بات کا حقیقت کے خلاف ہونا جھوٹ کہلاتا ہے ۔ جھوٹ بہت ساری برائیوں کی جڑ ہے ۔ اس سے چغلی، چغلی سے بغض اور بعض سے دشمنی پیدا ہوتی ہے۔ جس کی وجہ سے پورے معاشرے کا نظام درہم برہم ہو جاتا ہے۔ اس وجہ سے اللہ پاک کے آخری نبی محمد عربی صلَّی اللہ علیہ واٰلہٖ وسلَّم نے اس کی بڑی مذمت بیان کی ہے۔ اس تعلق سے میں 5 فرامینِ مصطفیٰ صلَّی اللہ علیہ واٰلہٖ وسلَّم بیان کرنے کی سعادت حاصل کرتا ہوں:۔

(1) حضرت سیدنا عبداللہ بن عمرو رضی اللہُ عنہما بيان کرتے ہیں کہ حضورنبیّ کریم صلَّی اللہ علیہ واٰلہٖ وسلَّم نے ارشاد فرمایا: چا ر عادتیں جس شخص میں ہوں وہ منافق ہے اور جس میں ان میں سے کوئی ایک ہو اس میں نِفاق کی ایک عادت ہے حتّٰی کہ اسے چھوڑدے: (1) بات کرے تو جھوٹ بولے ۔ (2) وعدہ کرے تو خلاف ورزی کرے۔ (3) عہد کرے تو عہد شکنی کرے۔ (4) جھگڑا کرے تو گالم گلوچ کرے۔( سنن النسائی، کتاب الایمان و شرائعہ ، باب علامة المنافق، ص 804، حدیث :5030)

(2) حضرت سیِّدُناابوہریرہ رضی اللہُ عنہ بيان كرتے ہیں کہ سرکارِابدِقرار،دوعالَم کے مالک ومختار صلَّی اللہ علیہ واٰلہٖ وسلَّم نے ارشاد فرمایا: تین عادتیں ایسی ہیں کہ جس شخص میں ہوں وہ منافِق ہے اگرچہ روزہ ركھے، نماز پڑھے اور یہ گمان کرے کہ وہ مسلمان ہے:(1)…بات كرے تو جھوٹ بولے(2)…وعدہ کرے تو پورا نہ کرےاور(3)…امانت رکھوائی جائے تو خیانت کرے ۔( الاحسان بترتیب صحیح ابن حبان، کتاب الایمان ، باب ماجاء فی الشرک والنفاق،1/ 237، حدیث : 257)

حديث كا مصداق: حدیث میں وعدہ خلافی کا مصداق وہ شخص ہے جس كا عَزْم یہ ہو کہ وہ وعدہ پورا نہیں کرے گا یا وہ جو بغیرکسی عذر کے وعدہ پورا نہ کرے۔ رہا وہ شخص جس کا وعدہ پورا کرنے کا عزم ہو پھر اسے کو ئی ایساعذر پیش آجائے جو اسے وعدہ پورا کرنے سے روک دے تو وہ منافق نہیں ہو گا اگر چہ یہ بھی صورتاً نفاق ہے جس سے ایسے ہی بچنا چاہئے جیسے حقیقی نفاق سے بچا جا تا ہے اور معقول عذرکے بغیر خود کو معذور نہیں سمجھنا چاہئے۔ (احیاء العلوم، 3/ 405 )

(3) بیہقی نے ابوہریرہ رضی اللہُ عنہ سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: بندہ بات کرتا ہے اور محض اس لیے کرتا ہے کہ لوگوں کو ہنسائے اس کی وجہ سے جہنم کی اتنی گہرائی میں گرتا ہے جو آسمان و زمین کے درمیان کے فاصلہ سے زیادہ ہے اور زبان کی وجہ سے جتنی لغزش ہوتی ہے، وہ اس سے کہیں زیادہ ہے جتنی قدم سے لغز ش ہوتی ہے۔(شعب الإیمان، باب في حفظ اللسان،4/213،حدیث:4832)

(4) ابو داؤد نے سفیان بن اسید حضرمی رضی اللہ عنہ سے روایت کی ، کہتے ہیں میں نے رسول الله صلَّی اللہ علیہ واٰلہٖ وسلَّم کو یہ فرماتے سنا کہ بڑی خیانت کی یہ بات ہے کہ تو اپنے بھائی سے کوئی بات کہے اور وہ تجھے اس بات میں سچا جان رہا ہے اور تو اس سے جھوٹ بول رہا ہے۔(ابوداؤد، کتاب الادب، باب فی المعاریض، 4 / 381، حدیث: 4971)

(5) بیہقی نے ابو برزہ رضی اللہُ عنہ سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جھوٹ سے منھ کالا ہوتا ہے اور چغلی سے قبر کا عذاب ہے۔(شعب الایمان،باب فی حفظ اللسان، 4/ 208، حدیث : 4813 )

میٹھے میٹھے اسلامی بھائیو! ہمیں معلوم چلا کہ جھوٹ بولنا گناہ اور بدترین برائی ہے ۔ ہمیں ہر جھوٹی بات سے بچنا چاہیے ۔ جھوٹ بولنے والوں پر اللہ پاک کی لعنت ہے اور جھوٹ بولنے والوں کو اللہ کے رسول صلَّی اللہ علیہ واٰلہٖ وسلَّم نے ناپسند فرمایا ہے ۔ ہمیں ہر وقت سچ بولنا چاہیے ۔ الله پاک ہمیں اور آپ کو ہر جھوٹی بات سے بچائے اور ہمیشہ سچ بولنے کی توفیق عطا فرمائے۔ اٰمین بجاہ النبی الامین صلَّی اللہ علیہ واٰلہٖ وسلَّم

جھوٹ اخلاقی برائیوں میں سے ایک بدترین برائی ہے ۔ جھوٹ حقیقت کے بر عکس بات کرنے کو کہتے ہیں۔ سارے مذاہب کے ماننے والے اس کی مذمت کرتے ہیں ، ہمارے مذہب مذہبِ اسلام میں بھی جھوٹ بولنے کو بہت سختی کے ساتھ منع کیا گیا ہے۔ قرآن و حدیث میں جھوٹ بولنے والوں پر اللہ پاک کی لعنت کی گئی ہے اور اسے گناہِ کبیرہ میں شمار کیا گیا ہے۔ سب سے پہلے جھوٹ کس نے بولا ہے؟ سب سے پہلے جھوٹ شیطان نے بولا کہ حضرت آدم علیہ السلام سے کہا کہ میں تمہارا خیر خواہ ہوں پہلا تقیہ پہلا جھوٹ شیطان کا کام تھا۔ (مرآۃ المناجیح )

