27 فروری 2022 ء کوشعبہ رابطہ برائے شخصیات کے اسلامی بھائیوں کا  ڈسٹرکٹ لیہ ،تحصیل چوبارہ میں ایس ۔ایچ۔او۔چوبارہ ملک شریف ملانہ سے ملاقات ہوئی اور ڈی۔پی۔او۔لیہ سے ٹیلیفونک پر رابطہ ہوا، ذمہ دار نے نئے عہدے کے تعینات پر مبارک باد دیتے ہوئے ڈونیشن کاؤنٹر ذمہ دار کا تعارف کروایاجس پر ڈی۔پی۔او۔لیہ نے تعاون کی یقین دہانی کرائی اور انہیں مدنی مرکز فیضان مدینہ وزٹ کرنے کی دعوت دی۔

اسکے علاوہ ڈسٹرکٹ مظفرگڑھ ذمہ دار شعبہ رابطہ برائے شخصیات نے سابق ایم۔این۔اےجمشید احمد خان دستی اور چئیرمین یونین کونسل فتح پور علی پور ملک عبدالرشید کنھواں سے ملاقات کی ۔ دوران ملاقات دعوت اسلامی کی دینی وفلاحی کاموں کا تعارف کروایااور ہفتہ وار اجتماعِ پاک میں شرکت کی دعوت پیش کی اور ان کے پرسنل سیکریٹری کو ماہ نامہ فیضان مدینہ پیش کیا ۔

مزید ڈویژنل آفیسر اسپیشل برانچ ڈی۔جی۔خان سردار محبوب خان تنگوانی کے گھر پر ملاقات ہوئی ۔

اسی طرح بستہ ذمہ دار محمد سلیم عطاری سے بھی ملاقات ہوئی۔

پچھلے دنوں شعبہ رابطہ برائے شخصیات کے ذمہ دار کا نگران ڈسٹرکٹ ایسٹ سید قذافی عطاری المدنی کے ساتھ گلشن اقبال ٹاؤن میں شخصیات سے ملاقات کا سلسلہ ہوا اور اقبال ٹاؤن کے ایونٹ احکام زکوٰة سیشن کے حوالے سے دعوت دی۔

جن شخصیات سے ملاقات کی ان میں :

1۔ آصف خان اکاؤنٹنٹ کاؤنٹر ٹیررازم ڈیپارٹمنٹ سندھ پولیس

2۔ شیخ اقبال رضا ڈی ایس پی شارع فیصل پولیس اسٹیشن

3۔ ریحان غوری رہنما پاکستان تحریک انصاف و کورڈینیٹر ممبر سندھ اسمبلی

4۔ زاہد منصوری ممبر رابطہ کمیٹی متحدہ قومی موومنٹ پاکستان

پچھلے دنوں شعبہ  رابطہ برائے شخصیات ومیڈیا ڈیپارٹمنٹ پشاور کے ذمہ دارنے سابق MPA ایڈوکیٹ عارف اور انکے دوست سے ملاقات کی ، دعوت اسلامی کے دینی کاموں کےبارے میں انہیں مختصر تعارف کروایا اور 3 مارچ کو ہونے والے ہفتہ وار سنتوں بھرے اجتماع میں شرکت کی دعوت دی۔

پچھلے دنوں مدنی مرکز فیضانِ مدینہ فیصل آباد میں دعوتِ اسلامی کے تحت اسپیشل پرسنز ڈیپارٹمنٹ کے ذمہ داراسلامی بھائیوں کی ایک میٹنگ ہوئی جس میں فیصل آباد کے اسلامی بھائیوں نے شرکت کی۔

اس میٹنگ میں مرکزی مجلسِ شوریٰ کے رکن حاجی فضیل رضا عطاری نے شعبے کے دینی کاموں کے حوالے سے گفتگو کرتے ہوئے اسلامی بھائیوں کی تربیت و رہنمائی کی اور انہیں احسن انداز سے دعوتِ اسلامی کے دینی کاموں کو کرنے کا ذہن دیا جس پر انہوں نےاچھی اچھی نیتوں کا اظہار کیا۔(کانٹینٹ:غیاث الدین عطاری)

