دعوتِ اسلامی کے شعبہ تحفظِ اوراقِ مقدسہ کے تحت 29 جنوری 2026ء کو پنجاب کے شہر اوکاڑہ میں ایک مدنی مشورے کا انعقاد کیا گیا جس میں ڈویژن ذمہ دار اسلامی بھائیوں کی مختلف امور پر رہنمائی کی گئی۔

معلومات کے مطابق نگرانِ شعبہ مولانا افضل عطاری مدنی نے رمضان عطیات کے حوالے سے اہداف طے کئے اور امیرِ اہلِ سنت دامت بَرَکَاتُہمُ العالیہ کے فرمان پر عاشقانِ رسول سے شبِ براءت کے صدقات زیادہ سے زیادہ جمع کرنے کا ذہن دیا۔

اس کے علاوہ نگرانِ شعبہ نے 12 دینی کاموں کا جائزہ لیتے ہوئے آئندہ کے اہداف طے کئے اور نمایاں کارکردگی کے حامل اسلامی بھائیوں کو تحائف دیئے۔

آخر میں نگرانِ شعبہ نے ذمہ دار اسلامی بھائیوں سے قافلوں کی کارکردگی لی نیز ایک ماہ اور 10 دن کے اعتکاف کے لئے اسلامی بھائیوں کو تیار کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ: حافظ نسیم عطاری سوشل میڈیا ڈیپارٹمنٹ پاکستان شعبہ تحفظِ اوراقِ مقدسہ ، کانٹینٹ:غیاث الدین عطاری)

25 جنوری 2026ء کو دعوتِ اسلامی کے اسپیشل پرسنز ڈیپارٹمنٹ کے تحت گلشنِ اقبال بلاک 3، کراچی کی جامع مسجد فیضانِ عطار میں حاجی محمد عثمان مرحوم کے لئے ”ایصالِ ثواب اجتماع“ کا اہتمام کیا گیا جس میں اسپیشل پرسنز (گونگے، بہرے، نابینا اور معذور افراد)کے علاوہ عمومی اسلامی بھائیوں نے بھی شرکت کی۔

اجتماع کے آغاز میں معمول کے مطابق تلاوتِ قراٰن کی گئی اور نعت خواں اسلامی بھائی نے حضور نبیِ کریم صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کیا۔

تلاوت و نعت کے بعد مرکزی مجلسِ شوریٰ کے رکن حاجی منصور عطاری نے ”ایصالِ ثواب اور والدین کی خدمت“ کے موضوع پر بیان کیا جبکہ اس پورے اجتماع کی مبلغِ دعوتِ اسلامی نے اشاروں کی زبان میں ترجمانی کی ۔

لاہور، پنجاب میں قائم دعوتِ اسلامی کے مدنی مرکز  فیضانِ مدینہ جوہر ٹاؤن میں اسپیشل پرسنز ڈیپارٹمنٹ کے تحت پاکستان سطح کی میٹنگ ہوئی جس میں صوبائی اور ملکی سطح کے ذیلی شعبہ جات کے ذمہ دار اسلامی بھائیوں نے شرکت کی۔

میٹنگ کی ابتدا میں مرکزی مجلسِ شوریٰ کے رکن حاجی منصور عطاری نے سابقہ 3 ماہ کے دینی کاموں کا تفصیلی جائزہ لیا اور آئندہ 3 ماہ کے لئے اہداف طے کئے نیز PMS سافٹ ویئر کے حوالے سے ذمہ داران کا ٹریننگ سیشن بھی ہوا تاکہ دینی کاموں کو مزید مؤثر انداز میں آگے بڑھایا جاسکے۔

اسی طرح رکنِ شوریٰ نے مختلف شہروں میں اسپیشل پرسنز کے لئے اشاروں کی زبان میں نمازِ جمعہ کے حلقے، اسپیشل پرسنز کے سحری اجتماعات اور رمضانُ المبارک میں اسپیشل پرسنز کے اعتکاف کے اہداف پر بھی ذمہ داران کی رہنمائی کی جس پر تمام ذمہ دار اسلامی بھائیوں نے اپنے اپنے علاقوں میں دینی کاموں کی ترقی کے لئے بھرپور انداز میں کوشش کرنے کی اچھی اچھی نیتیں کیں۔

آخر میں رکنِ شوریٰ حاجی منصور عطاری نے وہاں موجود ذمہ داران کے درمیان تحائف تقسیم کئے اور اختتامی دعا بھی کروائی۔(رپورٹ: محمد عمیر ہاشمی عطاری نگرانِ اسپیشل پرسنز ڈیپارٹمنٹ ، کانٹینٹ:غیاث الدین عطاری)

