دعوتِ اسلامی کے مدنی مرکز فیضانِ مدینہ ڈیرہ اسماعیل خان میں ہفتہ وار سنتوں بھرے اجتماع کا انعقاد کیا گیا جس میں ذمہ دار اسلامی بھائیوں سمیت کثیر عاشقانِ رسول نے شرکت کی۔

اس دورانِ مرکزی مجلسِ شوریٰ کے رکن حاجی محمد عقیل عطاری مدنی نے سنتوں بھرا بیان کرتے ہوئے اسلامی بھائیوں کی تربیت و رہنمائی کی اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتوں کا اظہار کیا۔

بعدازاں رکنِ شوریٰ نے شرکائے اجتماع سے ملاقات کرتے ہوئے اُن کے درمیان مکتبۃ المدینہ کے رسائل تقسیم کئے۔(کانٹینٹ:غیاث الدین عطاری)

عاشقانِ رسول کو اسلامی تعلیمات سے آگاہ کرنے اور اُن کی اخلاقی و دینی اعتبار سے تربیت کرنے کے لئے دعوتِ اسلامی کے تحت کراچی کے علاقے ڈیفنس میں ہفتہ وار سنتوں بھرے اجتماع کا اہتمام کیا گیا جس میں مقامی اسلامی بھائیوں نے شرکت کی۔

اس اجتماعِ پاک میں رکنِ مرکزی مجلسِ شوریٰ حاجی محمدعلی عطاری نے سنتوں بھرا بیان کیا اور انہیں اسلامی تعلیمات کے مطابق اپنی زندگی گزارنے کا ذہن دیا نیز عاشقانِ رسول کے ہمراہ رات مسجد میں اعتکاف بھی کیا۔(کانٹینٹ:غیاث الدین عطاری)

عاشقانِ رسول کی دینی و اخلاقی تربیت کرنے کے لئے دعوتِ اسلامی کے زیرِ اہتمام منڈی وار برٹن میں ہفتہ وار سنتوں بھرے اجتماع کا انعقاد کیا گیا جس میں کثیر اسلامی بھائیوں کی شرکت رہی۔

دورانِ اجتماع مرکزی مجلسِ شوریٰ کے رکن حاجی یعفور رضا عطاری نے ’’فضائلِ حضرت سیّدنا امیرِ معاویہ رضی اللہ عنہ‘‘  کے موضوع پر سنتوں بھرا بیان کیا۔

بعدازاں عاشقانِ رسول نے رکنِ شوریٰ سے عام ملاقات کی نیز رکنِ شوریٰ نے شرکائے اجتماع کے درمیان رسائل تقسیم کئے۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

خطیبِ پاکستان، واعظِ شیریں بیان، مشفق و محبِ دعوتِ اسلامی حضرت مولانا حافظ محمد شفیع اوکاڑوی رحمۃُ اللہِ علیہ کا  39واں سالانہ عرس 17اور 18فروری2022ء کو نہایت مذہبی عقیدت و احترام سے منایا گیا۔

عرسِ پاک کا مرکزی اجتماع جامع مسجد گلزار حبیب ، گلستان اوکاڑوی (سولجر بازار) میں ہوا جہاں دعوتِ اسلامی کے کئی ذمہ داران اور دیگر اسلامی بھائیوں سمیت ملک و بیرون ملک سے علما و مشائخ اور عقیدت مند حضرات کی بڑی تعداد نے شرکت کی۔

عرسِ پاک میں علما و مشائخ اہل سنت اور ائمہ و خطبا نے اپنے خطابات میں حضرت کی حیات و خدمات، ذات و صفات اور دین و ملت اور ملک و قوم کے لئے ان کے مثالی کا رہائے نمایاں اور عشق رسول کے حوالے سے انہیں والہانہ خراج محبت وعقیدت پیش کیا۔ اس موقع پر ایصال ثواب کے لئے اجتماعی فاتحہ خوانی و دعا بھی کی۔

اس موقع پر آئیے محب دعوتِ اسلامی کی سیرت کے کچھ پہلؤوں کے بارے میں پڑھتے ہیں:

