پاکستان کے شہر فیصل آبا دمیں اجتماعِ میلاد و جلوسِ میلاد کے سلسلے میں مدنی مشورے کا انعقاد کیا گیا جس میں فیصل آباد سٹی کے یوسی نگران تا نگران ِڈویژن مشاورت ،مدرسۃالمدینہ و جامعۃالمدینہ کے مدرسین، ناظمین اور ائمہ مساجد سمیت دیگر ذمہ داران نے شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت کی اور انہیں اجتماعِ میلاد و جلوسِ میلاد بھر پور انداز میں منانے نیز زیادہ سے زیادہ عاشقانِ رسول کو ان میں شرکت کروانے کا ذہن دیا جس پر انہوں نے اچھی اچھی نیتیں کیں۔

اس کے علاوہ نگرانِ پاکستان مشاورت نے فیصل آبا دشہر کو جھنڈوں اور لائٹنگ سے سجانے کے حوالے سےذمہ داران کی ذہن سازی کی۔

واضح رہے فیصل آباد میں دعوتِ اسلامی کے تحت ہونے والا اجتماعِ میلاد دھوبی گھاٹ گراؤنڈ میں منعقد کیا جائے گا جس میں نگرانِ پاکستان مشاورت حاجی محمد شاہد عطاری سنتوں بھرا بیان فرمائیں گےجبکہ 12 ربیع الاول کو عاشقانِ رسول کے ہمراہ ضلع کو نسل تا فیضان مدینہ جلوسِ میلاد میں شرکت بھی کریں گے۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوت اسلامی کے شعبہ توقیت ’’ اَوقاتُ الصَّلٰوۃ ‘‘ نے علم توقیت کے اصول و قوانین کے مطابق بے شمار شہروں کے اَوقاتُ الصَّلٰوۃ کے نقشہ جات تیار کئے ہیں ۔

اس سلسلے میں عاشقان رسول کے لئے شعبہ توقیت اَوقاتُ الصَّلٰوۃ کی جانب سے کچھ عرصہ قبل شعبہ آئی ٹی کے تعاون سے ایک ایسا سافٹ وئیر بنام ’’ اَوقاتُ الصَّلٰوۃ ‘‘ بھی متعارف کروایا گیا تھا جو کمپیوٹر اور موبائل وغیرہ پر درست نمازوں کے وقت کی نشاندہی میں حد درجہ مفید ہے۔ مزید ایک قدم بڑھاتے ہوئے اب اس شعبہ نے انتھائی محنت کے ساتھ جدید اصول و قوانین پر مشتمل ایک کتاب بنام ’’ نصاب توقیت‘‘ تیار کی ہے۔

کتاب نصاب توقیت کی چند امتیازی خوبیاں درج ذیل ہے۔

1) انداز تفہیم نہایت عمدہ ، آسان تحقیقی ہے تاکہ اس فن کا ابتدائی طالب علم ہو یا کچھ جاننے والا سب استفادہ کر سکیں۔

2) اصطلاحات کی تعریفات دی گئی ہیں نیز اصطلاحات کو انگریزی میں بھی لکھا گیا ہے۔

3) اصطلاحات اور فارمولے سمجھانے کےلئے رنگین تصاویر کو کتاب کی زینت بنایا گیا ہے۔

4) متفرقات کے باب میں اس فن کے متعلق دیگر دلچسپ معلومات بھی کتاب کا حصہ ہیں۔

5) اعلیٰ حضرت امام اہل سنت امام احمد رضا خان بریلوی رحمۃ الله علیہ کی تحقیقات کی روشنی میں قواعد کو بیان کیا گیا ہے۔

6) استخراج اوقات اور سمت قبلہ نکالنے کےلئے کیلکولیٹر ، کمپاس اور دیگر جدید آلات کے استعمال کے طریقے دیئے گئے ہیں۔