آئیے ہم آپ کے سامنے جھوٹ کی مذمت پر 5 فرامین مصطفےٰ صلَّی اللہ علیہ واٰلہٖ وسلَّم پیش کرتے ہیں :۔

(1) ترمذی نے ابن عمر رضی اللہُ عنہما سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جب بندہ جھوٹ بولتا ہے، اس کی بدبو سے فرشتہ ایک میل دور ہوجاتا ہے۔(سنن الترمذی،کتاب البروالصلۃ، باب ماجاء في المراء،3/392،حدیث:1979)

(2)حضرت سیدنا نَواس بن سَمعان کِلابی رضی اللہُ عنہ بیان کرتے ہیں کہ آقائے نامدار،دوعالم کے مالک و مختار صلَّی اللہ علیہ واٰلہٖ وسلَّم نے ارشاد فرمایا:کیا وجہ ہے کہ میں تمہیں جھوٹ پر اس طرح گرتے دیکھتا ہوں جس طرح پروانے آگ( یعنی روشنی)میں گرتے ہیں؟آدمی کا ہر جھوٹ یقینی طور پر لکھا جاتا ہے سوائے یہ کہ آدمی جنگ میں جھوٹ بولے کیونکہ جنگ میں فریب ہی ہوتا ہے یادو شخصوں کے درمِیان بُغْض وعداوت ہواور وہ ان کے درمِیان صُلْح کرائے یا اپنی زوجہ کو خوش کرنے کے لئے کوئی بات کہے۔( شعب الایمان ، باب فی حفظ اللسان،4/ 204،حدیث :4798)

(3) حضرت سعد رضی اللہ عنہ بیان کرتے ہیں کہ رسول اکرم صلَّی اللہ علیہ واٰلہٖ وسلَّم نے ارشاد فرمایا : تمام عادتیں مومن کی فطرت میں ہو سکتی ہیں سوائے خیانت اور جھوٹ کے( مسند امام احمد ، 34/554 ، حدیث: 22170)

(4) حضرت عبد اللہ ابن مسعود رضی اللہ عنہ بیان کرتے ہیں کہ رسول خدا صلَّی اللہ علیہ واٰلہٖ وسلَّم نے ارشاد فرمایا : جھوٹ اللہ پاک کی نافرمانی کی طرف لے جاتا ہے اور اللہ پاک کی نافرمانی جہنم کی آگ کی طرف لے جاتی ہے ۔ بندہ جھوٹ بولتا رہتا ہے یہاں تک کہ اللہ پاک کے نزدیک بہت بڑا جھوٹا لکھ دیا جاتا۔ (صحیح بخاری ،4/125، حدیث: 6094 ) حکیم الامت، حضرت مفتی احمد یار خان رحمۃُ اللہِ علیہ فرماتے ہیں : جو شخص سچ بولنے کا عادی ہوجائے، اللہ پاک اسے نیک کار بنادے گا، اس کی عادت اچھے کام کی ہوجائے گی، اس کی برکت سے وہ مرتے وقت تک نیک رہے گا، برائیوں سے بچے گا۔ (مراۃ المناجیح،6/344)

(5) سرکار دو عالم نور مجسم صلَّی اللہ علیہ واٰلہٖ وسلَّم نے اِرْشاد فرمایا: خَواب میں ایک شَخْص میرے پاس آیا اور بولا: چلئے! میں اُس کے ساتھ چَل دِیا، میں نے دو(2)آدَمی دیکھے، ان میں ایک کھڑا اور دُوسرا بیٹھا تھا ، کھڑے ہوئے شَخْص کے ہاتھ میں لَوہے کا زَنْبُورتھا، جسے وہ بیٹھے شَخْص کے ایک جَبْڑے میں ڈال کر اُسے گُدّی تک چِیر دیتا، پھر زَنْبُورنکال کر دُوسرے جَبْڑے میں ڈال کر چِیْرتا، اِتنے میں پہلے والاجَبْڑا اپنی اَصْلی حالت پر لَوٹ آتا، میں نے لانے والے شَخْص سے پُوچھا: یہ کیا ہے؟اُس نے کہا: یہ جُھوٹا شَخْص ہے، اِسے قِیامت تک قَبْر میں یہی عذاب دیا جا تا رہے گا۔ (مساویٔ الاخلاق للخرائطی، ص: 76،حدیث : 131)

معلوم ہیں کہ جھوٹ بولنا بہت سنگین جرم اور گناہ کبیرہ ہے،جھوٹ بولنے سے انسان اللہ پاک کی رحمت سے دور ہو جاتا ہے، یہاں تک کہ جھوٹ بولنے والوں پر اللہ پاک کی لعنت کی گئی ہے۔ جھوٹ معاشرے میں نفاق کو جنم دیتا ہے ۔ الله پاکی سے دعا ہے کہ ہمیں جھوٹ بولنے سے بچائے۔ اٰمین بجاہ النبی الامین صلَّی اللہ علیہ واٰلہٖ وسلَّم

جھوٹ ایسی بری خصلت ہے جسے سارے مذہب کے ماننے والے اسے برا سمجھتے ہیں ہمارے دین اسلام میں تو اس کی بڑی سختی کے ساتھ مذمت بیان کی گئی ہے۔ آیئے ہم سب سے پہلے اس کی تعریف پھر جھوٹ کی مذمت پر 5احادیث بیان کرتے ہیں ۔

جھوٹ کی تعریف: کسی کے بارے میں خلاف حقیقت خبر دینا۔ قائل گنہگار اس وقت ہو گا جبکہ بلاضرورت جان بوجھ کر جھوٹ بولے۔ (الحديقۃ النديہ، القسم الثاني، المبحث الاول، 4/ 10)

حدیث (1) حضرت ابو ہریرہ رضی اللہُ عنہ سے روایت ہے کہ رسول الله صلَّی اللہ علیہ واٰلہٖ وسلَّم نے ارشاد فرمایا: منافق کی تین نشانیاں ہیں: (1) جب وہ بات کرے تو جھوٹ بولے (2) جب وعدہ کرے تو پورا نہ کرے (3) اور جب امانت رکھی جائے تو خیانت کرے۔(صحیح بخاری، ص: 1458،حدیث: 6095)

