6دسمبر2019ء کو  دعوتِ اسلامی کے تحت‎‎ضيائی کابینہ کی شعبہ مشاورت اور ڈویژن نگران اسلامی بہنوں کا بذریعہ ٔ اسکائپ مدنی مشورہ ہوا جس میں برنلے ،بلیک برن ، ایکرنگٹن اور پریسٹن کی ذمہ دار اسلامی بہنوں نے شرکت کی۔ مدنی مشورے میں غورو فکر کی اہمیت پر بیان ہوا اور مرکز کی اطاعت ، اپنی شعبہ ذمہ دار اسلامی بہنوں کے ساتھ مضبوط رابطہ، اور حوصلہ افزائی کی اہمیت پر اچھی اچھی نیتیں کروائی گئی ۔

دعوتِ اسلامی کے تحت 6دسمبر2019ء کو  ‎یوکے، کے شہر مانچسٹر میں ڈویژن نگران اسلامی بہنوں کا مدنی مشورہ ہوا جس میں نقشبندی زون عطاری کابینہ کی نگران اسلامی بہن نے ماہانہ کارکردگی کا جائزہ لیتے ہوئے ا ن کی تربیت کی اور دعوتِ اسلامی کے ‎مدنی کاموں کو مزید بڑھانے کےا ہداف طے کئے۔

‎دعوتِ اسلامی کے تحت 6دسمبر2019ء کو قادری کابینہ کی ذمہ دار اسلامی بہنوں کا بذریعہ ٔ اسکائپ مدنی مشورہ ہوا جس میں ڈیوزبری، رادرم، شیف فیلڈ، ڈان کاسٹر اور ہڈرز فیلڈ کی ذمہ داراسلامی بہنوں نے شرکت کی۔ یوکے کی مُلک نِگران اسلامی بہن نے مدنی مشورے میں شریک اسلامی بہنوں کی کارکردگی کا جائزہ لیتے ہوئے ان کی تربیت کی اور مدنی کاموں کو مزید بڑھانے، ہفتہ وار مدنی مذاکرہ دیکھنے اور مدنی انعامات پر عمل کرنے کا ذہن دیا۔

اَلْحَمْدُ لِلّٰہِ عَزَّ وَجَلَّ! اسلامی بہنوں کی مجلس مدرسۃ المدینہ بالغات کے تحت8دسمبر2019ء سے پاکستان کے شہر (کوئٹہ، حب بلوچستان، میر پور خاص، نواب شاہ، ڈی جی خان ملتان، پاکپتن، میانوالی، فتح پور لاہور،گوجرانوالہ، ڈیرہ اسماعیل خان، ہزارہ) میں” 12 دن کا رہائشی کورس“ ہونے جارہا ہے۔ اس کورس میں اسلامی بہنوں کو تجوید کے ساتھ قراٰنِ پاک کی تعلیم کے ساتھ ساتھ اخلاقی تربیت سے متعلق آگاہی فراہم کی جائے گی نیز اس کورس میں کامیاب ہونے والی اسلامی بہنوں کو مدرسۃ المدینہ للبنات میں تدریس کا موقع بھی فراہم کیا جائے گا۔

کورس میں داخلے کی خواہش مند اسلامی بہنیں اپنے علاقے کی متعلقہ ذمہ دار اسلامی بہن سے رابطہ فرمائیں۔

اسلامی بہنوں کی مجلس مدرسۃ المدینہ  بالغات کے تحت فیصل آباد ریجن پاکپتن زون کے شہر نارا ڈاڈا میں26 دن کا مدنی قاعدہ کورس کا سلسلہ جاری تھا۔7دسمبر2019ء کو اس کورس کا اختتام ہوا ۔ اس موقع پرمفتشہ اسلامی بہن نے کورس میں شریک اسلامی بہنوں کا فائنل امتحان لیا جس میں کامیاب ہونے والی اسلامی بہنوں نے اپنا تعلیمی سلسلہ جاری رکھنے کے لئے ہاتھوں ہاتھ ناظرہ قراٰن کورس میں داخلہ لیا اور ساتھ ہی مدنی کاموں کے لئے اچھی اچھی نیتیں پیش کیں۔

