گزشتہ دنوں اسپیشل پرسنز ڈیپارٹمنٹ کے ذمہ داراسلامی بھائیوں نے دینی کاموں کے سلسلے میں مانگا منڈی لاہور کا دورہ کیا جہاں انہوں نے اسپیشل پرسنز سے ملاقات کی اور ان کے درمیان سیکھنے سکھانے کا حلقہ لگایا۔

اس موقع پر پاکستان سطح کے ذمہ دار نگرانِ اسپیشل پرسنز ڈیپارٹمنٹ محمد حنیف عطاری اور اقبال ٹاؤن لاہور ذمہ دار محمد ابرار حسین عطاری نے اسپیشل پرسنز کی تربیت کرتے ہوئے انہیں 4، 5، 6 فروری 2022ء کو مدنی قافلے میں سفر کرنے کا ذہن دیا جس پر اسپیشل پرسنز نے اچھی اچھی نیتوں کا اظہارکیا۔

بعدازاں اسپیشل پرسنز کا مدنی مشورہ بھی ہوا جس میں آئندہ کے اہداف کے حوالے سےذمہ داران نے مشاورت کی۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں اسپیشل پرسنز ڈیپارٹمنٹ دعوت اسلامی  کے تحت ذمہ داراسلامی بھائیوں نے کچا جیل روڈ چونگی امرسدھو لاہور میں اسپیشل پرسنز اور اُن کے سرپرستوں سے ملاقات کی۔

اس موقع پر مبلغِ دعوتِ اسلامی عبدالوارث عطاری نے اسپیشل پرسنز کو نیکی کی دعوت دیتے ہوئے پانچوں نمازیں باجماعت ادا کرنے اور ہفتہ وار سنتوں بھرے اجتماع میں شرکت کرنے نیز ہفتہ وا ر مدنی مذاکرہ دیکھنے کے حوالے سے ذہن سازی کی۔

بعدازاں اسپیشل پرسنز کے سرپرستوں کو اسپیشل پرسنز ڈیپارٹمنٹ کا تعارف پیش کیا گیا جس پر انہوں نے دعوتِ اسلامی کی کاوشوں کو سراہا۔(رپورٹ:محمد سمیر ہاشمی عطاری اسپیشل پرسنز ڈیپارٹمنٹ، کانٹینٹ:غیاث الدین عطاری)

پچھلے دنوں دعوتِ اسلامی کے وفد کی ڈپٹی ڈائریکٹر CPEC حویلیاں تاتھاکوٹ سیکشن محمد نواز سے ملاقات ہوئی جس دوران وفد نے انہیں شعبہ خدام المساجد والمدارس سمیت دیگر شعبہ جات کا تعارف پیش کیا۔

اس کے علاوہ ذمہ داران نے مختلف اہم امور پر گفتگو کی جس پر ڈپٹی ڈائریکٹر نے دعوتِ اسلامی کے ساتھ مکمل تعاون کی یقین دہانی کروائی۔(رپورٹ:شعبہ خدام المساجد والمدارس، کانٹینٹ:غیاث الدین عطاری)

گزشتہ دنوں کراچی کے ابراہیم حیدری ٹاؤن میں قائم جامع مسجد محمدی میں شعبہ مدنی کورسز دعوتِ اسلامی کے زیرِ اہتمام 7 دن پر مشتمل فیضانِ نماز کورس رہائشی کا انعقاد کیا گیا جس میں اسٹوڈنٹس اور تاجران سمیت دیگر اسلامی بھائیوں نے شرکت کی۔

31 جنوری 2022ء بروز پیر اس کورس کے اختتام پر سنتوں بھرے اجتماع کا انعقاد ہوا جس میں اراکینِ مرکزی مجلسِ شوریٰ حاجی محمد امین عطاری اور حاجی محمد امین قافلہ عطاری کی آمد ہوئی۔

اس دوران رکنِ شوریٰ حاجی محمد امین عطاری نے باجماعت نماز پڑھنے کی فضیلت کے حوالے گفتگو کرتے ہوئے شرکا کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔

اس موقع پر رکنِ کراچی مشاورت مدنی کورسز ذمہ دار صابر عطاری، نگرانِ ڈسٹرکٹ حاجی فضیل عطاری اورنگران ِٹاؤن شفیق عطاری سمیت دیگر ذمہ داران بھی موجود تھے۔(رپورٹ: قاری محمد ناصر رضا عطاری شعبہ مدنی کورسز ڈسٹرکٹ ذمہ دار، کانٹینٹ:غیاث الدین عطاری)

