گزشتہ دنوں دعوتِ اسلامی کے تحت مدنی مرکز فیضانِ مدینہ رنگپورہ سیالکوٹ میں ڈسٹرکٹ سیالکوٹ مشاورت اور میٹروپولیٹن مشاورت کی میٹنگ ہوئی جس میں شعبے کے دینی کاموں کے حوالے گفتگو کی گئی۔

اس میٹنگ میں مرکزی مجلسِ شوریٰ کے رکن حاجی محمد اظہر عطاری نے مدنی قافلوں میں عاشقانِ رسول کو سفر کروانے، سحری اجتماعات منعقد کرنے اور عطیات جمع کرنے کے متعلق ذمہ دار اسلامی بھائیوں کو مدنی پھولوں سے نوازا۔

رکنِ شوریٰ نے نئے ذمہ داران کی تقرری کا اعلان کرتے ہوئے اخلاص کے ساتھ دین کا کام کرنے کا ذہن دیا جس پر انہوں نے اچھی اچھی نیتوں کا اظہار کیا۔

اِس موقع پر نگرانِ سیالکوٹ ڈسٹرکٹ حاجی سجاد عطاری اور نگرانِ سیالکوٹ میٹرو پولیٹن حاجی فاروق عطاری موجود تھے۔(رپورٹ:محمد عادل رضا عطاری سیالکوٹ، کانٹینٹ:غیاث الدین عطاری)

دعوت اسلامی کے زیر اہتمام عاشقان رسول کو دینی تعلیمات سے وابستہ کرنےاور نیکی کی دعوت عام کو کرنے کے لئے وقتاً فوقتاً دنیا بھر میں مدنی قافلے سفر کرتے رہتے ہیں۔دعوت اسلامی کا نہایت اہم ”شعبہ مدنی قافلہ“ مدنی قافلے کے شیڈول بنانے میں دنیا بھرکے مقامی سرکاری چھٹیوں کو مدنظر رکھتاہے تاکہ عاشقان رسول علم دین سیکھنے کے لئے بآسانی مدنی قافلے میں سفر کرسکیں۔

پاکستان میں بھی ماہ فروری 2022ء میں 4 اور 5 تاریخ کو سرکاری طور دو چھٹیاں آرہی ہیں۔اسی سلسلے میں پاکستان بھر سے 4، 5 اور 6 فروری کو تین دن کے مدنی قافلے سفر کریں گے۔ ان مدنی قافلوں میں عاشقان رسول کو نہ صرف علم دین سیکھنے کا موقع میسر آئے گا بلکہ اسلاف کرام رحمۃ اللہ علیہم اجمعین کی سنت پر عمل کرتے ہوئے نیکی کی دعوت کو عام بھی کرسکیں گے۔

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ بھی بارہا مدنی قافلے میں سفر کرنے کی ترغیب ارشاد فرماتے رہتے ہیں ۔

ایک مدنی مذاکرے میں مدنی قافلے کے حوالے سے امیر اہلسنت دامت بَرَکَاتُہمُ العالیہ نے اپنے جذبات کا اظہار کچھ یوں فرمایا کہ دعوت اسلامی میں میرا پسندیدہ ترین کام ”مدنی قافلہ“ ہے اور میں بھی مدنی قافلے والا ہوں کیونکہ ”مجھے اپنی اور ساری دنیا کے لوگوں کی اصلاح کی کوشش کرنی ہے“ ۔ مدنی قافلہ بہت سے دینی کاموں کا مجموعہ ہے جس میں مدنی انعا م پر عمل، تحصیل علمِ دین اور بہت کچھ سیکھنے کا موقع ملتا ہے۔

پچھلے دنوں دعوتِ اسلامی کے تحت مدنی مرکز فیضانِ مدینہ آفندی ٹاؤن حیدرآباد میں مدنی مشورے کا انعقاد کیا گیا جس میں حیدرآباد مشاورت کے اسلامی بھائیوں نے شرکت کی۔

اس مدنی مشورے میں مرکزی مجلسِ شوریٰ کے رکن حاجی قاری محمد ایاز عطاری نے ذمہ داران کی تربیت کرتے ہوئے دعوتِ اسلامی کے 12 دینی کاموں کی کارکردگی کا جائزہ لیا۔

اس کے علاوہ رکنِ شوریٰ نے ذمہ داراسلامی بھائیوں کو نئے اہداف دیتے ہوئے مختلف موضوعات پر کلام کیا جس پر ذمہ داران نے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے دینی کاموں کے سلسلے میں30 جنوری 2022ء بروز اتوار ماڈل کالونی ٹاؤن کراچی کا دورہ کیا جس دوران انہوں نے شعبہ روحانی علاج کے پرانے اسلامی بھائی صادق عطاری کی نمازِ جنازہ قطب مدینہ مسجد ماڈل کالونی میں پڑھائی۔رکنِ شوریٰ نے مرحوم کے گھر والوں سے تعزیت کرتے ہوئے انہیں صبر کی تلقین کی اور زیادہ سے زیادہ ایصالِ ثواب کرنے کا ذہن دیا۔