حدیث میں وعدہ خلافی کا مصداق وہ شخص ہے جس كا عَزْم یہ ہو کہ وہ وعدہ پورا نہیں کرے گا یا وہ جو بغیرکسی عذر کے وعدہ پورا نہ کرے۔رہا وہ شخص جس کا وعدہ پورا کرنے کا عزم ہو پھر اسے کو ئی ایساعذر پیش آجائے جو اسے وعدہ پورا کرنے سے روک دے تو وہ منافق نہیں ہو گا اگر چہ یہ بھی صورتاً نفاق ہے جس سے ایسے ہی بچنا چاہئے جیسے حقیقی نفاق سے بچا جا تا ہے اور معقول عذرکے بغیر خود کو معذور نہیں سمجھنا چاہئے۔ (احیاء العلوم، 3/ 405، المدینۃ العلمیہ )

حدیث (2) امام مالک و بیہقی نے صفوان بن سلیم سے روایت کی، کہ رسول اللہ صلَّی اللہ علیہ واٰلہٖ وسلَّم سے پوچھا گیا، کیا مومن بزدل ہوتا ہے؟ فرمایا: ہاں۔ پھر عرض کی گئی، کیا مومن بخیل ہوتا ہے؟ فرمایا: ہاں۔ پھر کہا گیا، کیا مومن کذاب ہوتا ہے؟ فرمایا: نہیں۔ (الموطأ،کتاب الکلام،باب ماجاء في الصدق والکذب،2/468،حدیث:1913)

حدیث (3) ترمذی نے ابن عمر رضی اللہُ عنہما سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جب بندہ جھوٹ بولتا ہے، اس کی بدبو سے فرشتہ ایک میل دور ہوجاتا ہے۔(سنن الترمذی،کتاب البروالصلۃ، باب ماجاء في المراء،3/392،حدیث:1979)

حدیث (4) امام احمد نے حضرت ابوبکر رضی اللہُ عنہ سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جھوٹ سے بچو، کیونکہ جھوٹ ایمان سے مخالف ہے۔(المسند للإمام أحمد بن حنبل،مسند أبي بکر الصدیق،1/22،حدیث:1913)

حدیث (5) نُورکے پیکر، تمام نبیوں کے سَرْوَرصلَّی اللہ علیہ واٰلہٖ وسلَّم نے اِرْشاد فرمایا: خَواب میں ایک شَخْص میرے پاس آیا اور بولا: چلئے! میں اُس کے ساتھ چَل دِیا، میں نے دو(2)آدَمی دیکھے، ان میں ایک کھڑا اور دُوسرا بیٹھا تھا ، کھڑے ہوئے شَخْص کے ہاتھ میں لَوہے کا زَنْبُورتھا، جسے وہ بیٹھے شَخْص کے ایک جَبْڑے میں ڈال کر اُسے گُدّی تک چِیر دیتا، پھر زَنْبُورنکال کر دُوسرے جَبْڑے میں ڈال کر چِیْرتا، اِتنے میں پہلے والاجَبْڑا اپنی اَصْلی حالت پر لَوٹ آتا، میں نے لانے والے شَخْص سے پُوچھا: یہ کیا ہے؟اُس نے کہا: یہ جُھوٹا شَخْص ہے، اِسے قِیامت تک قَبْر میں یہی عذاب دیا جا تا رہے گا۔ (مساویٔ الاخلاق للخرائطی، ص: 76،حدیث : 131)

خلاصہ گفتگو یہ کہ جھوٹ بہت بڑی نحوست و آفت ہے ، اللہ پاک کو ناراض کرنے کا ذریعہ ہے ۔ اللہ پاک ہمیں اس کی آفت سے محفوظ رکھے اور ہمیشہ سچ بولنے کی توفیق عطا فرمائے ۔ اٰمین بجاہ النبی الامین صلَّی اللہ علیہ واٰلہٖ وسلَّم

(1) ترمذی نے ابن عمر رضی اللہُ عنہما سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جب بندہ جھوٹ بولتا ہے، اس کی بدبو سے فرشتہ ایک میل دور ہوجاتا ہے۔

(2) امام احمد نے حضرت ابوبکر رضی اللہُ عنہ سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جھوٹ سے بچو، کیونکہ جھوٹ ایمان سے مخالف ہے۔

(3 ) امام احمد نے ابو ہریرہ رضی اللہ عنہ سے روایت کی کہ رسول اللہ صلَّی اللہ علیہ واٰلہٖ وسلَّم نے فرمایا : بندہ پورا مومن نہیں ہوتا جب تک مذاق میں جھوٹ کو نہ چھوڑ دے اور جھگڑنا‌ نہ چھوڑ دے اگرچہ سچا ہو ۔

(4 ) امام مالک و بیہقی نے صفوان بن سلیم سے روایت کی، کہ رسول اللہ صلَّی اللہ علیہ واٰلہٖ وسلَّم سے پوچھا گیا، کیا مومن بزدل ہوتا ہے؟ فرمایا: ہاں۔ پھر عرض کی گئی، کیا مومن بخیل ہوتا ہے؟ فرمایا: ہاں۔ پھر کہا گیا، کیا مومن کذاب ہوتا ہے؟ فرمایا: نہیں۔

( 5)بیہقی نے ابو برزہ رضی اللہُ عنہ سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جھوٹ سے منھ کالا ہوتا ہے اور چغلی سے قبر کا عذاب ہے۔

جھوٹ ایسی بری چیز ہے کہ ہر مذہب والے اس کی برائی کرتے ہیں۔ تمام مذہب میں یہ حرام ہے۔ اسلام نے اس سے بچنے کی بہت تاکید کی۔ قرآن مجید میں بہت مواقع پر اس کی مذمت فرمائی اور جھوٹ بولنے والوں پر خدا کی لعنت آئی۔ حدیثوں میں بھی اس کی برائی ذکر کی گئی۔ اس کے متعلق پانچ فرامین مصطفےٰ صلَّی اللہ علیہ واٰلہٖ وسلَّم ذکر کی جاتی ہیں۔

(1) عبداللہ بن مسعود رضی اللہُ عنہ سے مروی، کہ رسول اللہ صلَّی اللہ علیہ واٰلہٖ وسلَّم فرماتے ہیں: صدق کو لازم کرلو، کیونکہ سچائی نیکی کی طرف لے جاتی ہے اور نیکی جنت کا راستہ دکھاتی ہے آدمی برابر سچ بولتا رہتا ہے اور سچ بولنے کی کوشش کرتا رہتا ہے، یہاں تک کہ وہ اللہ پاک کے نزدیک صدیق لکھ دیا جاتا ہے اور جھوٹ سے بچو، کیونکہ جھوٹ فجور کی طرف لے جاتا ہے اور فجور جہنم کا راستہ دکھاتا ہے اور آدمی برابر جھوٹ بولتا رہتا ہے اور جھوٹ بولنے کی کوشش کرتا ہے، یہاں تک کہ اللہ پاک کے نزدیک کذاب لکھ دیا جاتا ہے۔ (بہار شریعت ،3/516)

