دعوتِ اسلامی کے زیرِ اہتمام 10 فروری 2022ء بروز جمعرات پنجاب پاکستان کے شہر ٹوبہ میں قائم مدنی مرکز فیضان مدینہ میں ہفتہ وار سنتوں بھرے اجتماع کا انعقاد کیا گیا جس میں مقامی عاشقانِ رسول نے کثیر تعداد میں شرکت کی۔

اس اجتماعِ پاک میں مرکزی مجلس شوریٰ کے رکن حاجی جنید عطاری مدنی نے’’محبت الہٰی‘‘ کے موضوع پر سنتوں بھرابیان کرتے ہوئے محبت الٰہی کی علامات بیان کیں۔

بعدازاں رکنِ شوریٰ نے اسلامی بھائیوں کو دعوتِ اسلامی کے 12 دینی کاموں میں شمولیت اختیار کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:حافظ ساجد سلیم عطاری مدنی، کانٹینٹ:غیاث الدین عطاری)

دعوتِ اسلامی کی جانب سےدنیا بھر میں وقتاً فوقتاً عاشقانِ رسول کو علمِ دین سیکھنے سکھانے کے لئے مختلف مواقع فراہم کئے جاتے ہیں۔اسی سلسلے میں 10 فروری 2022ء بروز جمعرات پاکستان کے شہر چونیا میں ہفتہ وار سنتوں بھرے اجتماع کا انعقاد ہوا جس میں کثیر اسلامی بھائیوں نے شرکت کی۔

مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے وہاں موجود عاشقانِ رسول کی دینی و اخلاقی اعتبار سے تربیت کی اور دعوتِ اسلامی کے دینی کاموں میں بڑھ چڑھ کر حصہ لینے کی ترغیب دلائی۔بعدازاں شرکائے اجتماع نے رکنِ شوریٰ سے ملاقات کی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

پچھلے دنوں دعوتِ اسلامی کی مرکزی مجلسِ شوریٰ کے رکن ابوماجد حاجی محمد شاہد عطاری مدنی نے عالمی مدنی مرکز فیضانِ مدینہ کراچی سے بذریعہ انٹر نیٹ شعبہ گلی گلی مدرسۃ المدینہ کا مدنی مشورہ کیا۔

اس دوران رکنِ شوریٰ نے مختلف موضوعات پر گفتگو کرتے ہوئے شعبے کی تقرری، کارکردگی اور کورسز کا جائزہ لیا نیز دیگر اہم امور پر کلام کرتے ہوئے مدنی پھولوں سے نوازا۔(کانٹینٹ:غیاث الدین عطاری)

دعوتِ اسلامی کے زیرِ اہتمام سرفراز چاڑی حیدرآباد میں قائم جامع مسجد بابا سرفراز میں سنتوں بھرے اجتماع کا انعقاد کیا گیا جس میں اہلِ علاقہ کےکثیر اسلامی بھائیوں نے شرکت کی۔

اس اجتماعِ پاک میں نگرانِ صوبۂ سندھ و مرکزی مجلسِ شوریٰ کے رکن حاجی قاری محمد ایاز عطاری نے ختمِ قراٰن مع تفسیر ِصراطُ الجنان کے سلسلے میں سنتوں بھرا بیان کرتے ہوئے وہاں موجود عاشقانِ رسول کی دینی و اخلاقی اعتبار سے تربیت کی۔

بعدازاں رکنِ شوریٰ نے عاشقانِ رسول کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

دعوت اسلامی کا بڑا قدم

دعوتِ اسلامی فلاحی کاموں میں ایک مثالی اور نہایت احسن قدم اٹھانے جارہی ہے۔ شاندار قدم یہ ہے کہ دعوت اسلامی اب کراچی میں پہلا یتیم خانہ بنام ”مدنی ہوم“ قائم کرنے جارہی ہے۔ اس سینٹر کی پہلی برانچ کراچی کے علاقے نارتھ کراچی کریلا اسٹاپ پر موجود فیض مدینہ مسجد سے متصل وسیع و عریض جگہ میں قائم کی جائے گی جس کا اعلان 9فروری 2022ء کو نارتھ کراچی میں ہونے والے ذہنی آزمائش سیزن 13 کے 7^th Pre Quarterمیں ترجمان دعوت اسلامی حاجی مولانا عبد الحبیب عطاری کی جانب سے کیا گیا۔

