دعوتِ اسلامی کے زیرِ اہتمام21 جنوری2021ء کو یورپین یونین  ریجن میں بذریعہ اسکائپ ماہانہ ڈویژن مدنی حلقے کا انعقاد کیا گیا جس میں مقامی اسلامی بہنوں سمیت ذمہ دار اسلامی بہنوں نے شرکت کی۔

عالمی مجلس مشاورت نگران اسلامی بہن نے”احساس ذمہ داری“ کے موضوع پر بیان کیا اور مدنی حلقے میں شریک اسلامی بہنوں کو احساسِ ذمہ داری کے ساتھ دینی کام کرنے کا ذہن دیا نیزٹائم منیجمنٹ سے متعلق مدنی پھول دیئے۔

دعوت اسلامی کے زیر اہتمام 21 جنوری 2021 ءکو اٹلی (Italy)کی ڈویژن بریشیا( Brescia) میں بذریعہ اسکائپ مدنی حلقے کا انعقاد کیا گیا جس میں تقریبا ً44 اسلامی بہنوں نے شرکت کی ۔

عالمی مجلس مشاورت نگران اسلامی بہن نے”احساس ذمہ داری“ کے موضوع پر بیان کیا اور مدنی حلقے میں شریک اسلامی بہنوں کو اپنی تنظیمی ذمہ داریوں کو احساس ذمہ داری کے ساتھ نبھانے کا ذہن دیا۔

دعوتِ اسلامی کے زیرِ اہتمام 21 جنوری 2021ء کوہالینڈ( Holland) کے شہر دین ہاگ (Den Haag)میں بذریعہ اسکائپ سنتوں بھرے اجتماع کا انعقاد کیا گیا جس میں تقریباً 31 اسلامی بہنوں نےشرکت کی ۔

کفن دفن کی کابینہ نگران اسلامی بہن نے ” زبان کی حفاظت“ کے موضوع پر سنتوں بھرا بیان کیا اور اجتماعِ پاک میں شریک اسلامی بہنوں کو فضول گوئی کے نقصانات اور اپنی زبان کی حفاظت کے بارے میں اہم نکات بیان کئے نیز اپنی زبان کو درودِ پاک کے ورد سے تر رکھنے کی ترغیب دلائی۔

دعوت اسلامی کے مرکزی مجلس شوریٰ کے رکن حاجی فاروق جیلانی عطاری حیدر آباد ریجن کے مدنی قافلہ ذمہ دار اکمل عطاری، میر پور خاص کے نگران زون حافظ زین عطاری اورحیدر آباد زون کے مدنی قافلہ ذمہ دار سہیل عطاری سمیت نگران لاڑکانہ زون کے ہمراہ 22جنوری 2021ء کو تین دن کے مدنی قافلے میں میر پور خاص سے کوٹ غلام محمد پہنچے۔

تین دن کےمدنی قافلے میں نیکی کی دعوت کا سلسلہ جاری ہے جس میں عاشقام رسول کو علمِ دین سے فیض یاب کیا جارہا ہے۔(رپورٹ: محمد حارث عطاری، شعبہ مدنی قافلہ)

دعوتِ اسلامی کی مجلس مدنی قافلہ کے زیر اہتمام 20جنوری 2021ء کو نگران شعبہ مدنی قافلہ حاجی مشکور عطاری نے دعوت اسلامی کے دینی کاموں کے سلسلے میں بھلوال زون کا دورہ کیا۔

دعوت اسلامی کے شعبہ مدنی قافلہ کے زیر اہتمام 21 جنوری 2021ء کو گوادر زون حب کابینہ میں مدنی مشورہ ہوا جس میں ڈویژن اور کابینہ سطح کے ذمہ داران نے شرکت کی۔

حب کابینہ کے قافلہ ذمہ دار سجاد بغدادی عطاری نے شرکا کی تربیت کی اور انہیں امیر اہلِ سنت دَامَتْ بَرَکَاتُہُمُ الْعَالِیَہ کی دعاؤں سے حصہ پانے کے لئے ہر ماہ تین مدنی قافلے میں سفر کرنے کے لئے ایک جمعہ فکس کرنےاور 14جنوری 2021ء سے ایک ماہ کے مدنی قافلے میں سفر کرنے کی ترغیب دلائی۔(رپورٹ: محمد حارث عطاری، شعبہ مدنی قافلہ)

دعوت اسلامی کے مدنی مرکز فیضان مدینہ اسلام آباد میں بذریعہ زوم مدنی مشورہ ہوا جس میں اسلام آباد ریجن کے اراکین اور نگران زون نے شرکت کی۔