(2) ترمذی نے ابن عمر رضی اللہُ عنہما سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جب بندہ جھوٹ بولتا ہے، اس کی بدبو سے فرشتہ ایک میل دور ہوجاتا ہے۔( بہار شریعت ، 3 / 518)

(3) امام احمد نے حضرت ابوبکر رضی اللہُ عنہ سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جھوٹ سے بچو، کیونکہ جھوٹ ایمان سے مخالف ہے۔(بہار شریعت ،3/519)

(4) بیہقی نے ابو برزہ رضی اللہُ عنہ سے روایت کی، کہ رسول اللہ صلَّی اللہ علیہ واٰلہٖ وسلَّم نے فرمایا: جھوٹ سے منھ کالا ہوتا ہے اور چغلی سے قبر کا عذاب ہے۔(بہار شریعت، 3/ 520)

(5) امام احمد نے ابوہریرہ رضی اللہ عنہ سے روایت کی کہ ‌رسول الله صلَّی اللہ علیہ واٰلہٖ وسلَّم نے فرمایا: بندہ پورا مومن نہیں ہوتا جب تک مذاق میں بھی جھوٹ کونہ چھوڑ دے اور جھگڑاکرنا نہ چھوڑدے اگرچہ سچا ہو ۔ ( بہار شریعت، 3/516 )

پیارے پیارے اسلامی بھائیوں ! ہمیں معلوم ہوا کہ جھوٹ بولنے کے کتنے نقصانات ہے لہذا ہم کو جھوٹ نہیں بولنا چاہیے کیونکہ جھوٹ بولنے سے اللہ پاک ناراض ہوتا ہے اور جہنم میں لے جانے والا عمل بھی ہے ۔

پیارے اسلامی بھائیوں !آج کا ہمارا مضمون جھوٹ کے بارے میں ہے آئیے پہلے جھوٹ کی تعریف جانتے ہیں : خلاف واقع بات کرنے کو جھوٹ کہتے ہیں۔ کیا آپ جانتے ہیں سب سے پہلے جھوٹ کس نے بولا ؟ سب سے پہلے جھوٹ شیطان نے بولا ۔ پیارے اسلامی بھائیوں جھوٹ بولنا بہت بڑا گناہ ہے اللہ پاک نے قرآن میں جھوٹ بولنے والوں پر لعنت فرمائی ہے۔ اور جھوٹ سے نیکیاں ضائع ہو جاتی ہیں۔ آئے جھوٹ کی مذمت پر فرامین مصطفی صلَّی اللہ علیہ واٰلہٖ وسلَّم سنتے ہیں ۔

مدینے کے تاجدار صلَّی اللہ علیہ واٰلہٖ وسلَّم کا ارشاد گرامی ہے : ہلاکت ہے اس کے لئے جو لوگوں کو ہنسانے کے لئے جھوٹ بولتا ہے۔ اور ایک روایت میں ہے کہ جو بندہ محض اس لئے بات کرتا ہے کہ لوگوں کو ہنسائے تو اس کی وجہ سے آسمان و زمین کے درمیان موجود فاصلے سے بھی زیادہ دور ( جہنم) میں جا گرتا ہے ۔

ہمارے پیارے آقا کو خواب میں جھوٹ بولنے والے کی یہ سزا دکھائی گئی کہ اس کو گدی کے لٹایا ہوا تھا اور ایک شخص لوہے کا چمٹا لیے اس پر کھڑا تھا اور وہ ایک طرف سے اس کی بانچھ چمٹے سے پکڑ کر گدی تک چیرتا ہوا لے جاتا، اس طرح آنکھ اور ناک کے نتھنے میں چمٹا گھونپ کر چیرتا ہوا گدی تک لے جاتا۔

جھوٹ بولنے والوں کو اللہ اور اس کے رسول صلَّی اللہ علیہ واٰلہٖ وسلَّم بالکل بھی پسند نہیں فرماتے ہیں۔

پیارے پیارے اسلامی بھائیوں ! الله پاک ہمیں جھوٹ کے گناہ سے محفوظ و مامون فرمائے، ہمیں ہمیشہ سچ بولنے کی توفیق مرحمت فرمائے۔ اٰمین بجاہ النبی الامین صلَّی اللہ علیہ واٰلہٖ وسلَّم ۔

عن عبدالله بن مسعود قال قال رسول الله صلَّی اللہ علیہ واٰلہٖ وسلَّم إنَّ الصِّدْقَ برٌّ، وإنَّ البِرَّ يَهْدِي إلى الجَنَّةِ، وإنَّ العَبْدَ لَيَتَحَرّى الصِّدْقَ، حتّى يُكْتَبَ عِنْدَ اللهِ صِدِّيقًا، وإنَّ الكَذِبَ فُجُورٌ، وإنَّ الفُجُورَ يَهْدِي إلى النّارِ ترجمہ حضرت ابن مسعود رضی اللہ عنہ سے روایت ہے کہ حضور صلَّی اللہ علیہ واٰلہٖ وسلَّم نے ارشاد فرمایا کہ سچ بولنا نیکی ہے اور نیکی جنت میں لے جاتی ہے اور جھوٹ بولنا فسق و فجور ہے اور فسق و فجور دوزخ میں لے جاتی ہے۔ (مسلم شریف، مشکوٰة شریف )

حضرت ام کلثوم رضی اللہ عنہا سے روایت ہے کہ سرکار اقدس صلَّی اللہ علیہ واٰلہٖ وسلَّم نے ارشاد فرمایا کہ وہ شخص جھوٹا نہیں ہے جو لوگوں کے درمیان صلح پیدا کرتا ہے ،اچھی بات کہتا ہے اور اچھی بات پہنچاتا ہے۔

حضرت صفوان بن سلیم رضی اللہ عنہ سے روایت ہے کہ حضور علیہ الصلاۃ والسلام سے پوچھا گیا کیا مومن بزدل ہوتا ہے ؟ حضور نے فرمایا ہاں(ہو سکتا ہے ) پھر عرض کیا گیا کیا مومن بخیل ہو سکتا ہے ؟ فرمایا ہاں(ہو سکتاہے )پھر پوچھا گیا کیا مومن کذّاب یعنی جھوٹا ہوتا ہے ؟ فرمایا نہیں ۔ (بیہقی، مشکوۃ)