رشتے داروں سے صلہ رحمی کرنا، اُن کے ساتھ اچھے اخلاق سے پیش آنا اور اُن کے ساتھ قطع تعلق نہ کرنا اسلام کی تعلیمات میں سے ہے  اور پیارے آقا صلَّی اللہ علیہ واٰلہٖ وسلَّم سے بھی یہی ثابت ہے کہ آپ صلَّی اللہ علیہ واٰلہٖ وسلَّم اپنے رشتہ داروں کے ساتھ حسنِ سلوک کیا کرتےتھے۔

رشتہ داروں سے قطع تعلق کے بارے میں عاشقانِ رسول کی رہنمائی کرنے اور اُن کے علم میں اضافہ کرنے کے لئے شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ نے اس ہفتے 20 صفحات کا رسالہ ”رشتے داری کاٹنا حرام ہے“ پڑھنے / سننے کی ترغیب دلائی ہے اور پڑھنے / سننے والوں کو اپنی دعاؤں سے نوازا ہے۔

دعائے عطار

یا ربِّ کریم!جو کوئی 20 صفحات کا رسالہ:” رشتے داری کاٹنا حرام ہے “ پڑھ یا سُن لے اس کو ہمیشہ رشتہ داروں کے ساتھ اچھا سُلوک کرتے ہوئے اُن ہی کے ساتھ جنت الفردوس میں بےحساب داخلہ نصیب فرما۔اٰمین

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لئے نیچے دیئے گئے لنک پر کلک کیجئے:

Download

پاکستان بھر میں ہونے والی دعوتِ اسلامی کی ایکٹیویٹیز میں مزید بہتری لانے، ذمہ داران کی رہنمائی کرنے اور انہیں آئندہ کے اہداف کے بارے میں آگاہی دینے کے لئے وقتاً فوقتاً مدنی مشوروں، سیشنز اور سنتوں بھرے اجتماعات کا انعقاد کیا جاتا ہے۔

ذرائع سے ملنے والی معلومات کے مطابق دعوتِ اسلامی کے تحت سکھر، سندھ میں ”ذمہ داران کا سنتوں بھرا اجتماع“ ہونے جارہا ہے جس میں ذمہ داران کی تربیت و رہنمائی کے علاوہ دعوتِ اسلامی کے دینی کاموں میں درپیش مسائل کا حل بھی بتایا جائے گا۔

شرکائے اجتماع میں تمام صوبائی ذمہ داران، سکھر، جیکب آباد، لاڑکانہ کے ڈویژن تا یوسی سطح تک کے نگران و ذمہ داران، جامعۃالمدینہ و مدرسۃالمدینہ کے ناظمین اور سکھر سٹی کے ذیلی سطح تک کے نگران و ذمہ داران شامل ہیں۔

یہ اجتماعِ پاک 8 فروری 2026ء کورات تقریباً 8:30 بجے ہمدرد سوسائٹی، سکھر کی جامع مسجد گلزارِ حبیب میں شروع ہوگا جس میں خصوصی بیان مرکزی مجلسِ شوریٰ کے نگران مولانا حاجی محمد عمران عطاری سلمہ الباری فرمائیں گے۔

سکھر میں رہنے والے تمام ذمہ دار اسلامی بھائی اور دیگر عاشقانِ رسول اس اجتماع میں ضرور بالضرور شرکت کریں تاکہ دعوتِ اسلامی کے دینی کاموں کے متعلق نئی اپڈیٹس سے آگاہی ہو اور علمِ دین حاصل کرنے کا موقع بھی ملے۔

دعوتِ اسلامی کے تحت بیرونِ ممالک میں کی جانے والی دینی و فلاحی خدمات کے سلسلے میں مدنی مشورہ ہوا جس میں  مختلف اسٹیٹس کے نگران و ذمہ دار اسلامی بھائیوں نے شرکت کی۔

تفصیلات کے مطابق اس دوران مرکزی مجلسِ شوریٰ کے رکن حاجی خالد عطاری نے بیرونِ ممالک میں جاری دینی و فلاحی معاملات کا جائزہ لیتے ہوئے چند اہم نکات پر تبادلۂ خیال کیا۔

اس کے علاوہ رکنِ شوریٰ حاجی خالد عطاری نے ذمہ داران و نگران اسلامی بھائیوں کو آئندہ کے اہداف دیئے اور دینی و فلاحی معاملات میں مزید بہتری لانے کا ذہن دیا جس پر انہوں نے اچھی اچھی نیتیں کیں۔ 

دعوتِ اسلامی کے تحت  UK میں ہونے والے دینی و فلاحی کاموں کے سلسلے میں گزشتہ روز ایک میٹنگ ہوئی جس میں ایسٹ برمنگھم کے ذمہ دار اسلامی بھائیوں نے شرکت کی۔

