عاشقانِ رسول کی دینی تحریک دعوتِ اسلامی کے تحت 30 اگست 2024ء کو ایک میٹنگ ہوئی جس میں نگرانِ سری لنکا اور سب کانٹیننٹ نگران اسلامی بہنوں کی شرکت ہوئی۔

دورانِ مدنی مشورہ دعوتِ اسلامی کی نگرانِ عالمی مجلسِ مشاورت اسلامی بہن نے گفتگو کرتے ہوئے اسلامی بہنوں کے شیڈول بنانے، ٹریننگ کرنے اور صوبائی نگران بنانے سمیت دیگر اہم امور پر تبادلۂ خیال کیا جس پر ذمہ دار اسلامی بہنوں نے اچھی اچھی نیتوں کا اظہار کیا۔

29 اگست 2024ء کو دعوتِ اسلامی کےدینی کاموں کا جائزہ لینے کے لئے بذریعہ انٹر نیٹ مدنی مشورہ ہوا جس میں نگرانِ سب کانٹیننٹ، اراکینِ انٹرنیشنل افیئرز اور پاکستان بالخصوص کراچی سٹی کی نگران اسلامی بہنوں نے شرکت کی۔

نگرانِ عالمی مجلسِ مشاورت اسلامی بہن نے دینی کاموں کے حوالے سے کلام کیا اور نومبر 2024ء میں ہونے والے ٹیلی تھون پر مشاورت کی جس پر تمام اسلامی بہنوں نے اپنی اپنی رائے پیش کی۔

اس کے علاوہ نگرانِ عالمی مجلسِ مشاورت نے دعوتِ اسلامی کے دیگر دینی کاموں میں مزید بہتری لانے کے لئے مدنی پھولوں سے نوازا جس پر انہوں نے اچھی اچھی نیتیں کیں۔

سیال موڑ، پنجاب میں واقع گورنمنٹ ایلیمنٹری اسکول رتہ پور ریحان میں 16 ستمبر 2024ء کو سنتوں بھرا اجتماع ہوا جس میں ٹیچرز و اسٹوڈنٹس کی کثیر تعداد نے شرکت کی۔

ڈسٹرکٹ سطح کے شعبہ FGRF ذمہ دار محمد ہارون عطاری نے سنتوں بھرا بیان کیا جس میں انہوں نے حضور صلَّی اللہ علیہ واٰلہٖ وسلَّم کے حسنِ اخلاق اور اپنے والدین کا ادب و احترام کرنے کا ذہن دیا جس پر انہوں نے اچھی اچھی نیتیں کیں۔( کانٹینٹ:غیاث الدین عطاری) 

گزشتہ روز عاشقانِ رسول کی دینی تحریک دعوتِ اسلامی کے شعبہ تحفظِ اوراقِ مقدسہ کے تحت حافظ آباد سٹی، ڈویژن گجرات میں ایک نشست کا انعقاد کیا گیا جس میں مقامی عاشقانِ رسول سمیت ذمہ دارانِ دعوتِ اسلامی کی شرکت رہی۔

نشست میں اسلامی بھائیوں کی تربیت کے لئے ڈسٹرکٹ حافظ آباد کے ذمہ دار محمد عمران عطاری نے شعبے کے حوالے سے اسلامی بھائیوں کی ذہن سازی کرتے ہوئے انہیں مقدس اوراق کا ادب و احترام کرنے کا ذہن دیا اور اس کی فضیلت بتائی۔

اس کے علاوہ ڈسٹرکٹ ذمہ دار نے شعبے کے دینی کاموں میں بڑھ چڑھ کر حصہ لینے کے حوالے سے اسلامی بھائیوں کو ترغیب دلائی جس پر انہوں نے اچھی اچھی نیتیں کرتے ہوئے خود کو پیش کیا اور اپنے نام بھی لکھوائے۔(رپورٹ: حافظ نسیم عطاری سوشل میڈیا ڈیپارٹمنٹ آف پاکستان ، کانٹینٹ:غیاث الدین عطاری)

