پچھلے  دنوں دعوتِ اسلامی کے زیرِ اہتمام تھانہ عیسیٰ خیل میں اجتماع میلاد کا انعقاد ہوا جس میں محکمۂ پولیس کے افسران و اہلکاروں نے شرکت کی ۔

شعبہ رابطہ برائے شخصیات کے ذمہ دار اسلامی بھائی نے سنتوں بھرا بیان کیا اور حاضرین کو نماز کی پابندی کا ذہن دیتے ہوئے انہیں ملک و بیرون ملک میں ہونے والی دعوت اسلامی کی دینی و فلاحی خدمات کےحوالے سے معلومات فراہم کیں۔بعدازاں ہفتہ وار سنتوں بھرے اجتماع آنے کی دعوت دی جس پر شرکا نےاچھی اچھی نیتوں کا اظہار کیا۔اس موقع پر ایس ایچ او عیسیٰ خیل،فیض حمید خان روکھڑی ودیگرتفتیشی افسران،محرر اسٹاف اور پولیس اہلکار بھی وہاں موجود تھے۔(رپورٹ: کوآرڈینیشن ڈیپارٹمنٹ تحصیل عیسیٰ خیل/ڈسٹرکٹ میانوالی سرگودھا ڈویژن، کانٹینٹ:رمضان رضا عطاری)

دعوت اسلامی کا فلاحی شعبہ FGRFپریشان حال اور دُکھی انسانیت کے ساتھ ہمدردی کے لئے ہر وقت پیش پیش رہتا ہے۔ FGRF ابھی سیلاب متاثرین کی امداد میں مصروف تھا کہ عنقریب سردی کے موسم کا بھی آغاز ہونے جارہا ہے۔

FGRF نے اس صورتحال سے بھی نمٹنے کی تیاری کرلی ہے اور ضرورت مندوں کو سردی سے بچانے کے لئے کمبل (Blanket)تیار کرنا شروع کردیا ہے۔ عاشقان رسول بھی مالی طور پر اس فلاحی کام میں FGRFکی مدد کرسکتے ہیں ۔

ڈونیشن دینے والے اسلامی بھائی ایک کمبل کی قیمت 800 روپے FGRF کو جمع کرواسکتے ہیں۔

23 اکتوبر 2022ء کو شعبہ پروفیشنلز فورم (دعوت اسلامی) کے زیر اہتمام عالمی مدنی مرکز فیضان مدینہ کراچی میں پروفیشنلز اجتماع کا انعقاد کیا گیا جس میں مختلف اداروں سے تعلق رکھنے والے پروفیشنلز حضرات نے شرکت کی۔

نگران ویلز یوکے حاجی سید فضیل رضا عطاری نے سنتوں بھرا بیان کیا اور شرکا کو انٹرنیشنل سطح پر ہونے والی دعوت اسلامی کی خدمات کے بارے میں بریفنگ دیتے ہوئے انہیں دنیاوی تعلیم کے ساتھ ساتھ دینی تعلیم بھی حاصل کرنے کی ترغیب دلائی گئی۔

دعوت اسلامی کے زیر اہتمام 27 اکتوبر 2022ء کو ملتان کے ایک ہال میں عظیم الشان پروفیشنلز اجتماع کا انعقاد کیا گیا جس میں مختلف شعبے سے وابستہ پروفیشنلز حضرات و شخصیات نے کثیر تعداد میں شرکت کی۔

نگران مجلس شعبہ پروفیشنلز محمد ثوبان عطاری نے ”سیرت مصطفٰے ﷺ“ کے موضوع پر سنتوں بھرا بیان کیا اور اجتماع میں شریک حضرات کو اپنا کچھ نہ کچھ وقت دینی کاموں میں بھی صرف کرنے کی ترغیب دلائی۔

شعبہ تعلیم (دعوت اسلامی ) کےزیر اہتمام 28 اکتوبر 2022ء کو یونیورسٹی آف ہری پور میں اجتماع میلاد کا انعقاد کیا گیا جس میں یونیورسٹی کی انتظامیہ، پروفیسرز اور اسٹوڈنٹس نے شرکت کی۔

