شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس مدنی اور شعبہ کے تحصیل ذمہ دار نور المصطفی عطاری نے مفتی غلام مصطفی سلطانی صاحب (مہتمم جامعہ سلطانیہ منظور الاسلام حافظ آباد ،صدر جماعت اہل سنّت پاکستان پنجاب وسطیٰ) سے ملاقات کی۔

ذمہ داران نے مفتی صاحب کو دعوت اسلامی کے بیرون ممالک اور پاکستان میں ہونے والے دینی، اصلاحی اور فلاحی کاموں کے حوالے سے آگاہ کیا نیز درسی کتب کی اشاعت کے حوالے سے بریفنگ دی جس پر مفتی صاحب نے دعوت اسلامی کی خدمات کو سراہا اور تاثرات دیئے۔ آخر میں انہیں ماہنامہ فیضان مدینہ پیش کیا گیا۔ (کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت سیلاب زدگان کے لئے پاکستان کے شہر لاہور میں واقع مدنی مرکز فیضانِ مدینہ جوہر ٹاؤن میں امدادی کیمپ لگایا گیا ہے جس میں وقتاً فوقتاً اراکینِ شوریٰ کی آمد ہوتی رہتی ہے۔

اسی سلسلے میں پچھلے دنوں دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے اس امدادی کیمپ کا وزٹ کیا اور وہاں موجود اسلامی بھائیوں کی حوصلہ افزائی کی نیز سیلاب زدگان کے لئے جانے والے سامان کا جائزہ لیا۔

بعدازاں رکنِ شوریٰ حاجی یعفور رضا عطاری نے اسلامی بھائیوں کو دعوتِ اسلامی کے دینی کاموں کو اخلاص کے ساتھ کرنے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوت  اسلامی کے زیر اہتمام 29 اگست 2022ء کو لاہور میں شعبہ مدنی قافلہ کے مدنی مشورے کا انعقاد ہوا جس میں ڈسٹرکٹ تحصیل و ٹاؤن ذمہ داران نے شرکت کی۔

صوبائی ذمہ دار محمد شہباز عطاری نے حسن اخلاق، نیکی کی دعوت اورمداہنت کے حوالے سے دینی معلومات فراہم کرتے ہوئے شعبے کے دینی کام کرنے پر اسلامی بھائیوں کی تربیت کی۔ بعدازاں کارکردگی کا جائزہ لیتے ہوئے آئندہ کے لئے اہداف دیئےجس پر اسلامی بھائیوں نے عمل پیرا ہونے کی اچھی نیت کا اظہار کیا۔ (کانٹینٹ:رمضان رضا عطاری)

گزشتہ روز دعوتِ اسلامی کی مرکزی مجلسِ شوریٰ کے رکن حاجی محمد امین عطاری کی دینی کاموں کے سلسلے میں چنیسر ٹاؤن کراچی میں قائم امدادی کیمپ میں آمد ہوئی۔

اس دوران رکنِ شوریٰ حاجی محمد امین عطاری نے اسلامی بھائیوں کی حوصلہ افزائی کرتے ہوئے انہیں مدنی پھولوں سے نوازا اور سیلاب زدگان کے لئے جمع ہونے والے سامان کے بارے میں فالو اپ لیا جس پر ذمہ داران نے رکنِ شوریٰ کو اس حوالے سے بریفنگ دی۔

بعدازاں رکنِ شوریٰ نے ذمہ دار اسلامی بھائیوں کو اسی طرح دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

عاشقانِ رسول کی دینی تحریک دعوت اسلامی کے دینی ماحول میں وقتاً فوقتاً مختلف کورسز کروائے جاتے ہیں جن میں عاشقان رسول کو علمِ دین سیکھنے کا موقع ملتا ہے۔

اسی سلسلے میں سندھ کے شہر کراچی میں قائم دعوت اسلامی کے عالمی مدنی مرکز فیضان مدینہ میں مرکزی مجلسِ شوریٰ کے رکن حاجی محمد امین عطاری نے 12 دینی کام کورس کروایا جس میں جامعۃالمدینہ بوائز کراچی سٹی کے ناظمین نے شرکت کی۔

اس کورس میں رکنِ شوریٰ حاجی محمد امین عطاری نے 12 دینی کاموں کے بارے میں شرکا کی تربیت کرتے ہوئے اُن کی جانب سے ہونے والے مختلف سوالا ت کے جوابات دیئے جبکہ رکنِ شوریٰ نے جامعۃالمدینہ بوائز کے ناظمین کو 12 دینی کاموں کو بڑھانے کے لئے چند اہم نکات بتائے جس پر انہوں نے اچھی اچھی نیتوں کا اظہار کیا۔

کورس کے اختتام پر اسلامی بھائیوں کا آن لائن گوگل فارم پر ٹیسٹ لیا گیا جس میں پاس ہونے والے اسلامی بھائیوں کے درمیان انعامات بھی تقسیم کئے گئے۔بعدازاں جامعۃالمدینہ بوائز کے ناظمین نے رکنِ شوریٰ حاجی محمد امین عطاری سے ملاقات کی۔(کانٹینٹ:غیاث الدین عطاری)