میٹھے میٹھے اسلامی بھائیو! اس حدیث پاک سے معلوم ہوا کہ مسلمان تو بزدل ہو سکتا ہے، بخیل تو ہو سکتا ہے لیکن یاد رکھے جھوٹا کبھی نہیں ہو سکتا ۔ الغرض مسلمان یعنی مومن جھوٹ بول نہیں سکتا۔

حضرت ابن عمر رضی اللہ عنہ سے مروی ہے کہ حضور صلَّی اللہ علیہ واٰلہٖ وسلَّم نے فرمایا: جب بندہ جھوٹ بولتا ہے اس کی بدبو سے فرشتہ ایک میل دور ہٹ جاتا ہے۔ (ترمذی شریف)

نوٹ:جھوٹ کی نحوست یہ ہے کہ جب کوئی جھوٹ بولنا ہے۔ تو جھوٹ کی بدبو کی وجہ سے رحمت کا فرشتہ ایک میل دور چلا جاتا ہے ۔ اور جھوٹ سے بچو کیوں کہ چھوٹ بولنے والا بدکار کے ساتھ ہوتا ہے اور وہ دونوں دوزخ میں ہوں گے۔

حضرت عمر رضی اللہ عنہ کا ارشاد ہے کہ تم ایمان کی حقیقت کو نہیں پہنچ سکتے یہاں تک کہ تم مزاح میں بھی جھوٹ بولنا چھوڑ دو۔

الحمد لله، الله پاک کی بے شمار نعمتوں میں سے زبان بھی ایک عظیم نعمت ہے ہمیں چاہیے کہ ہم اللہ پاک کی اس عظیم نعمت کو اس کی اطاعت میں استعمال کریں اور اسے جھوٹ وغیرہ بڑے گنا ہوں سے بچائیں۔ جھوٹ ایک ایسی بری چیز ہے کہ ہر مذہب والے سے اس کی برائی کرتے ہیں۔ تمام ادیان ( دین کی جمع) میں یہ حرام ہے۔ جھوٹے شخص پر سے لوگوں کا اعتماد ختم ہو جاتا ہے۔ اسلام نے جھوٹ سے بچنے کی بہت تاکید کی۔ قراٰن مجید میں بہت مواقع پر اس کی مذمت فرمائی گئی اور جھوٹ بولنے والوں پر خدا کی لعنت آئی۔ نیز احادیث میں بھی جگہ بجگہ جھوٹ کی مذمت اور اس کی برائی کی گئی ہے۔ جھوٹ سے بچنے اور سچ کا جذبہ پانے کیلئے جھوٹ کی تعریف اور چند حدیثیں ذکر کی جاتی ہے تاکہ مسلمان انہیں پڑھے اور اس کی توفیق سے ان پر عمل کریں ۔

جھوٹ کی تعریف: کسی کے بارے میں خلاف حقیقت خبر دینا۔ قائل جھوٹا اس وقت ہوگا جبکہ (بلا ضرورت ) جان بوجھ کر جھوٹ بولے ۔ (76 کبیرہ گناہ ،ص99 )

غیبوں کی خبر دینے والے پیارے آقا صلَّی اللہ علیہ واٰلہٖ وسلَّم نے ارشاد فرمایا: جو شخص جھوٹ بولنا چھوڑ دے اور وہ باطل چیز ہے اس کیلئے جنت کے کنارے میں مکان بنایا جائے گا اور جس نے جھگڑا کرنا چھوڑا اور وہ حق پر ہے اس کیلئے وسط جنت میں مکان بنایا جائے گا اور جس نے اپنے اخلاق اچھے کیے اس کیلئے جنت کے اعلی درجۂ میں مکان بنایا جائے گا۔( مشکاة شریف، باب حفظ اللسان، ص 412 ) یعنی جنت کا ادنی درجۂ کیونکہ کنارہ ادنی ہوتا ہے ، درمیاں اعلی مگر کنارے سے مراد جنت کا اندرونی کنارہ ہے نہ کے بیرونی جنت اور یہاں حق سے مراد دنیاوی حقوق ہیں نہ کہ دینی حقوق ، جو دین حق کو برباد کرنا چاہے اس کا مقابلہ بقدر طاقت زبان قلم تلوار سے ضرور کریں۔( مراة المناجيح، 6/ 364 )

(2) خاتم النبین رحمۃُ اللعالمین صلَّی اللہ علیہ واٰلہٖ وسلَّم ارشاد فرماتے ہیں: صدق کو لازم کرلو، کیونکہ سچائی نیکی کی طرف لے جاتی ہے ۱؎ اور نیکی جنت کا راستہ دکھاتی ہے ۔آدمی برابر سچ بولتا رہتا ہے اور سچ بولنے کی کوشش کرتا رہتا ہے، یہاں تک کہ وہ اللہ پاک کے نزدیک صدیق لکھ دیا جاتا ہے اور جھوٹ سے بچو، کیونکہ جھوٹ فُجور کی طرف لے جاتا ہے اور فجور جہنم کا راستہ دکھاتا ہے۳؎ اور آدمی برابر جھوٹ بولتا رہتا ہے اور جھوٹ بولنے کی کوشش کرتا ہے، یہاں تک کہ اللہ پاک کے نزدیک کذّاب لکھ دیا جاتا ہے۔ ۔( مشکوٰۃ شریف، باب حفظ اللسان،ص 412 ) مراۃ المناجیح میں ہے : یعنی جو شخص سچ بولنے کا عادی ہو جاوے اللہ پاک اسے نیک کار بنادے گا اس کی عادت اچھے کام کرنے کی ہوجاوے گی، اس کی برکت سے وہ مرتے وقت تک نیک رہے گا برائیوں سے بچے گا۔ اور جو اللہ کے نزدیک صدیق ہو جاوے اس کا خاتمہ اچھا ہوتا ہے اور وہ ہر قسم کے عذاب سے محفوظ رہتا ہے ہر قسم کا ثواب پاتا ہے اور دنیا بھی اسے سچا کہنے اچھا سمجھنے لگتی ہے، اس کی عزت لوگوں کے دلوں میں بیٹھ جاتی ہے۔جھوٹا آدمی آگے چل کر پکا فاسق و فاجر بن جاتا ہے جھوٹ ہزار ہا گناہوں تک پہنچا دیتا ہے، تجربہ بھی اسی پر شاہد ہے۔ سب سے پہلے جھوٹ شیطان نے بولا کہ حضرت آدم علیہ السلام سے کہا کہ میں تمہارا خیر خواہ ہوں پہلا تقیہ پہلا جھوٹ شیطان کا کام تھا۔ جس کا نتیجہ یہ ہوتا ہے کہ پھر یہ شخص ہر قسم کے گناہوں میں پھنس جاتا ہے اور قدرتی طور پر لوگوں کو اس کا اعتبار نہیں رہتا لوگ اس سے نفرت کرنے لگتے ہیں۔ ( مرآۃ المناجیح، 6/358 )

(3) نور والے آقا محمد مصطفی صلَّی اللہ علیہ واٰلہٖ وسلَّم نے ارشاد فرمایا: خرابی ہے اس کے لئے جو بات کرے تو جھوٹ بولے تاکہ اس سے قوم کو ہنسائے ،اس کے لئے خرابی ہے اس کے لئے خرابی ہے ۔(مشکوٰة شریف، باب حفظ اللسان، ص412)

(4) دونوں عالم کے مالک و مختار صلَّی اللہ علیہ واٰلہٖ وسلَّم سے پوچھا گیا: کیا مومن بزدل ہوتا ہے؟ فرمایا: ہاں پھر عرض کی گئی کیا مومن بخیل ہوتا ہے ؟ فرمایا: ہاں۱؎ پھر کہا گیا کیا مومن کذاب ہوتا ہے؟ فرمایا :نہیں ۔۲؎( مشکوة شریف ،باب حفظ اللسان، ص414 )۱؎ یعنی مسلمان میں بزدلی یا کنجوسی فطری طور پر ہوسکتی ہے کہ یہ عیوب ایمان کے خلاف نہیں لہذا مؤمن میں ہوسکتی ہیں۔ ۲؎ کذاب فرماکر اس طرف اشارہ ہے کہ مؤمن گاہے بہ گاہے جھوٹ بول لے تو ہوسکتا ہے مگر بڑا جھوٹا ہمیشہ کا جھوٹا ہونا جھوٹ کا عادی ہونا مؤمن ہونے کی شان کے خلاف ہے،یہاں بھی وہ ہی مراد جو ابھی پہلی حدیث میں عرض کیا گیا یا مؤمن سے مراد کامل الایمان لہذا حدیث پر یہ اعتراض نہیں کہ بہت مسلمان جھوٹے ہوتے ہیں۔(مرآۃ المناجیح ، 6 / 376 )

(5) ہم غریبوں کی مدد کرنے والے پیارے آقا صلَّی اللہ علیہ واٰلہٖ وسلَّم نے ارشاد فرمایا : جب بندہ جھوٹ بولتا ہے تو فرشتہ اس سے ایک میل دور ہو جاتا ہے ۱؎۔ اس بدبو کی وجہ سے جو آتی ہے۲؎ ۔( مشكوٰة باب حفظ اللسان ،ص 413 ) ۱؎ فرشتے سے مراد یا تو نیکیاں لکھنے والا فرشتہ ہے یا حفاظت کرنے والا فرشتہ یا کوئی خاص رحمت کا فرشتہ، گناہ لکھنے والا فرشتہ دور نہیں ہوتا فرشتوں کے مزاج مختلف ہیں۔ میل سے مراد یا تو یہ ہی شرعی میل ہے یعنی فرسخ کا تہائی حصہ یا مراد ہے تاحد نظر زمین۔ ۲؎ اس سے معلوم ہوتا ہے کہ اچھی بری باتوں نیک و بد اعمال میں خوشبو اور بدبو ہے بلکہ ان میں اچھی بری لذتیں بھی ہیں مگر یہ صاف دماغ والوں کو صاف طبیعت والوں کو ہی محسوس ہوتی ہیں۔( مرآۃ المناجیح ، 6/ 369 )

پچھلے دنوں دعوتِ اسلامی کے شعبہ فیضان آن لائن اکیڈمی کے تحت گوجرانوالہ میں آن لائن مدنی مشورہ ہواجس میں شفٹ تعلیمی ذمہ داران و معاونین نے شرکت کی۔

مدنی مشورے میں خالد محمود عطاری مدنی نے تعلیمی امور اور اس میں انداز تدریس کے متعلق نکات بتائے اورطلبہ کے نصاب بالخصوص فنون پر توجہ دینے کے بارے میں مدنی پھول دیئے ۔ مزید تفتیش میں مزید نکھار پیدا کرنے کا ذہن دیا اور منصب کے مطابق ذمہ دار کو ذمہ داری کے تقاضوں پر پورا اُترنے کی کوشش کرنے کی ترغیب دلائی ۔ (رپورٹ : محمد وقار یعقوب مدنی برانچ ناظم فیضان آن لائن ، کانٹینٹ: رمضان رضا عطاری)

دعوتِ اسلامی  کے زیرِ اہتمام 10نومبر2022ء کو بہاولنگر میں قائم فیضان آن لائن اکیڈمی کی نیو برانچ میں تعمیراتی کاموں کے سلسلے میں ذمہ داران نے دورہ کیا۔

اس موقع پر رکنِ شعبہ مولانا عمران عطاری اورڈویژن ذمہ دار مولانا نعیم رضا عطاری مدنی نے تعمیری کاموں کا جائزہ لیتے ہوئے مقامی ذمہ دار ناصر عطاری، کنسٹریکشن ڈیپارٹمنٹ کے وسیم عطاری اور حاجی محمد افضل، فنانس ڈیپارٹمنٹ کے ذمہ دار تیمور عطاری کے ساتھ میٹنگ کی اور انہیں مزید کاموں کے حوالے سے بریفنگ دی ۔ (رپورٹ : محمد وقار یعقوب مدنی برانچ ناظم فیضان آن لائن اکیڈمی ، کانٹینٹ: رمضان رضا عطاری) 

اللہ پاک قرآن میں ارشاد فرماتا ہے: وَ اجْتَنِبُوْا قَوْلَ الزُّوْرِۙ(۳۰)ترجَمۂ کنزُالایمان: اور بچو جھوٹی بات سے۔(پ17،الحج:30)ایک ایسی خصلت جو صرف اسلام میں ہی نہیں بلکہ ہر مذہب میں، ہر قوم میں، ہر ملک میں بری سمجھی جاتی ہے وہ خصلت جھوٹ ہے۔ جھوٹ ایسی بیماری ہے جو تمام گناہوں کی اصل ہے۔ اسی وجہ اس کو اکبر الکبائر گناہوں میں شمار کیا جاتا ہے۔ اور اس سے بچنا فرض ہے۔