شبِ معراج النبی ﷺ کے سلسلے میں پچھلے دنوں شعبہ رابطہ برائے شخصیات کے تحت مبلغ دعوت اسلامی نے ڈسٹرکٹ سپورٹس آفیسر شیخوپورہ سے ملاقات کی ،دعوت اسلامی کا تعارف پیش کیااور اجتماع شبِ معراج کے انتظامات کے حوالے سے گفتگو کرتے ہوئے اجتماع شبِ معراج میں شرکت کے لئے  دعوت نا مہ پیش کیا۔ ساتھ ہی خوشبو کا تحفہ بھی دیا ۔

صوبہ خیبر پختونخوا کے شہر ایبٹ آباد میں قائم دعوتِ اسلامی کے مدنی مرکز فیضانِ مدینہ میں شعبہ ائمہ مساجد کے زیرِ اہتمام 26 فروری 2022ء بروز ہفتہ سنتوں بھرا اجتماع منعقد ہوا جس میں قرب وجوار کے ائمہ کرام نے کافی تعداد میں  شرکت کی۔

دورانِ اجتماع مرکزی مجلسِ شوریٰ کے رکن حاجی محمد عقیل عطاری مدنی نے سنتوں بھرا بیان کرتے ہوئے ائمۂ کرام کو شعبے کے ذریعے دنیا بھر میں کی جانے والی دینی خدمات کے بارے میں بتایاجس پر انہوں نے دعوتِ اسلامی کی خدمات کو سراہا۔بعدازاں ائمۂ کرام نے رکنِ شوریٰ سے ملاقات بھی کی۔(کانٹینٹ:غیاث الدین عطاری)

شعبہ کفن دفن دعوتِ اسلامی کے زیرِ اہتمام 27 فروری 2022ء بروز اتوار گھوٹکی سندھ میں سیکھنے سکھانے کا حلقہ منعقد ہوا جس میں 12 ماہ کے اسلامی بھائیوں نے شرکت کی۔

اس موقع پر سکھر ڈویژن ذمہ دار اقبال عطاری نے سنتوں بھرا بیان کرتے ہوئے کفن دفن کا پریکٹیکل کروایا اور نمازِ جنازہ کے چند ضروری مسائل سے آگاہ کیا۔

اس کےعلاوہ مبلغِ دعوتِ اسلامی نے شرکائے حلقہ کو دعوتِ اسلامی کے 12 دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہارکیا۔(رپورٹ:اعزاز عطاری مدنی شعبہ کفن دفن صوبائی ذمہ دار، کانٹینٹ:غیاث الدین عطاری)

پچھلے دنوں پاکستان کے شہر حیدرآباد میں قائم مدنی مرکز فیضانِ مدینہ میں دعوتِ اسلامی کے زیرِ اہتمام 63 دن پر مشتمل تربیتی کورس کا انعقاد کیا گیا جس میں اسلامی بھائیوں کی تربیت و رہنمائی کا سلسلہ جاری ہے۔

دوران کورس 26 فروری 2022ء بروز ہفتہ کفن دفن کورس کا اہتمام ہوا جس میں شفقت عطاری مدنی نے شرکا ئے کورس کو میت کو غسل دینے، کفن کاٹنے اور پہنانے کا طریقہ سکھایا۔بعدازاں مبلغِ دعوتِ اسلامی نے نمازِ جنازہ کے چند ضروری مسائل بھی بیان کئے۔(رپورٹ:اعزاز عطاری مدنی شعبہ کفن دفن صوبائی ذمہ دار ، کانٹینٹ:غیاث الدین عطاری)

دعوتِ اسلامی کے شعبے مدنی چینل عام کریں اور ایف جی آر ایف کے تحت ساہیوال ضلع سرگودہا 1122 آفس کا افتتاح کیا گیا جس دوران ذمہ داراسلامی بھائیوں نے شجرکاری کی۔