حضرت علامہ مولانا محمد شفیع اوکاڑوی رحمۃُ اللہِ علیہ کی حیات و خدمات

ولادت : خطیبِ پاکستان، واعظِ شیریں بیان حضرت مولانا حافظ محمد شفیع اوکاڑوی بن شیخ کرم الٰہی رحمۃُ اللہِ علیہ کی ولادت 1348ھ/1929ء کو کھیم کرن، مشرقی پنجاب (ہند) میں ہوئی۔آپ رحمۃُ اللہِ علیہ1947 ء میں قیام پاکستان کے موقع پر ہجرت کرکے اوکاڑہ آئے۔

بیعت و ارادت: آپ نے شیخ المشائخ حضرت پیر میاں غلام اللہ شرقپوری رحمۃُ اللہِ علیہ کے ہاتھ پر بیعت کی اور ان کے فُیوض وبرکات سے مستفیض ہوئے ۔

تعلیم وتربیت: شیخ الحدیث والتفسیر حضرت مولانا غلام علی اشرفی اوکاڑوی رحمۃ اللہ علیہ اور غزالیٔ دوراں حضرت علامہ سید احمد سعیدکاظمی شاہ صاحب رحمۃ اللہ علیہ سے علوم دینیہ حاصل کئے اور اسناد حاصل کیں ْ

مختلف خدمات دینیہ: ٭برلا ہائی اسکول اوکاڑہ میں دینیات کے ٹیچر رہے۔ ٭1955ء میں کراچی تشریف لائے اور کراچی کی مرکزی میمن مسجد (بولٹن مارکیٹ) میں امامت و خطابت کے فرائض سرانجام دئیے، میمن مسجد کی امامت و خطابت کے بعد تقریباً تین برس جامع مسجد عیدگاہ میدان اور سَوا دو سال جامع مسجد آرام باغ اور بارہ برس نور مسجد نزد جوبلی مارکٹ میں بلامعاوضہ خطابت کے فرائض انجام دیتے رہے اور نماز جمعہ پڑھاتے رہے۔ ان تمام مساجد میں تفسیرِ قراٰن کا درس دیتے رہے اور مجموعی طور پر تقریباً نو پاروں کی تفسیر بیان کی۔٭تین ہزار سے زائد افراد نے آپ کے ہاتھوں اسلام قبول کیا۔ ٭1964ء میں، پی ای سی ایچ سوسائٹی کراچی میں مسجد غوثیہ ٹرسٹ سے ملحق ایک دینی درس گاہ دار العلوم حنفیہ غوثیہ قائم کی۔

خطابت: آپ مسلسل 40سال تک تقاریر فرماتے رہے ہیں۔ آپ کی علمی استعداد ،حُسنِ بیان، خوش الحانی اور شانِ خطابت نہایت منفرد اور ہر دل عزیز تھی۔ ماہِ محرم کی شبِ عاشورہ میں آپ کا خطاب امتیازی حیثیت کا حامل ہوتا تھا۔

راہِ خدا میں سفر: آپ نے دینِ متین کی خدمت کے لئے شرقِ اوسط، خلیج کی ریاستوں، ہند، فلسطین، جنوبی افریقہ اور ماریشس سمیت کئی ممالک کے سفر کئے۔

تصنیفی خدمات: آپ نے وعظ و بیان کے ساتھ ساتھ تحریروتصنیف کے ذریعے بھی خدمت دین کی، آپ کی تصانیف میں ذکرِ جمیل،ذکرِ حسین، راہِ حق،درسِ توحید،شامِ کربلا، امام پاک اور یزید پلید، برکاتِ میلاد شریف، مسلمان خاتون، انوارِ رسالت سمیت کئی کتب شامل ہیں۔