دعوتِ اسلامی کے 12 دینی کاموں کے سلسلے میں پچھلے دنوں مرکزی مجلسِ شوریٰ کے رکن مولانا حاجی محمد  اسدعطاری مدنی صومالیہ کے دورے پر تھے جہاں انہوں نے مختلف دینی ایکٹیوٹیز میں شرکت کی۔

اس دوران رکنِ شوریٰ مولانا حاجی محمد اسد عطاری مدنی کی رئیس مجلس الأعلیٰ لعلماء الصومال کے مختلف مشائخ سے ملاقات ہوئی جن میں شیخ آدم رئیس مجلس الاعلیٰ لعلماء الصومال اور شیخ لبان رئیس الشوریٰ لمجلس الاعلیٰ لعلماء الصومال شامل تھے۔

رکنِ شوریٰ نے شیخ صاحبان سے گفتگو کرتے ہوئے انہیں عالمی سطح پر ہونے والی دعوتِ اسلامی کی دینی و فلاحی ایکٹیویٹیز کے بارے میں بتایاجس پر انہوں نے خوشی کا اظہار کیا۔اس موقع پر ملکی مشاورت کے نگران عامر عطاری سمیت دیگر مشائخ بھی موجود تھے۔(رپورٹ: انس عطاری معاون رکن شوری مولانا حاجی محمد اسد عطاری مدنی، کانٹینٹ:غیاث الدین عطاری)

تحصیل ہارون آباد، ضلع بہاولنگر، ڈویژن بہاولپور میں قائم پنجاب گروپ آف کالج میں 18 ستمبر 2024ء کو ایجوکیشن ڈیپارٹمنٹ دعوتِ اسلامی کے تحت  میلاد النبی صلَّی اللہ علیہ واٰلہٖ وسلَّم کانفرس منعقد ہوئی جس میں 1500 سے زائد اسٹوڈنٹس اور ٹیچرز کی شرکت ہوئی۔

کانفرس کے آغاز میں تلاوتِ قراٰن کی گئی اور نعت خواں اسلامی بھائیوں نے نعتِ رسولِ مقبول صلَّی اللہ علیہ واٰلہٖ وسلَّم پڑھی جس کے بعد مبلغِ دعوتِ اسلامی ڈاکٹر اظہر عطاری نے ”سیرتُ النبیصلَّی اللہ علیہ واٰلہٖ وسلَّم“ کے موضوع پر سنتوں بھرا بیان کیا۔

18 ستمبر 2024ء کو تحصیل ہارون آباد، ضلع بہاولنگر، ڈویژن بہاولپور میں قائم ڈپٹی کمشنر آفس میں ایجوکیشن ڈیپارٹمنٹ دعوتِ اسلامی کے تحت  میلاد النبی صلَّی اللہ علیہ واٰلہٖ وسلَّم کانفرس کا انعقاد ہوا جس میں ڈپٹی کمشنر سمیت دیگر اسٹاف نے شرکت کی۔

کانفرس کا آغاز تلاوتِ قراٰن ونعتِ رسولِ مقبول صلَّی اللہ علیہ واٰلہٖ وسلَّم سے کیا گیا جس کے بعد مبلغِ دعوتِ اسلامی ڈاکٹر اظہر عطاری نے ”سیرتُ النبی صلَّی اللہ علیہ واٰلہٖ وسلَّم“ کے موضوع پر بیان کیا۔

مبلغِ دعوتِ اسلامی نے وہاں موجود اسلامی بھائیوں کی رہنمائی کرتے ہوے انہیں سیرتِ رسول صلَّی اللہ علیہ واٰلہٖ وسلَّم اپنانے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:مولانا اسامہ عطاری مدنی شعبہ تعلیم ڈسٹرکٹ بہاولنگر ذمہ دار، کانٹینٹ:غیاث الدین عطاری)

