دعوتِ اسلامی کے شعبہ شارٹ کورسز کے زیرِ اہتمام گزشتہ دنوں ہند ممبئی ریجن  حیدرآباد زون اور پونے زون میں کفن دفن تربیتی سیشن کا انعقاد ہوا جس میں مقامی اسلامی بہنوں نے شرکت کی۔

تربیتی سیشن کے بعد ٹیسٹ مجلس کے ذریعے اسلامی بہنوں کے فائنل ٹیسٹ کا سلسلہ بھی رہا جس میں ممبئی ریجن کی4اسلامی بہنوں نے بہتر کیفیت سے کامیابی کی سعادت حاصل کی۔

دعوتِ اسلامی کے زیرِ اہتمام 31 جولائی 2021ء  کو گورنر ہاؤس سندھ میں ایک  میٹ اَپ رکھا گیا جس میں گورنر سندھ عمران اسماعیل اور دیگرشخصیات سمیت میڈیا کے نمائندگان نے شرکت کی۔

اس موقع پر ترجمان دعوتِ اسلامی و رکن شوریٰ مولاناحاجی عبدالحبیب عطاری اورمجلسِ رابطہ کے محمدیوسف سلیم عطاری نے دعوتِ اسلامی کی شجر کاری مہم سے متعلق حاضرین کوآگاہی فراہم کی۔

مولانا عبدالحبیب عطاری نے گورنر سندھ کے ہمراہ گورنر ہاؤس میں شجرکاری کرتے ہوئے پودے بھی لگائے۔

واضح رہےکہ دعوتِ اسلامی کی جانب سے یکم اگست 2021ء کو Plantation Day منایا گیاجس میں کراچی کے علاوہ پورے پاکستان میں ہزاروں پودے لگائے گئے۔ کراچی میں کورونا کی بڑھتی ہوئی صورتِ حال کے پیشِ نظر شجرکاری کو مؤخر کردیا گیا۔ اگلی تاریخ کا اعلان جلد کیاجائے گا۔ 

وباؤں، مصیبتوں اور امراض سے متعلق اسلام کی روشن تعلیمات  پر مشتمل رسالہ

کورونا وائرس اور دیگر وبائیں

مصنف : مولانامحمد ناصر جمال عطاری مدنی

سینئر اسکالر المدینۃ العلمیہ(اسلامک ریسرچ سینٹر، دعوتِ اسلامی)

اِس رسالے کی چندخصوصیات:

٭دیدہ زیب ودلکش سرورق(Title)وڈیزائننگ(Designing) ٭عصرحاضرکے تقاضوں کے پیش نظرجدید کمپوزنگ وفارمیشن ٭عبارت کے معانی ومفاہیم سمجھنے کےلئے ’’علامات ترقیم ‘‘(Punctuation Marks) کا اہتمام ٭تقریباً ہرآیت مبارکہ میں ترجمہ ٔکنزالایمان کا التزام ٭پڑھنے والوں کی دلچسپی برقرار رکھنے کے لئے عنوانات (Headings) کا قیام ٭فکرِآخرت پرمشتمل اِصلاحی موادکی شمولیت ٭قراٰنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، احادیث ودیگر عبارات کےحوالوں(References) کا خاص اہتمام ٭جن کتب کا حوالہ دیا گیا ہے ان کے مصنفین، مکتبوں اورشہرطباعت کی ’’ماخذومراجع‘‘میں تفصیل ٭پورےرسالے کی دارالافتاء اَہلِ سنت کے مفتیانِ کرام سے شرعی تفتیش ٭اَغلاط کوکم سے کم کرنے کےلئے مکمل رسالےکی کئی بار پروف ریڈنگ

67صفحات پر مشتمل یہ رسالہ2020ء میں اردو زبان میں تقریبا20ہزار کی تعداد میں چھپ چکاہے جبکہ اس رسالے کا عربی،ہندی، بنگلہ اور گجراتی زبان میں بھی ترجمہ کیا گیا ہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

دعوت اسلامی کےشعبہ تعلیم کے ذمہ داران نے جنگلات کے حوالے سے ایگریکلچر یونیورسٹی فیصل آباد میں پروفیسر ڈاکٹر عرفان اور ڈاکٹر کاشف سے ملاقات کی۔

ذمہ داران نے شعبہ FGRF کے تحت یکم اگست 2021ء کو شروع ہونے والی شجر کاری مہم پر بریفنگ دی اور یونیورسٹی میں پودے لگانے کی ترغیب دلائی۔ڈاکٹر عرفان اور ڈاکٹر کاشف نے پودے لگانے کے حوالےسے اپنے تاثرات بھی دیئے۔

دعوت اسلامی کے شعبہ تعلیم کے ذمہ داران نے شجر کاری کے حوالے سے Director Colleges Sahiwal Division سے ملاقات کی۔

ذمہ داران نے انہیں شجرکاری کے متعلق بریفنگ دی جبکہ ساہیوال کے 19 بڑے اداروں میں شجر کاری کے حوالے سے اجازت طلب کی۔آخر میں Director Sahiwalنے شجر کاری مہم پر اچھے تاثرات دیئے اور خوشی کا اظہار کیا۔

دعوت اسلامی کے شعبہ رابطہ برائے تاجران کے ذمہ دار نے داتا صاحب کابینہ میں انار کلی بازار کے صدر اور چیئرمین سے ملاقات کی۔