دعوتِ اسلامی کے تحت 7دسمبر 2019ء کویوگنڈاکےشہرکمپالامیں واقع لولو مسجد میں گیارہویں شریف کے سلسلے میں  محفلِ نعت کا انعقاد کیا گیا جس میں مقامی اسلامی بہنوں نے شرکت کی۔ مبلغۂ دعوتِ اسلامی نے سنّتوں بھرا بیان کیا اور اجتماعِ پاک میں شریک اسلامی بہنوں کو دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ ہونے، ہفتہ وار اجتماع میں شرکت کرنے اور مدنی چینل دیکھنے کی ترغیب دلائی۔ اس موقع پر مبلغۂ دعوتِ اسلامی کی انفرادی کوشش سےچاراسلامی بہنوں نے امیر اہلِ سنت کے ذریعے سیّدنا غوث الاعظم رضی اللہ عنہ سے بیعت کے لئے اپنے نام بھی پیش کئے۔

اسلامی بہنوں کی مجلس کفن دفن کےتحت7دسمبر2019ء نینیتال زون کی ذمہ دار اسلامی بہنوں کا مدنی  مشورہ ہوا جس میں زون، کابینہ اور ڈویژن سطح کی ذمہ دار اسلامی بہنوں نے شرکت کی۔ مجلس کفن دفن کی ریجن سطح ذمہ دار اسلامی بہن نے مدنی مشورے میں شریک ذمہ داراسلامی بہنوں کی کارکردگی کاجائزہ لیتے ہوئے ان کی تربیت کی اوراور شعبے میں ترقی کے حوالے سے اہم امور پر نکات فراہم کئے۔

اسلامی بہنوں کی مجلس کفن دفن کےتحت7دسمبر2019ء کو  ہندحنبلی ریجن نینیتال زون کے شہر ہلدوانی میں کفن دفن تربیتی اجتماع کا انعقاد کیا گیا جس میں کم و بیش 250 اسلامی بہنوں نے شرکت کی۔ مبلغۂ دعوتِ اسلامی نے سنّتوں بھرابیان کیا اور اسلامی بہنوں کوغسلِ میت کے طریقے سے متعلق آگاہی فراہم کی۔ اس موقع پر 250 اسلامی بہنوں نے تربیت حاصل کی اور ٹیسٹ کے لئے نام بھی لکھوائے۔

اسلامی بہنوں کی مجلس کفن دفن کے تحت 6 دسمبر 2019ء کو یوکے کی زون سطح  کفن دفن ذمہ دار اسلامی بہنوں کا بذریعہ انٹر نیٹ مدنی مشورہ ہواجس میں مجلس بیرونِ ملک کی کفن دفن نگران اسلامی بہن نے ماہانہ رپوٹ کا فالواپ کیا اورآئندہ کے اہداف طے کئے ۔

دعوتِ اسلامی کے تحت 4دسمبر2019ء کو جنوبی لاہور زون کے علاقے واپڈاٹاؤن میں ہفتہ وارسنّتوں بھرے اجتماع کا انعقاد کیا گیا جس میں  مقامی اسلامی بہنوں نے شرکت کی۔ لاہور ریجن نگران اسلامی بہن نے سنّتوں بھرا بیان کیا ۔ بیان کے اختتام پر لاہور ریجن نگران اسلامی بہن نے 26 منٹ کے مدنی حلقے میں ذمہ داراسلامی بہنوں کو مدنی کاموں میں شرکت کا ذہن دیا گیا۔

دعوتِ اسلامی کے تحت 5دسمبر2019ء کو شاہ پور کابینہ کی ڈویژن نگران مدنیہ اسلامی بہن نےشاہ پور علاقہ میں 12 دن پرمشتمل ”فیضان انوارالفرقان“کورس کا آغاز کیا جس میں اسلامی بہنوں نے بہت ذوق و شوق سے شرکت کی اور ڈھیروں برکتیں حاصل کیں۔

05 دسمبر 2019ء کو گلشن اقبال کابینہ میں دعوتِ اسلامی کی ذمہ دار اسلامی  بہنوں نے مجلس کفن دفن کی کابینہ نگران اسلامی بہن اور ڈویژن نگران اسلامی بہن کے ہمراہ امِ حر کے گھر ان کے بچوں کی امی کے انتقال پر تعزیت کی اور مرحومہ کے لئے دعائے مغفرت کی۔