پچھلے دنوں قائد آباد ٹاؤن کراچی میں قائم حنفیہ مسجد میں شعبہ مدنی کورسز دعوتِ اسلامی کے تحت جزوقتی فیضانِ نماز کورس کا اہتمام کیا گیا جس میں اسٹوڈنٹس اور تاجران سمیت دیگر اسلامی بھائیوں نے شرکت کی۔

31 جنوری 2022ء بروز پیر اس کورس کے اختتام پر سنتوں بھرے اجتماع کا انعقاد ہوا جس میں شرکا سمیت مقامی اسلامی بھائیوں نے شرکت کی۔

اس دوران مرکزی مجلسِ شوریٰ کے رکن حاجی فضیل رضا عطاری نے رجب المرجب کے روزے رکھنے اور نماز کی پابندی کرنے کے حوالے سے مدنی پھول دیئے اور شرکا کو دعوتِ اسلامی کے 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔

اس موقع پر رکنِ کراچی مشاورت مدنی کورسز ذمہ دار صابر عطاری، نگرانِ ڈسٹرکٹ حاجی فضیل عطاری اورنگران ِٹاؤن شفیق عطاری سمیت دیگر ذمہ داران بھی موجود تھے۔(رپورٹ: قاری محمد ناصر رضا عطاری شعبہ مدنی کورسز ڈسٹرکٹ ذمہ دار، کانٹینٹ:غیاث الدین عطاری)

دعوتِ اسلامی کے تحت 31 جنوری 2022ء بروز پیر شاہدرہ لاہور میں ذمہ داران کی تربیت کے لئے میٹنگ کا انعقاد کیا گیا جس میں شعبہ اسلامی بھائیوں کے مدرسۃ المدینہ کے ٹاؤن ذمہ دار اسلامی بھائیوں نے شرکت کی۔

اس میٹنگ میں نگرانِ ٹاؤن حاجی ارشد عطاری نے نفل روزے رکھنے، نمازِ تہجد ادا کرنے اور قراٰنِ پاک پڑھنے کے حوالے سے گفتگو کی۔اس کے علاوہ نگرانِ ٹاؤن نے شعبے کے دینی کاموں کی کارکردگی کا جائزہ لیتے ہوئے اہم نکات پر مشاورت کی۔ (رپورٹ: احمد رضا عطاری لاہور ڈویژن تفتيش ذمہ دار، کانٹینٹ:غیاث الدین عطاری)

پنجاب پاکستان کے شہر فیصل آباد مدینہ ٹاؤن میں قائم مدنی مرکز فیضان مدینہ میں31 جنوری 2022ء بروز پیر دعوت اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے بذریعہ زوم نگرانِ ریجن آفسز کے ذمہ دارا ن کامدنی مشورہ کیا۔

اس دوران رکنِ شوریٰ نے پچھلی کار کردگیوں کا جائزہ لیتے ہوئے آئندہ کے اہداف طے کئے اور ہفتہ وار سنتوں بھرے اجتماع کا جائزہ لیا نیز ہفتہ وار سنتوں بھرے اجتماع میں شرکت کرنے والے اسلامی بھائیوں کی تعداد کو بڑھانے کے حوالے سے اقدامات و کوشش کرنے کے بارے میں مدنی پھول دیئے۔

واضح رہے دیگر ذمہ داران سمیت صوبۂ پنجاب مشاورت کے نگران و رکنِ شوریٰ حاجی محمد اسلم عطاری بھی بذریعہ لنک اس مشورے میں شریک تھے۔(رپورٹ:عبدالخالق عطاری نیوز فالواپ ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں پاکستان کے شہر حیدرآباد آفندی ٹاؤن میں قائم مدنی مرکز فیضانِ مدینہ میں ایک میٹنگ منعقد ہوئی جس میں شعبہ مدرسۃ المدینہ بوائز کے حیدرآباد میٹروپولیٹن، حیدرآباد ڈویژن، بھنبھور ڈویژن کے صوبائی ذمہ دار اور ڈویژن ناظمین سمیت دیگر اہم ذمہ داران نے شرکت کی۔

اس مدنی مشورے میں مرکزی مجلسِ شوریٰ کے رکن حاجی قاری محمد ایاز عطاری نے ٹائم مینجمنٹ، Self motivation، self Confidence اور مدارس کی صفائی ستھرائی سمیت دیگر مختلف موضوعات پر کلام کرتے ہوئے اُن کی دینی، اخلاقی اور تنظیمی اعتبار سے تربیت فرمائی۔ (کانٹینٹ:غیاث الدین عطاری)

