دعوتِ اسلامی کے تحت 25 فروری  2022ء بروز جمعہ پاکستان کے شہر راولپنڈی میں بذریعہ انٹر نیٹ مدنی مشورے کا انعقاد ہوا جس میں پاک سطح فیضان مرشد ذمہ دار ، صوبہ و سرکاری ڈویژن ذمہ دار اسلامی بہنوں نے شرکت کی۔

پاکستان مجلس مشاورت نگران اسلامی بہن نے اسلامی بہنوں کو شعبہ فیضان مرشد کے دینی کام کرنے کے حوالے سے نکات بتائے اور سابقہ دینی کام کارکردگی کا تقابل کیا نیز دینی کام میں مزید بہتری لانے کی ترغیب دلائی۔ اس کے علاوہ رمضان سالانہ ڈونیشن جمع کرنے کا ذہن دیا۔

دعوتِ  اسلامی کے تحت 26 فروری 2022 ء بروز ہفتہ راولپنڈی شہر سے بذریعہ انٹر نیٹ مدنی مشورے کا انعقاد ہوا جس میں کراچی سٹی نگران ، سرکاری ڈویژن نگران اور ڈسٹرکٹ نگران اسلامی بہنوں نے شرکت کی۔

پاکستان مجلس مشاورت نگران اسلامی بہن نے اسلامی بہنوں کو مختلف دینی کام کرنے، رمضان سالانہ ڈونیشن جمع کرنے کا ذہن دیا نیز مختلف سافٹ ویئر انٹری رپورٹ کا جائزہ پیش کیا اور منسلک اسلامی بہنوں کا ڈیٹا مکمل کرنے کا ہدف دیا۔ اس کے ساتھ ہی گلی گلی بچیوں کے مدرسۃالمدینہ کے شعبے پر نگران اسلامی بہنوں کو خصوصی تعاون کرنے کا ذہن دیا۔

دعوتِ اسلامی کے شعبہ مکتبۃالمدینہ (اسلامی بہنیں)کے تحت25فروری 2022ء بروز جمعۃالمبارک کراچی سٹی میں بذریعہ کال مدنی مشورے کا انعقاد ہوا جس میں ڈسٹرکٹ اور سٹی ذمہ داراسلامی بہنوں نے شرکت کی۔

پاکستان مکتبۃالمدینہ ذمہ دار اسلامی بہن نے مدنی مشورے میں ماہانہ کارکردگی ، کارکردگی شیڈول اور دیگر دینی کام بروقت کرنے کی ترغیب دلائی ۔ مزید ماتحت اسلامی بہنوں کو مضبوط بنانے کا ذہن دیا۔ ساتھ ساتھ مسائل کے حل پیش کئے۔ ماہنامہ فیضان مدینہ بکنگ کے حوالے سے ترغیب دلائی اور تحریری مقابلوں میں حصہ لینے کا ذہن دیا نیزتقسیم رسائل میں اضافہ کرنے کا طریقہ بھی سمجھایا جس پر اسلامی بہنوں نے اچھی اچھی نیتیں پیش کیں ۔

دعوتِ اسلامی کے تحت 25 فروری 2022ء  کو گجرانوالہ کے ہوٹل پیزہ کلب میں تربیتی اجتماع کا انعقاد ہوا جس میں لیڈی ڈاکٹرز، لیڈی پروفیسرز ، لیڈی لیکچرار اور طالبات نے شرکت کی۔

نگران عالمی مجلس مشاورت ذمہ دار اسلامی بہن نے ’’ اللہ کریم کی شانِ کریم‘‘ کے موضوع پر سنتوں بھرا بیان کیا جس میں انہوں نے بتایا کہ اللہ پاک سے محبت کا تقاضا ہے ہم اس کی فرمانبردار ی کرے نیز فیضانِ نماز و فیضانِ عقائد کورسز کرنے کا ذہن دیا۔ آخر میں ملاقات و انفرادی کوشش کرتے ہوئے اسلامی بہنوں میں تحائف تقسیم کئے ۔

دعوتِ  اسلامی کے شعبہ رابطہ برائے شخصیات کی جانب سے 25 فروری 2022ء کو گجرانوالہ میں تربیتی سیشن ہوا جس میں سیالکوٹ ، منڈی بہاؤ الدین اور گجرانوالہ کی اسلامی بہنوں نے شرکت کی۔

