پچھلے دنوں مدنی مرکز فیضانِ مدینہ میر پور خاص میں ذمہ داران ِ دعوتِ اسلامی کے درمیان مدنی مشورے کا انعقاد کیا گیا جس میں ہفتہ وار سنتوں بھرے اجتماع میں بیان کرنے والے مبلغین نے شرکت کی۔

مدنی مشورے میں مرکزی مجلسِ شوریٰ کے رکن حاجی قاری ایاز عطاری نے ذمہ داراسلامی بھائیوں کی تربیت کرتے ہوئے انہیں دعوتِ اسلامی کے 12 دینی کاموں میں عملی طور پر حصہ لینے کی ترغیب دلائی۔ ( رپورٹ: محمد عمیر رضا عطاری آفس ذمہ دار، کانٹینٹ:غیاث الدین عطاری)

بحریہ ٹاؤن کراچی کے نگرانِ کابینہ رفاقت عطاری کےبیٹے کی عیادت کے سلسلے میں 20 جنوری 2022ء بروز جمعرات اُن کے گھر پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی آمد ہوئی۔

اس دوران نگرانِ پاکستان مشاورت نے ان کے بیٹے سے خیر دریافت کرتے ہوئے اللہ عزوجل کی رضا پر راضی رہنےاور بیماری پر صبر کرنےکے حوالے سے مدنی پھول ارشاد فرمائے۔

اس موقع پر نگرانِ پاکستان مشاورت کے ہمراہ ساؤتھ افریقہ سے آئے ہوئے اُن کے بھائی حاجی یاسر عطاری اور حاجی طاہر عطاری موجود تھے۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

گزشتہ دنوں مدنی مرکز فیضانِ مدینہ آفندی ٹاؤن حیدرآباد میں دعوتِ اسلامی کے زیرِاہتمام ماہِ رجب المرجب میں سحری اجتماعات منعقد کرنے کے سلسلے میں مدنی مشورے کا انعقاد ہوا جس میں شعبہ اصلاحِ اعمال کے صوبائی و ڈویژن اور دیگر شعبہ جات کے صوبائی ذمہ داران (جن میں شعبہ مدنی قافلہ، شعبہ مدنی کورسز، شعبہ تعلیم، شعبہ جامعۃ المدینہ و مدرسۃ المدینہ بوائز، شعبہ مدرسۃ المدینہ شارٹ ٹائم، شعبہ اسلامی بھائیوں کے مدرسۃ المدینہ، ائمہ مساجد، مدنی مراکزفیضان مدینہ، شعبہ عشر، شعبہ عطیات بکس، شعبہ تحفظِ اوراقِ مقدسہ اور شعبہ خدام المساجد و المدارس شامل تھے) نے شرکت کی۔

اس مدنی مشورے میں مرکزی مجلسِ شوریٰ کے رکن حاجی قاری ایاز عطاری نے سحری اجتماعات کی تیاریوں کے حوالےسے گفتگو کرتے ہوئے اس کے اہداف دیئے جس پر شعبہ اصلاح اعمال کے صوبائی ذمہ دار حاجی محمد عامر عطاری نے دیگر اسلامی بھائیوں کے ہمراہ ماہِ رجب المرجب میں کم و بیش4ہزار ایک سو (4100) سحری اجتماعات کرنے کی اچھی اچھی نیتیں کیں۔

واضح رہے یہ مدنی مشورہ آن لائن ہوا جبکہ چند اسلامی بھائی رکنِ شوریٰ کے ہمراہ اُن کے آفس میں موجود تھے۔ (کانٹینٹ:غیاث الدین عطاری)

اللہ پاک قرآن میں ارشاد فرماتا ہے:  یٰۤاَیُّهَا الَّذِیْنَ اٰمَنُوا اتَّقُوا اللّٰهَ۔ترجمۂ کنز الایمان: اے ایمان والو اللہ سے ڈرو۔ (سورۃ الاحزاب، آیت 70) اللہ عَزَّوَجَلَّ دوسرے مقام پر ارشاد فرماتا ہے: وَ لِمَنْ خَافَ مَقَامَ رَبِّهٖ جَنَّتٰنِ۔ ترجمہ کنز الایمان: اور جو اپنے رب کے حضور کھڑے ہونے سے ڈرے اس کے لئے دو جنتیں ہیں۔