قاتلانہ حملہ: 16اکتوبر 1962ء میں کراچی کے علاقہ کھڈا مارکیٹ میں دَورانِ تقریر مخالفین نے آپ پر چُھریوں اور چاقوؤں سے قاتلانہ حملہ کِیا جس کے سبب آپ شدید زخمی ہوئے اور کئی دن تک کراچی کے سِوِل اسپتال میں زیرِ علاج رہے۔ لیکن آپ نے حملہ آوروں کو معاف کردیا۔

دعوتِ اسلامی سے اُلفت ومحبت: 1401ھ میں دعوتِ اسلامی کا آغاز ہوا، اس وقت ایک سوال پیشِ نظر تھا کہ ہفتہ وار سنّتوں بھرا اجتماع کہاں کیا جائے؟ چنانچہ اسی سلسلہ میں امیر اہل سنت حضرت علامہ محمد الیاس عطّاؔر قادری دامت برکاتھم العالیہ نے خطیبِ پاکستان، حضرت علامہ مولانا محمد شفیع اوکاڑوی رحمۃُ اللہِ علیہسے ملاقات کی اور صورتِ حال بیان کی۔ آپ دعوتِ اسلامی کے بارے میں سن کر بہت خوش ہوئے اور اپنے دستخط کيساتھ دعوتِ اسلامی کیلئے تائیدی لیٹر جاری فرمایا۔ امیر اہلِ سنّت دامت برکاتہم العالیہ اس حوالے سے لکھتے ہیں کہ” آپ کی مسلکِ اہلِسنّت سے مَحَبَّت صد کروڑ مرحبا!بے مانگے بابُ المدینہ کے قَلْب میں واقِع اپنی زیرِ تَو لِیَت جامِع مسجِد گلزارِ حبیب (واقِع گلستانِ اوکاڑوی کراچی)میں ہفتہ وار سنّتوں بھرے اجتماع کی اجازت کی سعادت عنایت فرمائی ۔ چُنانچِہ دعوتِ اسلامی کا اوّلین مَدَنی مرکزجامِع مسجِد گلزارِ حبیب بنا۔اُن کی حِینِ حیات اور بعدِوَفات ہم نے برسوں تک وہاں ہفتہ وا ر سُنّتوں بھر ا اِجتماع کیا ۔ عاشِقانِ رسول کی تعداد میں روز افزوں اضافہ ہوتا رہا یہاں تک کہ جامِع مسجد گلزارِ حبیب اجتماع کے لئے ناکا فی ہوگئی ،اللہ عَزَّوَجَلَّ نے اسباب مُہَیّا کئے، سب اسلامی بھائیوں نے مل کرخوب بھاگ دوڑ کی، کم و بیش سوا دو کروڑ پاکستانی روپے کا چندہ اکٹّھاکیا اور (پُرانی)سبزی منڈی کے پاس بابُ المد ینہ کراچی میں تقریباً 10 ہزارگز کا پلاٹ خریدا اور پھر مزید کروڑوں روپے کے چندے سے عظیمُ الشّان عالَمی مَدَنی مرکز فیضانِ مدینہ قائم کیا گیا جس میں شاندار مسجد ،مَدَنی کاموں کیلئے مُتَعَدَّدمَکاتِب اور جامِعۃُ المدینہ کی عالی شان عمارت کے ذَرِیعے لاکھوں مسلمان فیضانِ مدینہ لوٹ رہے ہیں۔(آدابِ طعام،ص445)

وفات: 20 اپریل 1984ء کو آخری خطاب جامع مسجد گلزار حبیب میں نمازِ جمعہ کے اجتماع سے کیا۔ اسی شب تیسری بار دل کا شدید دَورہ پڑا اور قومی ادارہ برائے امراضِ قلب کراچی میں داخل ہوئے۔ تین دن بعدمنگل، 21 رجب المرجب 1404 ھ مطابق 24 اپریل 1984ء کی صبح 55 برس کی عمر میں اذانِ فجر کے بعد دُرود و سلام پڑھتے ہوئے خالقِ حقیقی سے جاملے ۔