نگران عالمی مجلس مشاورت ذمہ دار اسلامی بہن نے’’زکوٰۃ‘‘ کے موضوع پر سنتوں بھرابیان کیا اس میں اسلامی بہنوں کو دعوت اسلامی کے دینی کاموں کے لئے ڈونیشن دینے کی ترغیب دلائی جس پر انہوں نے ہاتھوں ہاتھ نیتیں پیش کیں ۔

اس کے علاوہ شارٹ کورسز کی ذمہ داراسلامی بہنوں کو معلمات و مبلغات بنانے کے اہداف دیئے۔ آخر میں ملاقات و انفرادی کوشش کرتے ہوئے حوصلہ افزائی کے لئے تحائف بھی دیئے۔

٭دوسری جانب نگران عالمی مجلس مشاورت ذمہ دار اسلامی بہن نے گجرانوالہ فیضان آن لائن اکیڈمی کے تمام کیبن میں جا کر معلمات کے پڑھانے کا انداز دیکھتے ہوئے ملاقات کرتے ہوئےان کو تحائف دیئے ۔

دعوتِ اسلامی کے شعبہ تعلیم(اسلامی بہنیں) کے زیر اہتمام 24 فروری2022 ء بروز جمعرات دن 08 سے 9 بجےفاطمہ جناح ہسپتال ہاسٹل میں درس اجتماع کا سلسلہ ہوا جس میں شعبہ تعلیم لاہور ڈویژن ذمہ داراسلامی بہن سمیت 21طالبات نے شرکت کی۔

پاکستان سطح ذمہ دار اسلامی بہن نے ’’ cash your abilities‘‘ اپنی صلاحیت کو تلاش کرنے اور صلاحیتوں کے درست استعمال کے موضوع پر درس دیا اور طالبات کو دعوت اسلامی کی دینی و فلاحی خدمات کے حوالے سے بتاتے ہوئے ہفتہ وار سنتوں بھرے اجتماع میں آنے کا ذہن دیا جس پر انہوں نےاچھی اچھی نیتوں کا اظہار کیا۔ 

دعوتِ اسلامی کے تحت 24 فروری 2022 ءکو مجلس بین الاقوامی امور شعبہ مکتبۃُالمدینہ کی ذمہ دار اسلامی بہن نے شعبہ مکتبۃ المدینہ کی تمام بڑی سطح  کی اسلامی بہنوں کا مدنی مشورہ لیا جس میں کویت ، بنگلہ دیش، یوکے، یورپین یونین، سینٹرل افریقہ، ساوتھ افریقہ کی ذمہ داراسلامی بہنوں نے شرکت کی۔

مدنی مشورے میں شوریٰ وکابینہ کے فروری 2022 ءکے مدنی پھول سنائے گئے۔ کارکردگیوں کا جائزہ لیا گیا نیز اچھی کارکردگی پر حوصلہ افزائی کی گئی۔ مزید بہتری لانے کا ذہن دیا گیا ۔ مکتبۃالمدینہ کے اسٹال میں اضافہ اور تقسیم رسائل کے بارے میں تفصیلی کلام ہوا۔تحریری مقابلے میں حصہ لینے اور اس کے لئے جامعات المدینہ کی اسلامی بہنوں سے رابطہ کرنے کی ترغیب دلائی گئی ۔

شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ عاشقان رسول کی دینی و معاشرتی تربیت کے لئے ہر ہفتے ایک رسالہ پڑھنے/سننے کی ترغیب ارشاد دلاتے ہیں اور بڑھنے/سننے والوں کو اپنی دعاؤں سے بھی نوازتے ہیں۔

اس ہفتے امیر اہلسنت دامت بَرَکَاتُہمُ العالیہ نے رسالہ ”جنگل کا بادشاہ“ پڑھنے/سننے کی ترغیب دلائی ہے اور پڑھنے/سننے والوں کو اپنی دعاؤں سے نوازا ہے۔