ایجوکیشن ڈیپارٹمنٹ دعوتِ اسلامی کے تحت 18 ستمبر 2024ء کو تحصیل ہارون آباد، ضلع بہاولنگر، ڈویژن بہاولپور میں قائم جناح سائنس کالج فقیر والی میں میلاد النبی صلَّی اللہ علیہ واٰلہٖ وسلَّم کانفرس ہوئی جس میں 800 سے زائد اسٹوڈنٹس اور ٹیچرز نے شرکت کی۔

تلاوت ونعت سے کانفرس کا آغاز ہوا جس کے بعد مبلغِ دعوتِ اسلامی ڈاکٹر اظہر عطاری نے ”سیرتِ مصطفیٰ صلَّی اللہ علیہ واٰلہٖ وسلَّم“ کے موضوع پر بیان کیااور حاضرین کو سیرتِ رسول اپنانے کی ترغیب دلائی جس پر انہوں نے اچھی اچھی نیتیں کیں۔(رپورٹ:مولانا اسامہ عطاری مدنی شعبہ تعلیم ڈسٹرکٹ بہاولنگر ذمہ دار، کانٹینٹ:غیاث الدین عطاری)

دارالمدینہ ہیڈ آفس کراچی میں جشنِ عید میلاد النبی صلَّی اللہ علیہ واٰلہٖ وسلَّم کی مناسبت سے محفل میلاد کا اہتمام کیا گیاجس کا آغاز تلاوت کلام پاک سے ہوا اور نعت خواں اسلامی بھائیوں نے بارگاہ رسالت صلَّی اللہ علیہ واٰلہٖ وسلَّم میں عقیدت کے ساتھ نعت پیش کئے ۔

محفلِ میلاد میں دعوتِ اسلامی کی مرکزی مجلس شوری کے رکن حاجی محمد علی عطاری نے سنتوں بھرا بیان کیا جبکہ محفل ِمیلاد میں دارالمدینہ انٹرنیشنل اسلامک اسکول سسٹم کے CEO ڈاکٹر دانش اقبال عطاری، فیضان اسلامک اسکول سسٹم کے نگرانِ شعبہ مولانا زبیر عطاری مدنی اور اسٹاف اسلامی بھائیوں نے شرکت کی۔(رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ، ویب ڈسک رائٹر:غیاث الدین عطاری)

اے عاشقان رسول صلی اللہ علیہ وسلم !ہمیں ہر وقت رب کریم کا شکر ادا کرنا چاہیے کہ رب کریم نے ہمیں اتنا پیارا دین اسلام عطا فرمایا یہی وہ کامل مذہب ہے جس نے قرآن مجید اور رسول صلی اللہ علیہ وسلم کی سنت مبارکہ کے ذریعے  دنیا میں پیش آنے والے ہر قسم کے معاملات میں ہماری رہنمائی فرمائی ہے۔ان ہی معاملات میں سے ایک معاملہ میزبانوں کے حقوق ہیں اے عاشقان رسول صلی اللہ علیہ وسلم !جس طرح میزبان پر مہمان کے حقوق لازم ہیں اس طرح مہمان پر بھی میزبان کے حقوق لازم ہیں۔

میزبان کے حقوق درج ذیل ہیں :

(1) حسن سلوک:مہمان کو چاہیے کہ میزبان کے ساتھ حسن سلوک سے پیش آئے ۔یعنی بعض اوقات ایسا بھی دیکھا گیا ہے کہ میزبان تو مہمان کے ساتھ اچھے طریقے سے پیش آتا ہے لیکن مہان کے نخرے تو کم ہونے کا نام ہی نہیں لیتے ۔لہذا مہمان کو چاہئے کے وہ حسن اخلاق سے کام لے۔

(2) مہمان پر بوجھ نہ بنے:اے عاشقان رسول صلی اللہ علیہ وسلم! مہمان کو چاہیے کہ میزبان پر بوجھ نہ بنے یعنی ایسا نہ ہو کہ مہمان میزبان کے گھر آ کر ہفتوں یا مہینوں رہنا شروع کر دے ایسے کرنے سے میزبان آزمائش میں بھی آ سکتا ہے۔