25 اپریل کو نشتر پارک، کراچی میں علامہ سید احمد سعید کاظمی شاہ صاحب رحمۃ اللہ علیہ کی امامت میں ظہر کی نماز کے بعد کثیر افراد نے آپ کی نمازِ جنازہ ادا کی۔ آپ کا مزارمبارک گلستانِ اوکاڑوی سولجر بازار کراچی میں واقع مسجد گلزارِ حبیب سے متصل ہے۔ آپ کا عرس ہرسال 21رجب المرجب کو منعقد ہوتاہے۔(ماخوذ از: خطیب پاکستان ، ص 9 تا 15)

گزشتہ روز 24 فروری 2022ء کو دعوت اسلامی کے اسلامک ریسرچ سینٹر ”المدینۃ العلمیہ “ کے زیر اہتمام عالمی مدنی مرکز فیضان مدینہ کراچی میں ٹریننگ سیشن کا سلسلہ ہوا جس میں المدینۃ العلمیہ کراچی کے علمائے کرام شریک ہوئے جبکہ فیصل آباد اور ہند میں قائم المدینۃ المدینہ کی برانچز کے اسلامی بھائیوں نے بذریعہ انٹرنیٹ اس سیشن میں شرکت کی۔

سیشن میں دو لیکچرز ہوئے، پہلا لیکچر چیف ایڈیٹر ماہنامہ فیضان مدینہ ابو رجب مولانا آصف عطاری مدنی نے” Improve your skills“ کے عنوان پر دیا جس میں انہوں نے کہا کہ کبھی بھی اپنی موجودہ اسکلز پر فُل اسٹاپ نہ لگائیں بلکہ اپنی صلاحیتوں کو ہمیشہ پروان چڑھاتے رہیں ترقی کے زینے طے ہوتے چلے جائیں گے۔

ان کا مزید کہنا تھا کہ عروج کو پالینا کمال نہیں بلکہ اسے برقرار رکھنا کمال ہوتا ہے، اس لئے ضروری نہیں کہ صرف ترقی کرنے کے لئے ہی اسٹرگل کی جائے بلکہ زوال سے بچنے کے لئے بھی اسٹرگل اور کوشش کرنا بہت ضروری ہے۔

چیف ایڈیٹر ماہنامہ فیضان مدینہ کے لیکچر کے بعد ڈائریکٹر حدیث ڈیپارٹمنٹ مولانا عدنان چشتی عطاری مدنی نے” کتاب میں حدیث نقل کرنے کی چند احتیاطیں“ کے موضوع پر نہایت شاندار لیکچر دیا۔

اسکالرز سے بات کرتے ہوئے مولانا عدنان چشتی عطاری مدنی نے کہا کہ کسی بھی کتاب میں حدیث لکھتے وقت حتی الامکان صحاح ستہ کو ترجیح دیں۔ انہوں نے مزیدکہا کہ روایات ذکر کرتے وقت ان کی مقدار کے بجائے معیار کو مدِّنظر رکھیں گے تو آپ کی کتاب مستند سے مستند ترین ہوتی چلی جائے گی۔

اس ٹریننگ سیشن میں نگران مجلس المدینۃ العلمیہ مولانا محمد آصف خان عطاری مدنی اور تمام شعبہ ذمہ داران بھی موجود تھے۔

ٹریننگ سیشن میں موجود المدینۃ العلمیہ کے ایک اسکالر مولاناعبداللہ نعیم صدیقی عطاری مدنی نےاس ٹریننگ سیشن کے حوالے سے اپنے خوشگوار تاثرات قلمبند کئے ہیں جسے نیچے دیئے گئے لنک پر کلک کرکے ملاحظہ فرمائیے ۔

https://news.dawateislami.net/ilmia-training-session-24feb022-t

ذہنی آزمائش سیزن 13 کا گرینڈ فائنل آج رات گجرات کے پرنس مارکی، جی، ٹی روڈ میں منعقد ہوگا