دعائے عطار

یاربَّ المصطفٰے! جو کوئی 21 صفحات کا رسالہ”جنگل کا بادشاہ“ پڑھ یا سُن لے اُس کو صرف اپنا خوف عطا فرمااور اُس سے ہمیشہ ہمیشہ کےلئے راضی ہوجا۔ آمین

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

دنیا بھر میں 27 رجب المرجب کو  عاشقانِ رسول امام الانبیاء حضرت محمد مصطفیٰ ﷺ کے عظیم الشان معجزے ” معراج النبی“ کی یاد مناتے اور خوشی کا اظہار کرتے ہیں۔ اس موقع پر دنیابھر کی بیشتر مساجد میں محافلِ نعت منعقد ہوتی ہیں جہاں نبی پاک ﷺ کے چاہنے والے نعتیں پڑھتے، بیانات سنتے اور نیاز کا اہتمام کرتے ہیں۔

اسی مناسبت سے عاشقانِ رسول کی عالمگیر تحریک دعوتِ اسلامی کی جانب سے بھی آج 27 رجب المرجب کی رات عالمی مدنی مرکز فیضانِ مدینہ کراچی میں عظیم الشان محفلِ نعت منعقد ہوگی ۔محفل کا آغاز تلاوت و نعتِ رسولِ مقبول ﷺ سے ہوگا جبکہ بانیِ دعوتِ اسلامی، امیرِ اہل ِ سنت حضرت علامہ مولانا محمدالیا س عطار قادری دامت بَرَکَاتُہمُ العالیہ محفل میں خصوصی شرکت فرماتے ہوئے عاشقانِ رسول کو اپنے قیمتی ملفوظات بھی عطا فرمائیں گے۔ (نوٹ: امیر اہلِ سنت بیرونِ ملک سے کراچی پاکستان تشریف لاچکے ہیں )

اس موقع پر مکمل قصیدۂ معراج بھی پڑھا جائے گا جبکہ نعت خوان حضرات ”شاہ دولہا بنا آج کی رات ہے“جیسے اشعار و کلام پڑھ کر شرکاکے عشقِ رسول میں اضافہ کریں گے۔

واضح رہے کہ یہ پوری محفلِ نعت مدنی چینل پر براہِ راست نشربھی کی جائے گی، جو عاشقانِ رسول عالمی مدنی مرکزفیضانِ مدینہ آسکتے ہو وہ ضرور تشریف لائیں بصورتِ دیگر مدنی چینل جوائن کرکے آج کی رات کی برکتیں حاصل کریں۔

تنگ دستی اور رزق میں بےبرکتی ایک عالمگیر مسئلہ بن چکاہے۔ شاید ہی کوئی گھر اس سےمحفوظ ہو۔ ہم اپنے مسائل کے حل کے لئےمشکل ترین ذرائع استعمال کرنے کو تو تیار ہیں مگر اللہ پاک اور اس کے پیارے رسولصَلَّی اللہُ عَلَیْہِ وَاٰلِہٖ وَسَلَّم کےعطاکردہ روزی میں برکت کےآسان ذرائع کی طرف ہماری توجہ نہیں ہے۔بےروزگاری اور تنگ دستی کے گھمبیر مسائل نےلوگوں کوبےحال کر دیاہے۔ شاید ہی کوئی گھر اورفرد ایساہو جو تنگ دستی کا رونا نہ روتاہو۔ہرشخص پریشان ہے اور چاہتا ہےکہ کسی طرح تنگ دستی سےچھٹکارا مل جائے اور روزی میں برکت ہوجائے۔سچ تو یہ ہے کہ تنگ دستی اور رزق میں بےبرکتی کا سب سے بڑا سبب ہماری بےعملی ہے جسے قرآنِ مجید میں رازق اور خالق و مالک اللہ پاک نے یوں بیان فرمایا ہے:

وَ مَاۤ اَصَابَكُمْ مِّنْ مُّصِیْبَةٍ فَبِمَا كَسَبَتْ اَیْدِیْكُمْ وَ یَعْفُوْا عَنْ كَثِیْرٍؕ(۳۰)

ترجمۂ کنزالایمان:اورتمہیں جومصیبت پہنچی وہ اس کےسبب سے ہے جوتمہارے ہاتھوں نے کمایااوربہت کچھ تومعاف کردیتا ہے۔

اسی طرح احادیث مبارکہ میں بھی بدعملی وگناہ کوتنگ دستی و بےبرکتی کا سبب قرار دیا گیا ہے۔ چنانچہ

گناہ کی نحوست:

حضرت سیِّدُنا ثوبان رَضِیَ اللہُ عَنْہسے مروی ایک روایت ہے کہ اللہ پاک کے آخری نبی، محمد عربی صَلَّی اللہُ عَلَیْہِ وَاٰلِہٖ وَسَلَّم نے ارشاد فرمایا:’’اِنَّ الرَّجُلَ لَيُحْرَمُ الرِّزْقَ بِخَطِيْئَةٍ يَّعْمَلُهَا یعنی بےشک بندے سے جو خطا سرزد ہوتی ہے اس کی وجہ سے وہ رزق سےمحروم ہوجاتاہے۔‘‘ (ابن ماجۃ،المقدمہ ،باب فی القدر،۱/ ۶۹،حدیث:۹۰)

حضرت سیِّدُنا ثوبان رَضِیَ اللہُ عَنْہ بیان کرتےہیں کہ حضورنبیِّ کریم صَلَّی اللہُ عَلَیْہِ وَاٰلِہٖ وَسَلَّم نےارشادفرمایا:’’اِنَّ الرَّجُلَ لَيُحْرَمُ الرِّزْقَ بِالذَّنْبِ يُصِيْبُهٗ یعنی بےشک بندے سے جو گناہ سرزد ہوتا ہے اس کی وجہ سے وہ رزق سےمحروم ہوجاتاہے۔‘‘ (ابن ماجۃ،کتاب الفتن،باب العقوبات،۴/ ۳۶۹،حدیث:۴۰۲۲)

شرح حدیث:

مشہور شارحِ حدیث، حکیم الامت مفتی احمد یار خان نعیمی رَحْمَۃُ اللہِ عَلَیْہ اس کی شرح میں فرماتے ہیں کہ اس فرمان کے چند معنیٰ ہیں:ایک یہ کہ گناہوں سے رزقِ آخرت یعنی ثوابِ اعمال گھٹ جاتا ہے۔دوسرے یہ کہ مؤمن کا گناہوں کی وجہ سے رزقِ روحانی یعنی اخلاص،اطمینانِ قلب، دل کا چین و سکون، رغبت الی اللہ گھٹ جاتی ہے۔تیسرے یہ کہ مؤمن اپنے گناہوں کی وجہ سے تنگی رزق،یا بلاؤں میں گرفتار ہوجاتا ہے تاکہ ان کی وجہ سے گناہوں سے توبہ کرکے پاک و صاف ہوکر دنیا سے جائے لہٰذا اس فرمان پر یہ اعتراض نہیں کہ اکثر متقی پرہیزگار لوگ مفلوک الحال ہوتے ہیں اور فاسق و بدکار بڑے مالدار۔ ( مراٰۃ المناجیح،۶/ ۵۲۵)

برکت اور بےبرکتی کیا ہے؟

’’خیال رہےکہ مال کی زیادتی اورہے،برکت کچھ اور،زیادتِیٔ مال کبھی ہلاک کردیتی ہےمگربرکَتِ مال دین و دنیامیں ربّ تعالیٰ کی رحمت ہوتی ہے۔‘‘( مراٰۃ المناجیح،۳/ ۵۷)نیز’’مال میں برکت اللہ کی رحمت ہےاورمال کی کثرت کبھی عذاب ہوجاتی ہے۔‘‘ (مراٰۃ المناجیح،۷/ ۲۲۵)

کیونکہ مال ودولت کی زیادتی بسااوقات کئی طرح کی آزمائشوں میں مبتلاکردیتی ہے بالخصوص گناہوں کے مرض میں کہ جب کسی شخص کےپاس مال ودولت کی فراوانی ہوتی ہےتوشیطان مردوداسےطرح طرح کےظاہری وباطنی گناہوں میں ملوث کرنےکی کوشش کرتا ہے، لہٰذاعافیت اسی میں ہےکہ اسی قدرمال پراکتفا کیا جائے جو ضروریات پوری کرنے کے لئے کافی ہو۔نیزمال کی زیادتی نہیں بلکہ مال میں برکت کی دعامانگنی چاہئےاوران اسباب پربھی نظررکھنی چاہئےجو تنگ دستی کا باعث بنتےہیں تاکہ ان سےبچاجائے۔

