لانے کی کوشش کرنی چاہیئے۔

اجتماع کے اختتام پر نمایاں کارکردگی کے حامل اسلامی بھائیوں کو تعریفی شیلڈ پیش کی گئی۔اس موقع پر رکن شوریٰ حاجی مولانا عبد الحبیب عطاری اور متعلقہ شعبے کے ہیڈ بغداد رضا عطاری بھی موجود تھے۔

پچھلے دنوں دعوتِ اسلامی کے تحت مدنی مرکز فیضانِ مدینہ جوہر ٹاؤن لاہور  میں مدنی مشورہ منعقد ہوا جس میں لاہور ڈویژن کے نگرانِ ڈسٹرکٹ اور نگرانِ ٹاؤن مشاورت کی شرکت رہی۔

اس دوران مرکزی مجلسِ شوریٰ کے اراکین نگرانِ صوبہ پنجاب حاجی اسلم عطاری اور نگران سرکاری لاہور ڈویژن حاجی یعفور رضا عطاری نے ذمہ داران کی تربیت و رہنمائی کرتے ہوئے دعوتِ اسلامی کے 12 دینی کاموں کا جائزہ لیا۔بعدازاں اراکینِ شوریٰ نے ذمہ داراسلامی بھائیوں کو مدنی پھولوں سے نوازا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

قرآن پاک میں ہے:إِنَّمَا يَخْشَى اللَّهَ مِنْ عِبَادِهِ الْعُلَمَاءُ۔ترجمہ کنز الایمان” اللہ سے اس کے بندوں میں وہی ڈرتے ہیں جو علم والے ہیں“

جو کوئی اللہ عَزَّوَجَلَّ کے فرائض سے متعلق ایک یا دو یا تین یا چار یا پانچ کلمات سیکھے اور اسے اچھی طرح یا د کرلے اور پھر لوگوں کو سکھائے تووہ جنت میں ضرور داخل ہوگا ۔حضرت ِسیِّدُنا ابو ہریرہ رضی اللہ عنہ فرماتے ہیں :’’ میں رسولُ اللہ صلّی اللہ علیہ واٰلہٖ وسلّم سے یہ بات سننے کے بعد کوئی حدیث نہیں بھولا۔ ‘‘ (الترغیب والترہیب، کتاب العلم ، الترغیب فی العلم الخ، رقم۲۰، ج۱، ص۵۴)

٭ایک ساعت علم حاصل کرنا ساری رات قیام کرنے سے بہتر ہے۔ (مسند الفردوس،ج2،ص441،حدیث:3917) ٭ علم اسلام کی حیات اور دین کا ستون ہے۔ (کنز العمال، جزء10،ج 5،ص58، حدیث:28657) ٭مرنے کے بعد بھی بندے کو علم سے نفع پہنچتا رہتا ہے۔(مسلم، ص684، حدیث:4223) ٭ علم کی مجالس جنّت کے باغات ہیں۔ (معجم کبیر،ج11،ص78،حدیث:11158)

دعوت اسلامی کے زیر اہتمام ہرجمعرات پابندی کے ساتھ ہونے والے ہفتہ وار اجتماع میں بھی عاشقان رسول کو دینی تعلیم سے سیراب کیا جاتا ہےتاکہ وہ اپنی روزمرہ کے مصروفیات اور عبادات کو احسن انداز میں عین شریعت کے مطابق مکمل کرسکیں۔

ہر ہفتے کی طرح 13 جنوری 2022ء کو بھی بعد نماز عشاء رات ساڑھے آٹھ بجے دنیا بھر میں ہفتہ وار سنتوں بھرے اجتماعات شروع ہوجائیں گے جن میں مبلغینِ دعوتِ اسلامی سنتوں بھرے بیانات فرمائیں گے۔ تفصیلات کے مطابق نورانی مسجد نشتر اسکوائر ملیر، کراچی میں ہونے والے ہفتہ وار اجتماع میں رکن شوریٰ حاجی محمد امین عطاری سنتوں بھرا بیان فرمائیں گے جسے مدنی چینل پر براہ راست نشر کیاجائیگا۔ اس کے علاوہ مدنی مرکز فیضان مدینہ فیصل آباد مدینہ ٹاؤن میں نگران پاکستان مشاورت حاجی محمد شاہد عطاری ”مال و اولاد قرب الٰہی کا ذریعہ کیسے بن سکتے ہیں؟“کے موضوع پر ، حسن مہتاب چڑڑ ڈیفنس کینٹ لاہور میں رکن شوریٰ حاجی یعفور رضا عطاری اور مدنی مرکز فیضان مدینہ ٹنڈو الٰہ یار میں رکن شوریٰ حاجی قاری ایاز عطاری سنتوں بھرے بیانات فرمائیں گے۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema