گزشتہ روز راولپنڈی سٹی میں موجود ڈیف کلب میں میلاد النبی صلَّی اللہ علیہ واٰلہٖ وسلَّم کے سلسلے میں اجتماعِ میلاد کا انعقاد کیا گیا جس میں اسپیشل پرسنز ڈیپارٹمنٹ دعوتِ اسلامی کے ذمہ داران سمیت راولپنڈی سٹی کے مختلف علاقوں سے اسپیشل پرسنز (گونگے، بہرے) نے شرکت کی۔

اس اجتماعِ پاک میں مبلغِ دعوتِ اسلامی نے اشاروں کی زبان میں ”میلاد“ کے موضوع پر بیان کیا اور انہیں دعوتِ اسلامی کے ہفتہ وار سنتوں بھرے اجتماع میں شرکت کرنے کی دعوت دی۔بعدازاں مبلغِ دعوتِ اسلامی نے اشاروں کی ہی زبان میں دعا کروائی۔(رپورٹ: نگران شعبہ اسپیشل پرسنز سید عمیر عطاری، کانٹینٹ:غیاث الدین عطاری)

کراچی سٹی کی ڈسٹرکٹ کیماڑی، بلدیہ ٹاؤن میں واقع جامع مسجد احمد رضا میں شعبہ حج و عمرہ دعوتِ اسلامی کے زیرِ اہتمام ”عمرہ تربیتی اجتماع“ منعقد ہوا جس میں کم و بیش 150 زائرین سمیت دیگر اسلامی بھائی اور پردے میں رہتے ہوئے اسلامی بہنوں نے شرکت کی۔

تلاوت و نعت کے بعد نگرانِ شعبہ حج و عمرہ قاری محمد تسلیم رضا عطاری اور نگرانِ ڈسٹرکٹ صدر حاجی توفیق عطاری نے عمرہ، حاضریِ مدینہ اور احرام باندھنے کے طریقے سے متعلق تربیت و رہنمائی کی۔

اختتام پر زائرین کو رفیق المعتمرین سمیت حج و عمرہ سے متعلق مختلف رسائل تحفے میں دیئے گئے جبکہ شرکا اسلامی بھائیوں نے دعوتِ اسلامی کے بارے میں اپنے تأثرات بھی دیئے۔(رپورٹ: تسلیم عطاری حج و عمرہ کراچی، کانٹینٹ:غیاث الدین عطاری)

دعوتِ اسلامی کے تحت 20 ستمبر 2024ء کو الرحمٰن ویلی بہانڈ فیش فارم، اسٹیشن روڈ فیصل آباد میں قائم محمد نوید (کیمیکل والے) کی رہائش گاہ پر سیکھنے سکھانے کا حلقہ لگایا گیا جس میں شخصیات، ذمہ داران اور دیگر عاشقانِ رسول کی شرکت ہوئی۔

اس موقع پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی بھی آمد ہوئی جنہوں نے حاضرین کے درمیان سنتوں بھرا بیان کیا ۔

دورانِ بیان نگرانِ پاکستان مشاورت نے شخصیات کی ذہن سازی کرتے ہوئے انہیں درودِ پاک کا ورد کرنے، اپنے والدین کے ساتھ حسنِ سلوک سے پیش آنے نیز صحابۂ کرام کا عشقِ رسول اور تربیتِ اولاد کے متعلق مدنی پھول دیئے۔

اس کے علاوہ نگرانِ پاکستان مشاورت نے وہاں موجود شخصیات سمیت دیگر اسلامی بھائیوں کو نمازوں کی پابندی کرنے اور نیکی کی دعوت عام کرنے کی ترغیب دلائی جس پر انہوں نے اچھی اچھی نیتیں کیں۔بعدازاں نگرانِ پاکستان مشاورت حاجی محمد شاہد عطاری نے دعا کروائی اور اسلامی بھائیوں نے اُن سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

20 ستمبر 2024ء  کو مقبول روڈ فیصل آبادپر واقع یونائیٹڈ ٹیکسٹائل مل میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی ذمہ دارانِ دعوتِ اسلامی کے ہمراہ آمد ہوئی جہاں اُن کی ملاقات میاں قمر سمیت دیگر شخصیات سے ہوئی۔