الغرض:نافرمانی وگناہ سےبرکت اڑجاتی جبکہ اطاعت وفرمانبرداری باعِثِ برکت ہے۔ ہمارے معاشرے میں تنگ دستی، فقر و فاقہ کشی ،بے روزگاری اور رِزْق میں بے برکتی کا رونا رونے والے بہت ہیں، ایسے میں ہمیں غور کرنا چاہئے کہ کہیں اس کی وجہ یہ تو نہیں کہ ہم گناہ کرتے نہیں ڈرتے؟ مصیبتوں اور رِزْق میں بےبرکتیوں کا سبب کہیں ہماری اپنی ہی بداعمالیاں تو نہیں ہیں؟کیونکہ آج کل ہمارے معاشرے میں گُناہوں کا بازاراس قدر گرم ہے کہ اَلْاَمَانُ وَالْحَفِیْظ۔ بدقسمتی سے ہماری بھاری اکثریَّت بے عملی کا شکار ہے، نہ توبندوں کے حقوق کی ادائیگی کا پاس ہے اور نہ ہی حقوقُ اللہ کی پامالی کا کوئی احساس،نیکیاں کرنا نفس کے لئے بے حد دُشوار اور گناہ کرنا بَہُت آسان ہوچکا ہے۔

’’جیسےگناہ کا عذاب دنیا و آخرت میں (بھگتنا) پڑتا ہے یونہی نیکی کا فائدہ دونوں جہان میں ملتا ہے۔ جو مسلمان پانچوں نمازیں پابندی سے جماعت کے ساتھ ادا کرے اسے رزق میں برکت، قبر میں فراخی نصیب ہوگی اور پل صراط پر آسانی سے گزرے گا اور جو جماعت کا تارک ہوگا اس کی کمائی میں برکت نہ ہوگی، چہرے پر صالحین کے آثار نہ ہوں گے، لوگوں کے دلوں میں اس سے نفرت ہوگی، پیاس و بھوک میں جان کنی اور قبر کی تنگی میں مبتلا ہوگا اور ا س کا حساب بھی سخت ہوگا۔‘‘⁽[1]⁾

افسوس!مسلمانوں کی ایک بڑی تعداد فرائض سے ہی غافل ہو چکی ہے، نما ز جوکہ فرض اعظم ہے اس کی ادئیگی میں سستی کا کیا حال ہے اس کا اندازہ مسجدوں کی ویرانی سے بخوبی لگایاجاسکتا ہے۔ اگر واقعی ہم امن وسکون اور رزق میں برکت کے طالب ہیں تو ہمیں گناہوں سے کنارہ کشی اختیار کرکے احکام خداوندی کی پابندی اور سنّتوں پرعمل کرناہوگا۔

بلاشبہ خوفِ خدا کی وجہ سے گناہوں کو چھوڑ دینا رزق میں برکت کا سبب بنتا ہے، جو بھی خوفِ خدا کی وجہ سے کسی گناہ سے رکتا ہے تو اللہ پاک اُسے ایسے اسباب سے رِزق عطا فرما دیتا ہے کہ جن کی طرف اس کا خیال بھی نہیں جاتا۔

یادرکھئے!دنیاوآخرت کےتمام مسائل وپریشانیوں کاواحدحل اللہ پاک اور اس کے پیارے رسول صَلَّی اللہُ عَلَیْہِ وَاٰلِہٖ وَسَلَّم کی اطاعت وفرمانبرداری کرتے ہوئے قرآن وسنت پر عمل پیرا ہونے میں ہے۔

روزی میں برکت کے چند نسخے:

(1)……حضرت سیِّدُنا سَہَلْ بن سَعَد ساعِدی رَضِیَ اللہُ عَنْہ بیان کرتے ہیں کہ ایک شخص نے بارگاہِ رسالت میں حاضر ہو کر اپنی غربت اور تنگ دستی کی شکایت کی تو رسول کریم صَلَّی اللہُ عَلَیْہِ وَ اٰلہٖ وَ سَلَّم نےارشاد فرمایا: ’’جب تم اپنے گھر میں داخل ہوتو سلام کرو اگرچہ کوئی بھی نہ ہو،پھر مجھ پر سلام بھیجو اور ایک بار قُلْ ھُوَاﷲ شریف(پوری سورۂ اخلاص) پڑھو۔‘‘ اس شخص نے ایسا ہی کیا تواللہ پاک نے اسے اتنا مال دار کر دیا کہ اس نے اپنے ہمسایوں اور رشتے داروں میں بھی تقسیم کرنا شروع کر دیا۔⁽[2]⁾

(2)…… مشہور شارحِ حدیث، حکیم الامت مفتی احمد یار خان نعیمی رَحْمَۃُ اللہِ عَلَیْہ مراٰۃ المناجیح میں تحریر فرماتے ہے:’’بعض بزرگوں کو دیکھا گیا ہے کہ اول دن میں جب پہلی بار گھر میں ہوتے تو بِسْمِ اللہ (شریف)اورقل ہو اللہ (پوری سورۂ اخلاص)پڑھ لیتے،کہ اس سے گھر میں اتفاق بھی رہتا ہے اور رزق میں برکت بھی۔‘‘⁽[3]⁾

(3)……’’یَا مَلِکُ‘’90 بار جو غریب ونادار روزانہ پڑھا کرے اِنْ شَآءَ اللہ غربت سے نجات پائے گا۔⁽[4]⁾

(4)……”ملفوظاتِ اعلیٰ حضرت ‘‘کے صفحہ 128پر ہے:ایک صحابی (رَضِیَ اللہُ عَنْہ ) خدمَت ِاقدس (صَلَّی اللہُ عَلَیْہِ وَاٰلِہٖ وَسَلَّم) میں حاضر ہوئے اور عرض کی: دنیا نے مجھ سے پیٹھ پھیر لی۔ فرمایا: کیا وہ تسبیح تمہیں یاد نہیں جو تسبیح ہے ملائکہ کی اور جس کی برکت سے روزی دی جاتی ہے۔ خَلْقِ دنیا آئے گی تیرے پاس ذلیل و خوار ہوکر، طلوعِ فجر کے ساتھ سوبار کہا کر ’’سُبْحٰنَ اللہِ وَبِحَمْدِہٖ سُبْحٰنَ اللہِ الْعَظِیْمِ وَ بِحَمْدِہٖ اَسْتَغْفِرُ اللہ‘‘اُن صحابی رَضِیَ اللہُ عَنْہ کو سات دن گزرے تھے کہ خدمت ِ اقدس میں حاضر ہوکر عرض کی: ’’حضور! دنیا میرے پاس اس کثرت سے آئی، میں حیران ہوں کہاں اٹھاؤں کہاں رکھوں!‘‘۔⁽[5]⁾

(5)……حضور نبی اکرم صَلَّی اللہُ عَلَیْہِ واٰلہٖ وسلَّمنے ارشاد فرمایا: جس نے استغفارکو اپنے اوپر لازم کرلیا اللہ پاک اس کی ہر پریشانی دُور فرمائے گا اور ہر تنگی سے راحت عطافرمائے گا اور اسے ایسی جگہ سے رزق عطافرمائے گا جہاں سے اسے گمان بھی نہ ہو گا۔⁽[6]⁾

(6)……حضرتِ سیِّدُنا یزید بن عبداللّٰہ رَحْمَۃُ اللّٰہِ عَلَـیْہ اپنے والد سے روایت کرتے ہیں کہ حضور نبی اکرم صَلَّی اللہُ عَلَـیْہِ وَاٰلِہٖ وَسَلَّم نے ارشاد فرمایا: ’’بے شک اللّٰہ پاک بندے کو رزق کے معاملے میں آزماتا ہے تاکہ دیکھے کہ وہ کیا عمل کرتا ہے اگر تقسیم الٰہی پر راضی رہے تو اس کے رزق میں برکت ڈال دی جاتی ہے اور اگر راضی نہ ہو تو برکت سے محروم رہتا ہے۔‘‘⁽[7]⁾