اس بارے میں تفصیلات سے بریف کرتے ہوئے دار الافتاء اہلسنت کے ہیڈ مولانا ثاقب عطاری مدنی نے کہا کہ یہ ”مدنی ہوم “دعوت اسلامی کے فلاحی شعبہ فیضان گلوبل ریلیف فاؤنڈیشن FGRFکے زیر انتظام قائم کیا جائیگا جبکہ اس یتیم خانے میں ان بچوں کو رجسٹرڈ کروایا جاسکے گا جن کے والدین یا دونوں میں سے ایک کا انتقال ہوچکا ہو یا ایسے بچے جن کی پروش کے حوالے سے مسائل کا سامنا ہو۔

اس سینٹر میں رجسٹرڈ کروانے کے لئے بچے کی عمر کم از کم چھ سال ہونا ضروری ہے۔اس ادارے کی انتظامیہ ایک اچھے باپ کی طرح بچوں کی قابلیت، صلاحیت اور ان کے رجحانات کو دیکھتے ہوئے ان کی تعلیم وتر بیت کا اہتمام کرے گی۔

بچوں کو دین و دنیا کی تعلیمات سے آراستہ کرنے کے لئے اس مدنی ہوم میں مدرسۃ المدینہ، جامعۃ المدینہ اور دار المدینہ انٹرنیشنل اسلامک اسکول سسٹم کا قیام کیا جائیگاجس کا مقصد یہ ہوگا بچہ دیگر علم و فنون میں ماہر ہونے کے ساتھ ساتھ دعوت اسلامی اور دین متین کا اچھا مبلغ اور ترجمان بن سکے۔

مولانا ثاقب عطاری نے مزید بتایا کہ اس ادارے میں دارالافتاء اہلسنت جو کہ پہلے سے موجود ہے اس کو مزید بہتر بنایا جائیگااس کے علاوہ اس سینٹر میں فیضان آن لائن اکیڈمی اور مکتبۃ المدینہ کی شاخیں بھی قائم کی جائیں گی۔

ترجمان دعوت اسلامی حاجی مولانا عبد الحبیب عطاری نے کہا کہ اس ادارے کو قائم کرنے سے قبل اس کی پلاننگ میں بچوں کی رہائش، میڈیکل، چھٹیوں کی ایکٹیوٹیز Activities، کھانے، پینے اور پہننے کے لئے لباس کے ساتھ ساتھ دیگر ضروریات کو ویسے ہی مد نظر رکھا گیا جیسے ہم اپنے خود کے بچوں کے بارے میں سوچتے ہیں کیونکہ یہاں آنے والے بچوں کا یہی گھر ہوگا۔ مولانا عبد الحبیب عطاری نے بتایا کہ یہ کروڑوں روپے کا پروجیکٹ ہے جوکہ اس کی تعمیرات میں لگنے ہیں۔

مولانا عبد الحبیب عطاری نے عاشقان رسول کو اس پروجیکٹ میں مالی تعاون کرنے کی ترغیب دلاتے ہوئے فرمایا کہ عاشقان رسول اس نیت کے ساتھ دعوت اسلامی کو عطیات دیں کہ ” مدنی ہوم ”یتیم خانہ“ اور دعوت اسلامی کے دیگر دینی شعبہ جات کی تعمیر اور دینی کاموں کے لئے عطیات دےرہا ہوں“۔

عاشقان رسول سے گزارش ہے کہ اپنی نفلی صدقات اور زکٰوۃ سے اس ادارے کو قائم کرنے میں دعوت اسلامی کے ساتھ تعاون کریں۔

دعوت اسلامی کے ساتھ مالی تعاون کرنے کے لئے اس اکاؤنٹ نمبر اور آن لائن ڈونیشن کے لئے نیچے لنک پر ابھی کلک کیجئے

0870667971003985

Donate Now

دعوت اسلامی کے شعبہ پروفیشنلز ڈیپارٹمنٹ کے زیر اہتمام دو دن پر مشتمل 12 اور 13 فروری بروز ہفتہ، اتوارعالمی مدنی مرکز فیضان مدینہ کراچی میں پروفیشنلز اجتماع منعقد ہونے جارہا ہے۔ اس پروگرام میں انجینئرز، فنانس آفیسرز، آئی ٹی پروفیشنلز، آئی ٹی، ڈاکٹرز اور کارپوریٹ پروفیشنلز کے ساتھ ساتھ دیگر شعبے سے وابستہ پروفیشنلز حضرات شرکت کریں گے۔

