دعوت اسلامی کے زیر اہتمام آسٹریلیا کے شہر سڈنی میں انگلش زبان میں بذریعہ انٹرنیٹ دینی حلقے کا انعقاد کیا گیا جس میں کم و بیش 39 اسلامی بہنوں نے شرکت کی۔

مبلغۂ دعوتِ اسلامی نے سنتوں بھرا بیان کیا اور دینی حلقے میں شرکت کرنے والی اسلامی بہنوں کو دینی کاموں میں بڑھ چڑھ کر حصہ لینے کی ترغیب دلائی نیز ہفتہ وار رسالہ پابندی سے پڑھنے کا ذہن بنایا۔ 

دعوت اسلامی کے زیر اہتمام آسٹریلیا کے شہر سڈنی میں انگلش زبان میں بذریعہ انٹرنیٹ اجتماعِ میلاد كا انعقاد كيا گیا جس میں کم و بیش 46 اسلامی بہنوں نے شرکت کی۔

مبلغۂ دعوتِ اسلامی نے”حسن و جمالِ مصطفىٰﷺ“کے موضوع پر سنتوں بھرا بیان کیا اور اجتماعِ پاک میں شرکت کرنے والی اسلامی بہنوں کو آپ ﷺ کی سیرت، معجزات اورتشریف آوری کے متعلق بتایا ۔

بعد میں کابینہ ‎نگران اسلامی بہن نے اجتماعِ پاک میں شریک اسلامی بہنوں کو تربیتی مدنی پھول دئیے اور اسلامى بہنوں کو دینی حلقوں میں شرکت کرنے، سنتوں بھرے اجتماع میں پابندی سے شرکت کرنے، ہفتہ وار رسالہ پابندی سے پڑھنے اور ٹیلی تھون میں اپنا حصہ شامل کرنے کا ذہن دیا۔

دعوت اسلامی کے شعبہ اسلامی بہنوں کے مدرسۃ المدینہ کے زیر اہتمام آسٹریلیا  کے شہر سڈنی میں ذمہ دار اسلامی بہنوں کا بذریعہ انٹرنیٹ مدنی مشورہ ہوا جس میں كابینہ سطح کی ذمہ دار اسلامی بہن نے ڈویژن سطح نگران اسلامی بہنوں اور ان کی مشاورات کے ساتھ مدنی مشورہ کیا۔

كابینہ سطح کی ذمہ دار اسلامی بہن نے مدنی مشورے میں شریک اسلامی بہنوں کی کارکردگی کافالواپ کرتے ہوئے تربیت کی اور ”مدرسات کو كيسا ہونا چاہیے“ کے موضوع پر تربیتی نکات بیان کئے نیزمدرسات کا ذہن بنایا کہ سنجیدگی کو اپنے اخلاق كا حصہ بنالیں اور زبان کے قفل مدینہ کی عادت بنالیں۔

مدرسات کو ترغیب دلائی گئی کہ ان کی ڈویژن میں جن اسلامی بہنوں نے مدنی قاعدہ یا ناظره ٹیسٹ پاس کر لیا ہے تو وہ جلد سے جلد اپنے آپ کو پڑھانے کے لئے پیش کر دیں، اس سلسلے میں اسلامی بہنوں کو اہداف بھی دئیے گئے۔

مزید مدرسات کو یہ ذہن بھی دیا گیا کہ کم از کم ہر مُدَرِسَہ گھر مَدْرَسَہ ضرور پڑھائیں۔تمام مدرسات کو فرض علوم كورس كرنے اور اس کا ٹیسٹ پاس کرنے کی ترغيب دلائی گئی مزید جنہوں نے صرف مدنی قاعدہ کا ٹیسٹ پاس کیا ہے ان کو ناظرہ پاس کرنے کا بھی ذہن دیا گیا۔

دعوت اسلامی کے شعبہ علاقائی دورہ  کے زیر اہتمام بنگلہ دیش CTG ریجن کاکس بازار زون چندونیش کابینہ میں علاقائی دورہ کا سلسلہ ہوا جس میں شعبہ اصلاح اعمال کی ملک سطح ذمہ دار اسلامی بہن اور ریجن سطح ذمہ دار اسلامی بہن سمیت دیگر اسلامی بہنوں نے شرکت کی۔

