پیارے پیارے اسلامی بھائیوں انبیاء کرام اللہ پاک کے وہ خاص بندے ہیں جنہوں نے دین کی تبلیغ کرنے کے لیے بہت سی انذ یتے اور تکلیفیں جھیلی اور ان پر صبر و تحمل بھی کیا اور ایسا صبر جس کے قائم مقام کسی نے صبر نہیں کیا حضرت ایوب علیہ السلام نے بھی بہت سی تکلیفیں چھیلی اور ان پر صبر کیا آپ علیہ السلام حضرت اسحاق علیہ السلام کی اولاد میں سے ہے۔ آئیے آپ علیہ السلام کا تذکرہ خیر پڑھتے ہیں :

(1) ہم نیک لوگوں کو بدلہ دیتے ہیں: وَ اَیُّوْبَ وَ یُوْسُفَ وَ مُوْسٰى وَ هٰرُوْنَؕ-وَ كَذٰلِكَ نَجْزِی الْمُحْسِنِیْنَ (84)الانعام ۔  ترجمۂ کنز العرفان : اور ایوب اور یوسف اور موسیٰ اور ہارون کو(ہدایت عطا فرمائی) اور ایسا ہی ہم نیک لوگوں کو بدلہ دیتے ہیں۔

(2) یہ ہمارے خاص بندے ہیں : كُلٌّ مِّنَ الصّٰلِحِیْنَ(85) الانعام  ترجمۂ کنز العرفان: یہ سب ہمارے خاص بندوں میں سے ہیں ۔

(3) تو رحم والا ہے: وَ اَیُّوْبَ اِذْ نَادٰى رَبَّهٗۤ اَنِّیْ مَسَّنِیَ الضُّرُّ وَ اَنْتَ اَرْحَمُ الرّٰحِمِیْنَ الانبیا (83)  ترجمۂ کنز العرفان:اور ایوب کو (یاد کرو) جب اس نے اپنے رب کو پکارا کہ بیشک مجھے تکلیف پہنچی ہے اور تو سب رحم کرنے والوں سے بڑھ کر رحم کرنے والا ہے۔

(4)زمین پر اپنا پاوں ماریں: اُرْكُضْ بِرِجْلِكَۚ-هٰذَا مُغْتَسَلٌۢ بَارِدٌ وَّ شَرَابٌ(ص آیت42)  ترجمۂ کنز العرفان: ۔ (ہم نے فرمایا:) زمین پر اپنا پاؤں مارو۔یہ نہانے اور پینے کیلئے پانی کا ٹھنڈا چشمہ ہے۔

(5) آپ علیہ السلام کو صبر کرنے والا پایا : وَ خُذْ بِیَدِكَ ضِغْثًا فَاضْرِبْ بِّهٖ وَ لَا تَحْنَثْؕ-اِنَّا وَجَدْنٰهُ صَابِرًاؕ-نِعْمَ الْعَبْدُؕ-اِنَّهٗۤ اَوَّابٌ( ص آیت44)  ترجمۂ کنز العرفان اور (فرمایا) اپنے ہاتھ میں ایک جھاڑو لے کر اس سے مار دو اور قسم نہ توڑو۔ بے شک ہم نے اسے صبر کرنے والا پایا ۔وہ کیا ہی اچھا بندہ ہے بیشک وہ بہت رجوع لانے والا ہے۔

رب تعالیٰ اپنے محبوب بندوں کو ان کے دین کے مطابق آزمائش میں مبتلا فرماتا ہے اور یہ آزمائش ناراضی نہیں بلکہ اللہ پاک کی بارگاہ میں عزت و قرب اور بلندیِ درجات کی دلیل ہوتی ہے۔ رب تعالیٰ کے سب سے محبوب و مقربین بندے چونکہ انبیائے کرام علیہمُ السّلام ہوتے ہیں اس لئے ان پر آزمائش بھی سب سے زیادہ آتی ہے۔ پھر توفیقِ الٰہی سے حضراتِ انبیائے کرام علیہمُ السّلام کا ان آزمائشوں پر صبر و رضا کا دامن تھامنا تمام بنی نوع انسان کو زندگی گزارنے کا سلیقہ سکھاتا ہے۔ ان مبارک ہستیوں کی زندگیاں ہوتی ہی کامل اُسوۂ حسنہ ہیں۔ قراٰنِ مجید میں جن کی آزمائش کے واقعات بیان کئے گئے ہیں ان میں سے ایک حضرت ایوب علیہ السّلام بھی ہیں۔