(7)……رزق میں برکت کا ایک سبب رشتہ داروں سے حُسنِ سُلوک کرنا بھی ہے۔ چنانچہ حضور نبی پاک صَلَّی اللہُ عَلَیْہِ وَاٰلِہٖ وَسَلَّم نے ارشاد فرمایا: جسے عُمر میں اضافہ اور رِزْق میں زیادتی ہونا پسند ہو تو اسے چاہئے کہ وہ اللہ پاک سے ڈرے اور صِلۂ رِحمی (رشتے داروں کے ساتھ اچھا سلوک )کرے۔⁽[8]⁾

(8)……آیَۃُ الْکُرسی کسی چیز پر لکھ کر اس کا کَتَبَہ مکان میں کسی اونچی جگہ پر آویزاں کردیا جائے تو اِنْ شَآءَ اللہ اس گھر میں کبھی فاقہ نہ ہوگا۔ بلکہ روزی میں بَرَکت اور اضافہ ہوگا اور اس مکان میں کبھی چور نہ آسکے گا۔⁽[9]⁾

(9)……معاشی ترقی اور رزق میں برکت کا ایک بہترین طریقہ زکوٰۃ کی ادائیگی بھی ہے۔

خیال رہے! اَورَادووظائف بھی اسی صورت میں فائدہ مند ثابت ہوتے ہیں جب فرائض وواجبات پرحتَّی المقدورعمل ہو۔ جس طرح مریض کے لئے دوا کے ساتھ پرہیزضروری ہے اسی طرح اوراد ووظائف کرنے والے کے لئےفرائض وواجبات بالخصوص باجماعت نماز کی پابندی ضروری ہےورنہ کوئی بھی وِردکماحقہ فائدنہیں پہنچائےگا۔

رزق میں خیر و برکت کےحُصول کی مزید معلومات اور تنگ دستی کی وُجوہات جاننے کے لئےشَیخِ طریقت امِیرِ اہْلِ سنّت بانی دعوت اسلامی حضرت علامہ مولانا محمد الیاس عطار قادری رضوی ضیائی دَامَتْ بَرَکَاتُہُمُ الْعَالِیَہ کا رسالہ’’چڑیا اور اندھا سانپ‘‘(مطبوعہ مکتبۃ المدینہ) اور المدینۃ العلمیہ کا رِسالہ”تنگ دستی کے اَسباب اور ان کا حل‘‘(مطبوعہ مکتبۃ المدینہ) پڑھئے ۔

پچھلے دنوں پنجاب پاکستان کے شہر خان پور ضلع رحیم یار خان میں رابطہ برائے شخصیات دعوتِ اسلامی کے ذمہ داراسلامی بھائیوں نے ایم پی اے تحریک انصاف پاکستان میاں شفیع محمد سے ملاقات کی۔

ذمہ داران نے انہیں نیکی کی دعوت دیتے ہوئےدعوتِ اسلامی کے تحت منعقد ہونے والے ہفتہ وار سنتوں بھرے اجتماع میں شرکت اور مدنی مرکز فیضا نِ مدینہ کا وزٹ کرنے کی دعوت دی جس پر انہوں نے اظہارِ مسرت کیا۔(رپورٹ:محمد صہیب عطاری شعبہ رابطہ برائے وکلاء کراچی ساؤتھ سنٹرل زون، کانٹینٹ:غیاث الدین عطاری)

25 فروری 2022ء بروز جمعہ شعبہ رابطہ برائے وکلاء دعوتِ اسلامی کے زیرِ اہتمام رکنِ کراچی سٹی مشاورت کے گھر پر مدنی مشورہ ہوا جس میں  نگرانِ شعبہ حاجی عبدالواحد عطاری نے شعبے کے دینی کاموں کے حوالے سے اہم نکات پر گفتگو کی۔

اس مدنی مشورے میں رکنِ ڈسٹرکٹ کورنگی مشاورت سمیت دیگر ذمہ داران نے بھی شرکت کی۔بعد ازاں نگرانِ شعبہ نے ڈسٹرکٹ ملیر 2 کے شعبہ ذمہ دار کی عیادت اور اُن کی صحت یابی کے لئے دعا کروائی۔(رپورٹ:محمد صہیب عطاری شعبہ رابطہ برائے وکلاء کراچی ساؤتھ سنٹرل زون، کانٹینٹ:غیاث الدین عطاری)