اجتماع کے دوسرے دن 13 فروری 2022ء کو دوپہر 2:00 بجے شیخ الحدیث والتفسیر مفتی محمد قاسم عطاری مُدَّ ظِلُّہُ العالی خصوصی بیان فرمائیں گے۔

تمام پروفیشنلز حضرات سے اس اجتماع میں شرکت کرنے کی درخواست ہے۔ 

دعوتِ اسلامی کے زیرِ اہتمام 8 فروری 2022ء بروز منگل پاکستان کے شہر پتوکی کی دربار والی مسجد میں مدنی مشورے کا انعقاد ہوا جس مقامی ذمہ داراسلامی بھائیوں نے شرکت کی۔

نگرانِ تحصیل مولانا فیضان عطاری مدنی نےدعوتِ اسلامی کے 12 دینی کاموں کا فالواپ لیتے ہوئے ہر علاقے میں ایک مدرسۃ المدینہ اور ایک جامعۃ المدینہ (بوائز و گرلز) کھولنے کا ذہن دیا جس پر ذمہ داران نے اچھی اچھی نیتوں کا اظہار کیا۔

اسی طرح دربار والی مسجد میں 13 فروری 2022ء کو ہونے والے نماز جنازہ کورس کے انتظامات اوراس کی دعوت عام کرنے کے حوالے سے اہم نکات پر مشاورت ہوئی۔

واضح رہے اس کورس میں مرکزی مجلسِ شوریٰ کے رکن حاجی منصور عطاری اسلامی بھائیوں کی تربیت کریں گے۔(رپورٹ:علی ریاض عطاری سیکورٹی ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں لاہور میں سنتوں بھرے اجتماع کا انعقاد کیا گیا جس میں یونیورسٹی کے مختلف ٹیچرز اور اسٹوڈنٹس کی کثیر تعداد میں شرکت رہی۔

اس موقع پر رکنِ مرکزی مجلسِ شوریٰ حاجی یعفور رضا عطاری نے’’حلال طریقے سے مال کمانا‘‘ کے موضوع پر سنتوں بھرا بیان کرتے ہوئے عاشقانِ رسول کی دینی و اخلاقی اعتبار سےتربیت کی۔

بعدازاں رکنِ شوریٰ نے اسلامی بھائیوں کو دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ جوہر ٹاؤن لاہور میں مدنی مشورے کا انعقاد ہوا جس میں شعبہ اسلامی بھائیوں کے مدرسۃ المدینہ اور شعبہ مدرسۃ المدینہ بوائز کے ذمہ داران نے شرکت کی۔

مرکزی مجلسِ شوریٰ کے رکن حاجی یعفور رضا عطاری نے ذمہ داران سے گفتگو کرتے ہوئے شعبے کے دینی کاموں کا جائزہ لیا اور بڑی عمر کے اسلامی بھائیوں کے لئے لگنے والے مدرسۃ المدینہ کی تعداد کو بڑھانےکا ذہن دیا۔

اس کے علاوہ رکنِ شوریٰ نے دعوتِ اسلامی کے 12 دینی کاموں سمیت دیگر موضوعات پر کلام کیا۔‫(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

ماہ رجب کو کئی بزرگانِ دین سے نسبت حاصل ہے۔ ان ہی میں سے ایک بزرگ آلِ نبی، اولادِ علی، اہل بیت کے سرکے تاج، حضرت سیدنا امام جعفر صادق رحمۃُ اللہِ علیہ کا بھی ہیں جن کا عرس 15 رجب المرجب کو دنیا بھر میں مذہبی جوش و خروش سے منایا جاتا ہے۔عاشقانِ صحابہ و اہلِ بیت اس دن خاص طورپر اُن کے لئے ایصالِ ثواب کا اہتمام کرتے ہیں ۔کئی مقامات پر قرآن خوانی، اوراد و ظائف کے ساتھ ساتھ کھانے میں کھیرپوری کا بھی انتظام کیا جاتا ہے۔

15 رجب المرجب 1443ھ کو سیدنا امام جعفر صادق رحمۃُ اللہِ علیہ کا سالانہ عرس منانے کے حوالے سے امیر اہلسنت دامت بَرَکَاتُہمُ العالیہ نے اپنی خواہش کا اظہار کیا اور عاشقان رسول کو اس کی ترغیب اور دعاؤں سے نواز تے ہوئے فرمایا :