ملاقات کے دوران نگرانِ پاکستان مشاورت نے شخصیات کو ہر کام کرنے سے پہلےبسم اللہ الرحمٰن الرحیم پڑھنے، نمازوں کی پابندی کرنے، تلاوتِ قراٰن کرنے اور نیکی کی دعوت دینے کے حوالے سے قیمتی مدنی پھولوں سے نوازا۔آخر میں نگرانِ پاکستان مشاورت حاجی محمد شاہد عطاری نے دعا کروائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کی مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی اِن دِنوں پنجاب کے دورے پر ہیں جہاں آپ دعوتِ اسلامی کے تحت ہونے والے اجتماعات میں بیانات فرمارہے ہیں، ذمہ داران کے مدنی مشوروں میں مدنی پھول دینے کے ساتھ ساتھ شخصیات سے ملاقاتیں بھی آپ کے شیڈول میں شامل ہیں۔

اسی سلسلے میں 22 ستمبر 2024ء کو اسلام آباد میں بزنس کمیونٹی کے درمیان مقامی بینکوئٹ میں ایک عظیم الشان اجتماع منعقد کیا گیا جس میں خصوصی طور پر نگرانِ شوریٰ نے بیان فرمایا اور عاشقانِ رسول کو دینِ اسلام کی تعلیمات بیان کرتے ہوئے نمازوں کا اہتمام کرتے رہنے اور نیک کام کرتے رہنے کا ذہن دیا۔

اس موقع پر نگرانِ پاکستان انتظامی کابینہ حاجی محمد شاہد عطاری ، نگرانِ پنجاب حاجی اسلم عطاری، رکنِ شوریٰ حاجی وقارالمدینہ عطاری سمیت بڑی تعداد میں بزنس مینز، دعوتِ اسلامی کے ذمہ داران اور دیگر عاشقانِ رسول موجود تھے۔ 

عالمی سطح کی دینی تحریک دعوتِ اسلامی کے زیرِ اہتمام 25 ستمبر 2024ء بروز بدھ  مدنی مرکز فیضانِ مدینہ ، سوساں روڈ بلاک Z، مدینہ ٹاؤن، فیصل آباد میں ڈاکٹر حضرات کے لئے میلاد اجتماع کا انعقاد کیا جائے گا۔

تفصیلات کے مطابق آغازِ اجتماعِ پاک دوپہر 1:00 بجے تلاوتِ کلامِ پاک سے کیا جائے گا جس کے بعد نعت خواں اسلامی بھائی حضور خاتم النبیین صلَّی اللہ علیہ واٰلہٖ وسلَّم کی بارگاہِ اقدس میں نعت شریف کا نذرانہ پیش کریں گے۔

تلاوت و نعت کے بعد دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سلمہ الباری ڈاکٹرز کے درمیان سنتوں بھرا بیان فرمائیں گے اور سیرتِ رسولِ عربیصلَّی اللہ علیہ واٰلہٖ وسلَّم کے متعلق گفتگو کریں گے۔

میڈیکل ڈیپارٹمنٹ سے تعلق رکھنے والے ڈاکٹرز، اسٹوڈنٹس اور دیگر عاشقانِ رسول اس اجتماعِ پاک میں شرکت کرکے اپنی آخرت کے لئے ثواب کا خزانہ حاصل کریں۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے زیرِ اہتمام 24 ستمبر 2024ء کو ڈاکٹر حضرات کے لئے ہونےوالا ہے میلاد اجتماع جوکہ ”جناح برن اینڈ ریکنسٹریکٹیو سرجری سنٹر لاہور“ (Jinnah Burn & Reconstructive Surgery Centre Lahore) میں منعقد کیا جائے گا۔

اس اجتماعِ پاک کا آغاز دوپہر 1:45 پرتلاوتِ قراٰنِ پاک سے کیا جائے گا جس کے بعد نعت خواں اسلامی بھائی حضور خاتم النبیین صلَّی اللہ علیہ واٰلہٖ وسلَّم کی بارگاہِ اقدس میں نذرانۂ عقیدت پیش کریں گے۔

بعدازاں دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سلمہ الباری عاشقانِ رسول کے درمیان سنتوں بھرا بیان فرمائیں گے اور سیرت النبی صلَّی اللہ علیہ واٰلہٖ وسلَّم کے حوالے سے گفتگو کریں گے۔

میڈیکل ڈیپارٹمنٹ سے تعلق رکھنے والے ڈاکٹرز، اسٹوڈنٹس اور دیگر عاشقانِ رسول اس اجتماعِ پاک میں شرکت کرکے اپنی آخرت کے لئے ثواب کا خزانہ حاصل کریں۔(کانٹینٹ:غیاث الدین عطاری)