آپ کا نامِ مبارک ”ایوب“ ہے اور آپ حضرت ابراہیم علیہ السّلام کی آل پاک سے ہیں۔ آپ کو اللہ پاک نے تمام انواع و اقسام کے کثیر اموال سے جن میں باندی، غلام، مویشی دیگر جانور اور وسیع و عریض زمین کے علاوہ کئی بیویاں اور کثیر اولاد سے نوازا تھا۔(دیکھئے:سیرت الانبیاء، ص477)

آپ کا ذکرِ خیر قراٰنِ مجید میں کئی مقامات پر کیا گیا ہے، آپ کو اللہ پاک نے بے شمار نعمتوں، احسانات اور اوصافِ حمیدہ سے نوازا ہے۔ آئیے قراٰنِ مجید فرقانِ حمید کی روشنی میں آپ کی قراٰنی صفات کے بارے میں جانتے ہیں:

(1)مصائب و آلام پر بے حد صبر کرنے والے: ﴿اِنَّا وَجَدْنٰهُ صَابِرًاؕ-﴾ ترجَمۂ کنزُالایمان: بے شک ہم نے اسے صابر پایا۔(پ 23، صٓ: 44)

آپ علیہ السّلام کی آزمائش جس قدر شدید ہوتی گئی، صبر و استقامت میں بھی اسی قدر اضافہ ہوتا گیا۔ مفتی قاسم صاحب لکھتے ہیں: جب آپ کے تمام اموال ختم ہو گئے، مویشی و چوپائے سب مر گئے، آپ بھی شدید مرض میں مبتلا کئے گئے، سب ختم ہو جانے کے بعد بھی آپ کا مقدس طرزِ عمل یہ تھا کہ جب کوئی آپ کو ان چیزوں کے ہلاک ہونے کی خبر دیتا تو آپ اللہ پاک کی حمد بجا لاتے اور فرماتے تھے: میرا کیا ہے! جس کا تھا اس نے لے لیا، جب تک اس نے مجھے دے رکھا تھا میرے پاس تھا، جب اس نے چاہا لے لیا، اس کا شکر ادا ہو ہی نہیں سکتا اور میں اس کی مرضی پر راضی ہوں۔ (دیکھئے: سیرت الانبیاء، ص479، 480)

(2)بہت ہی اچھے بندے: ﴿نِعْمَ الْعَبْدُؕ-﴾ ترجَمۂ کنزُ الایمان: کیا اچھا بندہ۔(پ23، صٓ: 44) سیرت الانبیاء میں ہے کہ آپ مسکینوں پر رحم کرتے، یتیموں کی کفالت فرماتے، بیواؤں کی امداد کرتے مہمانوں کے ساتھ عزت و تکریم اور خندہ پیشانی سے پیش آتے تھے۔ (سیرت الانبیاء، ص 478)

(3)بہت رجوع لانے والے: ﴿ اِنَّهٗۤ اَوَّابٌ(۴۴)﴾ ترجَمۂ کنزُ الایمان: بے شک وہ بہت رجوع لانے والا ہے۔(پ 23، صٓ: 44) اللہ اکبر! آپ کے مبارک اوصاف میں اللہ پاک نے واضح فرمایا کہ ہم نے اسے صابر پایا۔ اعلیٰ حضرت امامِ اہلِ سنّت امام احمد رضا خان رحمۃُ اللہِ علیہ فرماتے ہیں: حضرت ایوب علیہ السّلام کتنے عرصہ تک مصیبت میں مبتلا رہے اور صبر بھی کیسا جمیل فرمایا! جب اس سے نجات ملی عرض کیا: الٰہی! میں نے کیسا صبر کیا؟ ارشاد ہوا: اور توفیق کس گھر سے لایا؟ حضرت ایوب علیہ الصّلوٰۃ والسّلام نے عرض کیا: بے شک اگر تو توفیق نہ عطا فرماتا تو میں صبر کہاں سے کرتا ؟(ملفوظات اعلیٰ حضرت، ص 460)

معلوم ہوا کہ اللہ پاک کی توفیق سے ہی سارے کام بنتے ہیں۔ ہمیں بھی چاہئے کہ آزمائش آ جانے پر رب تعالیٰ کی نعمتوں کو یاد کریں، اس کی حمد بجا لائیں، ناشکری کے الفاظ نہ لائیں بلکہ شکر ادا کریں کہ ضرور اس میں ہمارے لئے بہتری کا سامان ہو گا۔ ہمارے واویلا اور شور کرنے سے آزمائش ختم نہیں ہو گی بلکہ بارگاہِ الٰہی میں رجوع کرنے سے کام بنے گا۔ بس اللہ پاک اپنے فضل و کرم سے ہمیں توفیق عطا فرمائے۔ ان مبارک ہستیوں کی سیرت کے مطالعہ سے بھی صبر کا درس ملتا ہے، انسان قدرتی طور پر طاقت محسوس کرتا ہے۔ اس لئے ان کی سیرت کو خوب پڑھنا چاہئے۔ انبیائے کرام کی سیرت کے متعلق مزید جاننے کیلئے مکتبۃ المدینہ کی کتاب ”سیرت الانبیاء“ کا مطالعہ کیجئے۔