لوگوں کے عقائد و نظریات کی حفاظت کرنے اور انہیں قراٰن و سنت کی تعلیمات سے آگاہ کرنے کے لئے دعوتِ اسلامی کے تحت ایک شعبہ بنام ”جامعۃ المدینہ“ قائم کیا گیا ہے جس میں اسلامی بھائیوں اور اسلامی بہنوں کو درسِ نظامی (عالم /عالمہ کورس) کروایا جاتا ہے۔

اسی شعبے کے دینی کاموں کے حوالے سے پچھلے دنوں جوہر ٹاؤن لاہور میں واقع مدنی مرکز فیضانِ مدینہ میں ایک میٹنگ ہوئی جس میں جامعۃالمدینہ بوائز لاہور ڈویژن کے ناظمینِ کرام نے شرکت کی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے دورانِ میٹنگ ناظمینِ کرام سے مختلف موضوعات پر گفتگو کی نیز اپنے شعبے کے اخراجات کو خود کفیل کرنے کے لئے مدنی پھولوں سے نوازا اور اہداف دیئے جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

عاشقان رسول کی دینی تحریک دعوتِ اسلامی کے زیرِ اہتمام آج رات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی اور اراکین شوریٰ سنتوں بھرے بیانات فرمائیں گے۔ان اجتماعات میں نعت رسول مقبول، ذِکرُ اللہ اور رقت انگیز دعاؤں کا سلسلہ بھی ہوگا۔

تفصیلات کے مطابق عالمی مدنی مرکز فیضان مدینہ کراچی میں مرکزی مجلس شوریٰ کے رکن حاجی مولانا محمد عبد الحبیب عطاری سنتوں بھرا بیان فرمائیں گے جسے مدنی چینل پر براہ راست نشر کیا جائیگا۔

اس کے علاوہ مدنی مرکز فیضان مدینہ خانیوال میں رکن شوریٰ حاجی مولانا محمد عقیل عطاری مدنی، مدنی مرکز فیضان مدینہ G-11اسلام آباد میں رکن شوریٰ حاجی وقار المدینہ عطاری، بہزاد لکھنوی مسجد، سخی حسن چورنگی ٹاؤن ناظم آباد میں رکن شوریٰ حاجی فضیل عطاری، فیض مدینہ مسجد کریلہ اسٹاپ نارتھ کراچی میں رکن شوریٰ حاجی ابو ماجد محمد شاہد عطاری مدنی اور مدنی مرکز فیضان مدینہ ٹھٹھی آرائیاں، عقب ڈارسن فیکٹری وزیر آباد میں نگران شعبہ پروفیشنلز محمد ثوبان عطاری سنتوں بھرے بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

31 اگست 2022ء بروز بدھ انسٹیٹیوٹ آف اسلامک ایجوکیشن، مرکزی جامعۃ المدینہ فیضان مدینہ کراچی میں جاری”تحقیقی مقالہ نگاری کورس “ کا ساتواں سیشن منعقد ہوا۔

اسلامک ریسرچ سینٹر المدینۃ العلمیہ کے ریسرچ اسکالر و رائٹر مولانا راشد علی عطاری مدنی نے تحقیقی مقالہ نگاری اور دیگر تحاریر میں استعمال ہونے والے مواد کے مصادر کے حوالے سے گفتگو فرمائی۔

ساتویں سیشن میں زیرِ بحث آنے والے اہم عنوانات

٭تخریج و حوالہ اور جمعِ مواد کے حوالے سے کون سے مصادر راجح ہیں؟ ٭اپنے موضوع کے مطابق آیات کیسے جمع کریں؟ ٭قرآن کریم کے لفظی اور موضوعاتی اشاریہ جات کا تعارف اور طریقہ استعمال ٭مصادر میں زمانی تقدیم کو ترجیح ہوگی یا معیار و ثقاہت کو؟ ٭ہزاروں عربی کتب پر مشتمل معروف سافٹ وئیر کا تعارف ٭ہزاروں عربی کتب پر مشتمل معروف سافٹ وئیر میں سرچنگ کا مختصر طریقہ ٭ہزاروں عربی کتب پر مشتمل معروف سافٹ وئیر کے فوائد ٭ہزاروں عربی کتب پر مشتمل معروف سافٹ ویئر سے سرچنگ کے بعد اصل کتب کے حوالے کیسے دیں؟

ماشاء اللہ حسبِ سابق طلبہ کرام نے کافی دلچسپی کا اظہار کیا اور آخر میں طلبہ کے لیے چند اہم تحریری پروجیکٹس پر بھی گفتگو ہوئی جن میں طلبہ نے شرکت کی نیت کی اور بعض نے کام بھی شروع کردیا۔

تحریری پروجیکٹس: ٭قرآنی موضوعاتی اشاریہ ٭مراۃ المناجیح کا موضوعاتی اشاریہ ٭ کتب کے تعارف و خصوصیات کا مجموعہ

