دعوت اسلامی کے زیر اہتمام18 جنوری 2022ء  کو نگران عالمی مجلس مشاورت ذمہ دار اسلامی بہن اور شارٹ کورسز عالمی سطح ذمہ دار اسلامی بہن نے تمام ریجن نگران و ادارتی و تعلیمی شعبہ نگران ( عالمی سطح ) ذمہ دار اسلامی بہنوں کا The night journey کے سلسلے میں مدنی مشورہ لیا ۔ اس میں مختلف لینگویجز میں کورسز کروانے ، بچوں کے لئے کورس کروانے پر بات چیت ہوئی ۔

دعوتِ  اسلامی کے تحت16جنوری 2022ءبروز اتوارضلع لاہور جوہرٹاؤن کابینہ میں ڈویژن لاہورکا مدنی مشورہ ہوا جس میں صوبہ پنجاب نگران اسلامی بہن نے’’ایک ذمہ دار کو کیسا ہونا چاہیے‘‘ کےموضوع پر ترغیبی بیان کیا۔

مدنی مشورے میں اسلامی بہنوں کو نیو تنظیمی سیٹ اپ کے بارے میں بریفنگ دی گئی اور ہفتہ دعائے حاجات اجتماع کے اہم نکات بیان کئےنیز گلی گلی بچیوں کے مدرسۃ المدینہ کے نظام کو متعارف کرایا اور آن لائن سافٹ وئیر میں نیتوں کی اینٹری کرنے والی اسلامی بہنوں سے رابطہ کرنے اور تصدیق کرنے کا طریقہ سمجھایا۔ مزید ڈویژن مشاورت اور ڈسٹرکٹ نگران کی تقرریوں کا اعلان بھی کیا نیز آخر میں تحائف بھی پیش کئے۔

دعوتِ اسلامی کے تحت15جنوری 2022ء بروز ہفتہ ضلع گوجرانوالہ کی کابینہ گکھٹر میں ڈویژن گوجرانوالہ کا مدنی مشورہ  ہوا جس میں صوبہ پنجاب نگران اسلامی بہن نے’’ایک ذمہ دار کو کیسا ہونا چاہیئے‘‘ کےموضوع پر ترغیبی بیان کیا ۔ بعدازاں اسلامی بہنوں کو نیو تنظیمی سیٹ اَپ سےمتعارف کرایا اور انہیں ہفتہ دعائے حاجات اجتماع کے اہم نکات بتائے۔

مزید گلی گلی بچیوں کے مدرسۃ المدینہ کے نظام کو عام کرنے کا ہدف دیا اور آن لائن سافٹ وئیر میں نیتوں کی انٹری کرنے والی اسلامی بہنوں سے رابطہ کرنے اور تصدیق کرنے کا طریقہ سمجھایا نیز ڈویژن مشاورت اور ڈسٹرکٹ نگران اسلامی بہنوں کی تقرریوں کا اعلان بھی کیا۔

دعوتِ اسلامی کے تحت  گزشتہ دنوں صوبہ پنجاب کی ڈویژن نگران و میٹروپولیٹن نگران اسلامی بہنوں کا 8 دینی کاموں کے حوالے سےبذریعہ انٹر نیٹ مدنی مشورے کا انعقاد ہواجس میں صوبہ پنجاب کی نگران اسلامی بہن نے ہفتہ دعائے حاجات اجتماع کے نکات پر کلام کیا جس میں ہفتہ دعائے حاجات اجتماع کی بھر پور تشہیر کرنے کی ترغیب دلائی اور ہفتہ بھر اسلامی بہنوں کی دلجوئی،عیادت،غم خواری کرنے کا ذہن دیا جس پر اسلامی بہنوں نے اچھی اچھی نیتوں کا اظہار کیا۔

دعوتِ اسلامی کے شعبہ مدرسۃ المدینہ گرلزکے زیرِاہتمام 13 جنوری 2022ء بروزجمعرات پاکستان کے تمام ریجن میں ریجن وائز ناظمات کا سنتوں بھرا اجتماع ہوا جن میں  ناظمات اوردیگر اسلامی بہنوں کی تعداد تقریباً 235 تھی۔