دعوتِ اسلامی کے تحت اسٹچفورڈ  برمنگھم یوکے میں قائم مدنی مرکز فیضانِ مدینہ سے ذمہ داران نے اسلامی بھائیوں کے ہمراہ راہِ خدا عزوجل میں 3 دن (21، 22، 23 جون 2024ء)کے مدنی قافلے میں سفر کیا جوکہ مقامی مدینہ مسجد میں قیام پذیر ہوا۔

شرکائے مدنی قافلہ نے مختلف دینی ایکٹیویٹیز میں حصہ لیا جن میں مسجد درس، چوک درس، علاقائی دورہ برائے نیکی کی دعوت، سیکھنے سکھانے کے حلقے اور دیگر چیزیں شامل تھیں۔

اس دوران امیرِ قافلہ محمد عتیق عطاری نے شرکائے مدنی قافلہ کی تربیت و رہنمائی کرتے ہوئے انہیں دعوتِ اسلامی کے دینی ماحول سے منسلک رہنے اور دینی کاموں میں حصہ لینے کا ذہن دیا جس پر انہوں نے اگلے مہینے جولائی 2024ء کے مدنی قافلے میں سفر کرنے کی اچھی اچھی نیتیں کیں۔(رپورٹ: عتیق عطاری برمنگھم ریجن یوکے، کانٹینٹ:غیاث الدین عطاری)

7 جنوری 2024ء کو دعوتِ اسلامی کی مرکزی مجلسِ شوریٰ کے نگران مولانا حاجی محمدعمران عطاری سلمہ الباری دینی کاموں کے سلسلے میں سویڈن کے دورے پر تھے جہاں انہوں نے ذمہ داران کو ”فیضانِ قراٰن کلچرل سینٹر“ بنانے کا ہدف دیا تھا۔

اس ہدف کو پورا کرنے کے لئے دعوتِ اسلامی کے تحت سویڈن کے ذمہ دار اسلامی بھائیوں نے بھرپور کوششیں کیں جس کی بدولت 5 ماہ کے قلیل عرصے میں 8 جون 2024ء کو مالمو شہر میں ” فیضانِ قرآن کلچرل سینٹر“ کا افتتاح کردیا گیا ہے۔

اس موقع پر عاشقانِ رسول کی دینی تحریک دعوتِ اسلامی کے زیرِا ہتمام ایک افتتاحی تقریب منعقد ہوئی جس میں مقامی عاشقانِ رسول نے کثیر تعداد میں شرکت کرنے کی سعادت حاصل کی۔

دارالمدینہ انٹرنیشنل یونیورسٹی پریس  کی سیکنڈری کلاسز کی 11 کتابیں پاکستان کے قومی نصاب کے تحت منظور ہوچکی ہیں ۔ ان میں اسلامیات کی درسی کتب کا سلسلہ راہ اسلام ، روشن سفر اردو سلسلہ ، Unique Mathematics اورSmart ICTکی کتابیں شامل ہیں ۔

واضح رہے کہ پاکستان میں قومی نصاب (National Curriculum)کے نفاذ کے بعد پچھلے سالوں میں دارالمدینہ انٹرنیشنل یونیورسٹی پریس کی پری پرائمری اور پرائمری کی 70نصابی کُتُب پنجاب کریکولم اینڈ ٹیکسٹ بک بورڈ(PCTB) سے منظور ہوچکی ہیں۔ ان میں اُردو خوش خطی، واقفیت عامہ اور Dynamics English کی کتابیں بھی شامل ہیں نیزیہ درسی کتابیں دیدہ زیب ٹائٹل،معیاری کاغذاور عمدہ طباعت سے مزین ہیں۔

دارالمدینہ انٹرنیشنل اسلامک ایجوکیشن سسٹم کا ایک اہم ڈیپارٹمنٹ دارالمدینہ انٹرنیشنل یونیورسٹی پریس گزشتہ سالوں میں 150سے زائد درسی کتابیں شائع کرچکا ہے۔ یہ کتابیں دارالمدینہ انٹرنیشنل اسلامک اسکول سسٹم اور فیضان اسلامک اسکول سسٹم کے علاوہ دیگر پرائیویٹ تعلیمی اداروں میں بھی پڑھائی جارہی ہیں۔