دعوت اسلامی کے شعبہ مدنی کورسز کے زیر اہتمام جامع مسجد عظیم پلازہ شومارکیٹ گارڈن کراچی میں 21 جنوری 2022ء سے 27 جنوری 2022ء تک سات دن کا ”فیضان نماز کورس“ منعقد ہوا جس میں کم و بیش 50 مقامی اسلامی بھائیوں نے شرکت کی۔

کورس کے اختتام پر محفل نعت کا انعقاد کیا گیا جس میں شعبہ فیضان گلوبل ریلیف فاؤنڈیشن کے نگران شفاعت علی عطاری نے سنتوں بھرا بیان کیا اور شرکا کو مدنی قافلے میں سفر کرنے، 12 دینی کاموں میں شرکت کرنے اور کورس میں نماز کے ظاہری و باطنی آداب کے متعلق جو کچھ سیکھا ہے اُس پر عمل کرتے ہوئے نماز پڑھنے کی ترغیب دلائی۔ کورس کے اختتام پر کورس مکمل کرنے والے اسلامی بھائیوں کو سرٹیفکیٹ بھی دیا گیا جبکہ شرکا نے کورس کے انعقاد پر خوشی کا اظہار کیا اور آئندہ بھی اسی طرح کےکورسز منعقد کرنے کی خواہش ظاہر کی۔

اس موقع پر شعبہ مدنی کورسز کے ڈسٹرکٹ ذمہ دار امتیاز عطاری، ڈویژن ذمہ دار توفیق عطاری، شعبہ مدنی کورسز کے ٹاؤن ذمہ دار سید ثاقب عطاری اورشعبہ مدنی کورسز کے ذویژن ذمہ دار و معلم مولانا جاوید عطاری مدنی بھی موجود تھے۔

30 جنوری 2022ء بروز اتوار دعوتِ اسلامی کے تحت گلشنِ اقبال کراچی میں شعبہ کفن دفن ذمہ داران کے سلسلے میں مدنی مشورے کا انعقاد ہوا جس میں ڈویژن مشاورت کے اسلامی بھائیوں نے شرکت کی۔

اس مدنی مشورے میں ٹاؤن ذمہ دار شعبہ کفن دفن سلیمان عطاری نے شعبے کے دینی کاموں کے حوالے سے گفتگو کرتے ہوئے مختلف امور پر تبادلۂ خیال کیا۔ اس کے علاوہ شعبہ کفن دفن کے ذمہ داران کی تقرری کے حوالے سے چند اہم نکات پرکلام کیا۔(رپورٹ:عزیر عطاری رکن ِشعبہ کفن دفن، کانٹینٹ:غیاث الدین عطاری) 

دعوتِ اسلامی کےشعبہ کفن دفن کے زیرِ اہتمام 31 جنوری 2022ء بروز پیر عالمی مدنی مرکز فیضانِ مدینہ کراچی میں سیکھنے سکھانے کا حلقہ منعقد ہوا جس میں 63 دن کا کورس کرنے والے اسلامی بھائیوں نے شرکت کی۔

دورانِ حلقہ ڈسٹرکٹ ذمہ دار یاسر عطاری نے حلقے میں شریک اسلامی بھائیوں کو غسل میت دینے کی فضیلت و اہمیت بیان کرتے ہوئےغسلِ میت دینے، کفن کاٹنے اور پہنانے کا طریقہ سکھایا۔

بعدازاں ذمہ دار نے شرکائے حلقہ کو دعوتِ اسلامی کے 12 دینی کاموں میں شمولیت اختیار کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:عزیر عطاری رکن ِشعبہ کفن دفن، کانٹینٹ:غیاث الدین عطاری)

گزشتہ دنوں دعوتِ اسلامی کے شعبہ کفن دفن کےتحت  جامع مسجد گلستان کورنگی ساڑھے پانچ میں کفن دفن کورس منعقد ہوا جس میں مقامی اسلامی بھائیوں نے شرکت کی۔

دورانِ کورس ٹاؤن ذمہ دار لانڈھی آصف عطاری نے کورس میں شریک اسلامی بھائیوں کو غسل میت دینے کی فضیلت و اہمیت بیان کرتے ہوئے چند ضروری مسائل سکھائے اور انہیں دعوتِ اسلامی کے 12 دینی کاموں میں شمولیت اختیار کرنے کا ذہن دیا۔(رپورٹ:عزیر عطاری رکن ِشعبہ کفن دفن، کانٹینٹ:غیاث الدین عطاری)