ایجوکیشن ڈیپارٹمنٹ دعوتِ اسلامی کے تحت 24 ستمبر 2024ء بروز منگل ہونے جارہا ہے”Educationists Meet-up“جوکہ مدنی مرکز فیضانِ مدینہ جوہر ٹاؤ نزد ایکسپو سینٹر لاہور میں منعقدہوگا۔

معلومات کے مطابق ”Educationists Meet-up“ کا باقاعدہ آغاز بعد نمازِ عشا رات تقریباً 8:00 بجے تلاوتِ قراٰن سے شروع کیا جائے گا اور نعت خواں اسلامی بھائی حضور پُرنور حضرت محمد صلَّی اللہ علیہ واٰلہٖ وسلَّم کی بارگاہ میں نذرانۂ عقیدت پیش کریں گے۔

تلاوت و نعت شریف کے بعد دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری سلمہ الباری عاشقانِ رسول کے درمیان سنتوں بھرا بیان فرمائیں گے۔

تمام یونیورسٹی فیکلٹیز، ایجوکیشنل آفیسرز، پرنسپلز اور انسٹیٹیوٹ اونرز سمیت ایجوکیشن ڈیپارٹمنٹ سے تعلق رکھنے والےاسلامی بھائی اس Meet-up میں شرکت فرماکر علمِ دین کا خزانہ حاصل کریں۔(کانٹینٹ:غیاث الدین عطاری)

لوگوں کو دینِ اسلام کی طرف راغب کرنے ، علمِ دین سکھانے اور انہیں اسلامی تعلیمات کے بارے میں رہنمائی دینے والی عالمی سطح کی دینی تحریک دعوتِ اسلامی کے زیرِ اہتمام ماہِ ستمبر 2024ء میں پروفیشنل اسلامی بھائیوں کے لئے عالمی مدنی مرکز فیضانِ مدینہ کراچی میں  2 دن پر مشتمل ”Grand Congregation“ ہونے جارہا ہے ۔

تفصیلات کے مطابق” Grand Congregation“ کا آغاز 28 ستمبر 2024ء بروز ہفتہ نمازِ ظہر سے29 ستمبر 2024ء بروز اتوار نمازِ عصر تک ہو گا جس میں پروفیشنل اسلامی بھائیوں کے لئے مختلف سیشنز انعقاد کیا جائے گا ۔

دورانِ سیشنز نگرانِ شوریٰ مولانا حاجی محمد عمران عطاری، رکنِ شوریٰ مولانا حاجی عبد الحبیب عطاری، مفتیانِ کرام اور مبلغینِ دعوتِ اسلامی کےسنتوں بھرے بیانات ہوں گے جبکہ خصوصی طور پر شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ مدنی مذاکرہ بھی فرمائیں گے۔

ان سیشنزمیں نگرانِ شوریٰ، رکنِ شوریٰ، مفتیانِ کرام اور مبلغینِ دعوتِ اسلامی کے بیانات کی تفصیل درج ذیل ہے:

”1st Day“٭دوپہر 3:00 سے 4:00 بجے تک پروفیشنلز میں مبلغِ دعوتِ اسلامی مولانا مہروز عطاری مدنی سنتوں بھرا بیان کریں گے٭ 4:00 سے 5:00 بجے تک دارالافتاء اہلسنت کے مفتی شفیق عطاری پروفیشنلز کی رہنمائی کریں گے٭ نمازِعصر تا نمازِ مغرب کے درمیان مبلغِ دعوتِ اسلامی مولانا سیّد ثاقب عطاری مدنی کا بیان ہوگا٭ پہلے دن کے آخری میں مدنی مذاکرے کا انعقاد ہوگا جس میں امیرِ اہلِ سنت دامت بَرَکَاتُہمُ العالیہ اسلامی بھائیوں کی جانب سے ہونے والے مختلف سوالات کے جوابات ارشاد فرمائیں گےاور اُن کی دینی، اخلاقی اعتبار سے تربیت کریں گے۔

شعبہ تحفظ اوراق مقدسہ  دعوت اسلامی کے تحت 15ستمبر2024ء کو پنجاب قرآن بورڈ کے سیکرٹری محمدعمر دراز کو فیضان مدینہ جوہر ٹاؤن کے مختلف شعبہ جات کا وزٹ کروایا گیا محمد رضا عطاری ڈویژن ذمہ دار نے دعوت اسلامی کے تحت دنیا بھر میں ہونے والی دینی اور فلاحی خدمات سے آگاہ کیا ۔