7) سورج کو دیکھ کر گھڑی کا وقت درست کرنے کا نادر قاعدہ اس کتاب کا خاص تحفہ ہے۔

8) میل شمس اور بلدی زوال کے ضروری جدول اور دنیا کے مشہور شہروں کے طول و عرض بھی کتاب کے آخر میں شامل ہیں۔

کتاب نصاب توقیت کے مصنف:

ماہرِ علمِ توقیت محمد وسیم عطاری

ابو رضا مولانا عثمان شریف عطاری مدنی

30 ستمبر 2022ء بروز جمعہ ماہِ میلاد کے سلسلے میں دعوتِ اسلامی کے تحت لاثانی پلی خیابان گارڈن فیصل آباد میں شخصیت محمد رضوان کے گھر پر سیکھنے سکھانے کا حلقہ لگایا گیا جس میں سیاسی و سماجی شخصیات، تاجران اور ذمہ داران سمیت دیگر عاشقانِ رسول نے شرکت کی۔

تفصیلات کے مطابق اس حلقے میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے پیارے آقا محمد مصطفٰیﷺ کی شان کے حوالے سے شرکا کو مدنی پھول دیئے۔

دورانِ بیان نگرانِ پاکستان مشاورت نے حاضرین کی ، تلاورتِ قراٰنِ پاک و نمازوں کی پابندی کرنے اور نیکی کے کاموں میں بڑھ چڑھ کر حصہ لینے کے متعلق ذہن سازی کی نیز ماہِ میلاد کی خوشی میں اپنے گھروں کو سجانے کا ذہن دیا جس پر انہوں نے اچھی اچھی نیتوں کا اظہا رکیا۔

علاوہ ازیں نگرانِ پاکستان مشاورت حاجی محمد شاہد عطاری نے دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِا ہتمام پنجاب پاکستان کی تحصیل دنیا پور میں شخصیات عبدالغنی طور، محمد انس طور اور چوہدری طور کے گھر پر سیکھنے سکھانے کا حلقہ لگایا گیا جس میں سیاسی و سماجی شخصیات، تاجران اور ذمہ داران سمیت کثیر عاشقانِ رسول نے شرکت کی۔

حلقے کی ابتداء تلاوتِ قراٰنِ پاک اور نعتِ رسولِ مقبول ﷺ سے کی گئی جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کرتے ہوئے ماہِ ربیع الاوّل میں پیارے آقا ﷺ کی آمد کی خوشی منانے کا ذہن دیا۔

نگرانِ پاکستان مشاورت نے اپنی گلیوں اور محلوں کو سجانےکے ساتھ ساتھ اپنے باطن کو سنوارنے نیز جھوٹ، غیبت اور چغلی سمیت دیگر گناہوں سے بچتے ہوئے نیکیوں بھری زندگی گزارنے کی ترغیب دلائی۔

مزید نگرانِ پاکستان مشاورت نے دورانِ بیان پانچوں نمازیں باجماعت پابندی کے ساتھ پڑھنے اور دعوتِ اسلامی کے دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔

آخر میں نگرانِ پاکستان حاجی محمد شاہد عطاری نے شرکائے حلقہ کو امیرِ اہلِ سنت دامت بَرَکَاتُہمُ العالیہ کے ذریعے سلسلہ قادریہ عطاریہ میں داخل کیا اور اختتامی دعا کروائی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوتِ اسلامی کے زیرِا ہتمام پچھلے دنوں پاکستان کی تحصیل  کروڑپکامیں ایک شخصیت حاجی عبدالجبار کے گھر پر سیکھنے سکھانے کا حلقہ لگایا گیا جس میں تاجران اور ذمہ دار اسلامی بھائیوں کے علاوہ دیگر عاشقان رسول کی شرکت رہی۔