تفصیلات کے مطابق مدنی چینل کا مقبول عام سلسلہ ذہنی آزمائش سیزن 13کا سفر 25 دسمبر 2022ء سے جاری تھا جس میں پاکستان کے 16شہروں کی ٹیمیں مقابلے میں حصہ لے رہی تھیں۔شاندار مقابلے کے بعد آج رات گرینڈ فائنل ہونے جارہا ہےجس میں یہ فیصلہ ہوگا کہ سیزن 13 کا ٹائٹل کس ٹیم نے اپنے نام کرلیا۔ذہنی آزمائش سیزن 13 کے 25 دسمبر 2021ء سے 23 فروری 2022ء تک 30 Episode ہوچکے ہیں۔

آج رات سیزن 13 کا 31 واں اور آخری مقابلہ پاکستان کے شہر گجرات پرنس مار کی، جی، ٹی روڈ میں قائم ایک شادی ہال میں رات 9:15 بجے منعقد ہونے جارہا ہے۔ سیمی فائنل میں مقابلے بعدگرینڈ فائنل حافظ آباد اور فیصل آباد کی ٹیموں کے درمیان ہوگا۔ جیتنے والی ٹیم کو انعامات سے بھی نوازا جائے گا۔

گجرات میں ذہنی آزمائش سیزن 13 کے ہونےوالے گرینڈ فائنل میں وسیع و عریض جگہ پر عاشقان رسول کی بڑی تعداد کے لئے بیٹھنے کا انتظام کیا گیا ہے۔

واضح رہے کہ یہ پروگرام موسم کی خرابی کے باعث گجرات ظہور الہی اسٹیڈیم سے پرنس مار کی، جی، ٹی روڈ میں قائم ایک شادی ہال میں منتقل کردیا گیاہے۔

مدنی چینل کا مقبول عام سلسلہ ذہنی آزمائش سیزن (13) 26 دسمبر 2021ء سے جاری ہے۔ پروگرام کی میزبانی معروف اسلامک اسکالر رکن شوری حاجی مولانا عبد الحبیب عطاری کررہے ہیں ۔ذہنی آزمائش ایک علمی مقابلہ ہے جس میں پاکستان کے مختلف شہروں (کراچی، کوئٹہ، لیہ، خانقاہ شریف، حیدر آباد، فیصل آباد، پشاور، مظفر گڑھ، لاہور، وہاڑی، شہداد پور، سیالکوٹ، لاڑکانہ، راولپنڈی، جہلم، گوجرانوالہ، جاتلاں کشمیر، ڈہرکی، حافظ آباد، ڈیرہ اللہ یار،سرگودھا، پاکپتن، ملتان )سے آڈیشن میں کامیاب ہونے والے اسلامی بھائی حصہ لے رہے ہیں۔

مزید اس صفحے کے ذریعے آپ جان سکیں گے : کونسی ٹیم کا کس کے ساتھ مقابلہ ہے؟ کونسی ٹیم کس سے آگے بڑھ گئی ہے؟اس سلسلے کا مکمل شیڈول کیاہے؟

ذہنی آزمائش سیزن 13کا شیڈول

دعوتِ اسلامی کے تحت 22 فروری 2022ء بروز منگل پنجاب پاکستان کے شہر سرگودھا میں مدنی مشورے کا انعقاد کیا گیا جس میں ڈسٹرکٹ نگران، ڈویژن مشاورت اور جامعۃ المدینہ بوائز کے ناظمین نے شرکت کی۔

نگرانِ ڈویژن محمد عادل رضا عطاری مدنی مشورے میں شریک اسلامی بھائیوں سے دعوتِ اسلامی کے 12 دینی کاموں کے متعلق گفتگو کرتے ہوئے مختلف موضوعات پر کلام کیاجن میں 27 رجب المرجب، 15 شعبان المعظم کو ہونے والے سنتوں بھرے اجتماعات اور رمضان المبارک میں ایک ماہ کے اعتکاف شامل تھے۔(رپورٹ:محمد حامد ڈویژن مشاورت مدنی چینل عام کریں ،کانٹینٹ:غیاث الدین عطاری)