دعوتِ اسلامی کےتحت  28اگست 2022ء بروز اتوار ضلع مظفرآباد کے دارالسنہ جلال آباد آفیسر کالونی میں شعبہ تنظیمی ذمہ داران کے مدنی مشورے کا انعقاد ہوا جس میں ڈویژن ، ضلع ، تحصیل اور ذیلی حلقہ ذمہ داراسلامی بہنوں نے شرکت کی۔

نگران پاکستان اسلامی بہن نے ’’دین اسلام کی اشاعت میں بزرگوں کی قربانیاں‘‘ ’’امیر اہل سنت دامت برکاتہم العالیہ کی اور دعوت اسلامی کی ابتدائی مشکلات، ’’استقامت اور اخلاص‘‘ کے موضوع پر تربیتی بیان کیا اور 8 دینی کاموں کی اہمیت بتائی جس سے اسلامی بہنوں میں دینی کام کرنے کا بہت جذبہ پیدا ہوا۔

اسی طرح دارالسنہ میں رہائشی کورس کرنے والی اسلامی بہنوں کے درمیان بھی نگران پاکستان اسلامی بہن نے سنتوں بھرا بیان کیا اور دعوت اسلامی کے دینی کاموں کے بارے میں بتایا نیز تنظیمی ذمہ داران اور کورس والی تمام اسلامی بہنوں کو 2 ستمبر 2022ء یوم دعوت اسلامی اجتماع میں شرکت کی ترغیب دلائی ۔

دعوتِ اسلامی کےتحت    28اگست 2022ء بروز اتوار ضلع مظفرآباد کے دارالسنہ جلال آباد آفیسر کالونی میں مدنی مشورے کا انعقاد ہوا جس میں دارالسنہ کے عملے کی اسلامی بہنوں نے شرکت کی ۔

نگران پاکستان اسلامی بہن نے تربیتی بیان کیا اور عملے کی اسلامی بہنوں کو فکرِ آخرت کا ذہن دیتے ہوئے با عمل رہنے اور اپنی اصلاح کرنے کے حوالے سے ترغیبات دیں۔ مزید اپنی ذمہ داریوں کو اخلاص کے ساتھ نبھانے کا ذہن دیا نیز دیگر مسائل پر بھی تبادلہ خیال ہوا۔

دعوت اسلامی کے تحت 29اگست 2022ء  کو مجلس بین الاقوامی امور کی اسلامی بہنوں کا بذریعہ انٹر نیٹ مدنی مشورہ ہوا جس میں ملک و بیرون ملک میں مقیم اسلامی بہنوں نے شرکت کی۔

نگران عالمی مجلس مشاورت اسلامی بہن نے ابتداً خود پسندی کے موضوع پر تربیت کی۔ بعدازاں موجودہ سیلابی صورتحال پر نظر رکھتے ہوئے اسلامی بہنوں کو سیلاب زدگان کی مدد کرنے کے حوالے سے ذہن دیا اور اس کا باقاعدہ ایک اصول بتایا۔ علاوہ ازیں دیگر امور پر بھی تبادلہ خیال ہوا اور سابقہ کارکردگی کا فالواپ بھی کیا گیا۔

دعوتِ اسلامی کے شعبہ ڈونیشن بکس  للبنات کے تحت 26اگست 2022ء بروز جمعہ پاک ڈونیشن بکس ذمہ دار اسلامی بہنوں کا ماہانہ مدنی مشورہ منعقد کیا گیا جس میں سندھ کی صوبہ اور ڈویژن ذمہ داران نے شرکت کی۔

پاک ڈونیشن بکس ذمہ دار اسلامی بہن نے مدنی مشورے میں ماہانہ کارکردگی اور کارکردگی شیڈول کا جائزہ لیا۔ اہداف پورا کرنے اور مزید گھریلو صدقہ بکس رکھنے کے اہداف پر مدنی پھول دیئے۔

٭اسی طرح پاک ڈونیشن بکس ذمہ دار اسلامی بہنوں کا ماہانہ مدنی مشورہ ہوا جس میں تمام صوبہ سٹی ڈونیشن بکس ذمہ داران نے شرکت کی۔مدنی مشورے میں ماہانہ کارکردگی شیڈول اور ماہانہ مدنی مشوروں پر کلام ہوا ۔ذمہ داران کو ان کی انفرادی کارکردگی بتائی گئی نیز آئندہ شعبے میں دینی کام کرنے اور تقرریوں کے اہداف کو مکمل کرنے کا ذہن دیا جس پر ذمہ داراسلامی بہنوں نے اچھی اچھی نیتوں کے ساتھ شعبے میں بہتری لانے کا اظہار کیا ۔

٭علاوہ ازیں کراچی سٹی، صوبہ پنجاب، راولپنڈی اور ڈسٹرکٹ کورنگی کی ڈونیشن بکس ذمہ داران کے بذریعہ انٹر نیٹ مدنی مشورے منعقد ہوئیں جن میں صوبہ، سٹی اور ڈسٹرکٹ ذمہ دار اسلامی بہنوں نے شرکت کی۔