صاحبزادی عطار سلمہا الغفار نے کراچی سٹی میں جمع ہونے والی ناظمات کے درمیان سنتوں بھرابیان کیا اور دوران بیان جو مدنی پھول ملے اس پراسلامی بہنوں نے اچھی اچھی نیتیں پیش کیں۔ ان سنتوں بھرے اجتماعات میں مزید کتاب قراٰن سیکھیں اورسکھائیں، تعلیمی معیار، انتظامی امور،ناظمہ کی ذمہ داریوں اورمتفرق نکات کے بارے میں بریفنگ دی گئی۔

دعوتِ اسلامی کے شعبہ مدرسۃ المدینہ گرلزکے تحت گزشتہ دنوں  پاکستان سطح کی ناظماتِ اعلیٰ کا رکن عالمی مجلس مشاورت ذمہ دار اسلامی بہن نے بذریعہ آڈیولنک مدنی مشورہ لیا جس میں تربیت کے مدنی پھول دیئے اور سابقہ دینی کاموں کا جائزہ لیتے ہوئے انہیں شعبے کے نظام میں مزید بہتری لانے کا ذہن دیا۔ مزید آئندہ کے لئے اہدا ف بھی دیئے۔

اس کے علاوہ اسلامی بہنوں کو ہفتہ وار سنتوں بھرے اجتماع میں ہونے والے سنتوں بھرے بیان کرنے کے متعلق نکات بتائےاور مسکرانے کے فوائد و مسکرانے کی عادت بنانے کا ذہن دیا نیز اسلامی بہنوں کی طرف سے کئے جانے والے سوالات کے جوابات بھی دیئے۔

دعوتِ  اسلامی کی جانب سے 17جنوری 2022ء کو صاحبزادیِ عطار سلمھاالغفار اور نگران عالمی مجلس مشاورت اسلامی بہن نے دار السنہ گلشنِ اقبال میں ہونے والے کورس میں شرکت کی جس میں صاحبزادیِ عطار نے اسلامی بہنوں کو تربیتی مدنی پھول پیش کرتے ہوئے شرعی پردے کرنے کا ذہن دیا اور انہیں باقاعدگی سے ہفتہ وار سنتوں بھرے اجتماع میں شرکت کرنے کی ترغیب دی ۔ 

دعوتِ اسلامی کے تحت  16جنوری 2022ءبروز اتوار پاکستان مجلس مشاورت نگران اسلامی بہن نے اسلام آباد سٹی کی زون تا ڈویژن سطح تک کی نگران اسلامی بہنوں کا جامعۃ المدینہ گرلز G-7 میں مدنی مشورہ لیا۔

مبلغۂ دعوت اسلامی نے ماہ ِ رمضان کے نکات سمجھائے اور اسلامی بہنوں کو سالانہ ڈونیشن کے انفرادی و اجتماعی اہداف دیئے ۔ مزید ہفتہ وار سنتوں بھرے اجتماع میں شرکت کرنے اور مدنی مذاکرہ دیکھنے کا ذہن دیا ۔

پچھلے دنوں اسلام آبادG-11 میں قائم دعوتِ اسلامی کے مدنی مرکز فیضانِ مدینہ میں سانحہ مری کے متاثرین کے لئے قرآن خوانی و ایصال ثواب اجتماع کا اہتمام کیا گیا جس میں بڑی تعداد میں عاشقانِ رسول اور شخصیات نے شرکت کی۔

رکن شوریٰ و نگران اسلام آباد مشاورت حاجی وقار المدینہ عطاری نے اجتماعِ پاک میں فکر آخرت کے موضوع پر سنتوں بھرا بیان فرمایا اور آخرت کی تیاریوں کا ذہن دیتے ہوئے نمازوں کی پابندی کا ذہن دیا۔

رکن شوریٰ نے شرکا کو دعوتِ اسلامی کے دینی کاموں میں حصہ ملانے ، مساجد کو آباد کرنے اور ہفتہ وار سنتوں بھرے اجتماع میں شرکت کرنے کی ترغیب بھی دلائی۔