حضور نبی رحمت شفیع اُمت صلَّی اللہ علیہ واٰلہٖ وسلَّم نے ارشاد فرمایا: ’’حکمت کی اصل اللہ عَزَّوَجَلَّ کا خوف ہے“۔ (شعب الایمان، باب فی الخوف من اللہ تعالی، ۱ / ۴۷۰، حدیث: ۷۴۳)

سرکارِ مدینہ راحت قلب وسینہ صلَّی اللہ علیہ واٰلہٖ وسلَّم نے حضرت عبداللہ بن مسعود رضی اللہُ عنہ سے فرمایا: ’’اگر تم مجھ سے ملنا چاہتے ہو تو میرے بعد بھی اللہ عَزَّوَجَلَّ سے بہت ڈرتے رہنا“ (احیاء العلوم،۴ / ۴۷۲)

حضرتِ سیدنا عبداللہ بن عباس رضی اللہ عنہما سے روایت ہے کہ سید المبلغین، رحمۃ للعالمین صلَّی اللہ علیہ واٰلہٖ وسلَّم کا فرمانِ خوشبودار ہے: ”توبہ کرنے والے جب اپنی قبر وں سے نکلیں گے تو ان کے سامنے سے مشک کی خوشبو پھیلے گی ، وہ جنت کے دستر خوان پرآکر اس میں سے کھائیں گے اوروہ عرش کے سائے میں ہوں گے جبکہ دیگر لوگ حساب کی سختی میں مبتلا ہوں گے“۔

عالم اسلام کی دینی تحریک دعوت اسلامی کی دینی ماحول میں بھی عاشقان رسول کو خوفِ خدا، عشقِ رسول اور گناہوں سے توبہ کرتے ہوئے زندگی گزارنے کی ترغیب دلائی جاتی ہے جس کے لئے وقتاً فوقتاًمختلف ایونٹس کا انعقاد کیا جاتا ہے۔ ایسا ہی ایک ایونٹ ہفتہ وار اجتماع بھی ہے جو پابندی سے ہر جمعرات بعد نماز مغرب اور بعض مقامات پر بعض نماز عشاء شروع ہوجاتا ہے جن میں مبلغینِ دعوتِ اسلامی سنتوں بھرے بیانات فرماتے ہیں۔

اسی سلسلے میں 20 جنوری 2022ء کو بھی بعد نماز عشاء رات ساڑھے آٹھ بجے دنیا بھر میں ہفتہ وار سنتوں بھرا اجتماع شروع ہوجائے گا جن میں مبلغینِ دعوتِ اسلامی سنتوں بھرے بیانات فرمائیں گے۔ تفصیلات کے مطابق مدنی مرکز فیضان مدینہ آفنڈی ٹاؤن حیدر آباد میں ہونے والے ہفتہ وار اجتماع میں رکن شوریٰ حاجی محمد اسد عطاری مدنی سنتوں بھرا بیان فرمائیں گےجسے مدنی چینل پر براہ راست نشر کیا جائیگا۔ اس کے علاوہ جام محمد یوسف فٹ بال اسٹیدیم اوتھل ڈسٹرکٹ لسبیلہ میں نگران پاکستان مشاورت حاجی محمدشاہد عطاری اور مدنی مرکز فیضان مدینہ العطار ٹاؤن میر پور خاص میں رکن شوریٰ حاجی قاری ایاز عطاری سنتوں بھرے بیانات فرمائیں گے۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

حضرت سید عثمان علی شاہ صاحب بخاری رحمۃُ اللہِ علیہ کے صاحبزادے اور آستانۂ عالیہ حضرت کرماں والا شریف کے سجادہ نشین بابا جی پیر سید میر طیب علی شاہ بخاری صاحب 15 جنوری 2022ء کو اوکاڑہ پنجاب میں اپنے خالق حقیقی سے جاملے۔اِنَّا لِلہِ وَاِنَّا اِلَیْہِ رٰجِعُوْن

آپ تقریباً پچھلے ایک ماہ سے علالت کے سبب اسپتال میں زیرِ علاج تھے ، آپ کی نماز جنازہ 15 جنوری 2022ء بروز ہفتہ بعد نماز عصر آستانہ عالیہ کرماں والا شریف اوکاڑہ میں شرقپور شریف کے مولانا میاں ابوبکر صاحب کی امامت میں ادا کی گئی ۔ نمازِ جنازہ میں بابا جی کے بڑے بھائی صوبائی وزیر پیر سید صمصام علی بخاری صاحب دامت بَرَکَاتُہمُ العالیہ ، آپ کے دو صاحبزادوں پیر سید محرام بخاری صاحب دامت بَرَکَاتُہمُ العالیہ ، سجادہ نشین پیر سید شہر یار شاہ بخاری صاحب دامت بَرَکَاتُہمُ العالیہ اور کثیر علما و مشائخِ کرام سمیت بڑی تعداد میں مریدین، معتقدین و محبین نے شرکت کی۔