ذمہ داراسلامی بھائی نے انہیں 12 دن کے مدنی قافلے میں سفر کرنے کی دعوت دی اور یکم اگست 2021ء کو ہونے والی شجر کاری مہم میں حصہ ملانے کی ترغیب دلائی جس صدر اور چیئرمین نے اپنی نیک نیت کا اظہار کیا۔

 دعوتِ اسلامی کے شعبہ مدرسۃ المدینہ (اسلامی بہنوں کےلئے) کے تحت پاکستان میں 3 دن پرمشتمل آن لائن ناظرہ قراٰن کورس کی مدرسات کی تربیت کاسلسلہ ہوا جس میں تقریبا 30 اسلامی بہنوں نے تربیت حاصل کی ۔

اس کورس میں معاون مفتشات کے ذریعے تربیت کی گئی جس میں پہلے دن مدنی قاعدہ کورس کروانےکےحوالےسے تربیت کی گئی، دوسرے دن ناظرہ قراٰن کورس کے حوالے سے اہم مدنی پھول دیئے گئےجبکہ تیسرے دنکورس جدول کے حوالے سے نکات بتائے گئے ۔مزید ایک مُدرسہ کو کیسا ہونا چاہیے اس پر بھی نکات دیئے۔

دعوت اسلامی کے شعبہ رابطہ برائے تاجران پاکستان کے نگران محمد ندیم عطاری نے دیگر ذمہ داران کے ہمراہ سروس انڈسٹری کے G.M سے ملاقات کی۔ محمد ندیم عطاری نے انہیں شجر کاری مہم کے متعلق بریفنگ دی جس پر G.M صاحب نے یہ نیت کی کہ سروس انڈسٹری کی پوری ٹیم یکم اگست 2021ء کو شجر کاری مہم میں دعوت اسلامی کا ساتھ دے گی۔(رپورٹ: شعبہ رابطہ برائے تاجران)

دعوتِ اسلامی کے شعبہ ڈونیشن بکس للبنات کے تحت 29 جولائی 2021ء بروز  جمعرات کو فیصل آباد ریجن اور ملتان ریجن میں بذریعہ انٹرنیٹ مدنی مشوروں کاسلسلہ ہواجن میں زون ذمہ داراسلامی بہنوں نے شرکت کی ۔

پاکستان ڈونیشن بکس کی ذمہ دار اسلامی بہن نے ماہانہ کارکردگی اور کارکردگی شیڈول کا جائزہ لیا اور شعبے کےدینی کاموں کےحوالے سے اَپڈیٹ نکات بتائےنیز گھریلو صدقہ بکس رکھنے کےحوالےسے تبادلہ کیا ۔مزیدشعبے کےنظام میں بہتری لانے سےمتعلق مدنی پھول بھی دیئےجس پر اسلامی بہنوں نے اچھی اچھی نیتیں پیش کیں۔

دعوت اسلامی کے شعبہ رابطہ برائے تاجران پاکستان کے نگران محمد ندیم عطاری نے شاہ عالم مارکیٹ لاہور کا دورہ کیا جہاں انہوں نے انجمن تاجران لاہور کے صدر مجاہد مقصود بٹ سے ملاقات کی۔

محمد ندیم عطاری نے شجر کاری مہم میں شرکت کرنے کی دعوت دی جس پر صدر مجاہد مقصود نے یکم اگست 2021ء کو Plantation میں مارکیٹ کے تمام صدر سمیت لاہور چیمبر آف کامرس ک-ے ممبران کو شرکت کروانے کی نیت کی۔ (رپورٹ: شعبہ رابطہ برائے تاجران)

دعوتِ اسلامی کے شعبہ رابطہ برائے شخصیات للبنات کے تحت گزشتہ دنوں  جوہر ٹاؤن اور واہ کینٹ کابینہ کےعلاقہ عمر فاروق میں مدنی مشوروں کا انعقاد ہوا جن میں زون تا ڈویژن سطح کی ذمہ دار اسلامی بہنوں نے شرکت کی۔

پاکستان سطح کی ذمہ دار اسلامی بہن نے سفری جدول اور دو سطح تک بذریعہ کال مدنی مشورہ لینےکاذہن دیانیز ہفتہ وار سنتوں بھرے اجتماع میں شرکت کرنےاور دیگر دینی کاموں پر عمل کرنےکی دعوت دی ۔مزید تقرریاں مکمل کرنے کی ترغیب دلاتےہوئےشعبہ کی ترقی کے حوالے سے مدنی پھول پیش کئےجس پر ذمہ دار اسلامی بہنوں نے اچھی اچھی نیتوں کا اظہار کیا۔

پچھلے دنوں دعوت اسلامی کے شعبہ تحفظ اوراق مقدسہ کے تحت مدنی مرکز فیضان مدینہ  جھنگ سٹی میں مدنی مشورہ ہوا جس میں جھنگ زون کے تمام ذمہ داران نے شرکت کی۔

نگران شعبہ تحفظ اوراق مقدسہ شاہ نواز عطاری، ریجن نگران ڈاکٹر عدنان عطاری اور نگران زون نے شعبے کے دینی کاموں کا آگے بڑھانے کے اہداف دیئے جبکہ ان تمام کاموں کو پایۂ تکمیل پہچانے کے لئے ٹیم بھی تشکیل دی۔ (رپورٹ: محمد عمران عطاری،رکن کابینہ)