مرکزی مجلس شوریٰ کے رکن حاجی وقار المدینہ عطاری نے شرکا کی تنظیمی و اخلاقی تربیت کی اور مختلف دینی کاموں کے حوالے سے اہداف دیتے ہوئےدینی کاموں کو مزید بڑھانے کا ذہن دیا۔(رپورٹ: محمد شعیب رضا عطاری، مجلس کارکردگی سرگودھا زونل دفتر)

الحمد للہ عزوجل  18،17اور 19 جنوری2021 ء بروز اتوار، پیر اور منگل کو واہگہ ٹاون کابینہ میں مجلس رابطہ ہومیو پیتھک ڈاکٹر کے تحت مدنی قافلہ ہوا جس میں نیکی کی دعوت عام کرنے کا سلسلہ ہوا ۔

جس میں مبلغ دعوت اسلامی نے شرکائے مدنی قافلہ کو نماز روزہ کی پابندی کرنے اور سنتیں اور آداب سیکھانے پر کلام کیا جبکہ زون ذمہ دار شمعون عطاری نے شرکائے قافلہ کی تربیت کرتے ہوئے ہر ماہ 3 دن باقاعدگی کے ساتھ مدنی قافلہ میں سفر کرنے کا ذہن دیا جس پر شرکا ئے مدنی قافلہ نے اپنی اچھی اچھی نیتوں کا اظہار کیا ۔

دعوت اسلامی کے مرکزی مجلس شوریٰ کے رکن حاجی وقار المدینہ عطاری نے دار الافتاء اہلسنت  کا دورہ کیاجہاں انہوں نے دار الافتاء اہلسنت میں موجود مفتیانِ کرام اور علمائے کرام سے ملاقات کی۔

رکنِ شوریٰ نے مفتیانِ کرام اور علمائے کرام کو مدنی مرکز فیضان مدینہ اسلام آباد جی 11 تشریف لانے کی دعوت دی۔ (رپورٹ: محمد شعیب رضا عطاری، مجلس کارکردگی سرگودھا زونل دفتر)

 دعوت اسلامی کی مجلس تحفظ اوراق مقدسہ کے تحت19جنوری 2021 بروز منگل رکن کابینہ محمد ناصر عطاری نے مبلغ دعوت اسلامی و رکن مجلس تعمیرات شاہدرہ مرید کا بینہ کے محمد سلمان عطاری کو اوراق مقدسہ کے کارخانے کا وزٹ کروایا اور کارخانے میں تیار کیے جانے والے باکسز اور اسٹور میں ہونے والے مختلف کاموں اور مشینری و دیگر سازو سامان کے حوالے سے معلومات فراہم کیں ۔

مبلغ دعوت اسلامی نے تحفط اوراق مقدسہ کے دینی کام کی ترغیب دلاتے ہوئے ذمہ داران اسلامی بھائیوں کو اوراق مقدسہ کے مدنی کاموں کو بڑھانے کا ذہن دیا اور اسلامی بھائیوں کی حوصلہ افزائی کرتے ہوئے کچھ وقت اوراق مقدسہ کے کارخانے میں گزارا اور عملی طور پر اسلامی بھائیوں کے ساتھ مل کر کام کرتے ہوئے اسلامی بھائیوں کی دل جوئی کی ۔( رپورٹ: رکن کابینہ شعبہ تحفظ اوراق مقدسہ شاہدرہ مرید کابینہ لاہور)

دعوت اسلامی کے تحت مدنی مرکز فیضان مدینہ واہ کینٹ میں مدنی مشورہ ہوا جس میں اراکین زون، اراکین کابینہ، ڈویژن اور  علاقہ مشاورت کے نگران سمیت دیگر ذمہ داران نے شرکت کی۔

مرکزی مجلس شوریٰ کے رکن حاجی وقار المدینہ عطاری نے شرکا کی تنظیمی و اخلاقی تربیت کی اور مختلف دینی کاموں کے حوالے سے اہداف دیتے ہوئے انہیں ایک ماہ کے مدنی قافلے میں سفر کرنے کی ترغیب دلائی جس پر 30 اسلامی بھائیوں نے رواں ماہ سے ہی کے ایک ماہ کے مدنی قافلے سفر کرنے کی نیت کی۔ (رپورٹ: محمد شعیب رضا عطاری، مجلس کارکردگی سرگودھا زونل دفتر)