مبلغ دعوت اسلامی توصیف رضا عطاری نے ”سیرت مصطفٰےﷺ“ کے موضوع پر سنتوں بھرا بیان کیا اور شرکا کو دینی تعلیمات پر عمل کرتے ہوئے زندگی گزارنے کی ترغیب دلائی۔

دعوت اسلامی کے شعبہ تعلیم کے زیر اہتمام 27 اکتوبر 2022ء کو خواجہ محمد صفدر میڈیکل کالج سیالکوٹ میں عید میلاد النبی ﷺ کے سلسلے میں اجتماع میلاد کا انعقاد کیا گیا جس میں کالج سے پروفیسرز، ڈاکٹرز، پرنسپل، عہدیداران اور میڈیکل کے اسٹوڈنٹس نے شرکت کی۔

نگران مجلس شعبہ پروفیشنلز محمد ثوبان عطاری نے سنتوں بھرا بیان کیا اور شرکا کو دنیاوی تعلیم کے ساتھ ساتھ دینی تعلیم بھی حاصل کرنے کی ترغیب دلائی۔

27 اکتوبر 2022ء کو شعبہ تعلیم (دعوت اسلامی) کےزیر اہتمام قائد اعظم میڈیکل کالج بہاولپور میں سیرت النبی ﷺ کانفرنس منعقد ہوا جس میں کالج کے پرنسپل، مختلف ڈیپارٹمنٹ کے ڈین (Dean) ایچ او ڈی (HOD) اور کثیر تعداد میں ڈاکٹر اور میڈیکل اسٹوڈنٹس نے شرکت کی۔

نگران مجلس شعبہ پروفیشنلز فورم محمد ثوبان عطاری نے ”سیرت مصطفٰے ﷺ“ کے موضوع پر سنتوں بھرا بیان کیااور شرکا کو سنت نبوی ﷺ پر عمل کرتے ہوئے انسانیت کی خدمت کرنے کی ترغیب دلائی۔

28 اکتوبر 2022ء کو دعوت اسلامی کے شعبہ تعلیم کے زیر اہتمام سیالکوٹ میڈیکل کالج میں میلاد اجتماع کا انعقاد کیا گیا جس میں کالج کی انتظامیہ، پروفیسرز اور میڈیکل سے وابستہ افراد و شخصیات نے شرکت کی۔

نگران مجلس شعبہ پروفیشنلز فورم محمد ثوبان عطاری نے سنتوں بھرا بیان کرتے ہوئے شرکا کو ایک دوسرے کے ساتھ ہمدردری کرنے، سیرت مصطفٰے ﷺ کے مطابق زندگی گزارنے اور انسانیت کی خدمت کرنے کی ترغیب دلائی۔

پچھلے دنوں دعوت اسلامی کے نگران ڈویژن راجہ جنگ مشاورت محمد شاہ نواز عطاری کی والدہ رضائے الہٰی سے انتقال کرگئیں۔

مرحومہ کی نماز جنازہ رکن شوریٰ حاجی یعفور رضا عطاری کی امامت میں راجہ جنگ میں ادا کی گئی۔ نماز جنازہ میں اہل علاقہ، عزیز واقارب اور دعوت اسلامی کے ذمہ داران شریک تھے۔

گزشتہ دنوں دعوت اسلامی کے شعبہ چائنیز ڈیپارٹمنٹ کے اسلامی بھائیوں نے رکن شوریٰ حاجی بلال عطاری سے ملاقات کی۔

ملاقات میں جامعۃ المدینہ میں چائنیز لینگویج کا پریڈ رکھنے، ایڈوانس چائنیز کورس میں مزید ایڈمشنز اور دیگر ممالک میں چائنیز لوگوں تک نیکی کی دعوت کیسے پہنچائی جائے اس پر کلام ہوا اور نئے اہداف طے کئے گئے۔ 

اسلامک ریسرچ سینٹر (المدینۃ العلمیہ) دعوت اسلامی کے اسکالرز نے کراچی میں ماہر رضویات پروفیسر ڈاکٹر مجید اللہ قادری صاحب دامت بَرَکَاتُہمُ العالیہ سے ان کی رہائش گاہ پر ملاقات کی۔ اسکالرز نے ان کی والدہ کے انتقال پر امیر اہل سنت علامہ محمد الیاس عطار قادری دامت بَرَکَاتُہمُ العالیہ کاتعزیتی پیغام سنایا اور مرحومہ کے ایصالِ ثواب کے لئے فاتحہ خوانی کی۔