اس موقع پر شعبہ تحفظ اوراق مقدسہ اور پنجاب قرآن بورڈ کے تحت تربیتی نشست کا انعقاد ہوا جس میں شیخوپورہ ڈویژن کے عاشقان رسول نے شرکت کی ڈویژن نگران حاجی نعیم عطاری نے دعوت اسلامی کے دینی کاموں پر حاضرین کی رہنمائی فرمائی جبکہ پنجاب قرآن بورڈ کے سیکرٹری محمد عمر دراز نے اوراق مقدسہ کو محفوظ کیسے کیا جاتا کہ موضوع پر گفتگو کی اور ڈویژن ذمہ دار محمد رضا عطاری نے شعبے کے کاموں کا تعارف پیش کیا۔(کانٹینٹ: محمد شعیب احمد رضا عطاری )

دعوتِ اسلامی عالمِ دنیا میں اسلامی تعلیمات عام کرنے اور علمِ دین سے  لوگوں کو روشناس کروانے والی عاشقانِ رسول کی دینی تحریک ہےجس کے تحت ملک و بیرونِ ممالک میں دینی کاموں کا سلسلہ جاری ہے۔

معلومات کے مطابق اگست 2024ء میں پاکستان بھر کی خواتین کے درمیان دعوتِ اسلامی کے تحت ہونے والے دینی کاموں کی کارکردگی درج ذیل ہے:

٭روزانہ گھر درس دینے والی اسلامی بہنوں کی تعداد:1 لاکھ 7 ہزار 950 (1,07,950)۔

٭روزانہ امیرِ اہلِ سنت کا بیان / مدنی مذاکرہ سننے والی اسلامی بہنوں کی تعداد:1 لاکھ 27 ہزار 353 (1,27,353)۔

٭بڑی عمر کی اسلامی بہنوں کےلئے لگنے والے مدرسۃ المدینہ بالغات کی تعداد:11 ہزار 538 (11,538)۔

٭ان مدرسۃ المدینہ بالغات میں پڑھنے والی اسلامی بہنوں کی تعداد:1 لاکھ 2 ہزار 39 (1,02,039)۔

٭اسلامی بہنوں کے ہفتہ وار سنتوں بھرے اجتماعات کی تعداد:11 ہزار 8 (11,008)۔

٭ان اجتماعات میں شرکت کرنے والی اسلامی بہنوں کی تعداد:3 لاکھ 86 ہزار 611 (3,86,611)۔

٭علاقائی دورہ برائے نیکی کی دعوت میں شرکت کرنے والی اسلامی بہنوں کی تعداد:34 ہزار 508 (34,508)۔

٭ہفتہ وار رسالہ پڑھنے / سننے والی اسلامی بہنوں کی تعداد:7 لاکھ 69 ہزار 60 (7,69,060)۔

٭اسلامی بہنوں سے وصول ہونے والے نیک اعمال کے رسائل کی تعداد:96 ہزار 340 (96,340)۔

٭اسلامی بہنوں میں ہونے والے مدنی کورسز کی تعداد:670

٭ان کورسز میں شرکت کرنے والی اسلامی بہنوں کی تعداد:9 ہزار 556(9,556)۔

عاشقانِ رسول کی دینی تحریک دعوتِ اسلامی کے تحت 16 ستمبر 2024ء کو آسٹریلیا، نیوزی لینڈ، ایسٹرن اینڈ مڈل افریقہ کا آن لائن مدنی مشورہ منعقدکیا گیا جس میں معاون نگران انٹرنیشنل افیئرز ڈیپارٹمنٹ، سب کانٹیننٹ نگران اور ملک نگران اسلامی بہنوں نے شرکت کی۔

مدنی مشورے کے دوران نگرانِ عالمی مجلسِ مشاورت اسلامی بہن نے بذریعہ انٹرنیٹ دینی کاموں میں مزید ترقی لانے اور اُن میں درپیش مسائل کے حل کے لئے گفتگو کی جس پر اسلامی بہنوں نے اپنی اپنی رائے پیش کی۔

اس موقع پر دعوتِ اسلامی کی مرکزی مجلسِ شوریٰ کے رکن مولانا ابوماجد حاجی محمد شاہد عطاری نے بھی آڈیو لنک کے ذریعے مدنی مشورے میں شریک اسلامی بہنوں کو مدنی پھولوں سے نوازا۔