ذمہ دار اسلامی بہنوں نے مقامی اسلامی بہنوں کو گھر گھر جاکر نیکی کی دعوت دی اور انہیں دعوتِ اسلامی کے دینی کاموں کے بارے میں بریفنگ دیتے ہوئے دعوتِ اسلامی کے دینی ماحول سے وابستہ رہنے، ہفتہ وار اجتماع میں باقاعدگی سے شرکت کرنے اور دینی کاموں میں عملی طور پر شرکت کرنے کی ترغیب دلائی۔

اہم اعلان!

31 اکتوبر 2021ء بروز اتوار بعد نماز عشاء مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی عالمی مدنی مرکز فیضان مدینہ کراچی میں مختلف سطح کے ذمہ داران کا مدنی مشورہ فرمائیں گے۔

مدنی مشورے میں زون نگران، اراکین ریجن، اراکین زون، نگران کابینہ، اراکین کابینہ، ڈویژن نگران، ڈویژن مشاورت، علاقہ نگران اور مضبوط عطیات جمع کرنے والے شرکت کریں گے۔

واضح رہے کہ عالمی مدنی مرکز فیضان مدینہ کراچی میں عشاء کی جماعت 7:45 بجے ادا کی جائیگی۔

حضور نبی کریم صلَّی اللہ علیہ واٰلہٖ وسلَّم نے صحابہ کرام عَلَیْہِمُ الرِّضْوَان سے ارشاد فرمایا:’’جانتے ہو مسلمان کون ہے؟‘‘ صحابہ کرام عَلَیْہِمُ الرِّضْوَان نے عرض کی: ’’اللہ عَزَّ وَجَلَّ اور اس کے رسول صَلَّی اللّٰہُ عَلَیْہِ وَاٰلِہٖ وَسَلَّم بہتر جانتے ہیں۔‘‘ تو ارشاد فرمایا: ’’مسلمان وہ ہے جس کی زبان اور ہاتھ سے دوسرے مسلمان محفوظ رہیں۔‘‘ صحابہ کرام عَلَیْہِمُ الرِّضْوَان نے عرض کی: ’’مومن کون ہے؟‘‘ارشاد فرمایا: ’’مومن وہ ہے کہ جس سے دوسرے مومن اپنی جانوں اور مالوں کو محفوظ سمجھیں۔‘‘ (نجات دلانے والے اعمال کی معلومات،صفحہ۲۹۳)

فرمانِ مصطفٰے صلَّی اللہ علیہ واٰلہٖ وسلَّم ہے: جس نے کسی مسلمان کی ”پَردہ پوشی“ کی اللہ عَزَّوَجَلَّ دنیا و آخرت میں اس کی ”پَردہ پوشی“ فرمائے گا۔ (مسلم، ص 1110، حدیث: 2699، ملتقطاً)

اس ہفتے امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کو باطنی بیماری ”غیبت “ اور مسلمانوں کے عیب کو تلاش کرنے سے بچانے کے لئے رسالہ ”کس کس کو عیب بتاسکتے ہیں“ پڑھنے/سننے کی ترغیب دلائی ہے اور پڑھنے والوں کو اپنی دعاؤں سے بھی نوازا ہے۔

دعائے عطار

یارب المصطفٰے! جو کوئی 17 صفحات کا رسالہ ”کس کس کو عیب بتاسکتے ہیں“ پڑھ یا سن لے، اُسے اپنی زبان درست استعمال کرنے کی توفیق عطا فرماکر جنت الفردوس میں اپنے پیارے پیارے آخری نبی صلَّی اللہ علیہ واٰلہٖ وسلَّمکا پڑوس نصیب فرما۔ اٰمِیْن بِجَاہِ النَّبِیِّ الْاَمِیْن ﷺ

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

Audio Book

مصیبت پر صبر کرنے  کی رغبت دلانے اور ان کی ڈھارس بندھانے والا ایک منفرد رسالہ

یہ وقت بھی گزر جائے گا

پیشکش: مرکزی مجلس شوریٰ، دعوتِ اسلامی

اِس رسالے کی چندخصوصیات:

٭دیدہ زیب ودِلکش سرورق (Title) وڈیزائننگ (Designing) ٭عصرحاضرکے تقاضوں کے پیشِ نظرجدید کمپوزنگ وفارمیشن ٭عبارت کے معانی ومفاہیم سمجھنے کیلئے ’’علاماتِ ترقیم‘‘(Punctuation Marks) کا اہتمام ٭اُردو، عربی اور فارسی عبارتوں کو مختلف رسم الخط (Fonts)میں لکھنے کا اہتمام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭بعض جگہ عربی عبارات مع ترجمہ کی شمولیت ٭آیات کے ترجمہ میں کنزالایمان کی شمولیت ٭حسب ضرورت مشکل اَلفاظ پر اِعراب اور بعض پیچیدہ اَلفاظ کے تلفظ بیان کرنے کا اہتمام ٭قرآنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، اَحادیث،توضیحی عبارات، فقہی جزئیات کےحوالوں (References) کا خاص اہتمام ٭ اغلاط کوکم سے کم کرنے کیلئے پورے رسالے کی کئی بار لفظ بہ لفظ پروف ریڈنگ۔

39صفحات پر مشتمل یہ رسالہ2015ءسے لیکر5مختلف ایڈیشنز میں1لاکھ25ہزارکی تعداد میں پرنٹ ہو چکا ہے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

دعوتِ اسلامی کےشعبہ جامعۃالمدینہ کےتحت 25 اکتوبر 2021ء بروزپیرمدنی مرکزفیضانِ ِمدینہ فیصل آباد میں مدنی مشورےکااہتمام کیاگیا جس میں فیصل آباد ریجن بھر کے جامعات المدینہ کے ناظمینِ کرام نےشرکت کی۔

اس موقع پرریجن ذمہ دار سیّد ناظم لطیف شاہ عطاری نے ناظمین ِکرام کو ٹیلی تھون اور جامعات المدینہ کو خود کفیل کرنے کے حوالے سے مدنی پھولوں سے نوازتے ہوئے نئے اہداف دیئے۔

اس دوران ناظمِ اعلیٰ مولانا عبداللہ عطاری مدنی ، ناظم ِاعلیٰ مولانا آفتاب عطاری مدنی اور ریجن مدنی بستہ ذمہ دار شاہد عطاری مدنی بھی موجود تھے۔

اس کےعلاوہ بعد نمازِظہر رکن مرکزی مجلسِ شوریٰ ونگرانِ پاکستان انتظامی کابینہ حاجی محمد شاہد عطاری نے ناظمینِ کرام اور شعبہ جامعۃ المدینہ کے ذمہ داران کووقت عطافرمایا۔( کانٹینٹ:غیاث الدین عطاری) 

اوتھل میڈیا ڈیپارٹمنٹ (دعوت اسلامی )کے تحت پچھلے دنوں جشنِ عیدِ میلادالنبیﷺکےموقع پر ارمابیل پریس کلب اوتھل میں اجتماعِ میلاد کا اہتمام کیا گیا جس میں اراکینِ پریس کلب ، صحافی اورسیاسی و سماجی شخصیات سمیت مختلف طبقے سے تعلق رکھنے والے عاشقانِ رسول نے شرکت کی۔

اس اجتماعِ پاک میں مولانا شاہد رضا عطاری مدنی نے سنتوں بھرابیان کرتے ہوئے کہا کہ اللہ عزوجل نے اپنے پیارے نبی ﷺ کو وہ حسن وجمال عطا فرمایا کہ جس کی مثال نہیں ملتی اورمثال ملے بھی کیسے کیونکہ اللہ عزوجل نے آپ جیسا حسین وجمیل بنایا ہی نہیں ، حضرت سیدتنا عائشہ صدیقہ رضی اللہ عنہا فرماتی ہیں کہ آپﷺکاحسن وجمال ایسا تھا کہ کوئی کہتا کہ رخِ روشن سے نور کی کرنیں نکلتی تھی ،کوئی کہتا کہ چاند سے زیاد ہ حسین وجمیل ہیں ، کوئی کہتا کہ آپ ﷺ سے بڑھ کوئی خوبصورت دنیا میں آیا ہی نہیں ۔