(3) نجی معاملات میں دخل سے گریز: اے عاشقان رسول صلی اللہ علیہ وسلم !مہمان کو چاہیے کہ میزبان کے نجی معاملات میں دخل نہ دے اس کے گھر کےمعاملات میں نہ پڑے ایسا کرنے سے دونوں کے درمیان جھگڑا ہو سکتا ہے

(4) خامیاں نکالنے سے بچنا :مہمان کو چاہئے کہ میزبان جیسا بھی اس کو کھانے کھلائے کھا لے اس میں خامیاں نہ نکالے۔ جیسی بھی رہائش مہیا کرے صبر و شکر سے رہ لے غلطیاں ،خامیاں نہ نکالے ۔کہیں ایسا نہ ہو کہ وہ میزبان کی دل آزاری کا سبب بن جائے۔

اے عاشقان رسول صلی اللہ علیہ وسلم! ہمیں ہر کام میں اعتدال و صبر و تحمل سے کام لینا چاہے صبر سے ہی کام بنتے ہیں اور بے صبری سے کام بگڑتے ہیں ۔اسی لیے مہمان کو چاہیے کہ اگر میزبان سے مہمان نوازی میں کوئی کمی رہ جائے تو اس کو صبر سے برداشت کر لے یوں ہی رشتے قائم اور معاشرہ پر امن رہتا ہے۔

اللہ رب العزت سے دعا ہے کہ ہمیں میزبان کے حقوق ادا کرنے کی توفیق عطا فرمائے ( آمین بجاہ خاتم النبیین صلی اللہ علیہ وسلم)

اسلام ایک مکمل ضابطہ حیات ہے دنیا کا کوئی ایسا شعبہ نہیں جس کے اسلام نے اصول و ضوابط بیان نہ کیے ہوں اصول و ضوابط کے ساتھ ساتھ معاشرے کے ہر طبقہ چاہے وہ غلام ہو یا حکمران ،ان  کے حقوق مقرر کیے ہیں تاکہ ہر ایک کی اہمیت اجاگر ہو پچھلے ماہ ہم نے مہمان کے حقوق کا مطالعہ کیا تھا اس ماہنامہ میں میزبان کے حقوق شامل کیے گئے ہیں میزبان کے حقوق سے مراد وہ فرائض و ذمہ داری ہے جو میزبان کے حوالے سے مہمان پر لازم ہوتی ہے

میزبان کے حقوق

(1)عیب نہ نکالنا۔مہمان کو چاہیے کہ کھانے میں عیب نہ نکالے کہ مکی مدنی سلطان رحمت عالمیان صلی اللہ تعالی علیہ وسلم کھانے میں عیب نہ نکالتے اگر پسند ہوتا تو کھا لیتے وگرنہ ہاتھ روک لیتے۔صحیح البخاری ،کتاب الاطعمہ ،باب ماعاب النبی طعاما،531/3 الحدیث :5409(

(2)جو کچھ سامنے ہو اسی پر قناعت کرنا۔مہمان کے سامنے جو کچھ پیش کیا جائے اس پر خوش ہو یہ نہ ہو کہ کہنے لگے اس سے تو اچھا تو میں اپنے ہی گھر کھایا کرتا ہوں یا اس قسم کے دوسرے الفاظ جیسا کہ آج کل اکثر دعوتوں میں لوگ آپس میں کہا کرتے ہیں ۔

(3)ہاتھ دھونے میں احتیاط ۔مہمان کو چاہیے کہ میزبان کے گھر میں اس احتیاط کے ساتھ ہاتھ دھوئے کہ پانی کا اسراف بھی نہ ہو اور پانی فرش پر گرنے کی وجہ سے کیچڑ کا سبب بھی نہ بنے ۔

(4)نیکی کی دعوت ۔مہمان کو چاہیے کہ اگر میزبان کے ہاں کوئی ناجائز کام دیکھے تو ہو سکے تو اس سے بدل دے اور میزبان کی اصلاح کرے مثلا وہاں دیواروں پر جاندار کی تصویر دیکھے گانے باجے سنے بے پردہ عورتوں کا سامناہو وغیرہ وغیرہ۔ ماخوذ احیاء العلوم مترجم جلد 2ص53