15 رجب کو اہل بیت کے سر کے تاج، حضرت سیدنا امام جعفر صادق رحمۃُ اللہِ علیہ کا یوم عرس ہے۔ اس دن عاشقان صحابہ و اہل بیت خصوصیت کے ساتھ کھیر پوری کی نیاز کرتے ہیں، تو میری یہ خواہش ہے کہ15 رجب المرجب 1443ھ کی رات گھر گھر، گلی گلی، مسجد مسجدکھیر پوری کی نیاز ہو۔

دعائے عطار

یا اللہ پاک! جو کوئی کھیر پوری کی نیاز پندرہویں شب کو کرے گا اور جو اس میں مالی طور پر حصہ لے گا، یا جس طرح بھی شریک ہوگا،یا خالی خوش ہوگا اس کو بھی دونوں جہانوں کی بھلائیوں سے نواز دےاور اس کو امام جعفر صادق رضی اللہُ عنہ کا خصوصی فیض عطا فرما اور ان کے نانا جان صلَّی اللہ علیہ واٰلہٖ وسلَّم کی شفاعت نصیب فرمااور بے حساب مغفرت اس کا مقدر فرما، جو میری مدنی بیٹی بھی اس میں حصہ لے اس کے حق میں بھی یہ دعائیں قبول فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

حضرتِ سیِّدُنا جابر بن عبداللہ رضی اللہ عنہ بیان کرتے ہیں کہ مَحبوبِ ربُّ العزت،مُحسنِ انسانیت عزوجل و صلی اللہ علیہ وآلہ وسلم کا فرمانِ مغفرت نشان ہے کہ”جب اللہ عزوجل کسی بندے کی مغفرت فرمانا چاہتاہے تو اسے گناہ سے روک دیتاہے اور جب اللہ عزوجل کسی بندے کاعمل قبول کرنا چاہتاہے تو اسے نیک عمل کی طرف مائل کر دیتاہے “۔ (آنسو کا دریا، ص37)

حضورنبی پاک، صاحب لولاک، سیاح افلاک صلَّی اللہ علیہ وآلہ وسلَّم نے ارشاد فرمایا: ”جس بندے کی آنکھوں سے خوفِ خدا عَزَّوَجَلَّ کے سبب آنسو نکل کر چہرے تک پہنچتے ہیں تو اللہ عزَّوَجَلَّ اس کو آگ پر حرام فرما دیتاہے اگرچہ وہ مکھی کے سرکے برابر ہوں“۔ (سنن ابن ماجۃ،ابواب الزھد ، باب الحز ن والبکاء، الحدیث ۴۱۹۷ ، ص ۲۷۳۲)

عاشقان رسول کے دلوں میں خوفِ خدا پیدا کرنے، انہیں نیکیوں کی طرف راغب کرنے اور گناہوں سے بیزار کرنے لئے آج بروز جمعرات بعد نماز مغرب اور بعض مقامات پر بعد نماز عشاء دعوت اسلامی کے زیر اہتمام دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی سنتوں بھرے بیانات فرمائیں گے۔ تفصیلات کے مطابق مدنی مرکز فیضان مدینہ عباسیہ ٹاؤن رحیم یار خان سے مدنی چینل پر براہ راست ہونے والے ہفتہ وار اجتماع میں رکن شوریٰ قاری سلیم عطاری سنتوں بھرا بیان فرمائیں گے جبکہ نیو میمن مسجد بولٹن مارکیٹ میں رکن شوریٰ حاجی محمد علی عطاری اور عالمی مدنی مرکز فیضان مدینہ کراچی میں رکن شوریٰ حاجی مولانا عبد الحبیب عطاری سنتوں بھرے بیانات فرمائیں گے۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

چائینز لینگویج ڈیپارٹمنٹ دعوت اسلامی کے زیر اہتمام مرکزی جامعۃ المدینہ فیضان مدینہ ملتان میں تقسیم اسناد کا سلسلہ ہوا۔

اس پروگرام میں استاذ الحدیث حضرت مولانا غلام شبیر عطاری اور ڈاکٹر شعبان عطاری کے ہاتھوں چائینز لینگویج کورس میں پاس ہونے والے اسٹوڈنٹس کو سرٹیفکیٹ دیئے گئے۔

آخر میں مزید طلبہ نے بھی چائینز لینگویج کورس کرنے کی نیتیں کیں۔