واضح رہے کہ حضرت بابا جی سیدمیر طیب علی شاہ بخاری رحمۃُ اللہِ علیہ دین اسلام کی خدمت کرنے کے ساتھ ساتھ اہلسنت کی عالمی تنظیم دعوت اسلامی سے بڑی محبت فرماتے تھے جس کا اندازہ اس بات سے لگایا جاسکتا ہے کہ وہ اپنے مریدین و محبین سے کہتے کہ میں اُس سے ملاقات کروں گا جو تین دن کے قافلے میں سفر کرے گا، یہی وجہ ہے کہ آپ کے آستانے سے کئی مدنی قافلے وقتاً فوقتاً راہِ خدا میں سفر کرتے رہتے تھے۔

رکنِ شوریٰ حاجی ابوماجد مولانامحمد شاہد عطاری مدنی اور دعوتِ اسلامی کی آفیشل نیوز ویب سائٹ ”دعوتِ اسلامی کے شب وروز“ کی پوری ٹیم بابا جی رحمۃُ اللہِ علیہ کے بڑے بھائی پیر سید صمصام علی بخاری صاحب دامت بَرَکَاتُہمُ العالیہ ، آپ کے دو صاحبزادوں پیر سید محرام بخاری صاحب دامت بَرَکَاتُہمُ العالیہ ، سجادہ نشین پیر سید شہر یار شاہ بخاری صاحب دامت بَرَکَاتُہمُ العالیہ اور تمام لواحقین، مریدین و محبین سے تعزیت کا اظہار کرتی ہے اور ساتھ ہی دعاگو ہے کہ اللہ رب العزت نبی کریم ﷺ کے صدقے میں ان کو جنت میں بلند درجات عطا فرمائے، ان کی دینی خدمات کو قبول فرماکر ان کے لئے ذریعہ نجات بنائے اور پسماندگان کو صبر جمیل عطا فرمائے۔

پچھلے دنوں دعوتِ اسلامی کے تحت لاہور ڈیفنس میں قائم جامع مسجد حسن مہتاب چرڑ میں ہفتہ وار سنتوں بھرے اجتماع کا اہتمام کیا گیا جس میں مقامی اسلامی بھائیوں نے شرکت کی۔

دورانِ اجتماع مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے وہاں موجو عاشقانِ رسول کی دینی اور اخلاقی اعتبار سے تربیت و رہنمائی کی۔

اس کے علاوہ رکنِ شوریٰ نے شرکائے اجتماع کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر شرکا نے اچھی اچھی نیتوں اظہار کیا۔بعدازاں عاشقانِ رسول نے رکنِ شوریٰ سے ملاقات بھی کی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

گزشتہ دنوں دعوتِ اسلامی کے زیرِ اہتمام مدنی مشورہ منعقد ہوا جس میں لاہور کنٹونمنٹ کے ذمہ داراسلامی بھائیوں  نے شرکت کی۔اس مدنی مشورے میں مرکزی مجلسِ شوریٰ کے رکن حاجی یعفور رضا وعطاری نے ذمہ داران کی تربیت و رہنمائی کی۔

اس کے علاوہ رکنِ شوریٰ نے 12 دینی کاموں کے حوالے سےگفتگو کرتے ہوئے لاہور کنٹونمنٹ کے نئےنگران محمد رفیق عطاری کی تقرری کا علان کیا۔بعدازاں ذمہ داران نے دعوتِ اسلامی کے دینی کاموں میں ترقی کے لئے اچھی اچھی نیتوں کا اظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوت اسلامی کے زیر اہتمام مدنی مرکز فیضان مدینہ جوہر ٹاؤن لاہور کے قریب مختلف شخصیات کی رہائش گاہ پر دینی حلقے کا انعقاد کیا گیا جس میں سیاسی، سماجی و کاروباری شخصیات نے شرکت کی۔

رکن شوریٰ حاجی یعفور رضا عطاری نے سنتوں بھرا بیان کیا اور شرکا کو نیکی کی دعوت پیش کرتے ہوئے دعوت اسلامی کا تعارف کیا نیز عاشقان رسول کو امیر اہلسنت دامت بَرَکَاتُہمُ العالیہ کی کتاب ”فیضان نماز“ تحفے میں دے کر اُسے پڑھنے کی ترغیب دلائی ۔