بار بار جھوٹ بولنے والے شخص پر اعتماد کرنا مشکل ہو جاتا ہے بلکہ کوئی اعتماد کرتا ہی نہیں ہے۔ آج اگر سوال کیا جائے کہ کون جھوٹ سے بچا ہوا ہے؟ تو جواب آئے گا ایسا کوئی بندہ نہیں ہے جو اس مرض میں مبتلا نہ ہو۔ الا ماشاءاللہ اس قدر معاشرے میں جھوٹ آم ہے۔

اے عاشقان رسول! ہمارا رسول سچا ، ہمارا دین اسلام سچا ، اسلام سچائی کا درس دیتا ہے۔ کیا سچے رسول کا سچا عاشق بھی کبھی جھوٹا ہو سکتا ہے؟ جھوٹ معاشرے میں اتنا عام ہونے کی وجہ سے لوگوں معلوم ہی نہیں کہ حقیقتاً جھوٹ کی تعریف کیا ہے۔ شریعت کی نظر میں جھوٹ کیا ہے :بات حقیقت کے خلاف ہونا جھوٹ ہے۔(حدیقہ ندیہ، 2/ 400)

(1) ایک شخص سر کار نامدار ، دوعالم کے مالک و مختار صلی اللہ علیہ والہ و سلم کی خدمت میں حاضر ہوا اور عرض کی: میں آپ پر ایمان لانا چاہتا ہوں مگر میں شراب نوشی، بد کاری ، چوری اور جھوٹ سے محبت رکھتا ہوں اور لوگ یہ کہتے ہیں کہ آپ صلَّی اللہ علیہ واٰلہٖ وسلَّم ان چیزوں کو حرام کہتے ہیں، جبکہ مجھ میں ان تمام چیزوں کے ترک کرنے کی طاقت نہیں ہے ، اگر آپ صلَّی اللہ علیہ واٰلہٖ وسلَّم اس بات پر راضی ہو جائیں کہ میں ان میں سے کسی ایک چیز کو ترک کر دوں تو میں آپ صلَّی اللہ علیہ واٰلہٖ وسلَّم پر ایمان لانے کو تیار ہوں۔ نبی رحمت صلی اللہ علیہ و الہ وسلم نے ارشاد فرمایا: تم جھوٹ بولنا چھوڑ دو! اس نے اس بات کو قبول کر لیا اور مسلمان ہو گیا، جب وہ نبی کریم صلَّی اللہ علیہ واٰلہٖ وسلَّم کے پاس سے گیا تو اسے شراب پیش کی گئی، اس نے سوچا اگر میں نے شراب پی لی اور نبی کریم صلَّی اللہ علیہ واٰلہٖ وسلَّم نے مجھ سے شراب پینے کے متعلق پوچھا اور میں نے جھوٹ بول دیاتو عہد شکنی ہوگی اور اگر میں نے سچ بولا تو آپ صلَّی اللہ علیہ واٰلہٖ وسلَّم مجھ پر حد قائم کر دیں گے ، یہ سوچ کر اس نے شراب کو ترک کر دیا، پھر اسے بدکاری کرنے کا موقع میسر آیا تو اس کے دل میں پھر یہی خیال آیا، لہذا اس نے اس گناہ کو بھی ترک کر دیا، اسی طرح چوری کا معاملہ ہوا، پھر وہ رسول اکرم نور مجسم صلَّی اللہ علیہ واٰلہٖ وسلَّم کی بارگاہ میں حاضر ہوا اور عرض کرنے لگا کہ یا رسول اللہ آپ نے بہت اچھا کیا کہ مجھے جھوٹ بولنے سے روک دیا اور اس نے مجھ پر تمام گناہوں کے دروازے بند کر دیئے ، اس کے بعد وہ شخص تمام گناہوں سے تائب ہو گیا۔ ( تفسیر کبیر 6 / 167 )

(2) حضرت معاویہ بن حیدہ رضی اللہُ عنہ سے روایت ہے، حضور اقدس صلَّی اللہ علیہ واٰلہٖ وسلَّم نے ارشاد فرمایا: اس کے لئے ہلاکت ہے جو لوگوں کو ہنسانے کے لئے جھوٹی بات کرتا ہے، اس کے لیے ہلاکت ہے، اس کے لیے ہلاکت ہے۔ (ترمذی،141/4 ،حدیث: 2322 )

(3) بارگاہ رسالت میں ایک شخص نے حاضر ہو کر عرض کی: یا رسول الله صلَّی اللہ علیہ واٰلہٖ وسلَّم! جہنم میں لے جانے والا عمل کونسا ہے ؟ فرمایا: جھوٹ بولنا، جب بندہ جھوٹ بولتا ہے تو گناہ کر تا ہے اور جب گناہ کر تا ہے تو ناشکری کر تا ہے اور جب ناشکری کر تا ہے تو جہنم میں داخل ہو جاتا ہے۔(المسند الامام احمد بن حنبل، 2/ 589، حدیث: 6652 )

(4) حضور صلَّی اللہ علیہ واٰلہٖ وسلَّم کا فرمان ہے کہ سچ بولنا نیکی ہے اور نیکی جنت میں لے جاتی ہے اور جھوٹ بولنا فسق و فجور ہے اور فسق و فجور (گناہ) دوزخ میں لے جا تا ہے ۔ (صحیح مسلم ، ص1405 ،حديث:2607)

(5) نُورکے پیکر، تمام نبیوں کے سَرْوَر صلَّی اللہ علیہ واٰلہٖ وسلَّم نے اِرْشاد فرمایا: خَواب میں ایک شَخْص میرے پاس آیا اور بولا: چلئے! میں اُس کے ساتھ چَل دِیا، میں نے دو(2)آدَمی دیکھے، ان میں ایک کھڑا اور دُوسرا بیٹھا تھا ، کھڑے ہوئے شَخْص کے ہاتھ میں لَوہے کا زَنْبُورتھا،جسے وہ بیٹھےشَخْص کے ایک جَبڑے میں ڈال کر اُسے گُدّی تک چِیر دیتا، پھر زَنْبُورنکال کر دُوسرے جَبْڑے میں ڈال کر چِیْرتا، اِتنے میں پہلے والاجَبْڑا اپنی اَصْلی حالت پرلَوٹ آتا، میں نے لانے والے شَخْص سے پُوچھا: یہ کیا ہے؟اُس نے کہا: یہ جُھوٹا شَخْص ہے، اِسے قِیامت تک قَبْر میں یہی عذاب دیا جا تا رہے گا۔(جھوٹا چور، ص:14)