معلومات کے مطابق مرکزی مجلسِ شوریٰ کے رکن و نگرانِ پاکستانِ مشاور ت حاجی محمد شاہد عطاری نے حاضرین کی تربیت کرتے ہوئے انہیں نیکی کرنے اور نیکی کے کاموں میں بڑھ چڑھ کر حصہ لینے کی ترغیب دلائی جس پر وہاں موجود ایک تاجر اسلامی بھائی نے مدرسۃالمدینہ کے لئے پلاٹ (زمین) دعوتِ اسلامی کو دینے کی نیت کی۔

اس کے علاوہ حلقے میں شریک دیگر شخصیات نے اس مدرسۃالمدینہ کی تعمیرات وغیرہ میں ہونے والے اخراجات میں تعاون کرنےکی نیتیں کیں جس پر نگرانِ پاکستان مشاورت نے انہیں دعاؤں سے نوازا۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

دعوت  اسلامی کے زیر اہتمام سبی میں پی ٹی سی ایل آفیسر امداد علی ابڑو کے بھائی لیاقت علی ابڑو کی رہائش گاہ پر قرآن خوانی اور محفلِ میلاد کا سلسلہ ہوا جس میں پی ٹی سی ایل آفیسر امداد علی ابڑو سمیت مقامی لوگوں نے شرکت کی۔

اس موقع پر سبی ذمہ داران نے سنتوں بھرا بیان کیااور شرکا کو نیکی کی دعوت پیش کرتے ہوئے انہیں ہفتہ وار سنتوں بھرے اجتماع میں آنے نیز مدنی مذاکرہ دیکھنے کی دعوت دی جس پر انہوں نے اچھی اچھی نیتوں کا اظہار کیا۔(رپورٹ: محمد وقار عطاری کوآرڈینیشن ڈیپارٹمنٹ دعوت اسلامی بلوچستان، کانٹینٹ: رمضان رضا عطاری )

پچھلے دنوں شوبز سے تعلق رکھنے والے مرحوم عمر شریف کے بیٹے جواد شریف سمیت دیگر فنکاروں نے دعوتِ اسلامی کے عالمی مدنی مرکز فیضانِ مدینہ کراچی کا وزٹ کیاجہاں رابطہ برائے شوبز ڈیپارٹمنٹ کے ذمہ داران نے انہیں خوش آمدید کہا۔

اس دوران جواد شریف سمیت دیگر فنکاروں نے مرکزی مجلسِ شوریٰ کے رکن حاجی محمد امین عطاری سےملاقات کی جس پر رکنِ شوریٰ نے انہیں بڑی شفقتوں سے نوازا اور دعوتِ اسلامی کے شعبہ جا ت کا وزٹ بھی کروایا۔(کانٹینٹ:غیاث الدین عطاری)

پچھلے  دنوں عالمی مدنی مرکز فیضان مدینہ کراچی میں صوبہ بلوچستان رخشان ڈویژن کے معروف عالم دین مولانا مفتی نعمت اللہ قادری صاحب کی حاضری ہوئی ۔

اس موقع پر ذمہ داران نے ان کو مختلف شعبہ جات کا وزٹ کروایا اور ملک و بیرون دعوت اسلامی کے تحت ہونے والے دینی کاموں کے متعلق بریفنگ دی۔ مولانا صاحب نے دعوت اسلامی کے دینی کاموں کی تعریف کرتے ہوئے مزید ترقی کے لئے دعائے دی۔ ( کانٹینٹ: رمضان رضا عطاری )

عاشقانِ رسول کی  دینی تحریک دعوت اسلامی کے شعبہ رابطہ برائے شخصیات کے ذمہ داران نے نیکی کی دعوت دینے کے سلسلے میں بلوچستان کے علاقے ڈھاڈر ضلع کچھی میں ریڈر ٹو ایس پی ضلع کچھی محمد حنیف بلوچ سمیت دیگر پولیس افسران سے ملاقات کی۔