ان درسی کتابوں کی تیار ی میں بچوں کی نفسیات اور ان کی ذہنی سطح کو ملحوظ رکھا گیا ہے۔ طلبہ کی ذہنی اور جسمانی نشوونما کی بہتری کے لئے دینی، اخلاقی ،ذہنی ، تعلیمی ،ادبی اور جسمانی سرگرمیاں خصوصیت کے ساتھ شامل کی گئی ہیں ۔

مذکورہ کتابوں کی ایک خاص بات یہ ہے کہ ماہرین کی زیرِ نگرانی تیار ہونے کے بعد علما بورڈ ان تمام کُتُب پر نظر ثانی کرتا ہے جس میں ان کُتُب کو عقائد، کفریہ عبارات، اخلاقیات اورفقہی مسائل وغیرہ کے حوالے سے حتی الامکان چیک کیا جاتا ہے اور اس بات کا بغور جائزہ لیا جاتا ہے کہ ان کُتُب کا متن ،تصاویراور کوئی بھی سرگرمی اسلامی تعلیمات و روایات کے منافی نہ ہوں۔

دعوتِ اسلامی کے مدنی مرکز فیضانِ مدینہ فیصل آباد میں پچھلے دنوں مدرسۃ المدینہ بوائز (فیصل آباد ڈویژن) کے تحت سنتوں بھرا اجتماع منعقد ہوا جس میں ڈویژن ذمہ دار، ناظمین، مدرسین اور اسٹاف کے دیگر اسلامی بھائیوں کی شرکت ہوئی۔

مدنی مشورے کی ابتدا میں رکنِ مرکزی مجلسِ شوریٰ و نگرانِ پاکستان مشاورت حاجی محمد شاہد عطاری نے ڈسٹرکٹ وائز 12 دینی کاموں کی کارکردگی (جنوری تا مئی 2024ء) کا جائزہ لیتے ہوئے نمایاں کارکردگی پر حاضرین میں تحائف تقسیم کئے۔

اس کے علاوہ شعبے سے متعلق کلام کرتے ہوئے نگرانِ پاکستان مشاورت نے دیگر مختلف موضوعات پر اسلامی بھائیوں کی ذہن سازی کی اور انہیں مدنی پھولوں سے نوازا۔

فیصل آباد میں قائم مدنی مرکز فیضانِ مدینہ میں دعوتِ اسلامی کے تحت  فیڈبیک ڈیپارٹمنٹ کے ذمہ داران کا 22 جون 2024ء کو مدنی مشورہ منعقد ہوا جس میں نگرانِ پاکستان مشاورت آفس مولانا حاجی عمر عطاری مدنی اور ڈیپارٹمنٹ کے HOD مولانا نواز عطاری مدنی شریک ہوئے۔اس دوران جن موضوعات پر مشاورت ہوئی اُن میں سے بعض درج ذیل ہیں:

٭فیڈبیک ڈیپارٹمنٹ کے تحت ہونے والے تمام کاموں کا جائزہ٭ CMS ایپلی کیشن کی کرنٹ رپورٹ٭ذیلی فیڈبیک شعبہ جات کی رپورٹ٭شعبہ جات سے متعلق فالواپ کے مدنی پھولوں کی کرنٹ رپورٹ٭مجموعی طور پر فالو اپ کے تمام مدنی پھولوں کی رپورٹ۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے حاضرین سے گفتگو کرتے ہوئے ڈیپارٹمنٹ کی سابقہ کارکردگی کا جائزہ لیا اور انہیں مدنی پھولوں سے نوازا۔

بعدازاں مدنی مشورے میں شریک تمام ذمہ دار اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔ (رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دینِ متین کی خدمت کرنے والی عاشقانِ رسول کی دینی تحریک دعوتِ اسلامی کے تحت 14 جون 2024ء کو کینٹربری کاؤنسل نگران اور شعبہ مشاورتیں کی اسلامی بہنوں کا مدنی مشورہ منعقد ہوا۔

اس مدنی مشورے میں ذمہ دار اسلامی بہن نے ابتداءً مدنی پھول برائے دعائے صحت اجتماع کے حوالے سے گفتگو کی اور منسلک اسلامی بہنوں کا ڈیٹا انٹری کرنےکا ذہن دیا۔