مزید مبلغِ دعوتِ اسلامی کاکہناتھا کہ پیارے آقا ﷺ جیسا حسین وجمیل کسی آنکھ نے دیکھا ہی نہیں،آپ جیسا کوئی خوبصورت پیدا ہوا ہی نہیں ،ساری کائنات کی بادشاہت کا تاج آپ ﷺ کے سر پر ہے ،آپ ﷺ ساری کائنات کے بادشاہ ہیں ، آپ ﷺ زمین وآسمان کی عظیم سلطنت کے بادشا ہ ہیں ۔

آپ ﷺ کے دو وزیر آسمانوں میں حضرت جبریل اور حضرت میکائل علیہ السلام اورزمین کے دو وزیر حضرت سیّدُنا ابو بکر صدیق رضی اللہ عنہ اور حضرت سیّدُنا عمر فاروقِ اعظم رضی اللہ عنہ ہیں ۔

اس دوران حاجی عبد المجید عطاری ، قاضی یاسر ، مولانا سکندر عطاری مدنی ، حافظ صدام عطاری ، بشیر احمد عطاری ، عبدالستار لاسی اورارمابیل پریس کلب کے عہدیداران و صحافی رحمت اللہ ناز ، عبدالغفار لنگاہ ، نصیر احمد لنگاہ ، طاہر جان ، حنیف چنہ ، جہانزیب عطاری، نواز علی جاموٹ سمیت دیگر اسلامی بھائیوں نےکثیر تعداد میں شرکت کی ۔(رپورٹ: جہانزیب عطاری میڈیا ڈیپارٹمنٹ لسبیلہ کابینہ ،کانٹینٹ:غیاث الدین عطاری)

دعوت اسلامی کے شعبہ چائنیز لینگویج ڈیپارٹمنٹ کے زیر اہتمام 23 اکتوبر 2021ء کو مدنی مرکز فیضان مدینہ لاہور میں تربیتی سیشن کا سلسلہ ہوا جس میں متعلقہ شعبے کے تمام  اجیر اور چائنیز لینگویج کورس کے اسٹوڈنٹس نے شرکت کی۔

نگران شعبہ چائنیزلینگویج ڈیپارٹمنٹ ڈاکٹر مطیع اللہ شعبے میں کام کرنے، اس کی ڈاکیومینشن بنانے اور اپنے اپنے کاموں کا ٹاسک بنانے پر تربیت کی۔ ڈاکٹر مطیع اللہ نے تمام اسلامی بھائیوں کوشعبے میں اچھے انداز سے کام کرنے کا ذہن دیا تاکہ دعوت اسلامی کا کام چینی زبان میں بھی اچھے انداز سے ہوسکے اور مدنی مقصد پورا کرنے میں کامیابی حاصل ہو جس پر شرکا نے اچھی اچھی نیتوں کا اظہار کیا۔

دعوت اسلامی کے مرکزی مجلس شوریٰ کے رکن حاجی محمد امین عطاری نے نگران بن قاسم زون سید فضیل رضا عطاری کی عیادت اسپتال پہنچے جہاں انہوں نے سید فضیل رضا عطاری سے ملاقات کی۔

رکن شوریٰ نے انہیں صبر کی تلقین کرتے ہوئے امیر اہلسنت دَامَتْ بَرَکَاتُہُمُ الْعَالِیَہ کا دعائیہ پیغام بھی سنایا۔

دعوت اسلامی کے شعبہ محبت بڑھاؤکے تحت عالمی مدنی مرکز فیضان مدینہ کراچی میں مدنی مشورہ ہوا جس میں نگران شعبہ، رکن ریجن، رکن زون اور اراکین کابینہ نے شرکت کی۔

مرکزی مجلس شوریٰ کے رکن حاجی محمد امین عطاری نے ٹیلی تھون کے حوالے سے شرکا کی تربیت کی اور ذمہ داران کو شعبہ بڑھاؤ میں دینی کام کس طرح کرنے ہے اس حوالے سے مدنی پھول ارشاد فرمائے جس پر اسلامی بھائیوں نے اچھی اچھی نیتوں کا اظہار کیا۔