دوران ملاقات دعوت اسلامی کے دینی کاموں کے حوالے سے گفتگو ہوئی اور حالیہ سیلاب میں شعبہ FGRF کی جانب سے ملک بھر میں بالخصوص صوبہ بلوچستان ضلع کچھی میں ہونے والے مختلف امدادی کاموں کے متعلق بریفنگ دی جس کو ان شخصیات نے سراہا۔ اس دوران ضلع کچھی کے ضلعی نگران دعوت اسلامی غلام شبیر بھی ساتھ تھے۔ آخر میں انہیں مکتبۃ المدینہ کا مطبوعہ رسالہ بھی پیش کیا۔(رپورٹ: محمد وقار عطاری کوآرڈینیشن ڈیپارٹمنٹ دعوت اسلامی بلوچستان، کانٹینٹ: رمضان رضا عطاری )

27 ستمبر 2022ء  کو شعبہ رابطہ شخصیات کے ذمہ داران نے ڈھاڈر ضلع کچھی ڈپٹی کمشنر کے آفس میں سپرنٹنڈنٹ عبدالحق مستوی سے ملاقات کی۔

تفصیلات کے مطابق دوران ملاقات ذمہ دار اسلامی بھائی نے انہیں دعوت اسلامی کے شعبہ FGRF کی جانب سے ضلع کچھی میں ہونے والے اب تک کئے جانے والے مختلف امدادی کاموں کے متعلق بریفنگ دی جس کو انہوں نے سراہا اور نیک خواہشات کا اظہار کیا۔اس دوران ایری گیشن آفیسر بھی موجود تھے۔(رپورٹ: وقار عطاری، کانٹینٹ: رمضان رضا عطاری )

ڈسٹرکٹ جیل سبی کے سپرنٹنڈنٹ عبداللہ خان کاکڑ کی والدہ کے انتقال پر دعوت اسلامی شعبہ رابطہ شخصیات  کے ذمہ داران نے ان سے ملاقات کی اور انتقال پر تعزیت کی۔

اس موقع سابق صوبائی اطلاعات ملک خرم شہزاد، اسسٹنٹ سپرنٹنڈنٹ جیل سبی سید تمیور شاہ، گورنمنٹ کنٹریکٹر آفتاب خلجی، میونسپل کارپوریشن آفیسر جعفر خان مگسی اور باہو عبدالکریم خلجی بھی موجود تھے۔

عبداللہ خان کاکڑ سے تعزیت کے بعد محمد وقار عطاری نے انہیں نیکی کی دعوت پیش کرتے ہوئے مدنی چینل دیکھنے اور ہفتہ وار سنتوں بھرے اجتماع میں آنے کی دعوت دی۔آخر میں مرحومہ کے لئے فاتحہ خوانی اور دعائے مغفرت بھی کروائی ۔(رپورٹ: وقار عطاری، کانٹینٹ: رمضان رضا عطاری )

پچھلے دنوں سبی  میں اسسٹنٹ کمشنر سبی علی شاہ عباسی کی زیر صدارت ڈپٹی کمشنر کانفرنس ہال میں ٹائیفائیڈ سے بچاؤ کے حوالے سے میٹنگ منعقد ہوئی جس میں دیگر افسران سمیت شعبہ رابطہ برائے شخصیات کے ذمہ داران نے بھی شرکت کی۔

دوران میٹنگ سبی محکمہ صحت کی جانب سے ٹائیفائیڈ سے بچاؤ مہم کے حوالے سےآگاہی دی گئی اس موقع پر محکمہ صحت، محکمہ تعلیم، میڈیا کے سینئر صحافیوں سمیت علمائے کرام نے بھی شرکت کی۔میٹنگ کے اختتام پر کوآرڈینیشن ڈیپارٹمنٹ دعوت اسلامی کے محمد وقار عطاری نے مختلف افسران اور میڈیا کے سینئر صحافیوں سے ملاقات کی اور انہیں مدنی مرکز فیضان مدینہ وزٹ کی دعوت دی۔ (رپورٹ: وقار عطاری، کانٹینٹ: رمضان رضا عطاری )