ویسٹ مڈلینڈ ریجن UK کے نگران سیّد عمار عطاری نے ذمہ داران سے گفتگو کرتے ہوئے ایسٹ برمنگھم میں ہونے والی دعوتِ اسلامی کی ایکٹیویٹیز کا جائزہ لیا اور آئندہ کے اہداف طے کئے۔

اس دوران ایسٹ برمنگھم کے ذمہ دار اسلامی بھائیوں نے دعوتِ اسلامی کی ایکٹیویٹیز میں مزید بہتری لانے اور اس کے لئے مزید کوشش کرنے کی اچھی اچھی نیتیں کیں۔

ہری پور، صوبہ خیبرپختونخوا کے علاقے تلوکر ٹاؤن میں قائم مدرسۃالمدینہ بوائز میں پچھلے دنوں عاشقانِ رسول کی دینی تحریک دعوتِ اسلامی کے تحت ”دستارِ فضیلت اجتماع“ منعقد ہوا جس میں سرپرست حضرات اور دیگر اسلامی بھائیوں نے کثیر تعداد میں شرکت کی۔

ابتداءً تلاوتِ قراٰن کی گئی اور نعت خواں اسلامی بھائی نے پیارے آقا مکی مدنی مصطفیٰ صلَّی اللہ علیہ واٰلہٖ وسلَّم کی بارگاہ میں نعت شریف کا نذرانہ پیش کیا جس کے بعد نگرانِ ڈسٹرکٹ ساؤتھ لاہور حاجی عبد الرشید عطاری نے ”قراٰنِ پاک کے فضائل“ کے موضوع پر سنتوں بھرا بیان کیا۔

بعدازاں مدرسۃالمدینہ بوائز تلوکرٹاؤن، ہری پور سے حفظ و ناظرہ قراٰنِ پاک مکمل کرنے کی سعادت پانے والے کم و بیش 113 بچوں کی دستار بندی کی گئی اور انہیں اسناد پیش کی گئیں۔

پشاور، صوبہ خیبرپختونخوا کے علاقے گلبہار ٹاؤن کی جامع مسجد خانان میں دعوتِ اسلامی کے زیرِ اہتمام ”افطار اجتماع“ کا انعقاد کیا گیا جس میں مقامی اسلامی بھائیوں، ذمہ داران اور طلبۂ کرام کی کثیر تعداد نے شرکت کی۔

اجتماع کا باقاعدہ آغاز تلاوتِ کلامِ پاک و نعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مرکزی مجلسِ شوریٰ کے رکن حاجی یعفور رضا عطاری نےسنتوں بھرا بیان کیا۔

رکنِ شوریٰ نے اپنے بیان کے دوران حاضرین کی تربیت کرتے ہوئے انہیں دعوتِ اسلامی کے دینی کاموں میں حصہ لینے بالخصوص رمضان اعتکاف 2026ء میں شرکت کرنے کی ترغیب دلائی ۔

دعوتِ اسلامی ہر طبقے کے لوگوں کی اصلاح کرنے اور انہیں خدمتِ دین کا جذبہ دلانے والی عاشقانِ رسول کی دینی تحریک ہے جس کے تحت وقتاً فوقتاً مختلف سیشنز ہوتے رہتے ہیں۔

اسی سلسلے میں ایجوکیشن ڈیپارٹمنٹ دعوتِ اسلامی کے تحت 28 جنوری 2026ء کو ”کراچی یونیورسٹی“ میں ایک میٹ اپ ہوا جس میں پی ایچ ڈیز اور یونیورسٹی فیکلٹی حضرات نے شرکت کی۔

اس میٹ اپ میں خصوصی طور پر مرکزی مجلسِ شوریٰ کے رکن مولانا حاجی عبد الحبیب عطاری نے لیکچر دیا اور وہاں موجود تمام پی ایچ ڈیز اور یونیورسٹی فیکلٹی حضرات کی دینی اعتبار سے تربیت ورہنمائی کی۔

اسی طرح رکنِ شوریٰ نے حاضرین کو دعوتِ اسلامی کے دینی ماحول سے وابستہ ہونے اور دینی کاموں میں عملی طور پر حصہ لینے کی ترغیب دلائی جس پر انہوں نے اچھی اچھی نیتیں کیں۔

آج مؤرخہ 29 جنوری 2026ء بروز جمعرات دنیا بھر میں عاشقانِ رسول کی عالمگیر تحریک دعوتِ اسلامی کے زیرِ اہتمام ہفتہ وار سنتوں بھرے اجتماعات کا انعقاد کیا جائے گا۔ ان اجتماعات میں مختلف ممالک، شہروں اور علاقوں سے تعلق رکھنے والے اسلامی بھائی بڑی تعداد میں شرکت کریں گے۔