مشہور بزرگ حضرت سیدابو عبد الرحمن حاتم اصم فرماتے ہے ہمیں یہ بات پہنچی ہے کہ جھوٹا دوزخ میں کتے کی شکل میں بدل جائے گا۔ اللہ کی بارگاہ میں دعا ہے کہ ہمیں اس بری خصلت سے بچائے۔ اٰمین بجاہ النبی الامین صلَّی اللہ علیہ واٰلہٖ وسلَّم

عمومی طور پر بندہ اپنی عزت بچانے کے لئے اپنا وقار معاشرے میں برقرار رکھنے کے لئے، اپنی باتوں میں وزن بڑھانے کے لئے جھوٹ کی آمیزش کر دیتا ہے ۔بظاہر تو یہ زبان پر ہلکا محسوس ہوتا ہے لیکن شرعی نقطہ نظر سے دیکھا جائے تو جھوٹ بولنا حرام و گناہ کبیرہ ہے جہنم میں لے جانے والا کام ہے۔

(1)بارگاہِ رسالت صلَّی اللہ علیہ واٰلہٖ وسلَّم میں پوچھا گیا : کیا مؤمن جھوٹا ہو سکتا ہے؟ تو حضورِ اکرم صلَّی اللہ علیہ واٰلہٖ وسلَّم نے اِرشاد فرمایا : نہیں۔ (مُؤطّا امام مالک ، 2 / 468 ، حدیث : 1913)

(2)مومن کی صفات میں جھوٹ شامل ہی نہیں ہے۔ جھوٹ ایسی برائی ہے جو شخصیت میں عیب پیدا کردیتی ہے۔ بندے کی اہمیت کو ختم کر دیتی ہے بعض اوقات محفلوں میں دوستوں کو لطف اندوز کرنے کے لئے جھوٹے مزاحیہ لطیفے سنائے جاتے ہیں اس کی بھی شرعًا اجازت نہیں ہے سرکار مدینہ صلَّی اللہ علیہ واٰلہٖ وسلَّم نے فرمایا جب بندہ جھوٹ بولتا ہے تو اس کی بدبو کے سبب فرشتے اس سے ایک میل دور چلے جاتے ہے۔ (سنن الترمذی،حدیث: 1979)

(3)جھوٹ کی دنیوی آفت دیکھے تو اس کے روزی مختصر ہو جاتی ہے اس میں سے برکت ہی اٹھا لی جاتی ہے چنانچہ پیارے آقاصلَّی اللہ علیہ واٰلہٖ وسلَّم نے فرمایا: جھوٹ رزق کو تنگ کردیتا ہے۔ (مساوئ الاخلاق للخرائطی ،حدیث: 134)

جھوٹ کی زندگی بہت کم ہوتی ہے یہ وہ رات کا آخری پہر ہوتا ہے جس کے کچھ دیر بعد سچ کا اجالا ہوتا ہے جھوٹ کو دبا کر کتنا ہی چھپایا جائے سچ ظاہر ہو کر ہی رہتا ہے اسی لئے اپنی باتوں کو سچائی کی زینت سے آراستہ رکھیں ۔

کبھی کبھی تو ہنستے ہنستے بندہ جھوٹ بول دیتا ہے پھر بعد میں حالات ایسے ہو جاتے ہے کہ روتے روتے سچ بتانا پڑتا ہے اسی لئے رشتے کی شروعات ہو یا لین دین کی بات ہو ابتدا اور اختتام سچ سے کرے بعض اوقات جھوٹ کا سہارا لے کر کام شروع تو کردیا جاتا ہے لیکن اس کا خمیازہ شرمندگی کے ساتھ بھگتنا پڑتا ہے۔

سچ تو ایک سطر میں ہی مکمل ہوجاتا ہے لیکن جھوٹ اس کا تو باب سے ابواب بن جاتا ہے پھر بھی ختم نہیں ہوتا ہے کیونکہ جس کی بنیاد ہی بے بنیاد ہو اس کی مدت زیادہ نہیں ہوتی ۔

(4)آقا صلَّی اللہ علیہ واٰلہٖ وسلَّم فرماتے ہے: تمام عادتیں مومن کی فطرت میں ہو سکتی ہے سوائے خیانت اور جھوٹ کے۔ (المسند الام احمد بن حنبل،مسند انصار ،حدیث الامامہ الباہلی ،حدیث: 22232)

(5)آقا صلَّی اللہ علیہ واٰلہٖ وسلَّم ارشاد فرماتے ہے: جو میری طرف سے کوئی حدیث بیان کرے حالانکہ وہ جانتا ہوگا کہ یہ جھوٹ ہے تو وہ بڑے جھوٹوں میں سے ایک جھوٹ ہے۔(مسلم المقدمہ باب وجوب الروایہ عن الثقات ...الخ ص 7)

(6)جھوٹ کو میرے پیارے آقا صلَّی اللہ علیہ واٰلہٖ وسلَّم سخت ناپسند فرماتے تھے احیاءالعلوم جلد 3 ص 493 پر حدیث مرقوم ہے حضرت ابو سعید خدری رضی اللہ عنہ فرماتے ہیں کہ میں نے نبی رحمت صلَّی اللہ علیہ واٰلہٖ وسلَّم کو دعا کرتے ہوئے سنا :اے اللہ میرا دل نفاق سے، میری شرم گاہ زنا سے اور میری زبان جھوٹ سے پاک رکھ۔ ( مساوئ الاخلاف للخرائطی باب ما جاء فی الکذب وقبح ماتی بہ اھلہ ،ص 77 ،حدیث: 132)

اللہ اکبر ہمارے نبی صلَّی اللہ علیہ واٰلہٖ وسلَّم تو اس گناہ سے بچنے کی دعا کرے اور ہم ہے جو کبھی ہنستے ہوئے، تو کبھی رعب جھاڑنے کے لئے ،تو کبھی جھوٹی عزتوں کے لئے جھوٹ کا سہارا لیتے نظر آتے ہے۔ یاد رہے جھوٹ میں برکت نہیں ذلت ہے۔ ہر جگہ سچ کا علم ساتھ رکھے۔ ان شاءاللہ معذرتیں، وضاحتیں ،صفائیاں دینے کی نوبت نہیں آئے گی۔