اختتام پر مرحومین کے لیے فاتحہ خوانی اور دعائے مغفرت کا سلسلہ بھی ہوا ۔ 

دعوتِ اسلامی کا فروغ علم ِ دین کی طرف ایک اور قدم۔پچھلے دنوں شعبہ جامعۃ المدینہ بوائز کے تحت جامعۃ المدینہ فیضان مدینہ کراچی (انسٹیٹیوٹ اسلامک ایجوکیشن) میں ’’اصول جرح و تعدیل‘‘ کورس کا انعقاد کیا گیا جس میں جامعۃ المدینہ بوائز کے 35 سے زائداساتذۂ کرام سمیت تخصص فی الحدیث ( سالِ اول و دوم) کے طلبۂ کرام نے شرکت کی۔

اس کلاس میں شیخ الحدیث استاذالعلماء مولانا محمد حسان عطاری مدنی شرکا کی تربیت کرتے ہوئے اپنے علمی و ادبی ملفوظات سے نوازتے ہیں۔

19 جنوری 2022ء بروز بدھ اس کورس کےاختتام پر ایک نشست کا اہتمام کیا گیا جس میں شرکائے کورس سمیت دیگر اہم ذمہ داران نے شرکت کی۔

دورانِ نشست مولانا گل رضا عطاری مدنی (نگرانِ شعبہ تعلیمی امور) نے طلبۂ کرام کی تربیت کرتے ہوئے انہیں مدنی پھولوں سے نوازا اور اس کورس میں شرکت کرنے والے اساتذہ ٔکرام کے لئے دُعا کروائی۔

کلاس کے اختتام پر مولانا گل رضا عطاری مدنی (نگرانِ شعبہ تعلیمی امور) نے طلبۂ کرام کو قیمتی مدنی پھولوں سے نوازا اور اس کورس میں شرکت کرنے والے اساتذۂ کرام کے لیے دُعا فرمائی-

اس موقع پر نگرانِ شعبہ جامعۃ المدینہ مولاناظفر بشیر عطاری مدنی، مولانا سید ساجد عطاری مدنی ( رکن مجلس کراچی ریجن جامعات المدینہ ) اور مولانا مزمل عطاری مدنی (تخصصات و دورۂ حدیث ذمہ دار) موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری) 

دعوتِ اسلامی کے شعبہ جامعۃ  المدینہ بوائز کے تحت 19 جنوری 2022ء بروز بدھ مولانا شاہدعطاری مدنی (رکن ِمجلس جامعات المدینہ بوائز عربی لینگویج) کا کراچی کے مختلف جامعات المدینہ میں شیڈول رہا۔

اس دوران مولانا شاہدعطاری مدنی نے مولانامحمد صدیق عطاری مدنی (ناظم اعلی جامعات المدینہ کراچی ریجن) کے ہمراہ جامعۃ المدینہ فیضانِ اولیاء نیول کالونی کراچی کا وزٹ کیا جہاں انہوں نے عربی لینگویج کے حوالے سے بھرپور انداز میں طلبۂ کرام کی ذہن سازی کی۔

بعدازاں ذمہ داران نے جامعۃ المدینہ فیضانِ اسلام بلدیہ ٹاؤن کراچی کا بھی دورہ کیا جس دوران انہوں نے اساتذۂ کرام و طلبۂ کرام کی تعلیمی، تنظیمی، اخلاقی اور انتظامی لحاظ سے تربیت کی۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے زیرِ اہتمام 18 جنوری 2022ء بروز منگل نگرانِ شعبہ جامعۃ المدینہ بوائز پاکستان مولانا ظفر بشیر عطاری مدنی کا شعبے کے دینی کاموں کے سلسلے میں کراچی کا شیڈول رہا۔

اس دوران نگرانِ شعبہ نے سیّد محمد ساجد عطاری مدنی (رکن مجلس کراچی جامعات المدینہ) اور سیّد محمد ناظم لطیف عطاری مدنی (رکن مجلس صوبہ پنجاب جامعات المدینہ بوائز) کے ہمراہ جامعۃ المدینہ فیضانِ محمدی گلشن معمار کراچی کا وزٹ کیا۔

نگران شعبہ نے وہاں موجود اساتذۂ کرام و طلبۂ کرام کے درمیان مدنی مشورے کا انعقاد کیا جس میں طلبہ کے تعلیمی معیار اور رزلٹ کو بہتر بنانے کے لئے مدنی پھول دیئے۔بعدازاں مدنی مشورے میں شریک اساتذۂ کرام و طلبۂ کرام کو کنزالمدارس بورڈ کے حوالے سے بریفنگ بھی دی گئی۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)