اس دوران اراکینِ کابینہ اور جامعۃ المدینہ بوائز ساہیوال کے طلبۂ کرام سمیت دیگر عاشقانِ رسول موجود تھے۔ ڈویژن مشاورت محمد حامد عطاری نے وہاں موجود اسلامی بھائیوں کو دعوتِ اسلامی کی عالمی سطح پر کی جانے والی خدمات کے بارے میں بتایا اور آخر میں ملک و قوم کی سلامتی کے لئے دعا کروائی۔(رپورٹ: محمد حامد عطاری شعبہ مدنی چینل عام کریں، کانٹینٹ:غیاث الدین عطاری)

پچھلے دنوں دعوتِ اسلامی کے شعبہ فیضان آن لائن اکیڈمی کے زیرِ اہتمام مین برانچ ستیانہ روڈ فیصل آباد میں میٹنگ ہوئی جس میں فیس ڈیپارٹمنٹ کے ذمہ داراسلامی بھائیوں نے شرکت کی۔

اس میٹنگ میں نگرانِ ڈیپارٹمنٹ قاسم عطاری نے کالنگ آپریٹر کو درپیش آنے والے مسائل کے حوالے سے گفتگو کرتے ہوئے ان کا حل بتایا نیز سنجیدگی کی اہمیت بیان کی اور کالنگ آپریٹر اسلامی بھائیوں میں سنجیدگی کیسے آسکتی ہے اس کے متعلق تربیت کی۔

اس کے علاوہ نگرانِ ڈیپارٹمنٹ نے دوسرے شہروں میں اسلامی بھائیوں کے تفتیش کا طریقہ کار بھی بتایا۔(رپورٹ:ایاز احمد عطاری مفتش فیس ڈیپارٹمنٹ، کانٹینٹ:غیاث الدین عطاری)

دعوتِ اسلامی کے زیرِ اہتمام 27 فروری 2022ء بروز اتوار شعبہ تحفظِ اوراقِ مقدسہ کے صوبۂ پنجاب ذمہ دار محمد رضا عطاری، ڈویژن لاہور ذمہ دار محمد عالم عطاری اور کارکردگی ذمہ دار محمد ناصر عطاری نے دینی کاموں کے سلسلے میں فیضان مکہ مدینہ رحمان سٹی کا دورہ کیا جہاں انہوں نے شعبہ تحفظِ اوراقِ مقدسہ کے کار خانے میں اوراق ِمقدسہ کی حفاظت کے لئے بکسز تیار کرنے کے مختلف حصوں کا وزٹ کیا۔

اس کے علاوہ ذمہ داران نے مقامی ذمہ دار اسلامی بھائیوں کے درمیان مدنی مشورہ کیا جس میں شعبے کے دینی کاموں کے حوالے سے اہم امور پر گفتگو کی گئی۔بعدازاں ذمہ داران نے شعبے کی ترقی کے لئے اچھی اچھی نیتوں کا اظہار کیا۔(رپورٹ: شعبہ تحفظِ اوراق ِمقدسہ، کانٹینٹ:غیاث الدین عطاری)

26 فروری 2022ء بروز ہفتہ پشاور کے مدنی مرکز فیضانِ مدینہ میں سیکھنے سکھانے کا حلقہ لگایا گیا جس میں مساجد کی انتظامیہ سے تعلق رکھنے والے اسلامی بھائیوں نے شرکت کی۔

اس حلقے میں رکنِ مرکزی مجلسِ شوریٰ حاجی محمد عقیل عطاری مدنی نے ’’امام مسجد کی اہمیت اورچندہ جمع کرنے کی احتیاطوں‘‘ کے موضوع پر سنتوں بھرا بیان کرتے ہوئےشرکائے اجتماع کی تربیت کی۔بعدازاں اسلامی بھائیوں نےرکنِ شوریٰ سے ملاقات بھی کی۔( کانٹینٹ:غیاث الدین عطاری)