(5)دعا کرنا ۔مہمان کو چاہیے کہ جب جب میزبان سے رخصت ہونے لگے تو اس کے لیے خیر و برکت کی دعا کرے۔ماخوذ بہار شریعت 394/3حصہ16

پیارے پیارے اسلام بھائیو !ہم آئے دن اپنے دوست احباب رشتہ داروں کے ہاں مہمان تو بنتے رہتے ہیں ہمیں چاہیے کہ ان کے حقوق کا بھی لحاظ رکھیں تاکہ ہماری وجہ سے ان کو پریشانیوں و تنگی نہ ہو مذکورہ حقوق کے علاوہ بھی اور بھی بہت سارے حقوق ہیں مثلا اٹھنے میں جلدی نہ کرنا، کھانے کی فرمائش نہ کرنا، بغیر اجازت کے نہ لوٹنا ،میزبان سے اچھی گفتگو کرنا وغیرہ اللہ پاک سے دعا ہے کہ وہ ہمیں میزبان کے حقوق کو ادا کرنے کی توفیق عطا فرمائے۔

پیارے اسلامی بھائیو! جس طرح دین اسلام نے مہمان کے حقوق ادا کرنے کی ترغیب دی ہے اسی طرح ہمارے پیارے دین اسلام نے میزبان کے حقوق ادا کرنے کی بھی ترغیب دی ہے آئیے میں آپ کو میزبان کے حقوق بیان کرنے کی کوشش کرتا ہوں

میزبان کا کم سے کم وقت لینا ۔ مہمان کو چاہیے کہ میزبان کا کم سے کم وقت لے اور اس بات کا خیال رکھے کہیں اس کے بیٹھنے سے میزبان کے کام کاج میں حرج نہ ہو اور اہل خانہ کو پریشانی نہ ہو چنانچہ نبی کریم صلی اللہ علیہ وسلم نے فرمایا کسی مسلمان شخص کے لیے جائز نہیں کہ وہ اپنے بھائی کے پاس اتنا عرصہ ٹھہرے کہ اسے گنہگار کر دے کہ وہ اس کے پاس ٹھہرا رہے اور اس کے پاس پیش کرنے کے لیے کچھ نہ ہو۔

مہمان کو جہاں ٹھہرایا جائے وہیں ٹھہرنا۔ حضرت ابو اللیث سمرقندی فرماتے ہیں کہ مہمان چار چیزوں کا خیال رکھے اسے جہاں بٹھایا جائے وہیں بیٹھے، میزبان سے اجازت لے کر اٹھے، جب نکلے تو میزبان کے لیے دعا کرے۔ (فتاوی ہندیہ ج 5 ص344)

میزبان کے لیے دعا کرنا ۔ حضرت عبداللہ بن زبیر رضی اللہ تعالی عنہ فرماتے ہیں کہ رسول اللہ صلی اللہ علیہ وسلم سعد بن معاذ رضی اللہ عنہ کے پاس تشریف لائے اور افطار کیا اور فرمایا: تمہارے پاس روزہ رکھنے والوں نے افطار کیا اور تمہارا کھانا نیک لوگوں نے کھایا اور تمہارے لیے فرشتوں نے دعا کی۔ (سنن ابی داؤد ج5 ص661)

مہمان کا میزبان سے اجازت لے کر واپس جانا۔ فتاوی ہندیہ میں ہے کہ مہمان کے لیے جائز نہیں کہ میزبان کی اجازت کے بغیر اس کے گھر سے واپس جائے ۔ حضرت عبداللہ بن مسعود رضی اللہ تعالی عنہ فرماتے ہیں کہ اگر تو کسی کے گھر میں جائے تو صاحب خانہ کی اجازت بغیرکے باہر نہ نکل جب تک تو اس کے پاس ہے وہ تیرا امیر ہے۔ (الاثار ص83)

اللہ پاک سے دعا ہے کہ ہمیں مہمان کے ساتھ ساتھ میزبان کے حقوق ادا کرنے کی بھی توفیق عطا فرمائے امین