اسی طرح ذمہ دار اسلامی بہن نے شرکا کو نیو اسٹرکچر کے مدنی پھول بتاتے ہوئے رسالہ کارکردگی بڑھانے کی ترغیب دلائی نیز 2024ء کے اہداف اور اپریل 2024ء تک کی کارکردگی کا جائزہ بھی لیا۔ 

خدمتِ دینِ کا جذبہ رکھنے والی عاشقانِ رسول کی دینی تحریک دعوتِ اسلامی کے تحت 13 جون 2024ء کو بیرونِ ملک ذمہ دار اسلامی بہنوں کی میٹنگ ہوئی جس میں کینٹربری ٹاؤن کاؤنسل نگران و شعبہ مشاورتیں، اوبرن ٹاؤن کاؤنسل نگران و شعبہ مشاورتیں اور بلیک ٹاؤن کاؤنسل نگران و شعبہ مشاورتیں کی اسلامی بہنیں شریک ہوئیں۔

اس موقع پر جن موضوعات پر کلام کیا گیا وہ درج ذیل ہیں:

٭کارکردگی شیڈول پُر کرنا٭شعبہ جات سے کارکردگی لےکر 8 دینی کام میں انٹر کرنا٭شعبے اور ریجن نگران کی کارکردگی ٭ذیلی سطح کی کارکردگی٭فنانس ڈونیشن کی کارکردگی٭انفرادی مدنی مشوروں کی کارکردگی اور اُن کی تاریخ۔

12 جون 2024ء کو عاشقانِ رسول کی دینی تحریک دعوتِ اسلامی کے تحت ایک مدنی مشورہ  منعقد ہوا جس میں ملک مشاورت کی ذمہ دار اسلامی بہنوں سمیت دیگر اہم ذمہ داران نے شرکت کی۔

دورانِ مدنی مشورہ مختلف موضوعات پر گفتگو کی گئی جن میں سے بعض درج ذیل ہیں:

٭شعبہ جات کی کارکردگیوں کا جائزہ٭وقت پر اپنی نگران اسلامی بہن کو کارکردگیاں جمع کروانا٭نیو کورسز کے شیڈول٭ہفتے میں 3 دن مدرسۃ المدینہ بالغات کے درجات لگانا٭فیضانِ ویک اینڈ اسلامک اسکول شروع کروانا٭فنانس، ڈونیشن بکس اور مکتبۃ المدینہ ڈیپارٹمنٹس کے حوالے سے چند اہم نکات٭شیڈول کے مطابق دینی کام کرنا۔

امتِ مسلمہ کی خیرخواہی کرنے اور انہیں اسلامی تعلیمات کے بارے میں آگاہی دینے والی عاشقانِ رسول کی دینی تحریک دعوتِ اسلامی کے تحت 10 جون 2024ء کو میلبرن کی ذمہ دار اسلامی بہنوں کا مدنی مشورہ ہوا۔

نگرانِ میلبرن اسلامی بہن نے دینی کاموں کے حوالے سے گفتگو کرتے ہوئے ذمہ داران سے ”فیضانِ حج و عمرہ کورس“ کا فیڈبیک لیا جبکہ آئندہ دنوں ”طہارت کورس“ ، ”نیو مسلم کورس“ اور ”آیئے دینی کام سیکھئے کورس“ کروانے کا ذہن دیا۔

اس کے علاوہ نگرانِ میلبرن نے دیگر کاؤنسلز میں اسلامی بہنوں کے درمیان سنتوں بھرے اجتماعات منعقد کرنے کی ترغیب دلائی جس پر انہوں نے اچھی اچھی نیتیں کیں ۔

عالمی سطح کی دینی تحریک دعوتِ اسلامی کے تحت 7 جون 2024ء کو لیور پول کاؤنسل نگران اور شعبہ مشاورت کی اسلامی بہنوں کا مدنی مشورہ منعقد کیا گیا جس میں 8 دینی کاموں کے حوالے سے کلام کیا گیا۔

ابتداءً ذوالحجۃ الحرام کے مدنی پھولوں پر گفتگو ہوئی جبکہ ذمہ دار اسلامی بہنوں نے علاقائی دورہ برائے نیکی کی دعوت ، 8 دینی کام 2024ء کے اہداف اور اپریل 2024ء کا تقابلی جائزہ لیا۔

بعدازاں ذمہ دار اسلامی بہنوں نے نئے مقامات پر دعوتِ اسلامی کے تحت سنتوں بھرے اجتماعات منعقد کروانے کے حوالے سے مشاورت کی جس پر تمام شرکا نے اچھی اچھی نیتیں کیں۔