اس کے بعد اسکالرز نے پروفیسر صاحب کو دعوت اسلامی کے اسلامک ریسرچ سینٹر المدینۃالعلمیہ کی تحریری، تصنیفی اور تعلیمی خدمات سے متعلق تفصیلاً بریفنگ دیتے ہوئے المدینۃالعلمیہ کی کتابیں، رسالے، ماہنامہ فیضان مدینہ اردو/ انگلش/ عربی/ ماہنامہ خواتین کے مجلات، شعبہ بچوں کی دنیا کی تحریر کردہ چند اسلامی کہانیوں کے سیٹ اور شعبہ دعوت اسلامی کے شب و روز کی جانب سے جاری کردہ رکن شوریٰ مولانا حاجی شاہد عطاری مدنی صاحب کے لکھے دو رسالے (تذکرہ خلیفہ اعلی حضرت مفتی عبدالواحد صاحب، تذکرہ مستفتیِ اعلی حضرت مفتی عبداللہ ٹونکی صاحب) تحفے میں پیش کیے۔

پروفیسر مجید اللہ قادری صاحب نے اس موقع پر کہا کہ دعوت اسلامی اس وقت جو کام کر رہی ہے وہ نہایت قابل ستائش ہے۔ ہم دعوت اسلامی کی خدمات پر انہیں خراج تحسین پیش کرتے ہیں اور اس کے امیر مولانا الیاس عطار قادری صاحب کے لئے دعا گو ہیں کہ اللہ پاک انہیں صحت والی لمبی زندگی عطا فرمائے۔ آخر میں پروفیسر صاحب نے بانی دعوت اسلامی علامہ الیاس عطار قادری صاحب دامت برکاتہم العالیہ کے نام ایک جوابی ویڈیو پیغام ریکارڈ کروایا جس میں امیر اہلسنت دامت برکاتہم العالیہ کا شکریہ ادا کیا اور اسکالرز کے ہاتھ امیر اہلسنت کے لیے کتب کا تحفہ بھی بھجوایا۔ اس موقع پر پروفیسر مجید اللہ قادری صاحب کے صاحبزادے محمد موسیٰ قادری بھی موجود تھے۔

المدینۃالعلمیہ کے اسکالرز میں مولانا کاشف سلیم عطاری مدنی (ڈائریکٹر شعبہ اعلی حضرت المدینۃ العلمیہ)، مولانا ناصر جمال عطاری مدنی (ڈائریکٹر حدیث ڈیپارٹمنٹ المدینہ العلمیہ)،مولانا گل فراز عطاری مدنی (عربی کتابوں کے سینئر ترجمہ نگار)، ایم فل اسکالر مولانا آصف جہانزیب عطاری مدنی(رکن ڈپارٹمنٹ بچوں کی دنیا)، مولانا عمر فیاض عطاری مدنی(ڈائریکٹر دعوت اسلامی نیوز ویب سائٹ)، مولانا بلال سعید عطاری مدنی (رکن ادارتی مجلس ماہنامہ خواتین دعوت اسلامی) اور اسلامک ریسرچ سینٹر المدینۃالعلمیہ کے لائبریری انچارج مولانا محمد تصور عطاری مدنی شامل تھے۔

پروفیسر مجید اللہ قادری صاحب نے ان تمام اسکالرز کا شکریہ ادا کیا اور تحفے پیش کئے۔

دعوت اسلامی کی مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی سے شعبہ چائنیز ڈیپارٹمنٹ کے اسلامی بھائیوں نے ملاقات کی۔

نگران شوریٰ کو شعبہ چائنیز ڈیپارٹمنٹ کے نگران اسلامی بھائی نے اب تک کی کارکردگی پیش کی اور آئندہ کے اہداف کے بارے میں بتایا۔ ملاقات میں ہفتہ وار اجتماع کا آغاز، دیگر ممالک کے ڈیپارٹمنٹ کے دینی کاموں کے اہداف پر مشورہ بھی ہوا جس پر اسلامی بھائیوں نے اچھی اچھی نیتوں کا اظہار کیا۔