پاکستان کے شہر پتوکی میں مدنی مرکز فیضانِ مدینہ میں دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں مقامی اسلامی بھائیوں نے شرکت کی۔

اس اجتماعِ پاک میں تحصیل نگران مولانا فیضان عطاری مدنی نے سنتوں بھرا بیان کرتے ہوئے اسلامی بھائیوں کی تربیت ورہنمائی کی۔بعدازاں جامعۃ المدینہ بوائز میں مقامی ذمہ داران کے درمیان مدنی مشورے کا اہتمام ہوا جس میں تحصیل ذمہ دار نے 12 دینی کاموں کا فالواپ لیتے ہوئے ہفتہ وار سنتوں بھرے اجتماع کی تعداد کو مزید بڑھانے کے حوالے سے اہم نکات بتائے۔

اس کے علاوہ پورے شہر میں عاشقانِ رسول کو قراٰنِ کریم سیکھنے سکھانے کے لئے مدنی قاعدہ کورس اور معلم کورس کروانے کا ذہن دیا۔(رپورٹ:علی ریاض عطاری مجلس سیکورٹی ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام رنگ پورہ ڈویژن سیالکوٹ میں 13 جنوری 2022ء بروز جمعرات ہفتہ وار سنتوں بھرے اجتماع کا انعقاد کیا گیا جس میں مدرسۃ المدینہ و جامعۃ المدینہ بوائز کے طلبۂ کرام  اور اساتذۂ کرام سمیت ناظمین نے کثیر تعداد میں شرکت کی۔

اس اجتماعِ پاک میں ناظمِ جدول مرکزی جامعۃ المدینہ مولانا ارسلان عطاری مدنی نے سنتوں بھرا بیان کرتے ہوئےوہاں موجو اسلامی بھائیوں کو دعوتِ اسلامی کے دینی کاموں میں حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔

بعدازاں اسلامی بھائیوں نے (مسجدمیں) اعتکاف بھی کیا جس میں نمازِ تہجد اور بعد فجر سننے سنانے کا حلقہ لگایا گیا۔(رپورٹ:محمد عادِل رضا عطاری سیالکوٹ شعبہ مدنی چینل عام کریں، کانٹینٹ:غیاث الدین عطاری)

پنجاب پاکستان کے شہر سیالکوٹ میں 13 جنوری 2022ء بروز جمعرات دعوتِ اسلامی کے زیرِ اہتمام ہفتہ وار سنتوں بھرے اجتماع کا انعقاد کیا گیا جس میں ذمہ داران سمیت مقامی اسلامی بھائیوں نے شرکت کی۔

اس اجتماعِ پاک میں نگرانِ ڈسٹرکٹ سیالکوٹ حاجی محمد سجاد عطاری نے سنتوں بھرا بیان کرتے ہوئےوہاں موجو اسلامی بھائیوں کو مدنی قافلوں میں سفر کرنے کی ترغیب دلائی جس پر انہوں نے اچھی اچھی نیتوں کا اظہار کیا۔

اس کے علاوہ نگرانِ سیالکوٹ نے کم و بیش 12 اسلامی بھائیوں کے ہمراہ (مسجدمیں) اعتکاف بھی کیا جس میں نمازِ تہجد اور بعد فجر سننے سنانے کا حلقہ لگایا گیا۔(رپورٹ: محمد عادِل رضا عطاری سیالکوٹ شعبہ مدنی چینل عام کریں ، کانٹینٹ:غیاث الدین عطاری)

پچھلے دنوں سابقہ MNA و تاجر چوہدری محمد اشفاق نے دعوت اسلامی کی مرکزی مجلسِ شوریٰ کے رکن ونگرانِ پاکستان مشاورت حاجی محمد شاہدعطاری سے ملاقات کی۔

اس دوران نگرانِ پاکستان نے MNA کو دعوتِ اسلامی کے ذریعے دنیا بھر میں ہونے والےدینی و فلاحی کاموں کے بارے میں بتایا جس پر انہوں نے اظہارِ مسرت کرتے ہوئے اپنی نیک خواہشات کااظہار کیا۔بعدازاں نگرانِ پاکستان نے MNA کو تحائف دیئے اور دعاؤں سے نوازا۔(کانٹینٹ:غیاث الدین عطاری)