بعدازاں رکنِ شوریٰ نے مدنی چینل کے نعت خواں اسماعیل عطاری جو پچھلے دنوں کینسر کے مرض میں مبتلاہوئے اُن سے عیادت فرمائی اور اُن کی صحتیابی کےلئے دعا کروائی۔اس موقع پر نگران ٹاؤن عرفان عطاری سمیت دیگر اراکینِ ٹاؤن بھی موجود تھے۔(کانٹینٹ:غیاث الدین عطاری)

دعوت اسلامی کے تحت 28 جنوری 2022 ء کو نگرانِ ضلع قصور حاجی نعیم نے تحصیل پتوکی کادورہ کیا اس دورے میں مدرسۃ المدینہ ،ملانوالہ کی نئی شاخ اور جامعۃ المدینہ کا وزٹ کیا جس میں طلبہ کرا م کے درمیان سنتوں بھرا بیان کیا اور لنگر ِ صدیق اکبر تقسیم کی، پتوکی کے ذمہ داران کا مدنی مشورہ کیا، فیضان عشق رسول مسجد اور پھول نگر تحصیل پتوکی فیضان مدینہ کے ہال کا سنگ بنیاد رکھا ، دارالمدینہ و جامعۃ المدینہ گرلز کی بلڈنگ کا وزٹ کیا ۔(رپورٹ: علی ریاض عطاری مجلس سیکیورٹی ڈیپارٹمنٹ)

عاشقان رسول کی عالمگیر دینی تحریک دعوت اسلامی جس طرح بڑے اسلامی بھائیوں میں تعلیم و تربیت اور نیکی کی دعوت کو عام کررہی ہے۔ ویسے ہی بچوں کو بھی معاشرے کا اچھا، باصلاحیت اور باکردار فرد بننے کے لئے وسائل پیدا کررہی ہے جس کے لئے دعوت اسلامی نے اب تک پاکستان میں چار مقامات پر شعبہ فیضان اسلامک اسکول سسٹم کی برانچز قائم کردی ہے۔ ان برانچز میں انتہائی مناسب فیسوں میں پری نرسری سے لے کر تیسری کلاس تک بچوں، بچیوں کو دینی و دنیاوی تعلیم فراہم کی جارہی ہے۔

شعبہ فیضان اسلامک اسکول سسٹم نے اپنے مقصد کو مزید آگر بڑھاتے ہوئے بلوچستان کے شہر حب میں پہلاکیمپس قائم کردیا ہے۔

کیمپس کا باقاعدہ آغاز 27 جنوری 2022ء کو ہوا۔ فیضان اسلامک اسکول سسٹم کے افتتاح کے موقع ایک تقریب کا انعقاد کیا گیا جس میں حب سٹی کے عاشقان رسول اورمقامی ذمہ داران نے شرکت کی۔

مرکزی مجلس شوریٰ کے رکن حاجی محمد اطہر عطاری نے سنتوں بھرا بیان کیا اور ٹیچرز کو قیمتی مشوروں سے نوازتے ہوئے دعا فرمائی۔

نوٹ: اسکول کے آغاز میں پری نرسری سے لے کر ٹو کلاسز تک کےایڈمیشن جاری ہے۔

کیمپس کی نمایاں خصوصیات:

٭تعلیم اور تربیت کا حسین امتزاج ٭قومی نصاب کے متعلق آسان تعلیمی نصاب ٭کشادہ کلاس رومز ٭Activity Based Learning کا خصوصی اہتمام ٭تربیت یافتہ اساتذۂ کرام

کیمپس کا ایڈریس:

مکان نمبر 267، مین آر سی ڈی روڈ، نزد سری بیکری، حب سٹی، لسبیلہ، بلوچستان

فون نمبر: 03182836925

پچھلے دنوں دعوتِ اسلامی کے زیرِ اہتمام میمن گوٹھ ملیر کراچی میں جامع مسجد حضرت بلال کے افتتاح کے موقع پر سنتوں بھرے اجتماع کا انعقاد کیا گیا جس میں مقامی اسلامی بھائیوں نے کثیر تعداد میں شرکت کی۔

اس دوران مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے وہاں موجود اسلامی بھائیوں کی دینی و اخلاقی اعتبار سے تربیت کی۔بعدازاں رکنِ شوریٰ نے دعا بھی کروائی۔(کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں قائد آباد حنفیہ مسجد میں ہفتہ وار سنتوں بھرے اجتماع کا انعقاد کیا گیا جس میں عاشقانِ رسول نے کثیر تعداد میں شرکت کی۔