ہفتہ وار اجتماع کا آغاز تلاوتِ قرآنِ پاک اور نعتِ رسولِ مقبول صلَّی اللہ علیہ واٰلہٖ وسلَّم سے کیا جائے گا جس کے بعد اراکین شوریٰ و مبلغینِ دعوتِ اسلامی سنتوں بھرا بیان فرمائیں گے۔ بیان میں اصلاحِ اعمال، سنتوں پر عمل، دینی ذمہ داریوں کی ادائیگی، عشقِ رسول صلَّی اللہ علیہ واٰلہٖ وسلَّم اور معاشرتی اصلاح جیسے اہم موضوعات پر روشنی ڈالی جائے گی۔ اجتماعات میں شریک اسلامی بھائیوں کو نمازوں کی پابندی، اخلاقِ حسنہ اپنانے، والدین کی اطاعت، معاشرے میں امن و محبت کے فروغ اور دعوتِ اسلامی کے مدنی کاموں میں بڑھ چڑھ کر حصہ لینے کی ترغیب دی جائے گی۔

تفصیلات کے مطابق آج رات فیضان جیلان مسجد کلفٹن کراچی سے مدنی چینل پر Liveہونے والے ہفتہ وار سنتوں بھرے اجتماع میں شیخ الحدیث والتفسیر مفتی محمد قاسم عطاری مُدَّ ظِلُّہُ العالی سنتوں بھرا بیان فرمائیں گے۔

اس کے علاوہ فیضانِ اسلام مسجد 3/84 خیابان سحر ،لین 10D.H.Aفیز7 کراچی میں رکن شوریٰ مولانا حاجی عبد الحبیب عطاری، جامع مسجد کلثوم شاہ فیصل ٹاؤن کراچی میں رکن شوریٰ حاجی محمد امین عطاری، مدنی مرکز فیضانِ مدینہ بیراج روڈ سکھر میں رکنِ شوریٰ حاجی منصور عطاری، مدنی مرکز فیضانِ مدینہ جوہر ٹاؤن لاہور میں رکن شوریٰ مولانا حاجی عقیل عطاری مدنی، قصر نور شادی ہال نزد لاری اڈہ ننکانہ میں رکن شوریٰ قاری سلیم عطاری، المدینہ مسجد بس اسٹاپ چوہڑ جمالی سندھ میں رکن شوریٰ حاجی محمد علی عطاری، کمپنی باغ شیخوپورہ میں رکن شوریٰ حاجی محمد اظہر عطاری اور رائل پیلس مارکی منچر روڈ علی پور چٹھہ میں رکن شوریٰ عبد الوہاب عطاری جبکہ جامع مسجد منصور علی سارنگ ، نظام مارکیٹ، ائیرپورٹ روڈ جنوبی پتنگا چٹاگانگ میں رکن شوریٰ عبد المبین عطاری سنتوں بھرا بیان فرمائیں گے۔

قرب و جوار کے تمام عاشقانِ رسول سے ہفتہ وار اجتماع میں شرکت کی درخواست ہے۔ 

رمضانُ المبارک وہ بابَرکَت مہینہ ہے جس میں نفل کا ثواب فرض کے برابر اور فرض کا ثواب ستر گناہ بڑھ جاتا ہے، اسی مہینے کو حدیثِ پاک میں اللہ عزوجل کا مہینہ کہا گیا ہے۔

لوگوں کو رمضانُ المبارک کی اہمیت و فضیلت بتانے کے لئے عاشقانِ رسول کی دینی تحریک دعوتِ اسلامی کے زیرِ اہتمام تمام اسلامی بہنوں کے لئے مختلف مقامات پر ”استقبالِ ماہِ رمضان اجتماع“ کا انعقاد کیا جائے گا۔

اجتماع کی خصوصیات:

٭آمدِ رمضان ہے! ٭زندگی عبادت میں گزاریئے٭حضور صلَّی اللہ علیہ واٰلہٖ وسلَّم رمضان کیسے گزارتے تھے؟٭استقبالِ رمضان اور مسلم ممالک کے انداز٭رمضان نیکیوں کا مہینہ ہے٭ذکر اور خصوصی دعا۔

نوٹ:اس اجتماعِ پاک کا وقت، مقام اور تاریخ کی معلومات کے لئے دعوتِ اسلامی کے تحت ہونے والے اپنے قریبی ہفتہ وار سنتوں بھرے اجتماع میں رابطہ فرمایئے۔