22 فروری 2022ء کو دعوت اسلامی کے شعبہ میڈیا ڈیپارٹمنٹ کے ڈویژن ذمہ دار مولانا بابر مصطفیٰ عطاری  مدنی نے ڈسٹرکٹ رحیم یار خان خانپور تحصیل میںM.P.Aچوہدری ارشدسے ملاقات کی۔

ملاقات میں دعوت اسلامی کے شعبہ جات مدنی چینل اور FGRF، پر تفصیلی گفتگو ہوئی جبکہ اس موقع پر ڈویژن ذمہ دار اقبال عطاری بھی موجود تھے۔

عاشقان رسول کو فرائض و اجبات کا پابند بنانے، سنتِ رسول کا عامل بنانے، نیکی کی راہ پر گامزن کرنے کے لئے ہر جمعرات بعد نماز مغرب پابندی کے ساتھ دنیا بھر میں ہفتہ وار سنتوں بھرے اجتماعات کا انعقاد کیا جاتا ہے جن میں مبلغین دعوت اسلامی سنتوں  بھرے بیانات ارشاد فرماتے ہیں۔

ہر ہفتے کی طرح کی اس جمعرات 24 فروری 2022ء کو بھی دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی سنتوں بھرے بیانات فرمائیں گے۔تفصیلات کے مطابق اسپورٹس گراؤنڈ تحصیل کلر سیداں راولپنڈی ڈسٹرکٹ میں رکن شوریٰ حاجی مولانا عبد الحبیب عطاری بیان فرمائیں گے جسے مدنی چینل پر براہ راست نشر کیا جائیگااس کے علاوہ فیضان اسلام، خیابان سحر، لین 10، فیز7، DHAمیں رکن شوریٰ حاجی محمد علی عطاری، گورنمنٹ گرلز ہائر سیکنڈری اسکول کندھ کوٹ سندھ میں رکن شوریٰ حاجی قاری ایاز عطاری، مدنی مرکز فیضان مدینہ ڈیرہ اسماعیل خان خیبر پختونخواہ میں رکن شوریٰ حاجی محمد عقیل عطاری مدنی، فیضان مدینہ جھمرہ ٹاؤن فیصل آباد میں رکنِ شوریٰ حاجی محمد فضیل رضا عطاری اور الحرم مارکی بائی پاس واربرٹن پنجاب میں رکنِ شوریٰ حاجی یعفور رضا عطاری سنتوں بھرا بیان فرمائیں گے۔

دعوتِ اسلامی کی مرکزی مجلسِ شوریٰ کے رکن حاجی فضیل رضا عطاری نے دینی کاموں کے سلسلے میں ذمہ داراسلامی بھائیوں کے ہمراہ سندھ پولیس  ڈی آئی بی برانچ انچارج قاضی سعید سے ملاقات کی۔

دورانِ ملاقات رکنِ شوریٰ نے قاضی سعید کو دعوت اسلامی کے مختلف شعبہ جات کے ذریعے ہونے والی دینی خدمات کے بارے میں بتاتے ہوئے انہیں دعوت اسلامی کے ہفتہ وار سنتوں بھرے اجتماع میں شرکت کرنے اور عالمی مدنی مرکز فیضان مدینہ کراچی کا وزٹ کرنے کی دعوت پیش کی۔بعدازاں رکنِ شوریٰ نے دعا کروائی اور برانچ انچارج کو تحائف دیئے۔(کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں گلشن اقبال ٹاؤن کراچی میں مدنی مشورے کا انعقاد ہوا جس میں  ڈویژن اورعلاقائی نگران سمیت دیگر ذمہ داران نے شرکت کی۔

دورانِ مدنی مشورہ رکنِ مرکزی مجلسِ شوریٰ حاجی محمد علی عطاری نے ذمہ دار اسلامی بھائیوں سے اہم موضوعات پر گفتگو کرتے ہوئے فیوچر پلانگ (Future planning) کے حوالے سے چند نکات پر تبادلۂ خیال کیا۔بعدازاں رکنِ شوریٰ کی ایم پی اے ریحان غوری سے اُن کے آفس میں ملاقات ہوئی۔(کانٹینٹ:غیاث الدین عطاری)