اس اجتماعِ پاک میں مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے اسلامی بھائیوں کی تربیت و رہنمائی کی اور انہیں دعوتِ اسلامی کے دینی ماحول سے ہردم وابستہ رہنے کا ذہن دیا۔اس کے علاوہ دعا، صلوٰۃ وسلام اور سیکھنے سکھانے کے حلقے کا بھی سلسلہ رہا۔

بعدازاں رکن شوریٰ نے جامعۃ المدینہ بوائز فیضان فاروق اعظم بھینس کالونی کے رہائشی طلبۂ کرام کو مدنی پھولوں سے نوازا۔(کانٹینٹ:غیاث الدین عطاری)

پچھلے دنوں دعوتِ اسلامی کے عالمی مدنی مرکز فیضانِ مدینہ کراچی میں جامعۃ المدینہ گرلز کے بواب اسلامی بھائیوں کےلئے ایک نشست کا انعقاد کیا گیا جس میں بواب سمیت دیگر اہم ذمہ داران نے شرکت کی۔

اس دوران مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے اُن کی دینی و اخلاقی اعتبار سے تربیت کی اور انہیں دعوتِ اسلامی کے 12 دینی کاموں میں عملی طور پر حصہ لینے کا ذہن دیا۔(رپورٹ:شعبہ جامعۃ المدینہ گرلز، کانٹینٹ:غیاث الدین عطاری)

شادی کے بعد ولیمہ کرنا پیارے پیارے آقا مکی مدنی مصطفیٰﷺ کی پیاری پیاری سنت مبارکہ ہے۔اسی سنت کو مدنظر رکھتے ہوئے26 جنوری 2022ء بروزبدھ فیصل آباد کے ایک نجی ہال میں دعوت اسلامی کی مرکزی مجلس ِشوریٰ کے رکن و نگرانِ پاکستان مشاورت حاجی محمد شاہد عطاری کے صاحبزادے محمد فیضان عطاری کی تقریب ولیمہ کا انعقاد کیا گیا۔

اس تقریب کا آغازتلاوتِ قراٰنِ پاک سے ہوا جبکہ مبلغِ دعوتِ اسلامی نے بارگاہِ رسالت میں نذرانِ عقیدت پیش کیا۔بعدازاں نگرانِ پاکستان مشاورت حاجی محمد شاہد عطاری نے حاضرین کومدنی پھولوں سے نوازا اور دعا کروائی۔

اس موقع پر مرکزی مجلسِ شوریٰ کے رکن حاجی محمد جنید عطاری مدنی سمیت ذمہ داران ِ دعوتِ اسلامی موجود تھے۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

پچھلے دنوں عرسِ حضرت سیّدنا صدیقِ اکبر رضی اللہ عنہ اور رکنِ مرکزی مجلسِ شوریٰ حاجی محمد عقیل عطاری کی والدہ کے ایصالِ ثواب کے سلسلے میں سنتوں بھرے اجتماع کا انعقاد کیا گیا جس میں مرکزی مجلسِ شوریٰ کے رکن حاجی محمد امین عطاری، نگرانِ شعبہ ائمہ مساجد حافظ محمد فیضان عطاری مدنی، کراچی سٹی کے ذمہ دار محمد وقار عطاری مدنی اور ناظمینِ اعلیٰ سمیت دیگر ذمہ داران نےشرکت کی۔

اس اجتماعِ پاک میں مفتی فضیل عطاری نے سنتوں بھرا بیان کرتے ہوئے وہاں موجود عاشقانِ رسول کی دینی، اخلاقی اور تنظیمی اعتبار سے تربیت فرمائی۔(کانٹینٹ:غیاث الدین عطاری)

پچھلے دنوں صوبۂ سندھ کے شہر سکھر میں قائم فیضان غوث الاعظم مسجد میں عرس حضرت سیّدناصدیق اکبر رضی اللہ عنہ کے موقع پر سنتوں بھرے اجتماع کا اہتمام کیا گیا جس میں مقامی اسلامی بھائیوں نے شرکت کی۔

اس موقع پر مرکزی مجلسِ شوریٰ کے رکن حاجی قاری ایاز عطاری نے سنتوں بھرا بیان کرتے ہوئے وہاں موجود عاشقانِ رسول کو حضرت سیّدنا ابوبکر صدیق رضی اللہ عنہ کی سیرتِ طیبہ پر عمل کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:محمد عمیر رضا عطاری آفس ذمہ دار، کانٹینٹ:غیاث الدین عطاری)